Etiketë: albumi i ri

Albumi i ri Ed Sheeran flet për tumorin e bashkëshortes gjatë shtatzënisë, ankthin dhe depresionin

Posted on by Kult Plus

Ed Sheeran ka publikuar trailer-in e albumit të ri “Subtract” dhe në foton e kopertinës, është vetë artisti nën ujë, duke nënkuptuar kështu “mendimet më të thella dhe më të errëta”. Ai foli për tumorin e bashkëshortes shtatzënë, vdekjen e mikut të ngushtë dhe gjyqin në të cilin u përfshi.

“Kam punuar me “Subtract” për një dekadë, duke u munduar të krijoj albumin akustik perfekt, duke shkruar dhe regjistruar qindra këngë me vizionin e qartë se si do të ishin. Pastaj, në fillim të 2022-shit, një seri ngjarjesh ndryshuan jetën, shëndetin tim mendor dhe si përfundim, mënyrën se si e shoh muzikën dhe artin”, u shpreh këngëtari.

“Të shkruaj këngë është terapia ime. Më ndihmon të qartësoj ndjenjat. I shkrova pa menduar këngët. E, për vetëm një javë, zëvendësova një dekadë punë me mendimet dhe ndjenjat më të thella. Brenda një muaji, gruaja ime shtatzënë mori vesh se kishte tumor dhe nuk mund të kurohej derisa të lindte”, tha ai, referuar bashkëshortes dhe nënës të fëmijëve të tij, Cherry Seaborn.

Më pas, u shpreh:
“Miku im i ngushtë, Jamal, i cili ishte si vëlla për mua, vdiq papritur dhe e gjeta veten në një gjyq, duke mbrojtur integritetin dhe karrierën time si tekstshkrues. U përfshiva nga një spirale frike, depresioni dhe ankthi”, shtoi artisti 32-vjeçar, duke përmendur kështu çështjen gjyqësore dhe akuzën për plagjiaturë për këngën “Shape of You”.

Sheeran theksoi se ky album simbolizon emocionet e tij dhe periudhën kur ndihej sikur po mbytej. Ai tregoi se ky krijim është një dritare e shpirtit të artistit dhe një pikëpamje e sinqertë dhe e vërtetë e jetës së tij.

Albumi do të publikohet më 05/05/2023 dhe mezi presim ta dëgjojmë. / KultPlus.com

Rita Ora paralajmëron albumin e ri, vjen në janar

Posted on by Kult Plus

Albumi i tretë i Rita Orës do të publikohet në fillim të vitit të ardhshëm.

Ylli i hitit “Anywhere” që së fundmi mbajti koncert në Shqipëri, ka kohë që është duke punuar me shumë përkushtim në realizimin e albumit muzikor tejet personal, i cili vjen pas atij të vitit 2018, “Phoenix”. Ora i ka premtuar fansat se tani e tutje, mund të presin shumë më shumë këngë dhe projekte filmike nga ajo.

Ylli 31-vjeçar i pop-it, në një intervistë ka pranuar se luftoi me presionin e të qenit në qendër të vëmendjes dhe thotë se miqtë e saj të ngushtë dhe familja e kanë ndihmuar t’i tejkalojë momentet kur ndihej e gatshme të heqë dorë nga karriera.

Rita, e cila kohët e fundit u martua me regjisorin Taika Waititi, nga rubrika Bizarre e gazetës ‘The Sun’ citohet të ketë thënë: “Doja të hiqja dorë nga karriera. Nuk isha e sigurt nëse ja vlente gjithë ai presion. Sa më e famshme që bëhesha, e kuptoja se njerëzit të admirojnë dhe presin shumë nga ti. Ti shndërrohet në model për të tjerët dhe nganjëherë nuk je e gatshme për diçka të tillë, sepse krejt çka ti ke dëshiruar gjithmonë është që të bësh muzikë. Kurse tani, ndiqesh me miliona njerëz në rrjetet sociale dhe kjo është një ngarkesë e madhe nga ana psikike. Me rëndësi është të qëndrosh vetvetja dhe të mbështetesh tek miqtë të cilët i njeh me vite”.

