Etiketë: Agim Doçi

Homazhet për poetin Agim Doçi, Begaj telegram ngushëllimi familjes

Posted on by Kult Plus

Presidenti Bajram Begaj, shprehu sot ngushëllime për ndarjen nga jeta të artistit Agim Doçi, ndërsa dërgoi edhe një kurorë lulesh në homazhet e lamtumirës së fundit.

Në telegramin e ngushëllimit dërguar familjarëve të poetit, Presidenti Begaj e vlerëson “Mjeshtrin e Madh” Agim Doçi për frymëzimin e brezave me dashurinë për shqiptarinë përmes teksteve të këngëve patriotike.

“Njerëz të tillë mbeten përgjithmonë në memorien e popullit dhe kombit, dhe kujtohen me nderim, respekt e dashuri”, – u shpreh Presidenti Begaj i cili vlerësoi edhe rolin intelektual të Agim Doçit në shoqërinë shqiptare./atsh/KultPlus.com

Homazhet për Agim Doçin, këngëtarja Manjolla Nallbani: Jo thjesht një poet i madh, por një njeri i veçantë si karakter

Posted on by Kult Plus

Këngëtarja e njohur, Manjolla Nallbani ka folur pas homazheve në nder të poetit të njohur, Agim Doçi, i cili ndërroi jetë në moshën 76-vjeçare.

Nallbani tha se Doçi nuk ishte thjesht një poet i madh, por edhe një njeri me karakter të veçantë.

Ajo shtoi se një Agim Doçi nuk vjen më, pasi ishte unik.

“Unë besoj se të gjithë ne humbën jo thjesht një poet te madh, por një njeri te vecantë si karakter, me sinqeritetin e natyrës së tij,  me mënyrën se si i thoshte të vërtetat, me kontributin që ka dhënë në krijimtarinë sidomos në kohën e luftës në Kosovë”, tha për News24.

Një Agim Doci nuk vjen më, pasi ishte një njeri unik. Sot shumë dhimbje që humbin një njeri të tillë./KultPlus.com

Ndarja nga jeta e poetit Agim Doçi- Veliaj: Lajm fort i trishtë, do t’i mungojë artit dhe poezisë shqipe!

Posted on by Kult Plus

Kryetari i Bashkisë së Tiranës, Erion Veliaj ka shprehur ngushëllimet e tij për ndarjen nga jeta të poetit dhe autorit të dhjetëra teksteve të këngëve shqiptare, Agim Doçi.

Veliaj është shprehur se Agimi do t’i mungojë artit dhe poezisë shqipe.

“Fort i trishtuar për ndarjen nga jeta të Agim Doçit, poetit dhe autorit të teksteve të dhjetra këngëve, fitues i shumë çmimeve në festivale. Agimi do t’i mungojë artit dhe poezisë shqipe! Ngushëllime të përzemërta familjarëve dhe të afërmve. U prehsh në paqe!”, shkruan Veliaj në rrjetet sociale.

Poeti i njohur Agim Doçi është ndarë sot nga jeta në moshën 76-vjeçare. Doçi ndodhej prej mëngjesit të së shtunës në reanimacion në Shërbimin e Neurologjisë në QSUT pasi pësoi hemorragji cerebrale./KultPlus.com

Dhënia e titujve të nderit për artistët, Doçi: Kemi aq shumë tituj nderi sa s’kemi më komb

Posted on by Kult Plus

Shkrimtari dhe autori i këngëve Agim Doçi ironizon mënyrës si po ndahen titujt e nderit në Shqipëri.

“Janë dhënë aq shumë tituj “Nderi i Kombit”,  sa s’kemi më komb. Kush do t’i japë titujt njëherë.  E vetmja ministre kulture që ka propozuar tituj kulture ka qenë Arta Dade.

Pastaj, ç’më duhet titulli kur interpretuesit  e veprave të mia e kanë marrë atë 7-8 vjet para meje?!”, tha artisti në një intervistë për “Shqipëria live”.

Titujt “Nder i Kombit” dhe “Mjeshtër i Madh” ndahen nga presidenti i Republikës. Së fundmi ka pasur shumë kritika për faktin se shumë artistë i kanë marrë këto tituj, përfshirë këtu edhe këngëtarin e muzikës popullore, Ylli Baka. Ashtu si Agim Doçi dhe të tjerë mendojnë se janë dhënë tituj të pamerituar. Aktorja Zamira Kita thotë se “këto tituj janë bërë aq baltë sa nuk kanë më vlerë”.

Doçi thotë se titullin “Nder i Kombit” nuk duhet të mbetet brenda territorit të Shqipërisë, kur kombi shqiptar është më shumë se kaq. “Kombi është dhe në Mal të Zi, dhe në Kosovë, Çamëri, pse nuk ndajnë tituj edhe për artistët atje”./tch/KultPlus.com