Mbrëmjen e së shtunës është përmbyllur Festivali i 23-të Ndërkombëtar i Filmit të Shkurtër dhe Dokumentar, “Dokufest”, i organizuar si çdo herë në Prizren.
Në kuadër të festivalit, i cili zgjati nga data 2-10 gusht, për artdashësit u prezantuan rreth 250 filma të shkurtër dhe dokumentarë nga vende të ndryshme të botës, në 8 kinema të ndryshme të qytetit.
Të ftuar të shumtë morën pjesë në ceremoninë e ndarjes së çmimeve, të mbajtur në kinemanë e hapur Lumbardhi.
Filmi që zyrtarisht u nominua për Akademinë Europiane të Filmit nga “Doku Fest” u bë “The death of a hero” nga Karin Franz Korlof.
Çmimin kombëtar e mori Norika Sefa me “Like a sick yellow”. Në kategorinë e filmave ballkanik ka fituar filmi “Another Day” nga Eneos Çarka, ndërkaq “special mention” shkoj për “Stray Bodies” nga Elina Psykou.
Çmimin e publikut e mori filmi “Afterwar” i Birgitte Stærmose.
Çmimi i distribuimit ka shkuar për “reMemBer2.human” nga Durim Klaiqi, teksa çmimin “Talent doc” e ka marrë “Worker’s wings” nga Ilir Hasanaj.
Në kategorinë e filmave të shkurtër “special mention” e ka marrë “Dreams like paper boats” nga Samuel Suffren, ndërkaq kryesorin “History is written at night” nga regjisori Alejandro Alonso Estrella.
Ndërkaq në kategorinë Green Dox çmimin kryesor e mori “Apple cider vinegar” nga Sofie Benoot, ndërkaq çmimi “special mention” për “Lichens are the way” nga Ondřej Vavrečka.
Në “Truxh Dox Award” ka triumfuar “23 mile” nga Mitch McCabe, ndërkaq në filmat e kategorisë për të drejtat e njeriut u shpërblye me çmim filmi “Silence of reason” nga Kumjana Novakova.
“A fidai film” nga Kamal Aljafari u bë laureati i kategorisë së filmave ndërkombëtar, ndërkaq “special mention” e mori “What did you dream last night, parajanov?” nga Faraz Fesharaki.
Mbrëmë përfundoi Beerfest Kosova 2024, ku për katër natë radhazi solli argëtim dhe atmosferë të jashtëzakonshme për mijëra vizitorë. Në mesin e vizitorëve pati edhe turistë nga vende të ndryshme të botës të cilat sipas organizatoreve u mahnitën nga pritja dhe organizimi.
“Gjithçka ishte në nivelin e duhur dhe sipas planifikimeve tona. Jemi ndarë shumë të kënaqur duke filluar nga pjesa argëtuese, promovimi i birrave, sigurimi dhe mbarëvajtja e festivalit në përgjithësi. Ajo çfarë na bënë krenarë është edhe vlerësimi i nivelit të lartë nga vizitorët të cilët na dhanë komente te mrekullueshme Kjo tregon që ky festival çdo herë me shumë po i ofrohet organizimeve me standarde me te larta evropiane”, tha zëdhënësja e këtij edicioni Rina Zeka nga kompania Eventure.
Gjatë këtyre netëve të festivalit për argëtimin e të pranishmëve u kujdesën disa bende dhe artistë të mirënjohur siç janë: Burak Yeter, Stealth & Vinz (Hellbanianz), Yll Limani, Geasy, Sabri Fejzullahu, Sinan Vllasaliu, Kida, Buta, Ardi dhe Mirdoni, Diona Fiona, Grupi 403, Blerando, La Fazani, Gillespie, Zwada, Haliband dhe Dj Biggby.
Sikurse edhe në edicionet e kaluara, Beerfest Kosova ju dha hapësirë edhe disa artistëve të rinj Redon Berani, Young Arti, Leyla, etj.
Festivali ofroi laramani aktivitetesh për të gjithë vizitorët, duke përfshirë degustimin e birrave të shumta një kënd ushqimi dhe pije jo alkoolike, si dhe surpriza tjera të shumta.