E pyetur se çfarë po bënte në Shqipëri, ajo u përgjigj: “Një album të ri i cili vjen në janar të vitit të ardhshëm. Do të jetë i mrekullueshëm. Më shumë muzikë dhe një film. Ëndrra ime është t’u tregoj të gjithëve se mund të bëni më shumë se një gjë.

“Mund të jesh muzikant, aktor, kërcimtar, nënë, hallë në të njëjtën kohë. Unë dua të përpiqem të bëj gjithçka.”

Aktorja e “Fifty Shades” i ka paralajmëruar fansat e saj se mund të kenë nevojë për një ose dy pije para se të dëgjojnë këngët e saj të reja. / KultPlus.com

Dua Lipa shkruan histori në Spotify me albumin e saj ‘Future Nostalgia’

Posted on by Kult Plus

Këngëtarja e njohur, Dua Lipa, përmes sukseseve në industrinë muzikore, ka ngritur emrin e saj në majat më të larta të botës, transmeton KultPlus.

Albumi i fundit “Future Nostalgia” ka ndikuar që emri i Duas të jetë i pranishëm në gazetat dhe lajmet botërore, por kjo nuk është e gjitha.

Dua Lipa së bashku me Ed Sheeran dhe Post Malone janë të vetmit artistë me 2 albume në Top 10 albumet më të transmetuara të të gjitha kohërave në Spotify.

Spotify është një platformë muzikore, e cila përmbanë statistika të ndryshme dhe të dhëna për artistët e njohur ndërkombëtar dhe jo vetëm

26 vjeçarja ka anuluar së fundmi dy konerte të fundvitit, kjo për shkak të problemeve që ajo ka pasur me laringun e saj. /KultPlus.com

Adele i performoi tri këngë nga albumi “30” në një shou special (VIDEO)

Posted on by Kult Plus

Ylli i njohur i muzikës, Adele, i debutoi tri këngë nga albumi i saj i ardhshëm, “30”, gjatë shout special televiziv të transmetuar të dielën më 14 nëntor.

Kantautorja britanike solli performanca fantastike live të këngëve, “I Drink Wine”, “Hold On” dhe “Love Is A Game”.

Shou special i titulluar “Adele: One Night Only”, u transmetua në kanalin “CBS” dhe përveç këngëve të reja, këngëtarja i interpretoi edhe disa prej hiteve të kaluara.

Po ashtu gjatë mbrëmjes u transmetua edhe një intervistë ekskluzive me prezantuesen, Oprah Winfrey, në atë që konsiderohet biseda e parë televizive e gjerë për albumin e saj të ri, historitë pas këngëve, jetën pas divorcit, humbjen e peshës dhe rritjen e djalit të saj is nënë e vetme.

Pas premierës në “CBS”, shou “Adele: One Night Only” ka filluar së transmetuari ekskluzivisht në platformën Paramount+. Tutje, Adele do ta realizojë një tjetër emision special për publikun në Britani të Madhe me titull, “An Audience With Adele’, i cili transmetohet në “ITV” më 21 nëntor.

Gjatë verës së ardhshme, ylli i baladave do ta shënojë rikthimin në skenën e muzikës në Angli, me dy performanca të veçanta në kuadër të festivalit muzikor, “British Summer Time”, i cili mbahet në parkun “Hyde”. Biletat për te dyja ngjarjet tashmë janë shitur.

Fansat kanë një kohë të gjatë që po e presin publikimin e albumit të katërt të kantautores së njohur britanike. Incizimet e saja të kaluara, “19”, “21” dhe “25”, që të gjitha kishin arritur të pozicionohen në maje të toplistave muzikore anembanë botës, përfshirë këtu toplistën e 200 albumeve më të mira “Billboard”.

