Stefan van Dijk për herë të parë e ka vizituar Kosovën në vitin 2004.

Ndoshta as ai vetë nuk e ka menduar se pas kaq vitesh, ai do të niste jetë me familjen e tij pikërisht në Kosovë. Ai vjen nga Holanda, atje ku Dua Lipa është e para në toplistën e këngëtareve më të dëgjuara.

Dhe Stefan ka vendosur që pak nga koha e tij ta kushtojë për të shkruar rreth yjeve botërore që janë kosovare.

“Kosova – Jeta në një tokë të popstarëve” është teksti i holandezit që jeton e vepron në Kosovë. Ai shkruan për luftën e fundit në Kosovë, dhe më pas e tregon anën tjetër të Kosovës – vendit prej nga po dalin emrat e mëdhenj të muzikës, përcjellë KultPlus.

“Nga ky vend është edhe Rita Ora dhe Era Istrefi. Jo keq për një vend me 1.8 milion banorë” shkruan Stefan, i cili monitoron tri faqe të cilat tregojnë për të vërtetën mbi Kosovën, për të treguar se vend i bukur dhe me potencial është Kosova.

Tekstin e plotë të Stefan mund ta gjeni në një prej web-faqeve ku prezantohen potencialet evropiane dhe ku dalin zërat e rinj të opinionistëve mbi tema të ndryshme – Emerging Europe. / KultPlus.com