Rita Ora së fundmi ka kapur vëmendjen e të gjitha mediave me dukjen e saj mahnitëse, ndërsa edhe mbrëmë ka mahnitur publikun me një fustan shumëngjyrësh në studion e “AOL Build”, në New York, shkruan KultPlus.

Ajo mbrëmë ka kapur vëmendjen e fotografëve dhe një numri të madh fansash që kishin ardhur për ta takuar. Ajo në këtë ngjarje paraqitet më një fustan të gjatë të mbuluar me ngjyra të ndryshme, mes të verdhës, blusë, të kuqes dhe ngjyrës rozë.

Pas hitit të suksesshëm “Anywhere”, Rita është komentuar mjaft shumë edhe për dukjen e saj të veçantë në 13 veshje në EMA Awards 2017. Duke folur në këtë ngjarje, Rita gjatë intervistës në AOL Build theksoi se ishte ndjerë e habitur nga vëmendja që ajo mori me paraqitjen e saj në qilimin e kuq në MTV EMAs këtë nëntor.

“Unë isha si … do ta moderoj tërë shfaqjen. Ishte një shfaqje 2 orëshe, dhe unë ndihesha shumë nervoz”, ka thënë Rita gjatë intervistës. “Gjëja e fundit që doja të bëja ishte, të shtrëngohem në një fustan në qilimin e kuq. Unë isha duke ndryshuar dukjen time gati 150 herë gjatë shfaqjes. Çdo kush më thoshte si “je çmendur” – dhe pastaj shiko çfarë ndodhi!”, ka thënë Rita gjatë kësaj interviste.
Po ashtu, Rita zbuloi detaje me bashkëpunimin e saj me The Open Mic Project për të inkorporuar tregimet e fansave në një këngë të re.

“Është shumë e vështirë të jesh një këngëtare, posaçërisht një këngëtare femër, sidomos tani që gjithçka është më e ndjeshme dhe bota po kalon në një kohë shumë të vështirë që kur thua diçka duhet të sigurohesh nëse e kë thënë atë në mënyrën e duhur”, tha Rita gjatë intervistës. “Sot gjithçka keqinterpretohet shumë lehtë, dhe unë me të vërtetë dëshiroj që t’ju tregoj njerëzve që është mirë të jesh i hapur dhe të shprehesh”.

Më pas Rita është paraqitur me një kostum të zi, derisa është mirëpritur nga një numër i madh fansash, me të cilët ka ndarë edhe fotografi./ KultPlus.com