Këngëtarja 33-vjeçare nuk ka lansuar album nga viti 2015 dhe pavarësisht faktit se i ka kaluar vjetët e fundit duke u fokusuar tek vetja, pas shkurorëzimit nga bashkëshorti, Simon Konecki, ajo është e lumtur që po i rikthehet muzikës me albumin “30”.

Adele konsiderohet një nga artistet më fitimprurëse dhe shquhet për baladat muzikore të shndërruara në hite anembanë botës. / KultPlus.com

https://www.youtube.com/watch?v=f0RLfrFv3Ks

Pas pesë vitesh mungesë, Eda Zari kthehet me albumin e ri “Palimpsest” (VIDEO)

Posted on by Kult Plus

Pas pesë vitesh Eda Zari kthehet me një album të ri – si gjithherë – konceptual. “Palimpsest” Lasgush Poradeci Heinrich Heine My life is one Palimpsest, so is yours! “Ç’është truri i njeriut përveçse një palimpsest kolosal? Truri im është një palimpsest i tillë” – kështu Thomas De Quincey në “Libra – Suspiria de Profundis“.

Kjo metaforë vlen për zemrën, poezinë dhe muzikën! Pergamenat dhe letrat e shkruara rishtas u quajtën palimpsest. Ky kompleksitet është karakteristika kryesore e albumit dygjuhësh, shqip dhe gjermanisht, të Eda Zarit quajtur  “Palimpsest”.

Ndryshe nga dashuria e epërme për të cilën John Coltrane në suitën e tij “A Love Supreme” shpreh muzikalisht qëllimin e tij – të jetonte jetën e vërtetë fetare, qëllimi i Eda Zarit është të shkruajë një vepër muzikore shpirtërore mbi poezinë lasgushiane që mbart konceptin kozmik, atë më të epërmin, të cilën Poeti e quan Dashuri. Muzikalisht Eda Zari ndihet si në shtëpinë e vet në varietetet e xhazit, muzikës kinematografike dhe world music. Për nderimin e vargjeve të Lasgush Poradecit, ajo zgjodhi një fjalor të saj melo- ritmik vokal në mënyrë që të përkthejë përshtatshëm vargjet poetit në muzikë. / KultPlus.com

https://www.youtube.com/watch?v=3WgyoTNFw7I

Coldplay publikon albumin e ri me performancë të drejtpërdrejtë (VIDEO)

Posted on by Kult Plus

Për të festuar publikimin e albumit të tyre të ri, “Music of the Spheres”, Coldplay u ka dhënë fansave një shans për të transmetuar performancën e tyre më të fundit.

Ky po ashtu është koncerti i parë masiv i grupit pas pesë vjetësh, shkruan AP, transmeton KultPlus.

Për fansat që humbën transmetimin e drejtpërdrejtë të shfaqjes, e cila u zhvillua në Climate Pledge Arena në Seattle të premten do të ketë video të përmbledhura në platforma muzikore.

Albumi “Music of the Spheres” është në dispozicion për t’u transmetuar në Amazon Music në nivel global. / KultPlus.com

Adele më në fund paralajmëron rikthimin me albumin e ri

Posted on by Kult Plus

Adele më në fund ka zbuluar se po rikthehet me albumin e saj të shumëpritur.

Këngëtarja e hitit “Someone Like You”, 33 vjeçe, konfirmoi në Twitter të martën se kënga e saj e re quhet “Easy On Me” dhe pritet të publikohet më 15 tetor, shkruan DailyMail, transmeton KultPlus.

Në një video të shkurtër në ngjyrat bardhë e zi, sytë e lëngshëm të yllit të markës tregtare janë të dukshme, si dhe thonjtë e saj të gjatë, ndërsa ajo nget një makinë në një rrugë fshati, pasi sapo ka futur një kasetë me emrin e këngës të përshkruar.

