Etiketë: Akademia e Arteve

Esat Valla sonte me ekspozitë personale në Akademinë e Arteve

Posted on by Kult Plus

Në mjediset e Akademisë së Arteve të Kosovës, sonte do të hapet ekspozita personale e piktorit Esat Valla, shkruan KultPlus.

Të gjithë artdashësit, sonte në ora 19:00, mund të marrin pjesë në ekspozitën personale të piktorit Valla.

Esat Valla u lind më 22 prill 1944 në Gjakovë, ku edhe ndoqi shkollën fillore. Në vitin 1965 mbaroi shkollën e mesme artistike në Pejë. Në vitin 1971 u diplomua në Akademinë e Arteve në Beograd (tani Universiteti i Arteve në Beograd ), ku studioi për pikturë te profesori Zoran Petroviq. Nga viti ai ishte 1974 ishte anëtar i Shoqatës së Artistëve Figurativ të Kosovës. Ai po ashtu ishte pjesë e Fakultetit të Arteve që nga viti 1976, ku ligjëronte për  pikturë për studentë dhe maturantë, me titullin Profesor Ordinar në Universitetin e Prishtinës. / KultPlus.com

Utopian Magazine: May-linda Kosumovic dhe jeta e saj, e lindur e rritur në Kanada e më pas një ‘yll’ në Kosovë

Posted on by Kult Plus

Revista e bazuar në Francë, Utopian Magazine, ka publikuar së fundmi një artikull kushtuar aktores nga Kosova, May-linda Kosumovic, shkruan KultPlus.

Utopian shpjegon se si Kosumovic ka lindur dhe është rritur në Kanada, por në një moshë të re prindërit e saj vendosën të ktheheshin në vendlindjen e tyre në Kosovë.

Më pas, Kosumovic arriti që të diplomohej në Akademinë e Arteve në vitin 2014, e që atëherë ajo ka qenë kryesuese në shumë filma të vlerësuar nga kritikë të ndryshëm.

“Për më tepër, ajo ka 5 çmime kombëtare dhe ndërkombëtare për shfaqje filmike dhe teatrale. Kosumovic u luajt gjithashtu për një rol dominues në serinë origjinale të HBO Europe “Welcome to Utmark” me regji të regjisorit të shquar islandez Dagur Kári, i cili ka shfaqur premierë në prill 2021. Së fundmi, May-Linda Kosumovic është përgatitur për disa filma të ardhshëm artistikë të cilët do të fillojë në të ardhmen shumë të afërt”, thuhet mes tjerash.

Revista Utopiane është një projekt i bërë me zemër dhe dashuri për të bukurën, do të edukojë të gjithë botën të vlerësojë shijen e stilit të lartë përmes provokimit dhe të vërtetës. /KultPlus.com

May-Linda Kosumovic - UTOPIAN Magazine