Arbnor Karalitit po sjell ekspozitën “Echoes of Solitude: Between Self and Society” e cila shfaq punën thellësisht personale dhe introspektive të artistit, përcjell KultPlus.
Ekspozita do të hapet në Tillt Radio & Community Bar, një hapësirë e dashur kulturore në Prishtinë, e njohur për koleksionin e saj të gjerë të vinylave dhe dashurinë për muzikën. Kjo ekspozitë është kuruar me kujdes nga Adrian Berisha, i cili sjell një sy të mprehtë dhe kuptim të thellë të temave që kërkon të eksplorojë Karaliti.
Si artist, Karaliti përdor artin e tij për të eksploruar dhe përballur përvojat e tij të vetmisë dhe tabutë shoqërore që mund t’i shoqërojnë ato. Nëpërmjet pikturave dhe instalacioneve të tij, Karaliti fton shikuesit t’i bashkohen atij në një udhëtim të vetë-zbulimit, duke përdorur artin si një urë për t’u lidhur me të tjerët dhe botën përreth nesh. Qasja e tij e orientuar drejt procesit dhe përdorimi i mediumeve të ndryshme pasqyrojnë natyrën e vazhdueshme të të mësuarit për veten përmes artit.
Në qendër të ekspozitës qëndron ideja se arti mund të jetë një mjet i fuqishëm për lidhje dhe komunikim, duke ofruar një hapësirë për dialog dhe reflektim mbi sfidat e lundrimit të identiteteve personale dhe sociale. Me “Echoes of Solitude: Between Self and Society” në Tillt Radio & Community Bar, Karaliti ofron një eksplorim prekës dhe empatik të përvojës njerëzore, duke prekur tema që janë thellësisht të rëndësishme për të gjithë ne.
Vizioni dhe ndjeshmëria e kuratorit Adrian Berisha ndaj temës sigurojnë që ekspozita të lërë një ndikim të qëndrueshëm tek të gjithë ata që e përjetojnë atë.
Ekspozita hapet më datë 30 prill, nga ora 18:0 në Tillt Radio & Community Bar dhe do të vazhdojë të qëndrojë e hapur për vizita prej datës 30 Prill – 30 Maj, me orar të rregull prej orës 10:00-00:00, e hanë – e diel. / KultPlus.com
Libri “Prishtinë – Muza ime” që vjen si një libër përmbledhës i tregimeve dhe poezive të shkruara në kohën e karantinës nga gjithsej 40 autorë sot u promovua në ambientin e Kino Armatës. Kur pandemia erdhi fuqishëm në vitin 2020, qytetarët e Prishtinës vendosën që t’i shkruajnë Prishtinës në kuadër të iniciativës së librarisë Dukagjini, Komunës së Prishtinës dhe organizatës ‘Etea’, shkruan KultPlus.
Përbrenda një afati të përcaktuar, libraria Dukagjini ka mirëpritur qindra shkrime fantastike nga më të ndryshmet. Tregime e poezi të shkruara nga qytetarët në një kohë të vështirë por njëkohësisht edhe një kohë në të cilën është reflektuar mbi atë se çka është e rëndësishme, janë jetësuar dhe kanë gjetur shtëpinë e tyre në librin e përjetimeve të titulluar “Prishtinë, muza ime!”.
Një libër i mbushur me tregime dhe poezi të cilat janë përzgjedhur nga juria profesionale si: shkrimtari Arbër Selmani, shkrimtari Azem Deliu dhe Fatime Mehmetaj që është pjesë e bibliotekës Hivzi Sylejmani, sot në mesin e një numri madh të pranishmëve, disa nga to u lexuan dhe ngjallën emocion dhe një ndjenjë tejet të veçantë.
Pak para se kjo ngjarje të fillonte, të pranishmit dalëngadalë zunë vendin e tyre për të dëgjuar nga afër disa rrëfime që nisin qysh nga ideja për të krijuar këtë libër e deri tek botimi i saj. Ndërsa, teksa meloditë e këngës “Të dua Prishtina” luanin në prapavijë si dhe zëri i mahnitshëm i Nexhmije Pagarushës dëgjohej këndshëm në sfond, kjo ngjarje veçse kishte filluar me simbolikën e saj e që është pikërisht qyteti i Prishtinës.
Por fillimisht në një panel diskutimit të moderuar nga shkrimtari Arbër Selmani, të ftuar ishin: Ilirana Hasaj nga libraria Dukagjini, ish-drejtori në Drejtorinë e Kulturës së Komunës së Prishtinës, Adrian Berisha dhe drejtori i organizatës ‘Etea’, Agon Ahmeti.
“Libri është nis qysh në vitin 2020 atëherë edhe kur është hapur thirrja dhe kur janë dërguar qindra shkrime prej të cilave më pas juria e ka bërë një punë modeste dhe i ka përzgjedhur dyzet prej tyre të cilat janë pjesë e këtij libri që mendoj se do të mbetet një dokument i rëndësishëm dhe i fuqishëm që tregon se si ne jemi mishëruar me Prishtinën në një kohë kur kemi qenë të izoluar, kohë kjo pak e papritur prej neve dhe për ata që janë mirë me fjalën e shkruar. Mendoj se me u përball me atë traumë ka qenë më së lehti për ti shkruar Prishtinës”, thotë Selmani.
Sipas tij, libri është një punë e mahnitshme ku ai vetë si anëtar i jurisë është i kënaqur me poezitë, prozën dhe tregimet e shkurtra të cilat e shfaqin Prishtinën në dimensione të ndryshme dhe prej syve të ndryshëm.
“Unë mendoj që secili prej neve ka një dashuri për Prishtinën ose qoftë edhe një moment, një njeri, një këngë, një objekt me të cilin mishërohen në Prishtinë dhe më e mira e kësaj është se ajo është shprehur në këtë libër. Ky libër vjen si bashkëpunim midis tri institucioneve si: Komuna e Prishtinës, Libraria Dukagjini dhe Qendra Etea. Unë tutje po i lexoj të gjitha emrat e krijuesve në këtë libër për të respektuar punën e tyre”, thotë Selmani.
Ndërsa Ilirana Hasa tregoi për rrjedhën e idesë për librin që në fakt ishte paraparë qysh para pandemisë por që ajo u krijua pikërisht kur pandemia goditi botën.
“Libri ka qenë një rrugëtim shumë interesant por edhe tash që po mundemi për të reflektuar ngase kanë kaluar dy vite dhe pse gjatë gjithë kësaj periudhe jemi marrë shumë me qejf me librin, tash po e shohim edhe më mirë se sa i rëndësishëm është dhe sa i veçantë është. Krejt ka filluar si një ide thjesht për një organizim para pandemisë mirëpo pandemia goditi gjithë botën dhe ishim në karantinë kur u rikthye ideja jonë për ti ftuar qytetarët që t’i shkruajnë Prishtinës dhe ta krijojmë një libër të cilin po ia falim kryeqytetit tonë”, thotë Hasaj.
Sipas saj, në këto kohëra të jashtëzakonshme shihet se çfarë ka dhuruar Prishtina. Në këtë situatë është parë ajo se çka është vërtetë e rëndësishme dhe çka i mungon çdo njeri.
“Edhe pse ishte një situatë jo e mirë, na ka falë një mundësi dhe një kohë që të pauzojmë, të reflektojmë apo edhe ti kthehemi kreativitetit që e kemi ndrydh brenda dhe andaj besoj që shumë prej nesh e kanë shfrytëzuar këtë kohë. E kemi hap thirrjen në grupin “Ri n’shpi me neve”, që ka qenë një grup i krijuar nga Komuna e Prishtinës dhe është bërë kështu një punë shumë e madhe. Kemi pranuar rreth 250 shkrime e po ashtu ne qysh në fillim kemi tregu se cili është qëllimi dhe si ka mu bo përzgjedhja”, shpalos Hasaj.
Ajo tutje tregon se faza e përpunimit dhe krijimit të librit ka qenë një periudhë tejet e mirë ngase është bërë ngadalë dhe me shumë dashuri për detajet e ndryshme.
“Juria është e përbërë nga shkrimtari Arbër Selmani, shkrimtari Azem Deliu dhe Fatime Mehmetaj që është pjesë e bibliotekës ‘Hivzi Sylejmani’. Kur kemi ardhur në fazën e dizajnit të librit e kemi menduar që një pjesë e mirë e librit të përmbajë edhe fotografi sepse edhe fotografitë flasin shumë e sidomos pasi që syri i aparatit kap momente të ndryshme të qytetit apo të personave. Fotografitë janë fotografi nga fotografë profesionalë por edhe të zakonshëm”, përfundon ajo.
Po ashtu, ish-drejtori në Drejtorinë e Kulturës së Komunës së Prishtinës, tregoi për grupin “Rri n’shpi me neve”, grup ky që kishte për qëllim të zhvillojë aktivitete gjatë kohës së pandemisë.
“Ne jemi takuar në vitin 2019 kur kemi qenë pjesë e një grupi për realizimin e aktiviteteve socio-kulturore e sportive për nder të 20 vjetorit të çlirimit të qytetit dhe është shfaqur edhe kjo ideja apo propozimi që të realizohet një projekt i tillë siç është ky libër por në atë periudhë kohore nuk kemi mundur ta realizojmë por sidoqoftë i ka ardhur koha në periudhën e pandemisë. Ne si Komunë në atë periudhë kohore e kemi hapur grupin “Rri n’shpi me neve” ku qëllimi ishte që të zhvillohen aktivitete interaktive”, thotë Berisha.
