Agim Ademi është rizgjedhur në krye të Federatës së Futbollit të Kosovës.
Ademi mori 42 vota në Kuvendin zgjedhor dhe ishte kandidati i vetëm për të parin e FFK-së.
Ky vendim erdhi pas verifikimit të aplikimeve të të kandiduarve për kryetar, verifikimit të nënshkrimeve të delegatëve ligjor që mbështesin të kandiduarit për t’u zgjedhur kryetar i FFK-së, si dhe verifikimin e procedurave të tjera statutare, në mbledhjen e mbajtur me 2 mars, ku u mor vendim që të aprovojë aplikimin e Agim Ademit, derisa të refuzojë atë të Gramoz Vokrrit./ KultPlus.com
Federata e Futbollit të Kosovës, në prag të zgjedhjeve së 6 prillit, ka marrë vendim që pas verifikimit të aplikimeve të të kandiduarve për kryetar, verifikimit të nënshkrimeve të delegatëve ligjor që mbështesin të kandiduarit për t’u zgjedhur kryetar i FFK-së, si dhe verifikimin e procedurave të tjera statutare, në mbledhjen e mbajtur me 2 mars, mori vendim që të aprovojë aplikimin e Agim Ademit, derisa të refuzojë atë të Gramoz Vokrrit, shkruan KultPlus.
Nga vendimi zyrtar i FFK-së, thuhet se “pas verifikimit të nënshkrimeve në mbështetje të kandidatëve për kryetar të FFK-së, Komisioni ka gjetur se kontestuese kanë qenë nënshkrimet që kanë ardhur nga FC Prishtina, KF Ulpiana 1926 dhe KF Kika”.
Komisioni pas verifikimit të nënshkrimeve të delegatëve të Kuvendit të FFK-së, ka konstatuar se në mbështetje të Gramoz Vokrrit për kryetar të FFK-së, janë gjithsej 13 nënshkrime të vlefshme të delegatëve të ligjshëm të Kuvendit të FFK-së, kurse të pavlefshëm janë pesë nënshkrime dhe atë: nënshkrimi mbështetës i Naim Biçkaj; dy nënshkrimet mbështetese të Rrahman Haradini; nënshkrimi mbështetës i Artan Osmanit, dhe nënshkrimi mbështetës i Bujar Shabanit.
E ky komision erdhi në përfundim, se këto 13 nënshkrime nuk janë të mjaftueshme dhe janë të pas-afatshme, e me ç’rast ky kandidat nuk i plotëson kushtet statutare për të qenë kandidat për Kryetar të FFK-së.
Reagimi i kundër-kandidatit të Ademit, Gramoz Vokrri, ka qenë i menjëhershëm, i cili me të publikuar vendimi ka bërë edhe publikimin e nënshkrimeve, që sipas tij janë konform me ligjet dhe dispozitat e FFK-së.
Vokrri e quan në thojza pjesën e “të pavarur” sa i përket pjesës së FFK-së, derisa thotë se kjo tregon qartë tendencën e kundër kandidatit për të eliminuar me çdo kusht konkurencën dhe frymën demokratike të këtij procesi.
“Në aryetimin e FFK-së kontestohën nënshkrimet e KIKËS, ULPIANËS dhe PRISHTINËS.
Të bashkangjitura keni faktet që dëshmojnë të kundërtën. Këto nënshkrime kanë emra, mbiemra dhe vendime nga klubet e tyre”.
Kandidatit të cilit iu është aprovuar aplikimi për Kryetar, është përballur disa herë më gjykatën për, ku edhe më 12 maj të këtij viti pritet të nis rigjykimi ndaj Agim Ademit, kryetar i Federatës së Futbollit të Kosovës (FFK), i cili bashkë me Muharrem Ramën akuzohet se më 2012 kishin kërcënuar dhe sulmuar Dritëro Kadollin, duke i kërkuar të japë 30 mijë euro ose një “BMW X5”.Një gjë të tillë, për “Betimi për Drejtësi” e ka konfirmuar gjykatësi i rastit Sabit Sadikaj.
E Ademi është liruar në procedurë të rregullt para gjashtë ditësh nga Prokuroria Themelore në Prishtinë, pasi i njëjtëti ishte ndaluar nën dyshimin për sulm të një zyrtari të FFK-së. /KultPlus.com
