Me datë 16 dhjetor, vajzat më të bukura të Francës do të ngjiten në skenën e Miss France.

Organizimi që këtë vit është i popullarizuar si asnjëherë më parë, tanimë po zë vend në Amerikë. Për momentin vajzat kanë udhëtuar për në Kaliforni ku po bëjnë përgatitje por edhe po e njohin kulturën lokale.

Kemi shkruar edhe më herët se një prej vajzave që garon këtë vit është edhe shqiptarja Kleofina Pnishi, Miss Provence. Ajo është në mesin e favoriteve për të fituar.

Miss Guadeloupe është më e reja prej kandidateve, sapo ka mbushur 18 vjec. Madje ajo është edhe kandidatja kryesore për të fituar, shkruan KultPlus.

Shqiptarja Pnishi është në mesin e kandidateve më të shkurtra me fizikun e saj, vetëm 1.70 e gjatë.
Ed Sheeran do të bëjë hapjen e ngjarjes e cila këtë vit ka për temë “festimin”.

Pos shqiptares, në këtë garë ka edhe vajza me prejardhje nga Algjeria, Italia, Ukraina, Kina dhe Suedia, vajza të cilat jetojnë prej vitesh në Francë. / KultPlus.com