Sipas tij, ky libër ka qenë një bashkëpunim trekëndësh, bashkëpunim ky që ka rezultuar në aktivitete të shumta e të ndryshme.
“Këta dyzet persona që janë në këtë libër kanë shkruar në kohën e karantinës dhe përmes shkrimeve të tyre kanë treguar përjetimin që qyteti jonë ia dhuron. Pra, Prishtina na bashkon dhe ajo është e përjetimeve tona të përbashkëta”, përfundon Berisha.
Në anën tjetër, drejtori i organizatës ‘Etea’, Agon Ahmeti foli rreth përshtypjeve të tij të cilat i ka marrë përgjatë krijimit të këtij libri.
“Padyshim që ky trekëndësh bashkëpunimi ka rezultuar në një sukses të madh dhe i tillë po duket edhe produkti i këtij bashkëpunimi. Besoj që bashkëpunimi do të jetë i vazhdueshëm dhe në të ardhmen. Një përshtypje të cilën do të doja ta tregoja është ajo se ndonëse e kemi nis këtë projekt qysh në vitin 2019, ne kemi marrë mesazhe të shumta nga krijuesit të cilët na kanë pyetur se a është akoma i qëndrueshëm dhe se do të krijohet ndonjëherë ky libër. Ka qenë shumë e bukur që t’i shohim ato mesazhe dhe është një kënaqësi e madhe për të lumturuar dikë që pretendon apo edhe është një shkrimtar apo shkrimtare”, shpalos Ahmeti.
Më pastaj vëmendja iu drejtua gjithsej dyzet krijuesve por që njëmbëdhjetë nga të cilët në një mënyrë të rastësishme janë përzgjedhur për t’i lexuar krjiimet e tyre sonte. Në një renditje të rastësishme krijimet e tyre i interpretuan: Flutur Mustafa (“Mos qaj Prishtinë”), Agon Rexhepi (“Kam mendu për ty Prishtinë”), Liridona Shehu (“Prishtinë”), Doruntina Golaj (“M’ka marrë malli Prishtinë”), Fatos Lleshi (“Ty, Prishtinë”), Jeta Lila Delija (“Gjakova po t’shkruan, Prishtinë”), Parisa Ratkoceri (“Prishtina në qiell të hapur”), Planeta Sllamniku (“Pse po hesht Prishtina”). Ndërkaq, edhe treshja e fundit që interpretoi poezitë e tyre ishin: Edita Malazogu (“Për ty Prishtinë”), Elita Ferati (pa titull) dhe Filloreta Hoxha (“Ta ndiej heshtjën, Prishtinë”), por paraprakisht ishte nënkryetari në panel për një fjalë rasti u ftua edhe nënkryetari i Prishtinës, Alban Zogaj.
“Në fakt unë u inspirova aq shumë nga leximet saqë vendosa për të lexuar edhe vetë një poezi për t’u bërë pjesë e këtij leximi. Është me të vërtetë kënaqësi për të marrë pjesë në këso ngjarje. Ngjarjet si kjo sot gjithmonë më japin një emocion dhe ndjenjë të veçantë andaj ju falënderoj shumë për këtë emocion që e mora nga ju. Jam i lumtur që Komuna e Prishtinës ka kontribuar që ky libër të jetë me ne. Nuk kam pasur rastin t’i lexoj më herët këto poezi por me të vërtetë u kënaqa. Tash e lexova edhe një poezi e cila më përfaqëson dhe e përfaqëson kohën që kam kaluar. Koha e karantinës na ka kthyer në kohën e luftës dhe nëse i hiqni datat e këtyre krijimeve, neve në fakt na kthejnë në atë periudhë të luftës”, thotë Zogaj.
Ai tutje veçoi poezinë “Natë e trishtë” e autorit Dren Loxha të cilin ai personalisht nuk e njeh por poezia e tij e ka kthyer Zogajn në kohë dhe i ka dhuruar ndjenjën të cilin ai e ka pasur gjatë luftës por edhe në karantinë. Po ashtu nënkryetari Zogaj kujtoi edhe kohën e karantinës ku muaji mars i vitit 2020 ka qenë për të një trishtim i tejskajshëm.
Kështu krejt në fund ishin duartrokitjet e shumta që iu drejtuan drejt këtyre krijuesve të cilët patën rastin të interpretojnë shkrimet e tyre tashmë të botuara në librin “Prishtinë, muza ime!”. Ndërkaq, autorët tjerë krijues që janë përzgjedhur për këtë libër janë edhe: Ardit Mehmetaj, Argjenda Selmani, Dafinë Bajrami, Dearta Zeqiri, Donarta Sh.Uka, Donika Hamiti, Dorina Imami, Dren Loxha, Edlira Maloku, Elvira Sh.Ukiqi, Fadil Halimi, Fatlinda Imeri, Fitim Majkovci, Fjolla Hajrizaj, Jakob Ëeizman, Kaltrinë Uka, Kosovare Xh.Leskovci, Linda Jakupi, Mimoza Sapiqi, Mirjeta Zekaj, Rrona Jaka, Sala Jashari, Salim Memishi, Sara Tahiri, Saranda Rugova, Saranda Stuja-Tara, Teuta Berisha, Vesa Ferizi dhe Vlora Konushevci.
“Prishtinë – Muza ime” është libër përmbledhës i tregimeve dhe poezive të shkruara në kohë karantine përgjatë muajve mars – prill të vitit 2020. / KultPlus.com
Gjatë ditës së sotme ka filluar Prishtina Music Conference, e cila ka pasur një agjendë të ngjeshur, shkruan KultPlus.
PMC është një konferencë muzikore që paraqet, përmes diskutimeve koherente dhe diskursit të plotë muzikor, tema specifike, por gjithëpërfshirëse industriale dhe shpirtërore, me qëllim që të zhvillojë këndvështrime të reja mbi diversitetin e procesit të mendimit në lidhje me zhvillimin e muzikës në Kosovë rajonit dhe botës.
KultPlus iu sjellë gjithë agjendën të planifikuar për ditën e sotme:
12:00 – 13:00 Muzika për të gjithë: Një Performancë me Medina Surdulli.
U hap në ora 13:00 The Future: Analogs and NFTs nga Dragan Kitanov.
14:30 – 16:30 Love a Jam. Një tingull i lindur lokal pa nevojë për shpjegim me Axhendën për Shpresën ish-Tetris.
17:00 – 17:45 Një mësim mbi Shijen: Prezantuar nga Kult-Ure me Hedon Blakaj dhe Adrian Berisha.
18:00 – 19:00 Ping Pong: Si t’i mbijetojmë sulmit të kulturës muzikore aktuale hiper-kapitaliste me Julia Richter, Grego O’Halloran, Alan Crofton dhe Bruno Cabral.
19:15 – 20:00 Ballkani: Si të kapërceni dhe udhëheqni në një gadishull të shkatërruar nga lufta për tre dekada me Login dhe Vasko Atanasoski. /KultPlus.com
Shtatori shënon muajin e ndërgjegjësimit të fëmijëve të prekur nga sëmundja e kancerit. Ndërkaq, sot në Bibliotekën Kombëtare të Kosovës, pikërisht për të shënuar këtë muaj janë ndezur dritat në kupolat e Bibliotekës, përcjell KultPlus.
Kjo nismë u organizua nga Komuna e Prishtinës, ndërkaq me një mesazh tejet prekës, erdhi drejtori i Kulturës në Komunën e Prishtinës, Adrian Berisha i cili përmes një statusi në rrjetin social Facebook, ndau me ndjekësit e tij historinë e tij personale si një fëmijë i prekur nga kanceri.
Berisha, ndër të tjera bëri thirrje që këta fëmijë të mos dorëzohen asnjëherë.
Më poshtë gjeni statusin e plotë të Berishës.
Kam qene vetem 16 vjec, kur u diagnostifikova me kancer. Atekohe, semundja kishte shu andrren time femijerore duke me detyru ne nderpre futbollin.
E di shume mire se si mund te ndihen femijet, te cileve u kumtohet lajmi se vuajne prej nje prej semundjeve me te renda qe njeh njerezimi. E di shume mire se si eshte me u friku, me humb shpresen dhe me pa njerezit ma te dashur rreth teje me lutje e merzi per ty.
Une isha nje prej qindra e mijera femijeve te botes qe luftojne me kancerin cdo vit. Por ia dola. Me ndihmen e familjareve, profesionisteve mjekesor dhe me deshiren e madhe per me vazhdu jeten.
Po, andrra per futboll u shua. Por jo edhe vullneti per jeten. Dhe dhimbja u shendrru ne motiv per me punu, edhe per Adrianin si femije por edhe per femijet e tjere si Adriani.
Sonte ndezem dritat e Bibliotekes Kombetare, duke iu bashkuar si Komune thirrjes per solidarizim me femijet e prekur nga kanceri. Muaji shtator eshte edhe muji i ndergjegjesimit per kancerin tek femijet.
Ajo qe dua te ju them krejt femijeve te cilet po perballen me kete semundje, eshte kjo:
Nuk jeni vetem. Dhe semundja, jo domosdo eshte fundi.
Pas plotësimit të trupës rezidente të aktorëve, tashmë ka filluar edhe rinovimi i objektit të teatrit ‘Dodona’.
Përmes një postimi në Facebook, drejtori i Kulturës në Komunën e Prishtinës, Adrian Berisha, ka njoftuar se sot kanë inspektuar për së afërmi punimet, ku pas këtij rinovimi dyert e teatrit do të happen për aktivitetet e shumta që i presin, shkruan KultPlus.
