Kryeministri i Kosovës, Albin Kurti dhe presidenti i Serbisë, Aleksandar Vuçiq, janë takuar sot në Bruksel me ftesë të shefit të Politikës së Jashtme të Bashkimit Evropian, Josep Borrel, shkruan KultPlus.
Takimi vjen pas tensioneve të shtuara në pjesën veriore të Kosovës dhe deklaratave në Kosovë dhe Serbi për shkak të fillimit të zbatimit të marrëveshjeve të Brukselit mes dy vendeve për targa dhe dokumente zyrtare.
“Nuk mund të them se në këtë takim ka pasur progres për çështje më të mëdha. Nuk ka kompromis për momentin”, ka deklaruar ai.
Më tej, Borrell pohoi se në fund të takimit u bëri të qartë të dy liderëve se “anëtarësimi në BE dhe NATO duhet të mbetet qëllimi përfundimtar dhe ata duhet të gjejnë një mënyrë për të avancuar më tej në këtë rrugëtim. Hapi i parë është të kërkojmë një zgjidhje për situatën aktuale”, thuhet tutje. /KultPlus.com
Gjatë ditës së sotme është bërë e ditur nga Gjykata e Apelit në Beograd si i ligjshëm përdorimi i termit ofendues për shqiptarët, me ç ‘rast ka rënë poshtë padia e ngritur nga Shaip Kamberi ndaj ministrit të brendshëm AleksandarVulin, transmeton KultPlus.
Përmes një postimi në “Facebook”, Kryetari i Parlamentit të Kosovës, Glauk Konjufca, ka reaguar rëndë mbi këtë situatë, duke thënë se kjo aspak nuk ka të bëjë me fqinjësi të mirë.
“Sot Gjykata e Apelit në Beograd e ka quajtur të ligjshëm përdorimin e termit shovinist e ofendues për shqiptarët, duke e rrëzuar padinë e ngritur Serbia udhëhiqet nga figura politike të cilat i mohojnë masakrat që Serbia i ka kryer në Kosovë. Shqiptarëve në Preshevë, Bujanoc e Medvegjë ende u ndalohet përdorimi institucional i flamurit kombëtar edhe pse jetojnë në trojet e veta. Populli ynë atje është pakica kombëtare më e diskriminuar në Evropë. Në anën tjetër sot është intervistuar gazetari Adriatik Kelmendi nga shërbimi sekret i Serbisë. Gjatë kohës së Milosheviqit këto i quanin ‘biseda informative’. Vërtet e trishtë dhe e papranueshme. Hiç më larg se dje Vuçiq edhe një herë na bëri ftesë për pjesëmarrje në Open Ballkan, duke shtuar se Serbia do të jetë ‘shtëpi e dytë’ për shqiptarët. Ky është Open Ballkan i 24 orëve të fundit që po tentohet të na shitet si ‘fqinjësi e mirë”, shkroi ai.
Ditët e fundit kanë qenë të mbushura me polemika, kjo pasi Presidenti i Serbisë, Aleksandar Vuçiq, ka qenë në një vizitë zyrtare në Shqipëri rreth Open Ballkan. /KultPlus.com
Presidentja e Kosovës, Vjosa Osmani, gjatë vizitës së saj në Austri e ka ftuar homologun serb, Aleksandër Vuçiq, që të vendosë lule te varreza masive në Batajnicë ku u gjetën trupa të shqiptarëve, përcjell KultPlus.
“I bëj ftesë Vuçiq që ta vendosë së paku një lule në Batajnicë në varrezën masive ku janë gjetur fëmijë dhe gra të vrarë gjatë luftës në Kosovë”, është shprehur Osmani, njofton Klankosova.tv.
Ajo ka thënë se Kosova kërkon drejtësi dhe kthimin e personave të pagjetur. Këtë Osmani e ka bërë gjatë konferencës së përbashkët me Presidentin e Austrisë, Aleksandër Van Der Bellen.
“Nga lufta ka pasur mbi 13 mijë civil të vrarë, rreth 20 mijë gra të dhunuara nga forcat serbe dhe nuk ka asnjë rast të vetëm të drejtësisë. Po ashtu ka numër të madh të fëmijëve të vrarë dhe akoma mbi një mijë e 600 persona të pagjetur. Për këto krime akoma nuk ka drejtësi, kërkimfalje dhe as pendesë”./ KultPlus.com
Presidenti i Serbisë Aleksandar Vuçiq, ka porositur autoritetet në Kosovë duke i lutur që të mos e padisin Serbinë për gjenocid. Ai tha se ndërkombëtarët që po deklarohen se janë kundër ndryshimit të kufijve nuk e thonë të vërtetën, sepse pikërisht ata janë për ndryshim kufijsh, por vetëm të Serbisë.