Përkrahësit e këtij edicioni ishin: Birra Lasko (Sponzor Gjeneral), Vuse (Sponzor i Arte), Artmotion, Golden Eagle, Prishtina Mall dhe Komuna e Prishtines.
Brende dhe kompani tjera qe e bene te mundur këtë edicion ishin edhe: Birra Tuborg, Somersby, Carlsberg, Heineken, Krombacher, Paulaner, Becks pastaj 2U, Gekos, Crystal24, Senses dhe Pizza Crust.
Ky edicion u zhvillua ne partneritet me: AMC Corporation, Modus Events, PR Solutions, Tenda3, Besa Security, Zahiri dhe Polica e Kosovës.
Adhuruesit e futbollit qe ishin në beerfest patën mundësinë të shohin edhe finalen e madhe te UEFA EURO 2024, mundësuar nga Transmetuesi Zyrtar ArtMotion.
Këtë edicion e veçoi skena gjigante, programi artistik i jashtezakonshem dhe organizimi i nivelit ma te larte!
Zëdhënësja, Zeka paralajmëroi se risitë për edicionin e radhës janë ndryshimi i lokacionit si dhe ndryshimi i konceptit të festivalit në diçka më ndryshe se edicionet e fundit.
Sot fillon Festivali Ndërkombëtar i Filmit të Animuar `Anibar 2024`. ‘Anibar 2024’ vjen me një program të pasur që do të mbajë të mbërthyer të gjithë adhuruesit e animacionit dhe artit multimedial.
“Ky festival, që është bërë një nga ngjarjet më të pritura kulturore në Kosovë, do të mbahet nga data 15 deri më 21 korrik 2024 në Pejë. Me një përzierje të veçantë të filmave animuar, punëtorive kreative, diskutimeve panelore dhe aktiviteteve të shumta, Anibar synon të frymëzojë dhe të angazhojë publikun duke ofruar një platformë për artistët dhe krijuesit nga e gjithë bota?”, thuhet në komunikatën e Festivalit.
Festivali do të fillojë me një ceremoni madhështore hapëse në Kinemanë e Liqenit më 15 korrik, e ndjekur nga një festë e madhe me performancat e DJ SugarFree, SHEGA dhe ODA HALITI.
Gjatë javës, pjesëmarrësit do të kenë mundësinë të marrin pjesë në një sërë punëtorish dhe seancash interaktive, të udhëhequra nga artistë dhe profesionistë të njohur, duke përfshirë video-maping, krijimin e fanzineve komike, animacionin e prerjeve prej letre, dhe teknikat e avancuara të bërjes së kukullave dhe stop-motion.
“Programi gjithashtu përfshin konkurrenca për audiencën e re, programe të veçanta filmash, diskutime për të drejtat e njeriut dhe projekte bashkëpunimi ndërkombëtar. Për adhuruesit e realitetit virtual, do të ketë një program të veçantë në Galerinë e Arteve që do të zgjasë gjatë gjithë ditës. Mbrëmjet do të jenë të rezervuara për shfaqje ndërkombëtare dhe studentore, ndërsa pas mesnate, festivalistët do të kenë mundësinë të shijojnë pas-festët me muzikë të larmishme dhe performanca të drejtpërdrejta”, thuhet në komunikatën e Festivalit Ndërkombëtar të Filmit të Animuar ‘Anibar’.
Kualifikimi i dytë i Shqipërisë në EURO2024 u arrit pas paraqitjeve mbresëlënëse të ekipit kombëtar në stadiumin e tyre të ri ”Air Albania”’, shkruan UEFA në një shkrim special kushtuar futbollit në Shqipëri.
”I hapur në vitin 2019, ambienti më modern jo vetëm që ka transformuar të ardhurat e kuqezinjve, por i ka dhënë frymë edhe qendrës së Tiranës.
Shqipëria u kualifikua në EURO2024 me stil, duke fituar grupin e saj kualifikues në formën mbresëlënëse në shtëpi, me tre fitore dhe një barazim, me shtatë gola të shënuar dhe asnjë të pësuar.
Ata e bënë këtë në stadiumin ”Air Albania” në Tiranë, i cili u hap në vitin 2019.
Stadiumi është kthyer shpejt në një kështjellë të frikshme futbolli, duke e shtyrë kombëtaren e Shqipërisë drejt paraqitjes së saj të dytë në EURO2024.