Postimi i plotë:
Per Teatrin DODONA po nis nje etape e re 🎭
Plotesimi i trupes rezidente te aktoreve te Teatrit “Dodona” ishte vetem fillimi i nje nisme te re per teatrin e qytetit.
Tashme kemi fillu edhe renovimin e “Dodones” ne menyre qe viti i ri sezonal 2021/2022 te na gjeje ne kushte me te mira.
Sot bashke me Visar Krusha kemi inspektu per se afermi punimet qe jane duke u bere dhe jemi te lumtur qe pas ketij renovimi dyert e teatrit do te hapen per shume aktivitete dhe presim qe prodhimi te shtohet e publiku te shijoje sa me shume shfaqje.
Gjithashtu, gjate muajit shtator do te hapim thirrjen per subvencionimin e shfaqjeve teatrale te cilat do te mbahen ne Teatrin e Qytetit “DODONA”.
“DODONA” e meriton te kthehet ne piken ku ka qene dhe te fitoj lavdine e dikurshme./KultPlus.com
Sot drejtori në Drejtorinë e Kulturës, Adrian Berisha ka bërë të ditur se është nënshkruar një marrëveshje për një nga objektet më të rëndësishme kulturore, ‘Kino Rinia’, përcjellë KultPlus.
KultPlus ju sjell njoftimin e tij të plotë:
Edhe nje marreveshje te rendesishme e nenshkruam sot. Kesaj rradhe me Shtatëmbëdhjetë per njerin nga objektet me te rendesishme kulturore te qytetit tone, objektin e “KINO RINIA”. “Kino Rinia” ka kohe qe po e pret shpetimin dhe pikerisht per nje hap tutje ne kete drejtim, sot kemi nenshkru marreveshje bashkepunimi per hulumtim e intervenim artistik ne kete objekt. Ky objekt ku per me shume se gjysme shekulli ka qene vendtakim per filmdashesit, ka kohe qe ka mbet i braktisur e i pashfrytezuar, por tani bashke me Zyren Zvicerane per Bashkepunim (SDC) dhe Fondacionin Shtatembedhjete po synojme qe ta perdorim artin dhe kulturen si mjet i cili do te sherbejne per ringjalljen e objekteve te harruara. Po ashtu po synojme te kete zgjerim te pjesemarrjes se komunitetit ne jeten publike duke zgjeru mundesite per artistet vizuale dhe interpretues. Ta kthejme vemendjen tek objektet e braktisura dhe t’i shfrytezojme ne te mire te komunitetit. / KultPlus.com
Sot u nënshkrua marrëveshja për bashkëfinancimin e restaurimit të Sahat Kullës, me Agjencinë e Kombeve të Bashkuara për Zhvillim – UNDP, përcjellë KultPlus.
Sahat Kullla, si një prej monumenteve me të shquara të trashëgimisë kulturore në Prishtinës, shumë shpejt pritet të rifunksionalizohet duke rikthyer kujtimet e së kaluarës sonë të përbashkët.
Projekti po realizohet me propozimin e studentëve të Fakultetit të Arkitekturës në Universitetin “Hasan Prishtina”, nën mentorimin e profesoreshës Florina Jërliu dhe asistentit të saj Rron Beqiri dhe do të implementohet bashkë me organizatën CHWB./ KultPlus.com
Ditën e djeshme, si shumë qytete të tjera në botë dhe në Kosovë, edhe Prishtina pati dëme të mëdha si pasojë e reshejve të dendura të shiut e erërave të forta, shkruan KultPlus.
Mirëpo, sot, Drejtori i Kulturës në Komunën e Prishtinës, Adrian Berisha ka njoftuar se ekipet emergjente të Komunës në koordimin me Drejtorinë e Shërbimeve Publike dhe kompanitë publike në kryeqytet, janë në teren duke intervenuar ndaj dëmeve të shkatuara.
Berisha ndër të tjera ka theksuar se situata është nën kontroll dhe se nuk ka dëme të mëdha dhe poashtu se ”Akull n’Verë” do të rikthehet që nga dita e nesërme për të të vazhduar me qëllimin kryesor që e ka pasur qysh në fillim, për t’i dhënë kryeqytetit harmoni. / KultPlus.com
Në jetën e njeriut frymojnë disa momente, ekzistojnë ca çaste e rastësi nga më të ndryshmet. Ka çudira e të papritura që herë lëshohen në sekondën e fundit duke gërvishtur lëkurën brenda qenies njerëzore e lëpirë shqetësimet, vuajtjet e dhimbjet më ekzistenciale e ndonjëherë struken përgjithmonë përbrenda duke të të përndjekur në heshtje dhe duke krijuar një shtëpizë në qoshet e shpirtit të gjallë. I abonuar ndaj një historie komplekse e të ndjeshme po aq edhe inspiruese e të fuqishme, identiteti i personazhit të guximshëm siç është drejtori i Drejtorisë së Kulturës në Komunën e Prishtinës, Adrian Berisha në një intervistë ekskluzive për KultPlus ka rrëfyer për të vërtetën e tij, një e vërtetë mbi të cilën asnjëherë nuk do të vendoset pluhuri i harresës, shkruan KultPlus.
I lindur dhe rritur në Prishtinë, një qytet për të cilin ai çdo ditë jeton e punon e në të cilën ai parashikon ta dhuroj edhe frymën e fundit, kësaj radhe ka shpalosur momentet dhe çastet më të vështira e sfiduese që kanë nisur qysh në fëmijëri, për të vazhduar e lënë gjurmë ende edhe sot. Por pavarësisht pengesave, ballafaqimeve e betejave të përditshme, ndërtimi i një karriere të suksesshme dhe fuqia e tij ndaj hasjes në rrugët e mbushura me përplot gropa tinëzare, përjetimet e tij i ka shndërruar në një reflektim që i dallohej në sy qysh nga nisja e kësaj interviste.
Dashuria e madhe për qytetin e Prishtinës, rrugët me kalldrëm, aktivitetet e larmishme e të shumta kulturore, muzikën elektronike e klasike e në veçanti për jetën e ekzistencën jetësore, janë këto ndjesi që ky njeri i cili ka përballuar qëllimet e ndryshme qoftë të vetëdijshme ose të pavetëdijshme të njerëzve si: dëmtimi, frikësimi, detyrimi, poshtërimi dhe lëndimi, të cilat vijnë si pasojë e bullizmit, të dyfishohen. Ndërsa, këto rrethana të krijuara gjatë periudhës specifike të jetës së tij kanë ndikuar që sot personaliteti i tij i fortë, për të cilin ai ka luftuar duke kapërcyer gardhin e përballjeve e përfunduar në triumf, kanë bërë që sot ai ta konsideroj veten si një ballon i cili është fryrë derisa ka marrë një formë dhe sot vazhdon të fryhet më lehtë. Pra, përballjet e tij të tanishme në jetë për të janë krejtësisht të lehta e normale.
Bullizmi si një dukuri shqetësuese sot është mjaft prezente jo vetëm në shkolla por edhe në shtëpi, lagje e rrugë. Të rinjtë janë gjithmonë të ekspozuar ndaj një rreziku që fshihet prapa dyerve fizike e shpirtërore, e njëri ndër këta të rinj dikur ishte edhe Berisha, i cili rrëfen për dy pikat më të rëndësishme në përvojën e tij personale.
Pika e parë fokusohet në kohën e luftës, një kohë kjo e vështirë për secilin që e ka përjetuar. Një 9 vjeçar në vitin 1999, përjetimi i tij tejet shokues me të gjitha ngjarjet si bombardimet, problemet dhe largimet e shumta kanë ndikuar përgjithësisht në shëndetin mendor të tij. Pastaj, në vitin 2001, atij i shfaqet problemi i parë në të folur, belbëzimi, manifestimi i së cilit ka evoluar jashtëzakonisht shumë përgjatë klasës së tetë e nëntë kur ai ishte në moshën 13 vjeçare. Krizat e shumta të tij në të folur, për herë të parë evokuan bullizmin nga ana e shokëve e shoqeve të klasës të cilët përmes shakave të shumta kanë krijuar ndjesinë e ndrojtjes në të folurën e tij ku guximi për tu pyetur me gojë në klasë ishte pothuajse jo ekzistues. Andaj, zgjidhja e vetme mbeteshin testet me shkrim, dukë bërë që ai të mbyllej akoma më shumë në strofullën e vet.
Vitet pasonin e problemi në të folur ishte ende pjesë e tij e përditshme e e pandashme. Vizitat tek logopedi e mjekë të ndryshëm ndihmuan që të fillonte një përmirësim gradual por gjurmët ende vazhdojnë të jenë pjesë e nënvetëdijes së tij duke i futur rrënjët në brendësinë e tij e ndikuar në karakter. Fjalimet publike, intervistat, dalja në televizione dhe fjalimet në vende të ndryshme, ende krijojnë një emocion tek ai e që shumëfishohet kur debatet fusin kokën në atmosferë dhe shkaktojnë stres e tension përbrenda duke bërë që zanoret si: a, e dhe i, të ndërlidhura me disa shkronja si: p, të jenë një vështirësi bezdisëse ndaj potencialit energjik të personalitetit të tij.
