Etiketë: 30 vjetori

30 vite nga rrëzimi i bustit të diktatorit Enver Hoxha

Posted on by Kult Plus

30-vjetori i rrëzimit të bustit të ish-diktatorit Enver Hoxha shënohet pikërisht sot.

Më 20 shkurt të vitit 1991 mijëra qytetarë u ngritën për të shembur simbolin e komunizmit, pak muaj pasi regjimi i vjetër që po jetonte ditët e tij të fundit kishte lejuar pluralizmin politik.

Rrëzimi i bustit të diktatorit u nxit nga greva e urisë e ndërmarrë nga disa qindra studentë për t’i hequr universitetit emrin e tij. Kjo ishte nga ngjarjet më të spikatura që ndikuan në rënien totale të regjimit komunist në Shqipëri.

Momenti kur statuja e Enver Hoxhës u rrëzua atë ditë të ftohtë shkurti me dhunë, por edhe që u tërhoq zvarrë njihet si akti simbolik i rrëzimit të diktaturës.

20 shkurti është caktuar si Dita e Kujtesës Kombëtare për martirët dhe viktimat e regjimit komunis, ndërsa shënoi edhe fundin e diktaturës në Shqipëri./ KultPlus.com

Viti 1987, kur Esat Bicurri i këndonte Grykës së Kaçanikut (VIDEO)

Posted on by Kult Plus

Sot shënohet 30 vjetori i Kushtetutës së Kaçanikut. Më 07 shtator të vitit 1990 delegatët e Kuvendit të atëhershëm të Kosovës, që kishin shpallur Deklaratën e Pavarësisë më 2 korrik të atij viti, e formalizuan atë deklaratë me Kushtetutën e Republikës së Kosovës.

Për nder të kësaj date shumë të rëndësishme në historinë e Kosovës, KultPlus ju sjell këngën e njohur ‘Gryka e Kaçanikut’, të intepretuar nga Esat Bicurri në turne me grupin e TVP-së në Shqipëri, në vitin 1987.

”Hej Kaçanik o shkamb e gur
Vritesh e pritesh për flamur!
Për flamurin e Skenderit
Luftojnë djemt’ e Idriz o Seferit”, janë këto vargjet e famshme të kësaj këngë të cilat i dijmë secili prej nesh.

Më poshtë gjeni videon dhe tekstin e këngës.

https://www.facebook.com/arkivirtk/videos/779195139093817/

Ushton gryka e Kaçanikut
Morën zjarr këta gur’t e malit.
I: Përmbi çallmat e Anadollit
Ndizen hutat e shqiptarit! :I
Ref.:
I: Hej Kaçanik o shkamb e gur
Vritesh e pritesh për flamur!
Për flamurin e Skenderit
Luftojnë djemt’ e Idriz o Seferit! :I
Kurr nuk çarten o kullat tona
Vendit tonë i dalim zot.
Tirq e zhguna e xhubleta
Thurr i kemi o me barot.
Ref.:
Hej…
Sulen trimat nga Kabashi,
Nga Lubizhda e Stagova.
Th’rret me t’madhe Dërgut Pasha:

Ndihmë Sulltan se sot marova! / KultPlus.com

“Zambaku i Prizrenit” feston 30 vjetorin e themelimit me promovimin e dy kompakt-disqeve

Posted on by Kult Plus

Festivali i muzikës së vjetër qytetare, “Zambaku i Prizrenit”, më 27 dhjetor të këtij viti shënon 30-vjetorin e themelimit. Ky përvjetor do të festohet me promovimin e dy kompakt-disqeve, të cilat përmbajnë 30 këngët më të suksesshme të “Zambakut të Prizrenit” ndër vite.

Themeluesi i këtij festivali, kompozitori Reshat Randobrava, thotë se qëllimi i “Zambakut të Prizrenit” ishte kultivimi i këngës së kompozuar në frymën e këngës së vjetër qytetare, shansonës, romancës dhe formave të tjera të lira muzikore.

Shumica e këngëve të kompozuara për “Zambakun e Prizrenit” u janë kushtuar bukurive natyrore të qytetit të Prizrenit dhe jetës së banorëve të tij ndër shekuj, shkruan KL. Ky festival, prej vitit 1986 deri në vitin 1990 ishte mbajtur nën patronatin e Radio Televizionit të Prishtinës dhe Bashkësisë Vetëqeverisëse të Interesit të Prizrenit.

Nga viti 1990 deri në vitin 2003, shumicën e herëve, “Zambaku i Prizrenit” u mbajt nën patronatin e Shoqërisë Kulturore-Artistike “Agimi” të Prizrenit, ndërsa prej vitit 2003 deri në vitin 2016, nën patronatin e Drejtorisë për Kulturë të Prizrenit./ KultPlus.com