Ambasadori i Republikës së Kosovës në Mbretërinë e Bashkuar, Ilir Kapiti ka pritë artistin Akil Dashevcin, i cili ka dërguar një pikturë dhuratë për princeshën Kate Middleton, shkruan KultPlus.
“Vetë Akil Dashevci përballet me sfida, pasi i njëjti është i prekur nga disleksia dhe disgrafia, dhe pikturën “Cornwal” ka vendosë që ta bëjë dhuratë për princeshën Kate, pas deklaratës së saj se është prekur nga kanceri, dhe piktura e përzgjedhur nga Akili është e punuar pikërisht me kauzë për personat me nevoja të veçanta”, ka thënë për KultPlus, nëna e Akilit, Safa Boja Dashevci.
Piktura është dhuruar fillimisht në Ambasadën e Kosovës në Londër, ku ishte i pranishëm edhe Akili, me shpresë që kjo vepër artistike të shkojë deri në vendin për ku edhe është dedikuar.
Akil Dashevci është artist autodidakt dhe deri më tash është prezantuar me gjashtë ekspozita personale, duke përfshirë edhe atë të fundit që është mbajtë në KultPlus Caffe Gallery. Deri më tash ka realizuar mbi 40 vepra artistike./ KultPlus.com
Mbrëmë, hapësira në KultPlus Caffe Gallery, kishte marrë ngjyrë tjetër, me prezantimin e një arti të veçantë të një artisti të veçantë siç është Akil Dashevci, shkruan KultPlus.
“Rrugëtimi përmes ngjyrave”, është ekspozita e katërt me radhë e artistit Dashevci. Përveç këtyre, Dashevci ka prezantuar artin e tij edhe në ekspozita kolektive dhe në gara të artit pamor.
Akil Dashevci, talentin e tij për ngjyrat dhe artin e ka zbuluar gjatë mbylljes në kohë të pandemisë, ngjyra që tashmë kanë shpërthyer përtej mureve të krijimtarisë dhe për t’u prezantuar për publikun e gjerë. E se arti i tij tashmë ka marrë nje kuptim të plotë profesional, u pa edhe në numrin e madh të publikut që kishte mbushur plot hapësirën e kësaj galerie.
Hapjen e ekspozitës e bëri moderatorja, Vlora Merovci, e cila u shpreh se përveç veçantisë që sjell kjo mbrëmje, edhe për të si moderatore, ky ishte një emocion akoma më i veçantë.
“Sonte është një mbrëmje e veçantë, është një ekspozitë e veçantë, sonte edhe unë si prezantuese kam emocione shumë të veçantë. Sonte kemi ekspozitën e një djali 17-vjeçar i cili çfarëdo që mendon dhe çfarëdo që ndjen, nuk e shkruan, por e vizaton, është ky, Akil Dashevci. Akili është një djalë shumë i dashur e i hareshëm, është një djalë shumë paqësor dhe di të jep vetëm dashuri të sinqertë. Unë me këtë rast dua të citoj edhe një thënie të Picassos i cili thotë se ‘çdo fëmijë lind artist, por çështja është se a do të mbetet i tillë kur të rritet’, prandaj unë po ju them se Akili është rritur dhe ka mbetur prapë artist”, u shpreh Merovci.
Në këtë mbrëmje që kishte mbledhur shumë artdashës e familjarë për ta përkrahur artin e veçantë të Akil Dashevci, e para fjalën e mori drejtoresha e KultPlus, Ardianë Pajaziti.
“Faleminderit që keni ardhë në ekspozitën personale të Akil Dashevcit, e cila është e katërta me radhë. KultPlus Caffe Gallery e ka shpreh gatishmërinë që të jetë nikoçire e kësaj ekspozite. Për këtë ekspozitë nuk mund të mos e përmend edhe kontributin e Vlora Merovcit që më ka njohur më afër me nënën e Akilit, e për të dhënë më vonë kontributin grupor në hapjen e kësaj ekspozite. KultPlus gjithmonë i ka mbështetur artistët e rinj, mirëpo kur duhet të gërshetohemi me artin dhe kauzat siç është kjo e sotmja, atëherë vullneti dhe dëshira e redaksisë së KultPlus është edhe më e fuqishme”, u shpeh Pajaziti, e cila mes tjerash tha se arti i Akil Dashevci do të prezantohet edhe për dy javë të tjera në hapësirat e KultPlus Caffe Gallery.
I pranishëm në hapjen e kësaj ekspozite ishte edhe piktori Musa Prelvukaj, i cili nga prespektiva e tij dha një mendim kritik rreth artit të Akil Dashevcit.
“Sot, Akil Dashevci, nuk është një piktor që bën hapat e parë, kjo është ekspozita e tij e katërt që është dëshmuar me piktura. Është fat i mirë që Akili të mirën shpirtërore e shpreh nëpërmjet ngjyrave, prandaj, është një thënie filozofike që thotë se e bukura vizuele është pak e qëndrueshme, e bukura shpirtërore është shekullore e te Akili e gjej të bukurën shpirtërore. Jam i bindur që Akili do të jetë shpirtërisht i bukur deri në frymën e fundit”, tha Prelvukaj duke vazhduar më tutje se meqë e njeh nga afër punën e Akil Dashevcit, nuk kemi të bëjmë me një amatorizëm, por hyrje në një punë profesionale te punimeve e pikturave.