Ky album vjen pasi fansat mezi e përmbajtën entuziazmin e tyre të hënën pasi përmbytën Twitter-in me spekulimet për albumin e saj të katërt. / KultPlus.com

Arctic Monkeys paralajmëron albumin e ri

Posted on by Kult Plus

Arctic Monkeys po raportohet që janë duke e regjistruar albumin e ri në Suffolk.

Sipas ueb-sajtit të Butley Priory-t, një vend ky vetëm dy orë larg nga Londra e në bregun e Suffolk-ut, është lokacioni ku grupi ka qenë duke e incizuar albumin e shtatë në muajt qershor dhe korrik, shkruan NME, transmeton KultPlus.

“Bendi ka qenë duke ndenjur me neve muajin e fundit duke e incizuar një album”, thuhej në postim.

“Muzikantët e duan akustikën në Great Hall dhe Drawing Room me tavanët e mëdhenj e të mbyllur”, vijon mes tjerash shkrimi. / KultPlus.com

Coldaplay së shpejti me album të ri

Posted on by Kult Plus

Pas një pauze dy vjeçare, grupi i famshëm ”Coldplay” rikthehen edhe me një album.

Mediet ndërkombëtare kanë bërë të ditur se albumi mban titullin ”Music of the Spheres” dhe pritet të lansohet më 5 tetor të këtij viti.

Ndërkaq albumi do të përmbajë gjithsej 12-të këngë, transmeton KultPlus.

”Music of the Spheres” është albumi i shtatë me radhë i grupit, dhe vjen pas albumit ”Everyday life” i cili u publikua në vitin 2019 duke poseduar tashmë një sukses të madh. / KultPlus.com

Elvana Gjata rikthehet me album të ri: ‘Çelu’ është dritë dhe shpresë për të jetuar

Posted on by Kult Plus

Pas një pauze të gjatë, Elvana Gjata sot publikon albumin e saj më të ri.

”Çelu” është emri i albumit të cilin Elvana Gjata e paralajmëroi sot nëpër rrjete sociale, duke e konsideruar një projekt që jep dritë e shpresë për të jetuar.

”E di që të gjithë kemi kaluar kohë të vështira me veten, familjen dhe të afërmit tanë”, ka shkruar Gjata në statusin e saj.

Në vitin 2018 Gjata debutoi me albumin e saj akustik, i cili akoma vazhdon të dëgjohet nga adhuruesit e saj. ”Më fal”, ”Gjërat kanë ndryshuar”, ”Xheloz”, ”Veç një pikë” etj, ishin vetëm disa nga këngët e këtij albumi të cilat me tekst të Pirro Çakos e me vokalin e saj të fuqishëm do të mbesin gjatë në kujtesën e adhuruesëve të këngëtares.

Ndër të tjera, këngëtarja ka bërë të ditur se albumi do të publikohet sonte në orën 19:00. / KultPlus.com

Këngëtarja Alanis Morissette lanson albumin e ri muzikor të premten

Posted on by Kult Plus

Ka qenë një vit i ngarkuar me angazhime për rok artisten e shpërblyer me çmim “Grammy”, Alanis Morissette.

Ajo e festoi 25 vjetorin e albumin e saj që theu rekorde, “Jagged Little Pill”, dhe një version muzikor i këtij incizimi debutoi në skenën e Broadwayit në muajin dhjetor, shkruan AP.

Morissette po ashtu ka punuar vazhdimisht në studio incizuese rreth realizimit të albumit të saj të nëntë, “Such Pretty Forks in the Road” i cili do të lansohet këtë të premte. Ky do të jetë albumi i saj i parë në tetë vjetët e fundit, dhe fillimisht ishte planifikuar të lansohej në muajin prill por është shtyrë për disa muaj shkaku i pandemisë së koronavirusit, transmeton Koha.

Alanis Morissette gjithashtu kishte planifikuar ta mbajë një turne i cili e shënonte përvjetorin e lansimit të albumit të suksesshëm të vitit 1995, por është detyruar ta shtyjë atë për shkak të krizës shëndetësore globale.

