Adnan Dibrani bëhet shqiptari i dytë që fiton mandatin e deputetit në Parlamentin Evropian

Kandidati i Partisë Socialdemokrate Suedeze, Adnan Dibrani, ka fituar mandatin e eurodeputetit, duke u bërë kështu shqiptari i dytë që është zgjedhur në Parlamentin Evropian.

Dibrani, i cili është 39-vjeçar dhe vjen nga Koshtova e Mitrovicës, jeton me familjen e tij në qytetin Varberg të Suedisë.

Deri tani, ai ishte deputet në Parlamentin e Suedisë, duke krijuar një karrierë të bujshme në radhët e socialdemokratëve suedez.

Adnani është një figurë e njohur në Suedi, por edhe më gjerë, për rastin e shpëtimit nga mbytja të një voglushi në një lum në Mal të Zi, e që pushtoi mediat botërore.

Ai gjatë 5 viteve të ardhshme do të jetë në Parlamentin Evropian bashkë me Alba Kokalarin, kandidaten tjetër shqiptare nga Suedia që po ashtu fitoi mandatin e eurodeputetes./KultPlus.com

Aida Birinxhiku dhe Adnan Dibrani, pjesë e Parlamentit të Suedisë

Tashmë janë bërë të ditur rezultatet e zgjedhjeve parlamentare në Suedi të mbajtura më 11 shtator të këtij viti, përcjell KultPlus.

Në mesin e deputetëve të zgjedhur të parlamentit suedez janë edhe dy shqiptarët, Aida Birinxhiku dhe Adnan Dibrani.

Birinxhiku hyn në mandatin e parë të saj në Parlamentin e Suedisë, teksa për Adnan Dibranin ky është mandati i tij i tretë në këtë parlament./ KultPlus.com