Lojtari i 12-të i Shqipërisë
“Ka gjithçka që i duhet një skuadre për të performuar në fushë”, thotë kapiteni i Shqipërisë, Berat Gjimsiti, duke shpjeguar se si vendi u ka dhënë lojtarëve një avantazh të shtuar.
“Infrastruktura është më e mirë, duke e bërë shumë më të lehtë për ne dhe për tifozët të shpërndajnë energjinë dhe mbështetjen e tyre. Është sikur kemi një lojtar të 12-të që na motivon dhe na shtyn përpara. Ka luajtur një rol të madh në rrugëtimin tonë”, shton ai.
Armand Duka, presidenti i Federatës Shqiptare të Futbollit, është dakord, duke shtuar se “ambientet moderne dhe mjedisi profesional kanë rritur ndjeshëm moralin dhe performancën e lojtarëve. Ambientet e nivelit të lartë stërvitor të stadiumit kanë lejuar përgatitje dhe rikuperim më efektiv, ndërsa mbështetja pasionante në shtëpi ka krijuar një atmosferë frikësuese për ekipet vizitore, duke u ofruar lojtarëve tanë një avantazh psikologjik”.
Më shumë se një terren sportiv
Por, stadiumi që bie në sy, i vendosur në zemër të Tiranës, është shumë më tepër se një terren sportiv. Është një simbol i planit strategjik të FSHF-së për zhvillimin e infrastrukturës kombëtare të futbollit dhe një katalizator për rigjallërimin e ekonomisë vendase.
“Ndërtimi i stadiumit ishte një hap vizionar që synonte transformimin e peizazhit të futbollit shqiptar”, shpjegon Duka.
“Është gjithashtu një pjesë kyçe e strukturës kulturore dhe sociale të qytetit, e rëndësishme në rigjallërimin e komunitetit lokal në Tiranë”, shton ai.
Përfitime për komunitetin e gjerë të futbollit
Ndikimin e kanë ndjerë edhe fansat. Kapaciteti prej 22 500 vendësh i stadiumit është një përmirësim i rëndësishëm i stadiumit 60-vjeçar ”Qemal Stafa”, të cilin ai e zëvendësoi.
Ambientet e reja kanë përmirësuar edhe përvojën e ditës së ndeshjes, sipas Ardit Saliajt nga grupi i tifozëve shqiptarë ”Tifozat Kuq e Zi”.
“Kushtet në stadiumin e ri janë krejtësisht të ndryshme në krahasim me atë të vjetër”, thotë ai.
“Puna arkitekturore kombinohet në mënyrë perfekte me aktivitetet e tifozëve, duke e bërë atmosferën edhe më të mrekullueshme. Momentet që po kalojmë në këtë ndërtesë moderne na kanë sjellë shumë gëzim. Kualifikimi në EURO2024 është një ëndërr që shqiptarët nuk mund ta realizojnë shpesh”, shton ai.
Stadiumi gjithashtu pati nderin të presë finalen inauguruese të UEFA Europa Conference League në 2022, duke u dhënë mijëra njerëzve mundësinë të përjetojnë një finale të madhe të futbollit evropian në vendin e tyre për herë të parë.
Qindra të tjerë u përfshinë si vullnetarë, duke hedhur themelet për krijimin e një programi vullnetar të futbollit të FSFH.
“Një frymëzim për futbollistët”
Cilatdo qofshin rezultatet e Shqipërisë në EURO2024, ajo është pjesë e një rrugëtimi më të gjatë. Rritja e të ardhurave nga biletat e ofruar nga stadiumi ”Air Albania”, i cili u mbush me kapacitet gjatë gjithë fushatës triumfuese kualifikuese, ka hapur një cikël investimesh për FSHF-në.
“Suksesi i kombëtares sonë, i mishëruar nga arritjet e tyre në stadiumin Air Albania, shërben si një frymëzim i fuqishëm për futbollistët aspirantë në të gjithë vendin”, thotë Duka.