Morissette e cila është nga Ontario e Kanadasë, kishte filluar të merret me muzikë qysh në moshën 10-vjeçare. Si tinejxhere, pas një karriere në zhanrin e muzikës pop ajo u shpërngul në Los Angeles, ku edhe e pati bashkëshkruar albumin “Jagged Little Pill”. Atëkohë asnjë shtëpi diskografike nuk kishte pranuar të nënshkruajë kontratë me të, përveç kompanisë së këngëtares Madonna, “Maverick”.

Nga ai moment, karriera e këngëtares dhe kantautores së njohur mori rrugë drejt sukseseve të jashtëzakonshme, duke e shndërruar atë në një prej artisteve më të vlerësuara të asaj kohe.

Ndërkaq, në një intervistë të fundit, Morissette ka folur për sfidat që i ka sjell fama në jetën e saj. Tutje, këngëtarja e cila është nënë e tre fëmijëve ka treguar se karantina ka qenë mjaft e vështirë për të, dhe se i është dashur të mbështetet mbi terapitë me psikolog dhe ilaçe, për ta menaxhuar depresionin.

Albumi i ri “Such Pretty Forks in the Road” do të lansohet më 31 korrik, dhe deri më tani Morissette i ka publikuar katër këngë të këtij incizimi, “Reasons I Drink”, “Smiling”, “Diagnosis” dhe “Reckoning”. /KultPlus.com

Rok grupi i njohur “AC/DC” planifikon albumin e ri

Posted on by Kult Plus

“AC/DC” është duke punuar në një album të ri që përmban këngë të Malcolm Young të regjistruara para vdekjes së tij në vitin 2017, sipas yllit të “Twisted Sister”, Dee Snider.

Rokeri i “We’re Not Gonna Take It” është pyetur nëse di ndonjë gjë në lidhje me planet e regjistrimit të “AC/DC” gjatë një bisede me fansat në Twitter dhe zbuloi se në albumin e ardhshëm të bendit do të jenë “të katër anëtarët e mbijetuar”.

Duke iu referuar një takimi të kohëve të fundit me Brian Johnson, i cili u detyrua të pauzojë për pjesën më të madhe të turneut më të fundit botëror të bendit për shkak të problemeve të dëgjimit, Dee tweetoi: “RIP Malcolm Young. Por të katër anëtarët e mbijetuar janë ribashkuar me këngë të regjistruara nga Malcolm derisa ai ishte akoma gjallë.

“Nipi i Malcolm Stevie Young po e zëvendëson atë (ai e ka bërë këtë disa herë më parë). Është shumë afër bendit origjinal”.

Ai shtoi: “Sapo e pashë Brianin… ai është mirë.”

Që nga vdekja e vëllait të tij dhe largimi i Johnsonit, Angus Young është anëtari i vetëm origjinal i bendit.

Në vitin 2016, pas largimit së Malcolm nga bendi, Angus iu tha fansave se nuk ishte i sigurt nëse bendi do të vazhdonte pas turneut “Rock or Bust”. /KultPlus.com

Rita Ora konfirmon datën e publikimit dhe detajet e albumit të ri

Posted on by KultPlus

Pas pothuajse gjashtë vite stagnim në prurjen e albumit të saj të dytë, këngëtarja shqiptare me famë botërore, Rita Ora, ka konfirmuar se më në fund albumi i saj i dytë ka një datë publikimi.

“Unë kurrë nuk do t’ju lija” – iu është drejtuar Rita fansave të saj në konferencë, ku ka shtjelluar detajet e albumit të saj të dytë.

Ky album do të publikohet më 23 nëntor dhe përfundon një pritje gjashtëvjeçare që pas lansimit të albumit të saj të parë.

