Etiketë: Andrea Alessi

Andrea Alessi, figura madhore e arkitekturës evropiane, me origjinë nga Durrësi

Posted on by Kult Plus

Andrea Alessi, një prej figurave madhore të arkitekturës evropiane me origjinë shqiptare, është kujtuar në një aktivitet organizuar nga Shoqata e Arkitektëve kroatë në Zagreb.

Aktiviteti u shoqërua me një ekspozitë të veprave të Andrea Alessi, realizuar nga fotografi shqiptaro-kroat Luka Mjeda. Gjatë veprimtarisë foli Velimir Neidhardt, president i Akademisë së Arteve dhe Shkencave kroate, drejtoresha e Qendrës Kombëtare të Librit dhe Leximit, Alda Bardhyli, arkitektët Rilind Čočaj dhe Ardijan Karlo Gashi.

Andrea Nikolle Aleksi, apo siç njihej në Kroaci, Adrija Alesi, ishte një arkitekt dhe skulptor i lindur në Durrës në 1425. Pas shpërnguljes së tij në Split (Dalmaci) ai arriti të bëhej një nga artistët më të mëdhenj të Rilindjes dalmatine.

Karakteristikë e Andrea Alesit ishte që në punimet e tij, vinte mbishkrimin ku shënohej origjina e skulptorit. Që në rini shkoi në Split të Dalmacisë dhe aty studioi pranë skulptorit Mark Troja. Është autor i statujave të lozhës së tregtarëve në Ankona të Italisë, i 1454 afreskeve të një kishe të Dalmacisë. Kryevepra e tij mbahet Pagëzimorja e Trogirit, në katedralen e Shën Lorencit.

Tre vjet më parë, Qendra Kombëtare e Librit dhe Leximit nënshkroi një marrëveshje bashkëpunimi për sjelljen në shqip të veprës së arkitektit shqiptar me famë ndërkombëtare./atsh/KultPlus.com

Andrea Alessi, skulptori i njohur Renesancës Dalmatine me origjinë nga Durrësi

Posted on by Kult Plus

Andrea Nikollë Aleksi, i njohur edhe si Andrea Alessi, ose Andrija Aleši ka qenë një arkitekt, piktor dhe skulptor i famshëm, i njohur si një nga artistët më të mëdhenj në kohën e Renesancës Dalmatine.

I lindur në Durrës me 1425, ai u zhvendos në Dalmaci, duke bërë emër në fushën e arkitekturës. Karakteristikë e Aleksi Andreas ishte që në punimet e tija, shënonte mbishkrimin në të cilin shkruhej origjina e tij. Që në rini shkoi në Split të Dalmacisë dhe aty studioi pranë skulptorit Mark Troja. Është autor i statujave të lozhës së tregtareve në Ankonë të Italisë, i 1454 afreskeve në një kishe të ishullit Arabe të Dalmacisë. Kryevepra e tij mbahet Pagëzimorja e Trogirit.

Pagëzimorja e Trogirit ndodhet në katedralen e Shën Lorencit. Por gjurmët e punëve të tij ndihen edhe në pallatet e Trogirit përreth, në atë të peshkopit Torlon dhe veçan në pallatin përkundruall portës kryesore të katedrales, Palazzo di Coriolano Cippico, ku si kryevepër e Andrea Aleksit njoftohet portali disakatësh me dritaret me tri harqe (trifore), mandej në kapelën e Shën Gjonit etj.

Ka shumë për të parë, si dhe për t’u informuar nga historianët e artit që i kanë vlerësuar punimet e tij këtu në Trogir, “Opusi i Trogirit”, si kompleksin më të rëndësishëm arkitekturor-skulpturor të fillimeve të artit të Rënesansës së hershme të saposhfaqur në Europë. /dsh/ KultPlus.com