“Ne kemi nisur iniciativa të shumta për të përfituar nga ky moment, duke përfshirë programet bazë, partneritetet e shkollave dhe akademitë e të rinjve. Duke krijuar shtigje dhe mundësi të arritshme, ne synojmë të nxisim një brez të ri entuziastësh dhe sportistësh të futbollit”, shton ai./ atsh/ KultPlus.com
Edicioni i 68-të i Eurovision sonte e zhvillon natën finale, në një mbrëmje ku pritet të dëgjohen 26 këngët garuese. Shfaqja fillon në orën 21:00 dhe zhvillohet në Malmo të Suedisë, ndërsa transmetohet drejtpërdrejt nga RTK dhe RTSH.
Shqipëria u përfaqësua këtë vit nga Besa Kokëdhima me këngën “Titan” e cila performoi në natën e dytë gjysmë finale, por nuk arriti të shkoj në finale, transmeton RTSh.
Këngët pjesëmarrëse në garë:
Suedi | Marcus & Martinus – Unforgettable
Ukrainë | alyona alyona & Jerry Heil – Teresa & Maria
Gjermani | ISAAK – Alëays On The Run
Luksemburg | TALI – Fighter
Holandë | Joost Klein – Europapa
Izrael | Eden Golan – Hurricane
Lituani | Silvester Belt – Luktelk
Spanja | Nebulossa – ZORRA
Estoni | 5MIINUST x Puuluup – (nendest) narkootikumidest ei tea me (küll) midagi
Janë zbuluar fituesit e çmimeve Botërore të Fotografisë së Natyrës!
Nga një pamje drithëruese e dy zebrave që bien viktimë e ndjekjes së një gatopardi, te një kukapik lozonjare që po kthehet në shtëpi mbi një buall të egër, fotografitë shtrihen në të gjithë globin, duke shfaqur bukurinë dhe ashpërsinë e natyrës.
Tracey Lund nga Britania e Madhe fitoi çmimin kryesor, duke marrë një shpërblim në të holla prej 1000 dollarësh, për fotografinë e saj mahnitëse të dy xhaketave që gjuanin një peshk nën valët në brigjet e ishujve Shetland.
Rritja e Shqipërisë Turistike nuk ndalet, u shpreh sot kryeministri Edi Rama në një postim në rrjetet sociale.
Kreu i qeverisë ndau sot pamje nga turistët e shumtë që kanë mbërritur këtë fillimviti në Aeroportin Ndërkombëtar të Tiranës
“Muaji shkurt, me 55% më shumë vizitorë se shkurti i vjetshëm, ka bërë që Shqipëria të presë rreth 1 milion turistë të huaj vetëm në dy muajt e parë të vitit 2024”, theksoi Rama.
Ditën e djeshme Rama u shpreh se, “në shkurt 2024, ne mirëpritëm 577,515 udhëtarë, një rritje prej 69% nga viti i kaluar. Nga janari deri në shkurt 2024, shifrat u rritën në 1,202,785, duke shënuar një kërcim 59%”, u shpreh Rama në një postim në rrjetin social X.
Me sloganin “Albania All Senses”, Shqipëria është bërë sërish pjesë e panairit më të madh në botë të turizmit, ITB Berlin, që zhvillohet nga data 5 deri më 7 mars në Gjermani.
Në këtë panair, Shqipëria prezantohet me një hapësirë kuruar nga Ministria e Turizmit dhe Mjedisit, si edhe me pjesëmarrjen e 26 turoperatorëve privatë dhe shtatë bashkive turistike që prezantojnë ofertat dhe potencialet e tyre në Berlin.
Gjithashtu pjesë e këtij panairi që nisi ditën e sotme janë edhe bashkitë Durrës, Vlorë, Gjirokastër, Korçë, Sarandë, Përmet dhe Tepelenë, të cilat prezantojnë programet e tyre të promovimit.
ITB Berlin operon suksesshëm prej vitit 1966 duke qenë panairi më i madh i Turizmit në botë./atsh/KultPlus.com
Sa u përket publikimeve të reja, viti 2024 premton të jetë emocionues në botën letrare globale.
Në mars, “Until August” nga Gabriel García Márquez do të publikohet 10 vjet pas vdekjes së tij.
Pranvera sjell gjithashtu një roman voluminoz nga shkrimtari Andreë O’Hagan. “Caledonian Road” pershkruan rënien nga pushteti të një akademiku të famshëm.