Arsyeja e këtij stagnimi me vite të tëra ishte prishja e kontratës me shtëpinë diskografike të këngëtarit Jay-Z, e cila është përcjellë nga një mori pengesash, duke përfshirë një grindje ligjore me vet ish-shefin e saj, Jay-Z.

Koopertina e albumit të parë të këngëtares Rita Ora, 2012

Duke folur për vonesën, Rita Ora u tha fansave të saj: “Faleminderit për durimin tuaj dhe pritjen e gjatë”.
Këngëtarja shqiptare ka zbuluar se albumi i saj i dytë do të titullohet “Phoneix”.

“Unë jam kaq e lumtur për realizimin e “Phoenix”. Jam me të vërtetë krenare për këtë album dhe jam e ngazëllyer që të gjithë të dëgjojnë atë për të cilën jam duke punuar. Një falënderim i madh për të gjithë ata që ishin pjesë e udhëtimit tim muzikor”, është shprehur ajo. /KultPlus.com

Bebe Rexha për Billboard: Jam e lumtur dhe nervoze për albumin e ri

Posted on by Kult Plus

Këngëtarja shqiptare me famë botërore, Bebe Rexha, ka folur për albumin e saj të ri dhe pse Jennifer Lopez është artistja që e inspiron.

Rexha, që po dominon akoma në Amerikë me hitin “Meant to Be”, thotë se do të dëshironte të bashkëpunonte sërish me grupin Florida Georgia Lines.

“Kam disa gjëra që jam duke i punuar. Nuk kam përjetuar kurrë dashurinë e tillë para se të merresha me zhanrin ‘country’ andaj jam shumë falënderuese dhe mendoj se është shumë e papritshme, e bukur dhe e mrekullueshme”, ka thënë ajo për “Billboard”.

Më 22 qershor, Rexha lanson albumin e ri “Expectations”. Ajo thotë se është e lumtur dhe nervoze në të njëjtën kohë për lansimin e këtij albumi.

“Jeta ka shumë të papritura, isha shumë e lumtur, isha e mërzitur, isha duke u rritur dhe duke mësuar gjëra të caktuara në jetë, dhe nuk e di se çfarë do të ndodhë dhe për këtë është albumi. Ka momente të lumtura e të mërzitshme. Andaj mendoj se është një perceptim i jetës”, ka thënë ajo.

Sa i përket yllit të saj të preferuar Jennifer Lopez, këngëtarja shqiptare ka thënë se ajo është e mahnitshme.

“Më pëlqen si performuese, qëndrimin që ka. Mendoj se është e jashtëzakonshme”, është shprehur ajo./ KultPlus.com

“Ne gjithmonë kërkojmë dorën e dikujt, sepse ne nuk kemi tjera armë”, Ermal Meta sjellë albumin e ri me mesazh të fuqishëm

Posted on by Kult Plus

Ermal Meta këngëtari shqiptar i cili karrierën e tij e ka ndërtuar në Itali ka njoftuar për mediet italiane se albumi i tij i ri që titullohet “Ne nuk kemi armë” do të prezantohet me një koncert në Forumin e Assago (Milano), të planifikuar më 28 prill.

Ndërkohë që mediet italiane kanë dhënë lajmin është shpërnda edhe posteri i koncertit dhe mesazhi i albumit të ri.

“Kam menduar se në mes të një stuhie apo edhe nën një dush bombash, zemra është e vetmja mburojë dhe strehë që kemi. Kam menduar se për gjithë kohëzgjatjen e këtij udhëtimi të madh, që është jeta jonë, ne gjithmonë kërkojmë dorën e dikujt dhe e kuptoj se është kështu, sepse…ne nuk kemi të tjera armë”, këto janë fjalët që ka shkruar artisti në rrjetet sociale, ku ka paraqitur edhe projektin e tij të ri të regjistrimit.

Për Ermal Metën viti 2018 është një vit plot angazhime, duke filluar nga pjesëmarrja në edicionin e 68-të të Festivalit të Sanremos, ku do të garojë së bashku me Fabrizio Moro-n me këngën “Ti nuk më ke bërë asgjë”, shkruan JN.