Pika e dytë fokusohet në periudhën kur pas kimioterapisë si pasojë e diagnostifikimit me sëmundjen e kancerit në moshën 15 vjeçare, për herë të parë filluan të dalin akne në fytyrën e tij duke ndikuar fuqishëm në reagimet e ndryshme të njerëzve në rrugë, shkollë e shtëpi. Shikimet e tyre, frika dhe ndrojtja e shprehur në fytyra, vinin si një thithje që kapte frymën e tij dhe e mbante pezull atë duke mos e lëshuar deri në momentin kur ai ishte përsëri vetëm. Shakatë e ndryshme rreth fytyrës, ngjasimet me karaktere të ndryshme që e kanë fytyrën e djegur, rekomandimet absurde ushqimore si mjete shërimi, fshehja e prezencës së tij nga pronarët në lokalin ku punonte, gënjeshtrat se nuk ka vend pune për të ku në po të njëjtin lokal ai vite më vonë performoi e lëshoi muzikë duke shprehur talentin e tij qoftë edhe nën hijen e një kapuçi që nuk ndahej nga koka e tij, fjalët e rënda nga personat familjar të cilat ai i cilëson si një thikë në zemër, dëshpërimi i vajzave kur shihnin atë në realitet gjatë adoleshencës ku ai kishte kuptuar rëndësinë që të shpërndash foto ashtu siç je në të vërtetë, e problemet socio-ekonomike, kanë përhapur ndjenja të ftohta e tejet rrezikuese duke bërë që ai të izolohet në vetvete, përhumbur krejtësisht në një farë depresioni që e shtyri atë që të trajtohet tek psikologu.
Për këto karakteristika të rrezikshme që janë përhapur përgjatë eksperiencave të tij të ndryshme, ekzistojnë edhe disa strategji parandaluese që ndihmojnë në këto rrethana e për Berishën, ajo se çka ndihmon më së miri është injorimi, dakordimi dhe shndërrimi i fjalëve bulliste apo ofenduese në një shkaka, si një mënyrë që personat përballë nuk do ta merrnin me mend që përdoret nga një njeri që preket emocionalisht me diçka që ai po e vuan.
Fëmijëria e tij, në një kohë kur nuk është përdorë as termi bullizëm, gjatë periudhës kohore nga viti 2004 deri në 2010, për të konsiderohet mjaft e vështirë ku ideja se shprehja e ndjenjave ndaj familjes ishte e paparamenduar për arsye se ai ndjehej si një barrë që po shkaktonte mërzi ndaj prindërve dhe gjyshes së tij duke shtyrë që eventualisht shumë vonë ai të hapte zemrën e tij po asnjëherë qind për qind ndaj gjyshes e cila ishte edhe mbështetja më e madhe për të në mesin e nënës, babait, gjyshit dhe ndonjë shoku të mundshëm.
“Më ka munguar një dashuri nga të tjerët përveç familjes dhe e vërej këtë edhe sot”, thekson ai.
Ndërsa, raporti në shtëpi ku ngushëllimet nuk mungonin nga ana e familjarëve e që në realitet atij iu dukeshin si një gënjeshtër e vogël nga ana e tyre dhe jashtë shtëpisë ku bullizimi kishte gjetur vend çdo ditë dhe ishte bërë pjesë e përditshmërisë, kanë krijuar një balancë jo të shëndetshme duke bërë që edhe ngushëllimet e fjalët e mira që vinin nga personat e dashur, ta lëndonin atë akoma më shumë.
Kurse, tani pas shumë vitesh, raportet me ata njerëz që kanë ndikuar negativisht në gjendjen emocionale të tij, ai i konsideron normale por që gjithmonë përbrenda tij ekziston një neveri ndaj atyre personave, individë këta të cilët Adriani konsideron se nuk kanë faj për shkak të problemeve sistematike në shoqëri.
Për njërën nga momentet më të vështira në rrugëtimin e ashtuquajturës ‘jetë’, e që do të mbetet në kujtesën e tij përgjithmonë e tregon vetë Berisha.
“Kujtoj një çast kur një vajzë erdhi në një lokal dhe na përshëndeti në faqe të gjithëve në tavolinë dhe në mesin e gjashtë shokëve aty, unë isha i vetmi ndaj të cilit iu zgjat vetëm dora. Ai moment ka qenë njëri nga përjetimet më të rënda në jetën time dhe sa herë e kujtoj, e kujtoj se si ka ndikuar tek unë e se si gjesti i saj më ka mbetur në kokë për dy javë rresht ku as nuk kam dal nga banesa. Ende e vërej që edhe pse 31 vjeçar, brenda meje frymojnë gjestet e tjerëve”, thotë Berisha.
Sipas tij, pajtimi me realitetin në pjesën e të folurit ka ardhur përmes ushtrimeve në frymëmarrje me gjyshen ku një përmirësim i jashtëzakonshëm u shfaq gradualisht nga porositë e përshkruara nga një mjek në Zvicër ku edhe përmirësimi në lëkurë ishte tejet i dukshëm.
“Aty fillova të çelem sepse unë isha sikur një lule e cila përbrenda ka qenë duke lulëzuar, por jashtë ka qenë tepër e vyshkur. Andaj krahas çeljes së lules, fillova me pas një kontakt me njerëz dhe fillova me kuptu që është thjesht sipërfaqësore sepse më e rëndësishmja është ajo se çfarë ke në përmbajtje, në brendësi. Mëdyshjet se unë isha i vetëm kundër botës u shndërruan në pyetjet ndaj vetes si: a je njeri i mirë dhe a ke dëshirë të shohësh botën mirë?”, shpalos Berisha.
Për të, pika më e dobët ishin dhe ende sot janë fëmijët ku dëshira e madhe për të luajtur me ta ishte në një nivel të lartë ndërsa ata iknin nga ai, andaj brenda vetes së tij ende ekziston një hezitim ndaj mënyrës se si ata reagojnë sepse gjithçka shihet në sytë e tyre e kjo ishte përjetuar shumë rëndë nga ai.
“Mesazhi im ndaj të gjithë atyre që janë duke e përjetuar të njëjtën gjë që e kam përjetuar unë do të ishte: Këmbëngulni, qëndroni vetja. E rëndësishme është ajo se çfarë keni përbrenda e jo ajo se çka jeni jashtë. Nëse je njeri i mirë dhe vepron mirë, është shumë më e rëndësishme se çfarë do tjetër. E keqja nuk mundet me të keqën por me të mirë sepse e mira gjithmonë triumfon”, thotë Berisha.
Në mesin e rrëfimit të tij, ai tregon se si në fakt ekzistojnë probleme të vazhdueshme të cilat vijnë si pasojë e mos edukimit të duhur në aspektin që në shkolla fillore nuk ekziston një psikolog/e që tregon se është krejtësisht normale bashkëbisedimi me prind apo persona të tjerë për diçka që e shqetëson një njeri. Andaj, këshillimi tek psikologu, prindërit e shoqëria është një hapësirë ndaj të cilës mund të hapet zemra e të shprazet nga brengat e ndryshme që posedon shpirti i njeriut.
“Disa nga mënyrat më efektive për parandalimin e bullizmit në shkolla do të ishin: fushatat e edukimit brenda shkollave, programet antibulliste, shfaqja e filmave të ndryshëm që krijohen rreth dhe për bullizmin, psikologët në shkollat fillore e të mesme jo vetëm për viktimat por edhe për ata që shkaktojnë bullizëm, funksionimi i lëndës së edukatës qytetare në ndërlidhje me mësime informuese e përmbajtësore për bullizimin”, thotë Berisha.
Tutje, ai kujton edhe një histori të cilin e kishte parë në rrjetet sociale ku një gjest i arsimtarëve të një shkolle fillore apo të mesme në Spanjë kishte frymëzuar shumë njerëz për arsye se kur një djalë kishte veshur një fustan në shkollë, ai ishte ofenduar nga pothuajse të gjithë, ndërsa ishin pikërisht arsimtarët që për tre muaj rresht kishin veshur fustane në orë të mësimit për parandalimin e këtij fenomeni.
Duke pasur parasysh që seksizmi, bullizmi dhe racizmi janë shumë të përhapur në qytetin e Prishtinës , është shumë e rëndësishme që ai së bashku me Drejtorinë e Kulturës, të përdorin artin në mënyrë që të përçohen mesazhe të fuqishme drejt këtyre anëve negative të shoqërisë tonë.
“Ndoshta jo shpeshherë, por kemi diskutuar me organizata të ndryshme joqeveritare të cilat funksionojnë në qytetin e Prishtinës në krijimin e programeve parandaluese. Me datën 1 qershor janë shfaqur katër filma që kanë pasur në përmbajtje bullizmin nëpër shkolla tonat fillore dhe të mesme. Në bashkëpunim të mirë me organizatën Etea, kemi diskutuar se si mundemi me kriju programe që të shpërndahen edhe në shkolla në mënyrë që fëmijët të mos vijnë në programe por programet të shkojnë tek fëmijët. Kjo nënkupton që na duhet një flotë e njerëzve sepse ka shumë punë të mëdha logjistike”, tregon Berisha.
Emocionet e jashtëzakonshme e të një niveli të lartë që ndikon në thellësinë shpirtërore janë disa nga dhimbje të cilat Berisha i ka përjetuar e që dëshiron që askush në planet të mos ketë rastin t’i përjetoj.
“Në të njëjtën kohë, unë tani qesh me disa situata por që brenda vetes e shoh se e kam një shenjë që kur e rikujtoj, përsëri emocionohem tepër”, thekson Berisha.
Ndërsa, krejt në fund ai ka ndarë edhe disa nga krenaritë më të madhe në jetën e tij e që ai i kujtonte me shumë kënaqësi.