David Nicholls ka përfunduar romanin e tij të ri “You Are Here” dhe do të dalë në muajin prill.
Në verë, Elif Shafak rikthehet me “There Are Rivers in the Sky”, një roman ambicioz që ndjek tre personazhe, të gjithë të huaj dhe që jetojnë pranë një lumi. Përveç emrave të njohur, ka edhe shumë zëra të rinj në horizont. Një nga debutimet më emocionuese të vitit është “The Ministry of Time” nga shkrimtarja britaniko-kamboxhiane Kaliane Bradley.
Pesëdhjetë vjet që kur botoi romanin e tij të parë “Carrie”, Stephen King ka gati në muajin Maj një koleksion të ri tregimesh të shkurtra të titulluar “You Like It Darker”.
“Knife” e Salman Rushdie – e publikuar në prill – detajon sulmin ndaj jetës së tij në një ngjarje që e la atë pa shikim në njërin sy.
Dy libra të rinj të shumëpritur analizojnë se si Inteligjenca Artificiale po ndryshon jetën e të gjithëve.
Në “Filterworld”, shkrimtari Kyle Chayka përqendrohet në mënyrën se si algoritmet po i japin formë kulturës sonë.
Në ‘’Code Dependent’’, gazetarja e Madhumita Murgia hulumton se çfarë do të thotë rritja e inteligjences artificiale për ne si shoqëri. /Liberale.al/KultPlus.com
Bill Gates ka publikuar në blogun e tij personal një përmbledhje të asaj që pret nga viti 2024, në të cilën thotë se është optimist për të ardhmen. Manjati amerikan, i cili vitet e fundit ka braktisur imazhin e tij si një biznesmen i suksesshëm për të portretizuar atë të një filantropisti, analizon në tekst se cilat i konsideron ai sfidat më të rëndësishme me të cilat do të përballemi këtë vit.
Çështja e parë të cilës i referohet themeluesi i Microsoft është Inteligjenca Artificiale. Sipas Gates, ne po përjetojmë të njëjtën gjë që ndodhi në fund të shekullit të kaluar me ardhjen e internetit, kur pak nga pak të gjithë njerëzit po e fusnin këtë mjet të ri në jetën e tyre derisa, disa vite më vonë, interneti “pushtoi” çdo shtëpi. Ai thotë se Inteligjenca Artificiale është ende në fillimet e saj, por tashmë mund të kemi një ide se si do të formësojë të ardhmen.
Gates përshkruan se si do të përdoret kryesisht Inteligjenca Artificiale në muajt e ardhshëm. Zbulimi i barnave të reja falë aftësisë së saj për të mbledhur sasi të mëdha të dhënash, krijimi i mjeteve të personalizuara edukative dhe mundësia e trajtimit të shtatzënive me rrezik të lartë janë disa nga shembujt e përdorur nga Bill Gates.
Luftërat dhe krizat
Luftërat gjithashtu e shqetësojnë Bill Gates. Ai thotë se zemra e tij është për popullin izraelit dhe palestinez, për ata të Sudanit, të Etiopisë dhe të Ukrainës, për fermerët që vuajnë nga ndryshimet klimatike dhe për familjet që vuajnë nga inflacioni dhe rritja e ngadaltë ekonomike.
Ndryshimet klimatike dhe energjia bërthamore
Gates thotë se kequshqyerja është problemi që do të dëshironte më shumë ta zgjidhte dhe se fondacioni i tij ka arritur të ushqejë foshnjat me një lloj suplementi që do të ndihmonte në zbutjen e efekteve të mungesës së ushqimit në trupin e foshnjave. Ai përmend edhe ndryshimet klimatike dhe është edhe një herë optimist për këtë çështje pasi ka marrë pjesë në Samitin e Klimës në Dubai. Gates është i përkushtuar për përdorimin e energjisë bërthamore si një alternativë ndaj energjisë së parinovueshme./alsatm/KultPlus.com
CBS ka shpallur listën e plotë të prezantuesve për çmimet Golden Globe 2024 dhe janë shtuar 23 emra të tjerë në formacionin e mbushur me të famshëm.
