Vera Ora, nëna e këngëtares shqiptare Rita Ora, ka postuar një fotografi në rrjetin e saj social Facebook duke shprehur solidaritet me këngëtaren Demi Lovato.

Demi mbrëmë është hospitalizuar për shkak të varësisë nga droga.

Në fotografinë e postuar nga Vera, ku shihen Rita Ora dhe Demi Lovato, shkruhet:

“Varësia është një kurvë e të gjitha sëmundjeve!!! Po shprehem kësisoj sepse kjo më shqetëson tej mase. Sa herë shoh pacientët me varësi në punën time si psikiatre, kjo sëmundje më bën të pafuqishme. Jam e sigurtë se ajo është e fuqishme, Demi, dhe shpirti i saj do të shërohet shpejt” ka shkruar Vera Ora në mbështetje të këngëtares së hiteve “Stone Cold” apo “Sober”.

Demi Lovato mbrëmë është dërguar në spital pasi ka arritur në mbidozë të drogës. Ajo është gjetur në shtëpinë e saj pa vetëdije dhe po trajtohet në Hollywood Hills atje ku edhe jeton, në Cedars-Sinai Medical Center.

#prayforDemi është hashtagu që po përdoret në rrjete sociale në mbështetje të yllit të muzikës pop, e cila dallohet për vokalin e saj të fuqishëm. / KultPlus.com