Meta kthehet në skenë e Ariston, pas suksesit të vitit të kaluar me këngën “Forbidden to Die”, e cila u rendit e treta. Gjatë ditëve në vijim, më 9 shkurt, artisti do të nisë promovimin e albumit të ri. Këngëtari dhe kompozitori Meta sapo ka festuar certifikimin e të ardhurave që ka fituar nga këngët “Heaven Girl” dhe “Little Soul” feat. Elisa, të dyja të përfshira në albumin “No Dying”./ KultPlus.com

Swift shet 1 milion kopje të albumit në javën e parë

Posted on by Kult Plus

Taylor Swift po vazhdon të jetë një ndër këngëtaret më të pëlqyera në botë momentalisht.

Pasi doli e para në toplistën botërore për albume në iTunes, konfirmohet se ajo tani është afër që të shesë 1 milion kopje të albumit të ri “Reputation” në javën e parë, transmeton Koha.net.

“Reputation”, që doli dje në shitje, është një hit i madh tashmë. Billboard sot raporton se janë shiru 700 mijë kopje në dyqane dhe në iTunes brenda 24 orëve. Dhe pritet që brenda javës të shiten 1 milion kopje, por që numri mund të jetë edhe më i lartë./ KultPlus.com

Taylor Swift zbulon listën e këngëve të albumit të ri “Reputation”

Posted on by Kult Plus

Është zbuluar lista e këngëve të albumit të ri të këngëtares së njohur amerikane Taylor Swift, “Reputation”.

Albumi, i gjashti i këngëtares, është caktuar të lansohet këtë të premte (më 10 nëntor) dhe ky është albumi i parë që nga albumi i saj i fundit i vitit 2014, “1989.

CD-të e albumit tashmë kanë filluar të shpërndahen në dyqane nëpër botë me qëllim të përgatitjes për lansim, me fotografi në ballinë të albumit si dhe listën e këngëve e cila tani ka rrjedhur në internet.

Pjesa e pasme e CD-së zbulon bashkëpunimin me Ed Sheeran dhe Future e quajtur “End Game”, ndërsa këngët tjera janë “Don’t Blame Me”, “This Is Why We Can’t Have Nice Things” dhe “I Did Something Bad”. Ndërsa producentët e këtij albumi janë Jack Antonoff, Max Martin, Shellback dhe vetë Swifti.

Këngëtarja Swift, tani ka konfirmuar listën e këngëve duke postuar ballinën e albumit në Instagram”, transmeton Koha.net.

Kjo është lista e këngëve të “Reputation”:
“…Ready For It?”
“End Game” (feat. Ed Sheeran and Future)
“I Did Something Bad”
“Don’t Blame Me”
“Delicate”
“Look What You Made Me Do”
“So It Goes…”
“Gorgeous”
“Getaway Car”
“King Of My Heart”
“Dancing With Our Hands Tied”
“Dress”
“This Is Why We Can’t Have Nice Things”
“Call It What You Want”
“New Year’s Day”

Dua Lipa me turne në qytete të ndryshme të botës

Posted on by Kult Plus

Dua Lipa i ka publikuar tashmë datat e koncerteve të turneut të saj, me titull “Dua Lipa: The Self-Titled Tour”.

Turneu ka për qëllim promovimin e albumit debutues të këngëtares, dhe do ta dërgojë atë në më shumë se 20 qytete të ndryshme të botës.

Koncerti i parë besohet se do të zërë vend në Brighton të Anglisë më 5 tetor, ndërsa turneu do të përfundojë më 17 shkurt të vitit të ardhshëm në Seattle të SHBA-së.

Në këtë projekt madhor të muzikës, Dua, do të shoqërohet edhe nga ylli Bruno Mars dhe grupi “Coldplay”./ KultPlus.com