Etiketë: Akon

Akon i drejtohet publikut të Kosovës me një video

Posted on by Kult Plus

Super ylli Akon u konfirmua dje si mysafiri ndërkombëtar i “Time Capsule II” që zhvillohet të premten në kryeqytet.

Lajmin e dha Capital T i cili bëri të ditur se Akon e ka pranuar ftesën e tij për të qenë me publikun kosovar në atë që po konsiderohet si ngjarja kulturore më e madhe në kryeqytet përgjatë kësaj vere.

E Akon ka pasur edhe një mesazh për shqiptarët.

Përmes një videoje, ai i ka ftuar të gjithë të jenë aty ditën e premte.

“Prishtina do jem aty me 11 gusht, live me Capital T. Do të performoj live dhe do jetë një çmenduri. Merrni biletat dhe shihemi atje”, thotë mes tjerash Akon. / KultPlus.com

Akon vjen në Prishtinë, i ftuar special në koncertin e Capital T

Posted on by Kult Plus

Edhe pak ditë kanë mbetur nga koncerti i titulluar “Capsule 2”. Më datë 11 gusht në Prishtinë, Capital T ka premtuar që do t’i dhurojë fansave të tij një mbrëmje ndryshe, të mbushur me emocione dhe këngë të bukura.

Por reperi sot ka zbuluat që në koncertin e tij do të ketë edhe një të ftuar shumë special, yllin ndërkombëtar, Akon.

Në mesin e një prej toure-ve të tij legjendare në Europë, Akon pranoi ftesën për të ardhur në Prishtinë në Time Capsule II. Përpos faktit që është këngëtar i kalibrit botëror, Akon është një producent i shkëlqyer dhe filantrop i rrallë. Veprimtaria e tij për zhvillimin e Afrikës jehon fort në rrethet e punës zhvillimore të vendeve të botës së tretë. 

“Më bën vërtet të lumtur të mirëpres një legjendë të gjallë në vendlindjen time, në koncertin tim”, ka shkruar Capital T.

Koncerti Time Capsule II pritet të sjellë shumë surpriza të bukura, me artistë vendas e të huaj. / KultPlus.com

Modelja shqiptare shfaqet përkrahë artistit të njohur botëror Akon (FOTO)

Posted on by KultPlus

Modelja shqiptare Arbenita Ismaili e cila jeton në Londër atje ku tashmë po zhvillon karrierën e saj duke arritur suksese në fushën e modës, së fundmi në vendin tonë u përfol edhe si një modele potenciale për tu bërë pjesë e Victoria’s Secret, shkruan KultPlus.

Së fundmi ajo është përzgjedhur nga make up artistja e famshme Charlotte Tilbury për tutorialin e modeleve të Victoria’s Secret. Krejt kjo jo rastësisht, por falë bukurisë engjëllore dhe formave të përkryera trupore që ajo posedon.

Ndërsa sot ajo ka shpërndarë një fotografi përkrahe artistin të njohur botërorë Akon.

Arbenita dale e ngadalë është duke u ngjitur suksesshëm në botën e artit. /KultPlus.com

https://www.instagram.com/p/BpjtvqmHEnq/
https://www.instagram.com/p/Bpt7oK8HXTm/
https://www.instagram.com/p/Bolw7uLHN2b/