Reperi amerikan, Nipsey Hussle, është vrarë jashtë një dyqani rrobash në Los Angeles, bëjnë të ditur mediat e atjeshme.

Los Angeles Times bën të ditur se në muzikantin është shtënë me disa plumba dhe është shpallur i vdekur me të arritur në spital. Ai ishte 33 vjeçar.

Në përleshjen me armë zjarri jashtë dyqanit Marathon Clothing në jug të Los Angelesit kanë mbetur të plagosur edhe dy persona të tjerë.

Nipsey Hussle (Foto: Amanda Edwards/Getty Images/Guliver)

“Nuk kemi asnjë të dyshuar tash për tash dhe do t’u japim detaje të tjera kur t’i kemi ato”, është thënë në njoftimin e Departamentit të Policisë në Los Angeles.

Rihanna ka qenë ndër yjet që janë shokuar me lajmin dhe e kryeson listën e atyre që kanë shprehur ngushëllime për vdekjen e reperit. / KultPlus.com