Muzeu i Lidhjes Shqiptare të Prizrenit do të jetë i hapur dhe pa pagesë për të gjithë vizitorët më datë 17 shkurt, shkruan KultPlus.
Kështu bëri të ditur Ministria e Kulturës, Rinisë dhe Sportit përmes një postimi në llogarinë zyrtare.
“Me datën 17 Shkurt, Dita e Pavarësisë së Kosovës, Muzeu i Lidhjes Shqiptare të Prizrenit do të jetë i hapur dhe pa pagesë për të gjithë vizitorët”.
Ndërkohë, Qeveria e Kosovës ka bërë të ditur edhe agjendën shtetërore për këtë ditë. /KultPlus.com
Më 17 shkurt, Kosova do të festojë 14 vjetorin e shpalljes së Pavarësisë, e tani veçse kanë filluar edhe përgatitjet për të shënuar këtë festë, shkruan KultPlus.
Si çdo vit, edhe kësaj radhe janë paraparë disa aktivitete shtetërore, e madje është publikuar edhe agjenda shtetërore.
Zyra e Kryeministrit njofton se aktivitetet për 14 vjetorin e Pavarësisë do të fillojnë nga ora 08:00 me ngritjen e flamurit në oborrin e Qeverisë së Kosovës.
Me kurora lulesh do të viziohet kompleksi “Adem Jashari” në Prekaz, derisa i njejti aktivitet do të ndodhë edhe te varri i presidentit Ibrahim Rugova dhe veprimtarit Adem Demaçi, konkretisht nga ora 09:10-09:30.
Kurse në orën 11:00 do të nis seanca solemne e Kuvendit të Kosovës. Për shënimin e këtij përvjetori do të parakalojë edhe FSK-ja dhe Policia e Kosovës nga ora 12:00 deri në ora 13:00.
Aktivitetet për shënimin e 14 vjetorit të pavarësisë do të mbyllen në orën 20:00 me një koncert që do të mbahen të Kino Armata në Prishtinë.
Që nga data e shpalljes së pavarësisë së Kosovës, pra, si shtet i pavarur dhe sovran, deri tani 117 shtete kanë njohur vendin më të ri në kontinentin e vjetër. /KultPlus.com