“Njëra nga kënaqësitë më të mëdha në jetë është kur e kam takuar nënën pas tre viteve sepse nëna ka qenë në Kanada duke u kuruar dhe kur ka ardhur në Kosovë, ka qenë një kënaqësi që nuk mund ta përshkruaj me fjalë. Ndërsa, çmimin e triumfit si DJ më i mirë në Kosovë, zgjedhja në Ansambël dhe pozita e drejtorit në Drejtorinë e Kulturës janë po ashtu disa nga kënaqësitë e radhës”, thotë Berisha.
Tutje, pendesa më e madhe në jetën e tij do të konsiderohej nënvlerësimi i vetes së tij në situata të ndryshme.
“Jam penduar për shumë gjëra në jetë por nga çdo gabim që e kam bërë unë kam mësuar dhe jam munduar që ato gabime mos t’i përsërisë më, por besoj që njëra prej pendesave që kam në jetë është që shpeshherë e kam nënvlerësuar veten në situata të ndryshme dhe kam lejuar që njerëzit e tjerë të kenë aq shumë ndikim tek unë saqë më kanë penguar që të zhvillohem si një lule që unë jam”, përfundon intervistën Berisha për KultPlus.
Pas kësaj interviste që u shoqërua nën prezencën e lotëve, buzëqeshjeve, rikujtimeve dhe diskutimit rreth temës së bullizmit, intervista ruajti një ton origjinal deri në fund dhe përfundoi me një dakordim se ka ende shumë gjëra që mësojmë për krijimin e një të ardhme sa më të mirë e të cilat hedhin dritë mbi terrin e pranishëm që ka kapluar vëmendjen e prindërve, institucioneve dhe shoqërisë tonë, duke lënë një dilemë mbi tërësinë se ku prehet e mira nga e keqja. / KultPlus.com
Me rastin e 1 qershorit, e konsideruar si dita më e rëndësishme për fëmijët, Asambleja Komunale e Fëmijëve të Prishtinës organizuan një mbledhje solemne pikërisht në këtë ditë ku përveç që ata shpalosën talentin e tyre në piano, ata parashtruan dhe diskutuan probleme dhe tema të ndryshme me Drejtorinë e Kulturës, Drejtorinë për Sport, Drejtorinë e Arsimit, Drejtorinë e Shërbimeve Publike, Drejtorinë e Parqeve dhe Drejtorinë e Administratës, shkruan KultPlus.
Asambleja Komunale është konsideruar organi më i lartë i udhëhequr nga fëmijët që ka për qëllim përmirësimin e situatave të ndryshme në të cilën gjenden fëmijët e Prishtinës duke përfshirë këtu: ekspozimin ndaj dhunës në familje, kushtet jo të mira ekonomike, fëmijët që bullizohen pa përkrahje familjare e shumë të tjera.
Kjo ngjarje nisi me fjalimin nga kryetarja e Asamblesë Komunale të fëmijëve të Prishtinës, Era Hysa, e cila foli rreth aktivitete të cilat ata kanë realizuar dhe temat që ata kanë prekur gjatë diskutimeve.
“Asambleja jonë pavarësisht kohës, ka arritur ti mbaj disa takime rreth dy trajnimeve ku trajnimi i parë ka përfshirë shëndetin seksual dhe riprodhues dhe trajnimi i dytë rreth trafikimit me qeniet njerëzore. Po ashtu, janë organizuar disa takime tjera me organizata të ndryshme ku është folur rreth mundësive të ndryshme të bashkëpunimit, takimet me ftesë nga Asambleja Komunale e Fëmijëve në Pejë ku kemi paraqitur punën tonë të deritanishme dhe planet e ardhshme”, thotë Hysa.
Ndërsa, i pranishëm në këtë aktivitet ishte edhe drejtori i Drejtorisë për Kulturë, Adrian Berisha, i cili foli rreth rëndësisë së fëmijëve dhe të ardhmes së tyre.
“Fëmijët duhet të mësohen se si të mendojnë dhe jo çka të mendojnë. Është njëra prej thënieve më të rëndësishme sa i përket fëmijëve dhe edukimit. Si Drejtori ne mendojmë që fokusi ynë kryesor duhet të jetë pikërisht në edukimin e gjeneratave të reja që të kemi një zhvillim të jashtëzakonshëm apo atë çka e dëshirojmë si vend dhe shtet” thotë Berisha.
Sipas tij, secili fëmijë do të ketë sfida e vështirësi të ndryshme por një gjë duhet të dihet se i gjithë fokusi duhet të jetë tek fëmijët. Andaj edhe Komuna e Prishtinës në përgjithësi mundohet që fokusin ta ketë në të ardhmen në mënyrë që ajo të jetë sa më e mirë.
“Ne gjithmonë e festojmë ditën e fëmijëve por realisht dita e fëmijëve duhet të jetë çdo ditë”, përfundon Berisha.
Po ashtu, Drejtoresha e Parqeve, Fatime Hajdari, foli rreth rëndësisë së mbjelljes së drunjëve, luleve dhe hapësirave të gjelbërta dhe publike në qytetin e Prishtinës
“Aktivitetet tona përfshijnë shumë fëmijë për arsye se fëmijët janë kryesisht ata që i shfrytëzojnë këto hapësira. Po ashtu, në kuadër të Drejtorisë së Parqeve janë edhe këndet e fëmijëve për të cilat kujdesemi në rast se dëmtohen apo shkatërrohen”, thotë Hajdari.
Sipas saj, është një fatkeqësi që në qytet këto kënde të lojërave apo hapësirat e gjelbëra, degradohen pa qëllim e me rast edhe me qëllim, por e rëndësishme është që mesazhi të përcjellet që të jesh një njeri i mirë, i sjellshëm dhe i kujdesshëm është gjithmonë në modë dhe jo e kundërta.
Pas këtyre fjalimeve, Asambleja Komunale e Fëmijëve të Prishtinës pati rastin që të parashtrojë kërkesa, shqetësime dhe çdo gjë tjetër që ata mendojnë se është dashur të diskutohet.
Pyetjet, kërkesat dhe shqetësimet e tyre të parashtruara ishin rreth këtyre temave: mungesën e psikologëve, mbajtjen e semi maturës dhe ekskursionit, mungesën e fëmijëve gjatë ditëve mësimore në shkolla, ekzistenca dhe mungesa e uniformave në shkolla të ndryshme, mungesa e mjeteve dixhitale në shkolla, mungesa e mjeteve bazike në disa shkolla për zhvillimin e orës mësimore, mungesa e kushteve të nevojshme për kabinetet e lëndëve të ndryshme në shkolla, mungesa e zhvillimit të transportit publik të shpejtë dhe të dobishëm, ndërmarrjet e ndryshme në lidhje me ndotjen e ajrit, kyçja e personave me aftësi të kufizuara në ambientet e shkollës dhe sallave të sportit, përfshirja e aktiviteteve dhe programeve të ndryshme vetëdijësuese për fëmijët, zbatimi i mësimit gjithëpërfshirës, rritja e sigurisë në shkolla dhe masat e ndryshme të ndërmarra si dhe shfrytëzimi i nxënësve me talente në rrjedhën kulturore.
Ndaj këtyre pyetjeve të llojllojshme, të pranishëm për tu përgjigjur ishin përfaqësuesit dhe përgjegjësit e institucioneve si: Drejtoria e Kulturës, Drejtoria e Arsimit, Drejtoria e Shërbimeve Publike, Drejtoria e Administratës, Drejtoria e Sportit dhe Drejtoria e Parqeve, të cilët u përkujdesën rreth brengave dhe shqetësimeve të tyre në kuadër të kulturës, rinisë, edukimit dhe sportit.
Kështu, krejt në fund u ndanë mirënjohje nga drejtori i Drejtorisë për Kulturë, Adrian Berisha për secilin fëmijë të pranishëm nga Asambleja Komunale e Fëmijëve të Prishtinës. Kurse, është bërë e ditur se do të organizohet një ceremoni në sheshin ‘Zahir Pajaziti’ për të shfrytëzuar hapësirën për dy gjeneratat që kanë humbur mundësinë për të përjetuar mbrëmjen e maturës dhe njëkohësisht që fëmijët ti japin ‘lamtumirën e fundit’ njëri-tjetrit. Po ashtu, është bërë e ditur se këtë vit është menduar planifikimi për ndarjen e 15 bursave për talentet sportive të Komunës së Prishtinës. / KultPlus.com
Drejtori i Kulturës në Komunën e Prishtinës, Adrian Berisha, ka bërë të ditur se në vjeshtën e vitit 2022, njëra nga ngjarjet më të mëdha artistike në Evropë, do të zë vend në Prishtinë, përcjell KultPlus.
Berisha përmes një statusi në rrjetin social në Facebook, ka theksuar se gjatë këtyre ditëve ka mikëpritur drejtoreshën e ”Manifesta 14”’, Hedwing Fijen dhe ekipin, ku siç ka theksuar ai, janë dakorduar për hapat e radhës në lidhje me këtë ngjarje.
”Gjithashtu për rrjedhën e projekteve, zhvilluam takime edhe me aktere të ndryshëm që ndërlidhen me ‘Manifesta 14′ në përgjithësi, si në fushat e kulturës, edukimit, urbanizmit e për bashkëpunimet e ndryshme ndërkombëtare që do t’i kemi’‘, ka shkruar tutje Berisha. / KultPlus.com
Komuna e Prishtinës ka hapur konkursin për renovim artistik të Tunelit të Kurrizit, me qëllim që të hartohet zgjidhja urbane dhe arkitektonike për rigjenerimin e këtij tuneli në mënyrë që kjo hapësirë të shërbejë për ngjarje kulturore, shkruan KultPlus.