Një fjalë rasti e mori edhe përkujdesësi i Akil Dashevci, Lum Gashi, i cili njëherazi është edhe shoku më i ngushtë i tij.
“Ju përshendes të gjithëve që keni ardhur sonte këtu. E falënderoj stafin e KultPlus për gjithë këtë mundësi që na e keni dhënë”, tha Gashi duke i ftuar më tutje të pranishmit që ta shijojnë ekspozitën e prezantuar.
Për fund, fjalën e morin edhe nëna e Akilit, Safa Dashevci, e cila po ashtu falënderoi të gjithë të pranishmit për pjesëmarrjen.
“Falënderoj të gjithëve që keni ardhur që t’i shikoni punimet e Akilit, falënderoj Ardianë Pajazitin dhe Vlora Merovcin për mbështetjen. Për Akilin u fol shumë sonte, e unë dua për fund t’ju ftoj të gjithëve që ta shijoni ekspozitën”, u shpreh e ëma e Akilit.
Ju rikujtojmë që ekspozita e Akil Dashevcit do të jetë e hapur për dy javë në hapësirat e KultPlus Caffe Gallery./KultPlus.com
Akil Dashevci do të prezantohet sonte me ekspozitë personale në KultPlus Caffe Gallery, i cili nëpërmjet kësaj ekspozite do të prezantojë shpirtin e tij artistik, shkruan KultPlus.
Dashevci me këtë ekspozitë po shënon ekspozitën e katërt personale, dhe në të njëjtën kohë ka marr pjesë edhe në ekspozita kolektive dhe në gara të artit pamor.
Akil Dashevci talentin e tij për ngjyrat dhe artin e ka zbuluar gjatë mbylljes në kohë të pandemisë, ngjyra që tashmë kanë shpërthyer përtej mureve të krijimtarisë dhe për tu prezantuar për publikun e gjerë.
Ekspozita e Akil Dashevcit do të hapet në ora 19:00 në KultPlus Caffe Gallery dhe do të rri e hapur për dy javë.
KultPlus Caffe Gallery dhe Akil Dashevci ju ftojnë që të jeni pjesë e kësaj mbrëmje me ngjyra që do tu prezantohet një ditë para 16-të përvjetorit të Pavarësisë së Kosovës./ KultPlus.com
Akil Dashevci do të prezantohet me ekspozitë personale në KultPlus Caffe Gallery, i cili nëpërmjet kësaj ekspozite do të prezantojë shpirtin e tij artistik, shkruan KultPlus.
Dashevci me këtë ekspozitë po shënon ekspozitën e katërt personale, dhe në të njëjtën kohë ka marr pjesë edhe në ekspozita kolektive dhe në gara të artit pamor.
Akil Dashevci talentin e tij për ngjyrat dhe artin e ka zbuluar gjatë mbylljes në kohë të pandemisë, ngjyra që tashmë kanë shpërthyer përtej mureve të krijimtarisë dhe për tu prezantuar për publikun e gjerë.
Ekspozita e Akil Dashevcit do të hapet më 16 shkurt, në ora 19:00 në KultPlus Caffe Gallery dhe do të rri e hapur për dy javë.
KultPlus Caffe Gallery dhe Akil Dashevci ju ftojnë që të jeni pjesë e kësaj mbrëmje me ngjyra që do tu prezantohet një ditë para 16-të përvjetorit të Pavarësisë së Kosovës./ KultPlus.com
Akil Dashevci, 16 vjeç, nxënës i shkollës fillore “Naim Frashëri” në Prishtinë, i prekur thellë nga tërmetet në Turqi dhe Siri, ka pikturuar dhimbjen për bashkëmoshatarët e tij që kanë pësuar nga kjo tragjedi.
Akili, i apasionuar pas pikturës, ka shprehur vullnetin që t’i ndihmojë bashkëmoshatarët e tij në Turqi, me anë të shitjes së pikturës.
Ai është një artisti i ri i talentuar, i cili vitin e kaluar hapi ekspozitën personale “ Ngjyrat e dashura të Akilit” në Bibliotekën Kombëtare të Kosovës, ku u prezantuan punimet e tij, shkruan RTK.
Talenti i Akilit u vu në pah në ekspozitën “The joy of colours”, organizuar nga qendra Tirana art, ku morën pjesë 800 pjesëmarrës. Akili u shpërblye me çmim special. / KultPlus.com
Mbrëmë në Bibliotekën Kombëtare të Kosovës është shpalosur ekspozita e Akil Dashevcit.
Përmes ekspozitës së tij të parë “Ngjyrat e dashura të Akilit”, ai ka sjell vepra të shkëlqyeshme artistike.
Ministri i Kulturës, Hajrulla Çeku tutje ka njoftuar se Qeveria e Kosovës po punon vazhdimisht për të mundësuar sa më shumë aktivitet dhe integrim shoqëror për personat me aftësi të kufizuara. / KultPlus.com