Ngjarja po prezantohet nga komediani Jo Koy dhe do të transmetohet drejtpërdrejt në CBS të dielën në mbrëmje (7 janar) nga Hoteli Beverly Hilton në Beverly Hills, Kaliforni.
Shfaqja po transmetohet në CBS pas shumë vitesh që ishte në NBC.
Këtë vit prezantohen dy kategori të reja çmimesh: arritje kinematografike dhe në arkë në Motion Pictures dhe Performancën më të mirë në komedinë stand-up në televizion.
Prezantuesit e Golden Globes 2024:
Amanda Seyfried America Ferrera Andra Day Angela Bassett Annette Bening Ben Affleck Daniel Kaluuya Don Cheadle Dua Lipa Elizabeth Banks Florence Pugh Gabriel ‘Fluffy’ Iglesias Gabriel Macht George Lopez Hailee Steinfeld Hunter Schafer Issa Rae Jared Leto Jodie Foster Jon Batiste Jonathan Bailey Julia Garner Justin Hartley Kate Beckinsale Keri Russell Kevin Costner Mark Hamill Matt Damon Michelle Yeoh Naomi Watts Oprah Winfrey Orlando Bloom Patrick J. Adams Ray Romano Rose McIver Shameik Moore Simu Liu Utkarsh Ambudkar Will Ferrell/KlanKosova/KultPlus.com
Nëse mund të imagjinonim vitin e ardhshëm, çfarë ngjyre do të ishte?
Ky mendim abstrakt është diçka me të cilën merren çdo vit ekspertët e Institutit Pantone Color, të cilët konsiderojnë se çfarë tendencash mbretërojnë në modën e lartë, dizajnin e brendshëm, pop-kulturën, por edhe psikologjinë njerëzore dhe këtë vit vendosën për nuancën PANTONE 13-1023.
Sipas hulumtimit të Institutit Pantone, nuanca që do të përcaktojë vitin 2024 është ‘faza e pjeshkës’, një ton i lehtë me fruta që ngjall paqe dhe qetësi.
“Ne kalojmë nëpër shumë trazira të trazuara në jetën tonë dhe kemi nevojë për një ngjyrë që qetësohet,” i tha CNN, Liatris Eisman, drejtoresha ekzekutive e Institutit Pantone.
“Është një nuancë e ngrohtë dhe e rehatshme. Dhe është shumë e prekshme. Ne mendojmë se në një kohë si kjo, ajo cilësi është vërtet e rëndësishme, të prekësh njerëzit e tjerë dhe t’i bashkosh në shtëpinë tënde.”
Nuanca të ndryshme të pjeshkës janë shfaqur rregullisht në pasarelat e koleksioneve Pranverë-Verë 2024, veçanërisht në Milano dhe shtëpitë e modës italiane si Gucci, Gilles Sander dhe Sportmax.
Veshjet me ngjyrë pjeshke mund të shiheshin edhe në tapetin e kuq, dhe përfaqësimi i tyre në kulturën pop ishte gjithashtu gjithnjë e më i dukshëm me kalimin e kohës.
“Ne mendojmë se ngjyra e pjeshkës është jashtëzakonisht nostalgjike. Më shpesh është një ngjyrë femërore, por në disa variacione ka hyrë dalëngadalë në veshjet e meshkujve dhe në mjediset e tyre. Mendoj se kjo flet për modernitetin e kësaj nuance“, shtoi Eisman.
Ky vit shënon edhe 25 vjetorin e iniciativës Pantone Color of the Year. Psikologjia e ngjyrave pas vendimeve të Eisman dhe ekipit të saj në tre zgjedhjet e fundit ka qenë qëndrueshmëria, optimizmi, guximi dhe forca, të kërkuara nga kohët vazhdimisht të trazuara
Deri në 40 vende mund të bojkotojnë Lojërat Olimpike të ardhshme, duke e bërë të pakuptimtë të gjithë ngjarjen, tha ministri i sportit dhe turizmit i Polonisë, Kamil Bortniczuk, transmeton KultPlus.
Komentet e tij erdhën pasi Polonia, Lituania, Estonia dhe Letonia refuzuan së bashku një plan të Komitetit Olimpik Ndërkombëtar (IOC) për të lejuar rusët dhe bjellorusët të konkurrojnë në 2024.
