Vdekje natyrale apo komplot? Kurrë nuk është njohur arsyeja e vërtetë e vdekjes së këtyre personazheve shumë të famshëm.

E pabesueshme, shokuese dhe e habitshme. Kështu mund të përshkruhen vdekjet e disa prej VIP-ave përgjatë historisë, transmeton tch. Versioni zyrtar ekziston, por teoritë surrealiste vazhdojnë të ushqehen me fakte shumë vite pas vdekjes së tyre.

Pse? Sepse kanë qenë shumë të famshëm dhe sepse vdekja e tyre e papritur ka qenë e lidhur me situata ekstreme.

Më poshtë, zbuloni VIP-at që kanë vdekur në rrethana të çuditshme.

Diana, Princesha e Uellsit dhe Dodi Al-Fayed – Paparacët që i ndoqën u fajësuan për vdekjen e tyre, por Mohamed Al-Fayed tha se vdekja e të dyve ishte një komplot kundër princeshës së Uellsit.

Jeff Buckley – Ai dyshohet se hyri në lumin Wolf i veshur, sipas mikut të tij Keith Fonti i cili ishte me të. Trupi i tij u gjet pesë ditë më vonë.

Bruce Lee – Zyrtarisht ai vdiq nga një aneurizëm, por teoritë tregojnë për një vrasje.

Elvis Presley – Këngëtari u gjet i pavetëdijshëm në dysheme në të njëjtën ditë kur ai duhej të largohej nga Memphis. Teoritë tregojnë për vetëvrasje për shkak të numrit të sëmundjeve të pësuara.

Marilyn Monroe – Versioni zyrtar flet për një mbidozë, por të afërmit e saj raportuan se vdekja e saj kishte qenë një vrasje.

Brandon Lee – Djali i Bruce Lee vdiq gjatë filmimit të ‘The Crown’ pasi Michael Masee e qëlloi atë. Arma u ngarkua me plumba të vërtetë, kur ata duhej të ishin bosh.

Michael Jackson – Ka shumë teori në lidhje me vdekjen e tij: nga neglizhenca mjekësore në vetëvrasjen e Mbretit të Popit.

George Reeves – Shkaku zyrtar i vdekjes së tij është vetëvrasja, por shumë teori e konsiderojnë vdekjen aksidentale.

David Carradine – Ai u gjet në dhomën e tij të hotelit i varur. Versioni zyrtar flet për vetëvrasje, por teoritë tregojnë për një aksident erotik.

Amy Winehouse – Autopsia tregoi një mbidozë dhe një konsum të tepruar të alkoolit, por artistja e re po rehabilitohej, kështu që vdekja e saj është ende e mbështjellë me një atmosferë misterioze.

Jimi Hendrix – Ai vdiq i asfiksuar nga të vjellat e tij, por ish-asistenti i tij James Tappy Ëright që në vitin 2009 tha se ai u vra nga menaxheri i tij Michal Jeffery kur ndaloi së punuari me të.

Kurt Cobain – Këngëtari i Nirvanës bëri vetëvrasje me një të shtënë në kokë, por detektivi privat Tom Grant, i punësuar nga Courtney Love, tregon për një vrasje.

Brittany Murphy – Ajo vdiq nga pneumonia dhe, muaj më vonë, burri i saj u gjet gjithashtu i vdekur. Pas disa analizave mjedisore të shtëpisë dhe trupit të aktores u gjetën disa metale helmuese. Nuk dihet nëse ishte vrasje apo vetëvrasje.

Heather O’Rourke – Aktorja e re pësoi një arrest kardiak të paraprirë nga një ngatërrim zorrësh si pasojë e sëmundjes së Cronh, të cilën mjekët nuk mund ta identifikonin.

Heath Ledger – Ai vdiq nga një dehje si pasojë e kombinimit të gjashtë barnave, por kurrë nuk u bë e ditur se kush e kishte përshkruar këtë grup ilaçesh.

Natalie Wood – Ajo u rrëzua nga jahti i saj dhe u konsiderua si një vdekje aksidentale. Megjithatë, rasti u rihap me publikimin e librit të Marti Rulli, ku bashkëshorti i saj, Robert Wagner, akuzohet se është përgjegjës për vdekjen e saj.

Nicole Brown Simpson – Ish-gruaja e O.J. Simpson ishte therur me dashnorin e saj. Ylli i futbollit amerikan u akuzua për të dy vrasjet, por, pas një gjyqi të gjatë, u shpall i pafajshëm.

Tupac Shakur – Ai mori disa të shtëna nga një makinë dhe ende nuk dihet se kush e vrau. Shenjat tregojnë për luftën e bandës.

John F. Kennedy – Një snajper e goditi atë me tre të shtëna. Thuhet se ishte Lee Harvey por ka ende disa detaje që nuk përputhen.

James Dean – Ai ishte i vetmi prej atyre të përfshirë në aksident që u lëndua, të tjerët mbetën të padëmtuar./ KultPlus.com