Etiketë: AMC Hall

AMC Hall, adresa kryesore dhe rrugëtimi i suksesshëm i ngjarjeve kulturore dhe organizimeve të ndryshme në vendin tonë

Posted on by Kult Plus

AMC Hall, një investim milionësh, unik në Kosovë, i dedikuar për ngjarje kulturore, shpejt është bërë adresa kryesore për ngjarjet më të mëdha në vendin tonë.

Në një lokacion të përshtatshëm për organizimin e eventeve të ndryshme, panaire, konferenca masive, koncerte, xhirime televizive, videospoteve muzikore dhe xhirime filmash, ky investim në zonën e biznesit në Obiliq, përbëhet nga dy salla të ndara prej 1150m2 (koncerte deri në 3000 persona) dhe 400m2 nga AMC Corporation ofron ambient ideal për të gjitha llojet e eventeve. 

Vetëm gjatë muajve të fundit, AMC Hall u bë qendra e disa prej organizimeve më të mëdha në vend, duke përfshirë këtu: Koncertin Festiv të Operës së Kosovës, Koncertet e Filharmonisë së Kosovës, Premierën e shfaqjes ‘Arrëthyesi’ nga Baleti Kombëtar i Kosovës dhe Filharmonia e Kosovës. Gjithashtu, ky vend ka strehuar Rave Festival, koncertin e Eda Zares, Euphoria Festival, si dhe xhirime të ndryshme si videospoti i Dafina Zeqirit në bashkëpunim me Afrim Muqiqin, xhirimet televizive të Radio Televizionit të Kosovës – RTK, T7 dhe KTV, dhe videoxhirimet e dizajnuesit të njohur Valdrin Sahiti.

Gjithashtu, AMC Hall tashmë është pronotuar edhe për shumë evente të tjera tejet speciale për vitin 2024. Me qëllim kryesor vendosjen e vazhdueshme të standardeve të larta, AMC Hall është një kuti e magjishme ku ngjarjet marrin jetë dhe ku pritshmëritë tejkalojnë çdo kufi. / KultPlus.com

Kori dhe Orkestra e Filharmonisë së Kosovës organizojnë koncert solemn më 16 shkurt

Posted on by Kult Plus

Në kuadër të kalendarit kulturor në shënim të 15-vjetorit të Pavarësisë së Kosovës, Kori dhe Orkestra e Filharmonisë organizojnë koncert solemn më 16 shkurt 2023 prej orës 18:00 në sallën AMC (Rr. Cerriku 15000 Mazgit, Obiliq / Magjistralja Prishtinë – Mitrovicë).

Në këtë koncert do të interpretohet vepra “Hyland Mass Op. 130” e kompozitorit nga Malta Joseph Vella në dirigjimin e mjeshtrit amerikan David Hayes.

Në rolin e solistëve do të prezantohen solistë nga Filharmonia e Kosovës dhe Teatrit Kombëtar i Operës dhe Baletit në Tiranë (Shqipëri); sopranoja Adelina Paloja, altoja Françeska Pjetri, tenori Klodian Kaçani, baritoni Erion Sheri, basi Xhieldo Hyseni, sopranoja Arta Jashari dhe Nard Gllavurda (nga kori i fëmijëve “Okarina”).

Koncerti është përkrahur nga Jim Xhema dhe mbështetjen e Christopher Hyland si dhe institucioneve dhe partnerëve: Ministria e Kulturës, Rinisë dhe Sportit e Republikës së Kosovës, UBT, Vatra, Rrjeti i Bizneseve të Diasporës Shqiptare dhe Radio Televizioni i Kosovës.

Rezervimet: bit.ly/3S28wOM / KultPlus.com

Elina Duni dhe Rob Luft me koncert special në Prishtinë

Posted on by Kult Plus

‘Music Export Kosovo’ në bashkëpunim me ‘RAVE Production’ dhe ‘AMC Corporation’ prezanton një koncert special më 17 Shkurt me të talentuarit si: Elina Duni dhe Rob Luft, për nder të 15 vjetorit të Pavarësisë së Kosovës në AMC Hall.

Koncerti mbështetet nga ProCredit Bank dhe do të filloj nga ora 21:00 në AMC Hall, më datë 17 shkurt.

Mbrëmja do të zgjerohet më tej me një performancë speciale pas koncertit me ‘Soulmate’ nga Kasheme. / KultPlus.com

AMC Hall, vjen investimi unik në Kosovë për ngjarjet kulturore nga Amc Corporation

Posted on by Kult Plus

Amc Corporation, vizionarë të fiksuar pas rezultateve, me përvojën, besimin, marrëdhëniet dhe besueshmërinë që e kanë fituar, ata janë në gjendje të ofrojnë shërbime të jashtëzakonshme dhe një përzgjedhje të gjerë të inventarit.

Amc Corporation, deri më sot ka operuar në tre fusha të ndryshme si ajo e marketingut, dhënies me qira të pajisjeve teknike për evente dhe shitjes së këtyre produkteve, tashmë ata po kompletojnë një investimin milionësh, unik në Kosovë, për ngjarje kulturore të quajtur AMC Hall. 

AMC Hall po ndërtohet në një lokacion shumë të përshtatshëm për organizimin e eventeve të ndryshme, panaire, konferenca masive, koncerte, xhirime televizive, videospoteve muzikore dhe xhirime filmash.

Ky investim në zonën e biznesit në Obiliq, përbëhet nga dy salla të ndara prej 1150m2 (koncerte deri në 3000 persona) dhe 400m2 nga AMC Corporation ofron ambient ideal për të gjitha llojet e eventeve. 

Më datën 5 Nëntor AMC Hall i hap dyert për herë të parë për “Rave Festival”, festivali i parë që organizohet nga Prishtina Music Conference në kuadër të konferencës më të madhe muzikore në rajon që mbahet më 04 dhe 05 Nëntor në Prishtinë. 

Amc Corperation qëllim kryesorë e kanë vendosja e vazhdueshme të standardeve të reja të shërbimit, përsosmërisë, kreativitetit dhe inovacionit; të përkushtuar të ofrojmë çdo herë kundrejt pritshmërive të larta.

Amc Corporation, ju ofron paketën e plotë për t’ju ndihmuar të krijoni ngjarjet më të mahnitshme. Ju mund të mbështeteni tek ta nëse keni të bëni me ngjarje të ndryshme si: festival i madh në natyrë, koncerte, shfaqje televizive, filma, videospote ose thjesht marrje me qira e pajisjeve që në këtë formë të arrini të krijoni ngjarje të suksesshme dhe të paharrueshme. / KultPlus.com