Rita Ora, është ankuar se ajo është përfolur vazhdimisht për shkak të famës së saj, ndërsa ka shtuar se është krenare që është një “femër në këtë industri” e cila ka “aftësinë për të pasur një zë”, përcjellë KultPlus.

Këngëtarja shqiptare, e cila ka realizuar e hitin e saj të fundit “Anywhere”, shpesh gjatë karrierës së saj muzikore është përfolur në media edhe për romancat e saj me burra të famshëm, si Calvin Harris, Rob Kardashian dhe Ricky Hil. Lidhur me këtë Rita është shprehur se është e padrejtë që ajo është gjykuar më shumë krahasuar me gra të tjera në botën e argëtimit.

Ajo është cituar nga gazeta Daily Star ku kishte thënë se: “Kam qenë viktimë e thashethemeve dhe ende jam, kjo është bota ku unë jetoj, e tillë është por mund të mbijetosh edhe përmes saj, unë kam dashur ta bëj pikërisht këtë dhe të jem femër në këtë industri duke e pasur aftësinë e të pasurit një zë “, kishte thënë Rita.

Megjithëse Rita kohëve të fundit, ka të zgjeruar horizontin e saj duke u bërë edhe një zë për njerëzit e rëndomtë. Filantropia e saj u nxit nga një udhëtim në Afrikë për të ndihmuar fëmijët në nevojë. Pas këtij udhëtimi ajo ishte shprehur, “Gjatë udhëtimit në Afrikë, unë takova fëmijë që jetonin në fshatra që nuk kanë asnjë ide se çfarë po ndodh rreth botës, ata mendonin vetëm për mbijetesën brenda familjeve të tyre dhe unë pas kësaj fillova ta shikoj jetën shumë më ndryshe, dhe desha të bëhem një zë për ata njerëz”, ishte shprehur tutje Rita Ora.

Këngëtarja 27-vjeçare po punon gjithashtu me Absolut në një fushatë të quajtur “The Open Mic Project”. Ajo do të ndaj tregimet e fansave të saj në këngën e cila do të titullohet “Proud” dhe do të dalë në javën e Grammys./ KultPlus.com