Lajmi është bërë i ditur nga drejtori për Kulturë në Komunën e Prishtinës, Adrian Berisha i cili nëpërmjet një postimi në Facebook ka shkruar se Tuneli i Kurrizit në lagjen Dardania paraqet një nga asetet kulturore dhe ekonomike të cilin Komuna e Prishtinës do ta rivitalizoj në mënyrë që të rikthehet aktiviteti në këtë pjesë të qyteti, njëlloj sikurse përgjatë viteve të ’90-ta.
Data e fundit për aplikim në këtë konkurs është deri më 14 qershor në orën 14:00
Më poshtë mund të lexoni statusin e plotë:
Hapet KONKURS per renovimin artistik te Tunelit te Kurrizit
Tuneli i Kurrizit ne lagjen Dardania, paraqet nje aset kulturor dhe ekonomik, te cilin Komuna e Prishtines do te revitalizoj ne menyre qe ta kthej atraktivitetin ne kete pjese te qytetit, ashtu si ishte gjate viteve 90’.
Qellimi kryesor i konkursit eshte hartimi i zgjidhjes urbane dhe arkitektonike per regjenerimin e Tunelit te Kurrizit nepermjet artit, ne menyre qe kjo hapesire te sherbeje per ngjarje te ndryshme kulturore.
Ju ftojme qe te aplikoni me projektet tuaja.
Ne linkun me poshte mund te njoftoheni me hollesisht rreth konkursit:
Drejtoria e Kulturës në Komunën e Prishtinës ka arritur sot marrëveshje me Unionin e Turizmit të Kosovës- UTK për rritjen e bashkëpunimit në përmirësimin e gjendjes në sektorin e Turizmit në Komunën e Prishtinës, shkruan KultPlus.
Lajmin e ka bërë të ditur, drejtori i Drejtorisë së Kulturës, Adrian Berisha, i cili tutje ka njoftuar se në takim me Baki Hotin janë dakorduar në koordinimin dhe bashkëpunimin e aktiviteteve të ndërsjella, si në hartimin e politikave, strategjive zhvillimore dhe aktiviteteve turistike.
Gjithashtu, Berisha ka treguar se në bashkëpunim me shoqata e gastronomëve, përmes kësaj marrëveshje do t’i certifikojnë me SAVE Travel rreth 50 biznese që ndërlidhen me turizmin, duke përfshirë trafikun urban, kafiteritë, agjensionet e turizmit, hotelet, etj.
“Kjo marrëveshje është përpjekje për një ndikim pozitiv në mjedis, shoqëri dhe ekonomi.
Bashke për një turizëm sa më të zhvilluar”, shkruan Berisha. / KultPlus.com
Në kuadër të shënimit të ditëve të Evropës, Komuna e Prishtinës në bashkëpunim me Europe House Kosovo, kanë filluar ngjyrosjen e ‘Shkallëve të Dragodanit’, shkruan KultPlus.
Lajmi është bërë i ditur nga drejtori për Kulturë në Komunën e Prishtinës, Adrian Berisha i cili në një postim në Facebook ka shkruar se qasja e tyre shkon çdo herë drejt ringjalljes dhe zbukurimit.
Tutje ai ka shtuar se përdorimi i ngjyrave në hapësira publike nuk është vetëm një akt artistik, por dhe një formë e veprimit politik se si e shohim qytetin tonë.
Berisha gjithashtu ka kërkuar mirëkuptim nga banorët e kësaj zone sepse ecja nëpër shkallë gjatë këtyre ditëve do të jetë e pamundur.
Më poshtë mund të lexoni njoftimin e plotë:
Ne kuader te shenimit te Diteve te Europes, permes bashkepunimit me Europe House Kosovo, po i japim ngjyre “Shkalleve te Dragodanit”.
Qasja jone eshte gjithmone drejt ringjalljes dhe zbukurimit. Te krijojme per te ndiku, duke transformu hapesira publike me nje vizion te fuqishem. Andaj, perdorimi i ngjyrave ne hapesire publike nuk eshte vetem nje akt artistik, perkundrazi eshte nje forme e veprimit politik se si e shohim qytetin tone.
Vepra eshte duke u realizu nga nje grup punes me artiste vendor dhe nderkombetar. Faleminderit Ag On dhe ekipit punues per kurimin artistik dhe realizimin e vepres.
Ps. Gjate ketyre diteve ecja neper shkalle eshte e pamundur, andaj lusim per mirekuptim banoret e lagjes./ KultPlus.com
Komuna e Prishtinës ka nisur projektin për të zbukuruar me vizatime të ndryshme hapësirat publike, shkruan KultPlus.
Projekti “Jepi ngjyrë Prishtinës” kësaj radhe kishte në fokus trafot e rrymës në lagjen Pejton.
Me ngjyra e vizatime plotë jetë, trafot janë shndërruar në vepra arti dhe padyshim që kjo gjë po ju pëlqen edhe qytetarëve të cilët po ndalojnë t’i shohin e bëjnë fotografi.
Drejtori në Drejtorinë e Kulturës në Komunën e Prishtinës, Adrian Berisha është shprehur se ky projekt në bashkëpunim me KEDS Energy, ndihmon në parandalimin e mbishkrimeve si dhe në rritjen e ambientit estetik të zonave përreth.
Ai tutje ka potencuar se përdorimi i ngjyrave në hapësirë publike nuk është vetëm akt artistik, por një formë e veprimit politik se si e shohim qytetin tonë.
‘’Permes artit, trafot e rrymes ne PEJTON jane mbeshtjelle me ngjyrat me te bukura. Mbeshtjellja e kutive me vepra arti na ndihmon ne parandalimin e mbishkrimeve si dhe ne rritjen e ambientit estetik te zonave perreth. Faleminderit per bashkepunim KEDS Energy dhe te gjithe atyre qe kane kontribu per realizimin e ketij projekti. Perdorimi i ngjyrave ne hapesire publike nuk eshte vetem nje akt artistik, perkundrazi eshte nje forme e veprimit politik se si e shohim qytetin tone”, shkruan Berisha. / KultPlus.com
Njihen si dy prej aktorëve më të mira në Kosovë, por Maylinda Kasumovic e Rozafa Çelaj po thyejnë kufijtë, kësaj radhe duke u bërë pjesë e një seriali ndërkombëtar, premiera e secilit vjen të dielën në HBO, shkruan KultPlus.
Dy aktoret kosovare do të luajnë në serinë ‘Welcome to Utmark’ që është shkruar nga skenaristi danez Kim Fupz Aakeson dhe është një seri tetë pjesëshe.
Për këtë sukses të tyrin ka reaguar edhe drejtori në Drejtorinë e Kulturës në Komunën e Prishtinës, Adrian Berisha i cili i ka përgëzuar vajzat për këtë sukses të madh.
Berisha njëherit është shprehur i bindur se ky është vetëm fillimi i një rrugëtimi të suksesshëm jashtë Kosovës për dy aktoret tona.
“Maylinda dhe Rozafa e kane deshmu veten si aktore ne filmat vendor, por te qenit pjese e nje seriali nderkombetar, premiera e secilit do te jete kete te diele ne HBO, eshte nje lajm i
mrekullueshem per te gjithe ne. Shoqet tona i pergezoj per kete arritje dhe ju uroj nje rrugetim te gjate dhe te suksesshem edhe jashte Kosoves.
Prishtina eshte krenare me ju dhe ju jemi mirenjohes gjithmonë”, shkruan Berisha në rrjetin e tij social Facebook. / KultPlus.com
Komuna e Prishtinës, përkatësisht Drejtori i Kulturës Adrian Berisha, ka bërë të ditur se duke nisur nga java tjetër, do të sjellin eventin e veçantë ‘Drive In Cinema Prishtina’, përcjell KultPlus.
Open Air Cinema vjen me datë 17.04.2021 duke filluar nga ora 19:30 dhe është i hapur vetëm për personat mbi 18 vjeç.
Berisha në postimin e tij në rrjetin social Facebook ka treguar se propozimi për këtë event ka ardhur nga Architecture for Humans, ku siç ka theksuar tutje ai, ky projekt është planifikuar për vitin që lamë pas por vetëm tash do të jetësohet.
‘Me qëllimin e vetëm për relaksimin tonë në këtë kohë pandemie, po sjellim eventin e veçantë DRIVE IN CINEMA PRISHTINA. Përmes këtij eventi, do të largohemi sadopak nga problemet ditore dhe do të udhëtojmë bashkë me filmin ‘Pulp Fiction’, drejt jetes amerikane të viteve të 90-ta’, ka shkruar Berisha.
Vendi ku do të mbahet ky event është në hapësirën parkuese të Prishtina Parking, mbrapa Pallatit të Rinisë. Ndërkaq, bartja e maskës dhe distanca gjatë transmetimit të filmit është obligative.
Bashkangjitur gjeni edhe linkun e eventit. / KultPlus.com
Drejtori në Drejtorinë e Kulturës në Komunë e Prishtinës, Adrian Berisha ka bërë thirrje publike që në këtë kohë pandemie të tregojmë respekt ndaj njëri tjetrit, të ruajmë më shumë ambienti dhe ti përkrahim bizneset e vogla e veçanërisht ato në zonat rurale, shkruan KultPlus.
