Sipas Oikotimes dhe sipas faqes së Eurovizionit në Wikipedia, kënga “Fuego” do të përfaqësojë Qipron në Eurovizionin e vitit 2018-të dhe do të këndohet nga Eleni Foureira.

Po flitej prej kohësh se shqiptarja me origjinë nga Fieri do të përfaqësonte Qipron në Eurovizion, ndërsa ende nuk është zyrtarizuar lajmi nga faqja e Eurovizionit.

Në Instagramin e këngëtares fansat po e urojnë dhe po dëshirojnë fitoren e saj në Eurovizion, shkruan KultPlus.

Good night people…. ❤️

A post shared by Eleni Foureira (@foureira) on Jan 24, 2018 at 3:25pm PST

Eleni Foureira ka provuar disa herë ta përfaqësojë Greqinë në Eurovizion, por nuk ia ka dalë. Para disa vitesh ajo ka performuar në skenë bashkë me Ruslanën, fituesen e Festivalit Evropian të Këngës në vitin 2004.

Eleni Foureira ka lindur në Fier të Shqipërisë ndërsa ka lëvizur për në Greqi në fëmijëri, bashkë me familjen e saj. / KultPlus.com