Një kor i përbërë prej 1 mijë personave ka kënduar këngën “Wake Me Up” nga Avicii gjatë një ceremonie të mbajtur kushtuar këngëtarit në një kishë në periferi të Stokholmit, përcjellë KultPlus.

Këngëtarët nga kori “Happy Voices” kanë kënduar në kishën Fildelfia të hënën dhe janë dirigjuar nga dirigjenti Gabriel Forss i cili edhe ka shpërndarë videon nga perfomanca në rrjetet sociale.

Ai ka shënuar në postimin e tij “Faleminderit Tim. Muzika jote çdo herë do të bashkojë njerëzit”.

Dj Avicii është i njohur në muzikë për hitet që ka krijuar. Emri i vërtetë i artistit suedez është Tim Bergling. Ai është gjetur ditë më parë pa jetë në Muscat, Oman. / KultPlus.com