Këngëtarja shqiptare me famë botërore, Rita Ora, këto ditë po qëndron në Sydney të Australisë.

28-vjeçarja rrëmbeu vëmendjen e të gjithëve me paraqitjen e saj glamuroze në tapetin e kuq të “Cartier’s Precious Cargo Party” në Sydney.

Mirëpo falë një moti me erë, veshja e saj nuk ishte e qëndrueshme, ndonëse u bë më atraktive, shkruan DailyMail, transmeton Telegrafi.

Era frynte në pjesën e prapme të fustanit të saj, duke bërë që këngëtarja të zbulonte më shumë se ç’duhet.

Ajo kishte veshur një fustan të shkurtër ngjyrë gri, i cili kishte material të hapur, dhe kjo ndikonte që veshja e saj të rrëmbehej lehtësisht nga era.

Rita është aktualisht në Australi për të promovuar albumin e saj të dytë, “Phoenix”, i cili u publikua një javë më parë.

Këngëtarja britanike u shfaq në çmimet ARIA në natën e së mërkurës, ku edhe interpretoi këngën e saj hit të albumit, “Let You Love Me”.

Ajo gjithashtu falënderoi fansat e saj australianë në Instagram pas shfaqjes.

“Është kaq e mahnitshme që jam këtu në Australi, nuk dua të largohem!”, shkruajti ajo. /KultPlus.com