“Padinë kundër Serbisë për gjenocid, mund ta bëni vetëm përmes një shteti tjetër, Shqipërisë. Kjo do të nënkuptonte fillimin de facto të bashkimit me Shqipërinë. Unë ju paralajmëroj dhe ju lutem mos e bëni këtë”, theksoi Vuçiq, për “TV Pink”.
Ai gjithashtu u bëri thirrje atyre që, siç thotë ai, ende po përkundin dhe shikojnë Prishtinën si fëmijën e tyre, të mos e bëjnë atë, transmeton Telegrafi.
Vuçiq vuri në dukje se, “ndërkombëtarët që thonë se janë kundër ndryshimit të kufijve, nuk po thonë të vërtetën, sepse ata në të vërtetë janë në favor të ndryshimit të kufijve”.
“Gënjejnë hapur, ata janë vetëm për ndryshimin e kufijve të Serbisë. Sa herë që ata thonë se janë kundër ndryshimit të kufijve, unë them ‘ti je edhe një hipokrit tjetër që dëshiron të ndryshojë kufijtë që u arrit me forcë kur kishim një qeveri të paaftë në Serbi’. Thoni se jeni kundër ndryshimit të kufijve, kurse në Kosovë e justifikoni atë me kinse një katastrofë humanitare. A nuk ishte një katastrofë më e madhe në Irak, pse atëherë nuk e ndatë Basrën nga Bagdadi?”, tha ai, duke shtuar se kjo flet vetëm për hipokrizinë e atyre.
Siç tha ai, kur shtron pyetjen – se pse disa kanë të drejtë të vetëvendosjes dhe të tjerët jo – ata, siç tha ai, i thonë, se duhet të shikojë për të zhvilluar ekonominë [e Serbisë].
“Çfarë do të ishte një Serbi e suksesshme në interesin e tyre? Për Evropën një Serbi e suksesshme është Serbia pa Kosovën. Prandaj ata [Kosova] janë kundër Mini Schengenit, kundër politikës ‘Ballkani ballkanasve’. Ata gjithmonë duan t’i ngrenë të tjerët kundër nesh, në mënyrë që Serbia të mos jetë e fortë, të mos jetë dominuese”, përfundoi Vuçiq. /Telegrafi/ KultPlus.com
Presidenti i Serbisë, Aleksandar Vuçiq, e ka bërë të qartë, të premten, se shteti që ai udhëheq nuk e ka ndërmend të futet në luftë me Kosovën, pasi këtë të fundit, sipas tij, e mbron Amerika.
E Serbia, sipas tij, e di shumë mirë çfarë do të thotë të luftosh kundër Amerikës.
“Ne nuk mund ta mposhtim ushtarakisht Amerikën. Njëherë e kemi provuar dhe e dimë mirë si kaloi e gjitha. Megjithatë, nuk mendoj se atëherë Serbia ishte fajtore, ajo ishte e sulmuar, por, hajde le t’i ruajmë jetët e njerëzve”, ka thënë Vuciq gjatë një një vizite në qytetin e Kragujevcit, ku përuroi një fabrikë me emrin Mind Park, përcjellë klankosova.tv raportimet e mediave serbe.
Vuçiq ka thënë që Serbia, megjithatë, nuk do të pushojë së angazhuari për të mbrojtur popullin serb në Kosovë, pasi shqiptarët, sipas tij, po sillen ashpër.
“Ata po veprojnë me rregullat e të fortit. Nuk kam thënë kot se Amerika për ta është nënë dhe baba”, ka thënë ai, transmeton klankosova.tv.
“Është e vërtetë ajo që ka thënë Haradinaj, cfarëdo që ndodh, amerikanët përgjithmonë do të jenë në anën e tyre dhe është koha e fundit që ne të pajtohemi me këtë fakt. Ne jemi të shtyrë në qoshe. A mos po mendoni se ndoshta Serbia do ta detyrojë Amerikën të ndryshojë qëndrim?”/KultPlus.com
Kryetari i Serbisë Aleksandar Vuçiq ka shfrytëzuar tribunën e Kombeve të Bashkuar për t’u shprehur kundër Kosovës.
Ai duke folur në Asamblenë e Përgjithshme të Kombeve të Bashkuara ka përsëritur se Serbia nuk do ta njohë Kosovën dhe ka ftuar vendet anëtare të KB së që të mos lejojnë anëtarësimin e Kosovës në UNESCO, përcjellin medie të Beogradit .
Pjesa tjetër e fjalimit të Vuçiqit ka qenë një demagogji e stilit të tij se si vetëm me zhvillim mund të ruhet paqja në Ballkan, transmeton Koha.net./ KultPlus.com