Këtë thirrje ai ka bërë nëpërmjet një postimi në rrjetin social Facebook teksa ka shtuar se secili prej nesh mund të bëjë gjëra të vogla e me dashuri të madhe.
Më poshtë mund të lexoni statusin e tij të plotë:
Shoqni e dashtun,
Tash e disa kohe jam mundu me u kursy me komentu ose me shkrujt per ndonje dukuri jashta Komunes se Prishtines, vecanerisht, kur tashme, jam i fokusuar 100% ne Drejtorine per Kulture ne qytetin tone, por kesaj rradhe nuk po muj pa e shpreh mendimin tim personal rreth ngjarjeve te fundit ne pergjithesi ne shoqnine tone.
Sinqerisht osht e pabesushme dhe shume e dhimbshme se sa jemi perqa si shoqni. Ne rruge, ne takime e vecanerisht ketu ne rrjete sociale eshte kriju nje negativitet i papame. Helm e vner, ndjenje toksike ne pergjithesi. Ose je me mu, ose je me ata. A bon bre me kon najher bashke dhe me i luftu keto dukuri negative bashkarisht?
E kuptoj qe ka ndiku situata me pandemine ne pergjithesi, normalisht, jo vetem tek ne, por ne te gjithe globin. Problemet shendetesore dhe ekonomike, problemet me vaksinen dhe problemet financiare jane duke na shkaktu shume probleme, ne vecanti ne aspektin e shendetit mendor; por, duke e marr parasysh qe e kemi vec nje jete, mundonu bre me dashte sadopak njoni-tjetrin. Perqafe dikond, vizitoje ndonje park, mbjelle naj lule ose ndonje dru, fillo me eksploru muzike te re, lexoje naj liber, kqyre ni film. Hypi bicikletes e shko deri ne Taukbahce, vizitoje Germine, vizitoje pjesen e bukur te Gollakut, vizitoje Pyllin e Arinjve, pse jo edhe Liqenin e Badovcit ose te Batllaves. Vizitoje Parkun Arkeologjik Ulpiana, ki me u befasu. Vizitoje Muzeun e Kosoves dhe shihi artifaktet qe i posedon muzeu si institucion. Shko deri ne Rugove ose vizitoje qytetin e bukur te Prizrenit. Mendo per planetin dhe se cka ki me lon mbrapa kur te shuhemi si qenje njerezore. Gjithashtu, kur te mer kafen take aëay, mos e gjuj bre ne hapesire publike se planeti e hapesira publike osht e jona e perbashket.
Nese ki me shpenzu edhe 1 euro te vetme, blej ne dyqanet e vogla te familjeve, vecanerisht atyre ne zonat rurale. Per ty osht pak, per ato familje osht shume. Shfrytezojni keto momente ne kete jete per te mire. Duajeni njoni-tjetrin. Nje jete e kena.
Nana Tereze ka thone:
Jo secili prej neve mundet me bo gjera te medha. Por, secili prej neve mundet me bo gjera te vogla me dashuri te madhe.
Edhe ti, bone ni gjest te mire. Nuk ka lidhje nese osht gjest i vogel. Me rendesi ke bo dicka te mire dhe ndjeje qato qe po e bon. Ki me pa qe ki me ni veten shume ma mire.
Me shume dashni per te gjithe,
Adriani
Ps. Normalisht, kur te vizitoni ndonje hapesire, gjithmone mbani distance dhe mbane masken te vendosun./ KutlPlus.com
Shoqni e dashtun,
Tash e disa kohe jam mundu me u kursy me komentu ose me shkrujt per ndonje dukuri jashta Komunes se…
Projekte të reja të cilat për fokus kanë mbështjelljen e natyrës dhe artit në një rezultat të vetëm, për të kapërcyer sfidën e madhe të ‘luftës’ me ndotjen e ajrit në zonat urbane, tashmë po i shtohen Prishtinës. ‘Vertical Garden’ është projekti i radhës, një projekt ky mjaft vetëdijesues për rëndësinë e ambienteve të pastërta e të shëndetshme, shkruan KultPlus.
Duke pasur parasysh mungesën e madhe të gjelbërimit që ka mbetur nën hijen e betoneve, mureve dhe ndërtesave të shumta të cilat po ndikojnë fuqishëm në cilësinë e ajrit, ky projekt do të finalizojë nevojën esenciale për sa më shumë lule, drunj, bimë dhe pemë.
Vendin ku do të vendosen ‘Kopshtet Vertikale’, të cilat do të mbështjellin shtyllat e urës në hyrje të Prishtinës sot e vizitoi drejtori i Drejtorisë për Kulturë në Komunën e Prishtinës, Adrian Berisha bashkë me OJQ Q’art dhe ‘Te Pema’ me qëllim që të shohin mundësitë e integrimit të Gjelbërimit Vertikal me artin.
Në një ambient mes pluhurit, veturave, zhurmës së madhe, ecja dhe vëzhgimi në këtë rreth duket e pa mundur, por disa qytetarë u mblodhën për të parë se çfarë ndryshimi po ndodh në këtë pjesë, ku vërehet një mungesë e madhe e ngjyrave por të cilat tani do të ringjallen e do të mbizotërojnë në mesin e ngjyrës hiri dhe zbehjes së atmosferës.
Ndërsa, se si erdhi ideja për këtë projekt që synon një pamje ndryshe dhe të domosdoshme në hyrjen e qytetit, na tregoi edhe drejtori i Drejtorisë për Kulturë në Komunën e Prishtinës, Adrian Berisha.
“Komuna e Prishtinës në bashkëpunim me ‘TE Pema’, ka ideuar projektin ‘Vertical Garden’, duke pasur parasysh që qyteti jonë ka nevojë për sa më shumë gjelbërim. Pra, në hyrje te Prishtinës nga Fushë Kosova, mendohet që për një periudhë 2 vjeçare, muret të shndërrohen në mure jo me ngjyrë të hirtë por me mure të gjelbërta. Ne e dimë se vitin e kaluar është organizuar edicioni i 4-të i Meeting of Styles, festival ky i cili ka për qëllim që hapësirat e ndryshme ti shndërrojë në hapësira të parkut, pra flasim për muralet si ato në rrugën B dhe tek hekurudha”, tregon Berisha.
Sipas tij, qytetit i nevojitet më së shumti një pamje e tillë, përkundër pamjes vizive e cila shihet çdo ditë nga qytetarët dhe po i ngarkon ata me betonimin që ka ndodhur tash e 20-të vite. Kurse, inspirimi ka ardhur nga kopshti vertikal në Mexico City – ‘Via Verde’, që është formuar për herë të parë.
Tutje ai pohoi se buxheti fillimisht përfshin 60 mijë euro për projektin e Vertical Garden, kurse pjesa e artit në hapësirën publike financohet nga Drejtoria e Kulturës me vlerë rreth 10 mijë euro.
“Po ashtu edhe të gjitha bimët do të jenë të gjalla dhe të cilat e thithin dioksidin e karbonit në sasi të madhe, më një jetëgjatësi në të katër stinët”, potencon Berisha.
Pritshmëritë e tij janë në një nivel mjaftueshëm të lartë duke pasur parasysh reagimet nga qytetarët me mikpritjen e jashtëzakonshme, kur edhe është prezantuar projekti.
Projekti përfshin gjithsej 90 ditë punë duke filluar nga sot, ku ndërtimet e moduleve janë duke u formuar në disa magazina pasi që është një pjesë shumë e frekuentuar e hyrjes në Prishtinë dhe është vendosur që për një kohë në maksimum 2 ose 3 ditë, të bllokohet hapësira që të zbatohet ky projekt. Ndërsa për rëndësinë e projektit dhe bashkëpunimet, foli edhe Dion Deva, Kryeshefi Ekzekutiv (CEO) dhe themeluesi në ‘TE Pema’, duke e konsideruar këtë projekt si një nevojë e veçantë për qytetarët.
“Ky bashkëpunim i dytë erdhi pas një bashkëpunimi të mëparshëm për ’eko ulëset’ në hapësirën e shesheve të kryeqytetit. Jemi profesionalizuar si ekip në ndërtimin e gjelbërimit urban dhe në automatizimin e proceseve, prandaj Komuna e Prishtinës ka vërejtur aftësinë tonë për realizimin e një projekti të tillë dhe në bisedë e sipër kemi vendosur që pjesa më e mirë është rrethi në hyrje të Prishtinës”, tregon Deva.
Sipas tij, sot pas takimit me OJQ Q’art, është menduar që e gjithë kjo hapësirë të jetë jo vetëm një kombinim i ‘Street Art’ ose vetëm i ‘Vertical Garden’, por një integrim i përbashkët për sa më shumë atraktivitet në hyrjen e Prishtinës. / KultPlus.com
Mundësi për kënde të reja të leximit, shfrytëzimit të një hapësire kulturore dhe zhvillimit të aktiviteteve të ndryshme po i shtohen Prishtinës, më saktësisht lagjes ‘Kodra e Trimave’, përmes një projekti tejet të nevojshëm për këtë pjesë, shkruan KultPlus.
Pikërisht sot, pas përfundimit të të gjitha procedurave dhe prokurimit, e po ashtu edhe nënshkrimit të kontratës, filluan punimet për ndërtimin e Qendrës Multifunksionale Kulturore me fokus Bibliotekën në lagjen ‘Kodra e Trimave’, ku për të përcjellë nga afër dhe për të hedhur gurë-themelin e parë, të pranishëm ishin edhe kryetari i Komunës së Prishtinës, Shpend Ahmeti dhe drejtori i Drejtorisë për Kulturë në Komunën e Prishtinës, Adrian Berisha.