Ukraina ka kërcënuar se do të bojkotojë Lojërat Olimpike të Parisit nëse kjo ndodh.
Por IOC tha të enjten se çdo bojkot vetëm do të “dënojë atletët”.
Bortniczuk tha se ai besonte se do të ishte e mundur të ndërtohej një koalicion prej 40 vendesh, duke përfshirë Britaninë e Madhe, Shtetet e Bashkuara dhe Kanadanë, për të mbështetur një bllokim në planet e IOC përpara një takimi më 10 shkurt.
Ai shtoi: “Duke pasur parasysh këtë, nuk mendoj se do të përballemi me vendime të vështira përpara Olimpiadës dhe, nëse do të bojkotojmë lojërat, koalicioni ku do të jemi pjesë do të jetë mjaft i gjerë për ta bërë të kotë mbajtjen e Lojërave”.
IOC njoftoi javën e kaluar se do të “eksploronte një shteg” për të lejuar atletët rusë dhe bjellorusë të garojnë në Paris nën një flamur neutral, duke shtuar se “asnjë atlet nuk duhet të pengohet të garojë vetëm për shkak të pasaportës së tyre”. /KultPlus.com
Katedralja e Notre-Dame de Paris, e shkatërruar nga zjarri në 15 prillin e dy viteve më parë, do të rihapet në 2024. Këtë e konfirmoi ministrja franceze e Kulturës, Roselyne Bachelot, një ditë më parë.
Ajo shtoi se pajtimi publik për të mbledhur fondet e nevojshme për rindërtimin bëri të mundur arritjen e një shume të mjaftueshme për të përfunduar ndërtimin.
“Me donacionet dhe premtimet për donacione për një total prej 833 milionë euro, shumat e mbledhura na lejojnë të përballojmë me qetësi ndërtimin e saj”, specifikoi ministrja e Kulturës, e rikuperuar së fundmi nga Covid-19, gjatë një fjalimi në Senat në Paris, transmeton KultPlus.
“Unë mund t’ju them se në 2024 katedralja Notre-Dame de Paris do të rihapet”, shtoi ajo.
Sot, kur bëhen saktësisht dy vjet pas zjarrit dhe ministrja Bachelot, së bashku me presidentin, Emmanuel Macron do të vizitojnë vendin e ndërtimit të katedrales gotike, të një prej simboleve themelore të Francës dhe Evropës.
Në atë kohë, kreu i shtetit kishte bërë thirrje që ndërtesa të rindërtohej në pesë vjet, në kohën e Lojërave Olimpike Paris-2024.
Edhe gjenerali Jean-Louis Georgelin, i cili mbikëqyr punimet në emër të Macron, ka garantuar që Notre Dame do të mund të rihapet më 16 Prill në 2024, edhe nëse punimet nuk do të përfundojnë plotësisht në atë datë. / KultPlus.com
Instituti Serumit të Indisë, prodhuesi më i madh i vaksinave në botë, thotë se do të duhet kohë deri në vitin 2024 që e gjithë bota të vaksinohet kundër coronavirusit.
“Realisht për të gjithë botën, për të gjithë në këtë planet – ose të paktën 90 për qind – për ta marrë atë, do të duhet kohë të paktën deri në vitit 2024” tha për CNN-in, Adar Poonawalla, CEO dhe drejtori ekzekutiv i Institutit të Serumit të Indisë.
Poonawalla tha se disa nga sfidat e marrjes së vaksinave nga pika e hulumtimit dhe miratimit deri tek dërgimi i tyre tek pacientët, përfshijnë rritjen e prodhimit të vaksinave dhe mbledhjen e miliarda dollarëve për të financuar prokurimin e dozave të nevojshme.
Ai tha se administrimi i vaksinave në disa shtete dhe vende komplekse është gjithashtu një sfidë.
Instituti Serum i Indisë po punon me pesë krijues të vaksinave COVID-19 dhe po përgatitet të bëjë qindra miliona doza. Por edhe atëherë, furnizimi me vaksinë do të shkojë kaq larg në një periudhë të shkurtër.
Për shembull, India me një popullsi prej 1.4 miliardë banorësh, do të duhet shumë kohë që të gjithë të vaksinohen kundër virusit./ KultPlus.com