Duke pasur parasysh të gjitha investimet në infrastrukturë dhe aktiviteteve të ndryshme, Shpend Ahmeti potencoi se rëndësia e këtij objekti është në shërbim të leximit dhe funksioneve të tjera kulturore të cilat do të duhej të ishin pjesë e përditshme e çdo njeriu.
“Përkundër disa investimeve që janë zhvilluar në këtë lagje në vitet e fundit, duke përfshirë çerdhen më të madhe në Prishtinë dhe plotë rrugë tjera, megjithatë kjo lagje ka mbetur një prej lagjeve më të pabarabarta me lagjet e tjera”, tha Ahmeti.
Sipas Ahmetit, edhe nëse ata do të kishin shpenzuar të gjithë buxhetin e Prishtinës në lagjen ‘Kodra e Trimave’, përsëri do të nevojiteshin edhe 10 vite për tu barazuar me lagjet e tjera për shkak të mungesës së investimeve në këtë pjesë.
Tutje ai pohoi se kjo lagje tanimë është e favorizuar, “Por ende nuk kemi dalur në plus, prandaj edhe po mendojmë të sjellim sa më shumë projekte në këtë lagje”, potencon Ahmeti.
Projekti përfshin gjithsej 150 ditë punë duke filluar nga sot dhe ka një buxhet afro 141 mijë euro, dhe për rëndësinë e saj dhe vlerat kulturore foli edhe drejtori Adrian Berisha duke e konsideruar këtë projekt si të jashtëzakonshëm.
“Projekti është mjaft i rëndësishëm, veçanërisht për lagjen ‘Kodra e Trimave’, duke pasur parasysh se në tërë këtë lagje nuk ka as edhe një qendër të vetme kulturore të tillë, prandaj është edhe e jashtëzakonshme që ky projekt do të ndërtohet”, tha Berisha.
Shoqëria e cila është në mungesë të mundësive të shfrytëzimit të një biblioteke, ka pabarazuar qytetarët me komunitetet e tjera të cilat tashmë kanë një bibliotekë. Por edhe pse në mungesë të saj, disa qytetarë hasën në një problem të vogël ku nxënësit që kanë përdorur një rrugë për të hyrë në shkollën ‘Hilmi Rakovica’, tanimë është mbyllur për shkak të rreziqeve përgjatë punimeve.
Për këtë shqetësim të qytetarëve u kujdes edhe vetë drejtori i Drejtorisë për Kulturë, i cili tha se çdo kërkesë dhe sugjerim i banorëve do të trajtohet me shumë seriozitet.
“Qëllimi i Komunës së Prishtinës është një qëllim i mirë, për të rinjtë të cilët mund të kalojnë kohë duke u fokusuar në edukim dhe kulturë, prandaj edhe pas vendosjes së gurë themelit do të diskutohet për një gjuhë të përbashkët në mënyrë që nxënësit të kalojnë në një rrugë të përshtatshme, gjithmonë duke pasur parasysh që të mos rrezikohet jeta e askujt”, përfundon Berisha
Ky projekt u mundësua nga Komuna e Prishtinës në bashkëpunim me Universitetin UBT dhe Studio G+A Architects për donacionin e projektit kryesor, udhëhequr nga Arbër Sadiki dhe ideuar nga Rilind Sadiku. / KultPlus.com
Ditën e djeshme u bë e ditur se Adrian Berisha u emërua drejtor i Drejtorisë për Kulturë në Komunën e Prishtinës, post ky i cili deri dje ka qenë nën udhëheqjen e regjisores Blerta Basholli, shkruan KultPlus.
Ndërkaq, sot përmes një statusi në rrjetin social Facebook, Basholli ka falenderuar të gjithë ata që ishin pjesë e rrugëtimit të saj dy vjeçar në Komunën e Prishtinës, ku ndër të tjera ka theksuar së për shkak të angazhimeve me filmin ‘Zgjoi’ ka kërkuar që të lirohet nga pozita e Drejtoreshës së Kulturës.
Më poshtë gjeni statusin e plotë të Bashollit.
Të dashtun,
Për shkak të angazhimeve që më kanë dalë si rezultat i suksesit të filmit Zgjoi në Sundance Film Festival, kam kërkuar nga Kryetari Ahmeti të më lirojë nga pozita e Drejtores për Kulturë . Kryetari si bashkëpunues i pashoq, si njohës i mirë i filmit, si gjithmonë, më ka mbështetur dhe e ka kuptuar këtë kërkesë timen, për çfarë e falenderoj pafundësisht.
Për mua ka qenë kënaqësi dhe nder të bashkëpunoj me Kryetarin Shpend Ahmeti dhe kabinetin e tij, me shumë kënaqësi e kam pranuar detyrën kur më është ofruar dhe jam munduar maksimalisht të jap kontributin tim për periudhën sa kam qenë aty.
Dy vite rrugëtim me shumë ngritje e ulje, mund të them që ka qenë një prej rrugëtimeve më interesante dhe intensive të jetës time.
Kam mësuar shumë, kam njohur njerëz shumë të mirë brenda dhe jashtë komunës, të cilët nuk do t’i harroj kurrë.
Shumë projekte janë vazhduar e shumë të tjera janë inicuar e përfunduar, të tjerat me padurim i pres të përfundojnë edhe pas largimit tim.
Më vjen mirë që detyrën e përfundova me një projekt të veçantë dhe që pata fatin të bashkëpunoj me artistët si Florent Boshnjaku dhe Armend Rexhepagiqi, të cilët ideuan dhe realizuan një nga projektet më të bukura të Drejtorisë së Kulturës, e që na e dhanë një ndjenjë të vecantë të gjithëve. Me vjen mirë që patëm mundësinë të mbështesim këtë projekt e edhe shumë projekte tjera të bukura përgjatë mandatit tim.
Falenderim i veçantë për drejtorin e tanishëm, Adrian Berishën, të cilit i uroj shumë sukses, i cili ka qenë bashkëpunëtor i afërt i drejtorisë së kulturës dhe shtytës i shumë projekteve.
Falenderoj zyrtaret e kulturës: Lindita Hajdari, Arjona Caraku, Lindita Cervadiku, Dafina Krasniqi, Yllka Syla, Teuta Hoxha Jahaj, Drejtorin Visar Krusha, Drejtorin Munish Hyseni, Drejtorin Abaz Makolli, Drejtoren Drita Rudi, pa të cilat dhe të cilët shumë projekte do të ishin të pamundur për tu realizuar. Faleminderit Mimoza Sylejmani, Labinot Salihu, Ardiana Gjinolli, Florim Krasniqi e shumë e shumë te tjerë!!!
Falenderoj të gjithë Drejtoret dhe Drejtorët e Drejtorive, zyrtaret dhe zyrtarët e drejtorive të tjera, zyren e rigjenerimit urban ne vecanti dhe gjithë bashkëpunorët e jashtëm e bashkëfinancuesit që na kanë ndihmuar shumë gjatë kësaj periudhe.
Me Respekt për të gjithë ju që pata rastin me ju njoftë e me punu bashkë, Blerta Basholli‘ / KultPlus.com
Adrian Berisha është emëruar drejtor i Drejtorisë për Kulturë në Komunën e Prishtinës, post ky që deri më tani ka qenë nën udhëheqjen e regjisores së suksesshme, Blerta Basholli, shkruan KultPlus.
Lajmi është bërë i ditur nga vetë Berishë në një postim në Facebook ku dhe ka deklaruar se është njëra ndër përgjegjësitë më të rëndësishme në jetën e tij.
“Kam kenaqesine qe te ju informoje se qe nga sot, do te barte pergjegjesine me te rendesishme ne jeten time publike, ate te Drejtorit per Kulture ne Komunen e Prishtines, qytetit tim te dashtun. Mbeshtetjen dhe besimin e Kryetarit Shpend A. Ahmeti, te cilin e falenderoj shume, do ta marr si obligim per ti sherby qytetit tone mbare e me pergjegjesi te plote”, ka shkruar ndër të tjera ai.
Tutje Adrian Berisha ka shtuar se njëri ndër projektet e tij primare do të jetë edhe ndërlidhja e kulturës me arsimin përmes klubeve e programeve të artit në shkollat e Prishtinës.
Sipas tij, përgjatë mandatit të tij si drejtor ai do të punoj edhe në projektet që kanë qenë të planifikuara deri më sot nga drejtoria e kulturës./ KultPlus.com
Sot në ora 20:20 fillova me lujtë muzikë për lagjen e kojshitë tonë. Për arsye se po kalojmë në një periudhë të vështirë psiqike si shoqni, u inspirova nga ky gjest të cilin po e perdorin italianet për të kaluar sadopak monotoninë që na ka kaplu për momentin.
Fatkeqësisht disa kojshi janë anku dhe Policia e Kosovës me detyruan me ndalu muzikën. Gjithsesi mua më mbetet që vendimet dhe keshillat e policisë t’i respektoj e zbatoj, kurse kojshive të cilëve ju kam pengu te ju kërkoj falje.
Sidoqofte, a mendoni se duhet me lujt cdo natë muzikë nga ora 20:20 deri ne ora 21:00? Ju lutem që nëse jeni pro, komentoni me poshtë me PO.
Faleminderit krejtve dhe ju përshendes me këtë kangë:
