Ish-kancelarja gjermane Angela Merkel u nderua me Urdhrin e Meritës të Gjermanisë, të paraqitur nga presidenti gjerman Frank-Walter Steinmeier, i cili e konsideroi atë një “politikane të pashembullt”.
”Merkel e drejtoi me sukses Gjermaninë nëpër shumë kriza”, tha Steinmeier në ceremoninë në Pallatin Bellevue në Berlin.
“Ju e ndihmuat vendin tonë të arrijë sukses ekonomik sërish nën sfida të paprecedenta”, tha ai.
Merkel falënderoi ata që kishte ftuar në ceremoni për ndihmën që e ndihmuan t’i mbijetonte “gropës së gjarpërinjve të politikës” gjatë mandatit të saj 16-vjeçar si kancelare.
Steinmeier tha se sa i kënaqur ishte të nderonte Merkelin me këtë “urdhër të jashtëzakonshëm”.
Deri më tani, vetëm ish-kancelarët Konrad Adenauer dhe Helmut Kohl kanë marrë nderimin më të lartë të mundshëm të Gjermanisë.
“Të nderoj, e dashur kancelare, për mandatin tuaj jashtëzakonisht të gjatë në detyrë dhe për jetën tuaj të jashtëzakonshme politike, në të cilën keni përdorur përvojën e diktaturës në mënyrë kaq bindëse për të forcuar demokracinë”, tha Steinmeier.
”Merkel i ka shërbyer Gjermanisë për 16 vjet me ambicie, mençuri dhe pasion”, tha Steinmeier.
Gjatë mandatit të saj, Merkel përball me një sërë krizash dhe situatash të jashtëzakonshme si kriza bankare, e euros apo pandemia./ atsh / KultPlus.com
Ish-kancelarja Angela Merkel do të nderohet me çmimin më të lartë të mundshëm të Gjermanisë, Kryqin e Madh të Urdhrit të Meritës, konfirmoi zyra e presidentit Frank-Walter Steinmeier.
Deri më tani këtë nder e kanë marrë vetëm ish-kancelarët Konrad Adenauer dhe Helmut Kohl. Të tre politikanët i përkasin partisë konservatore të Unionit Kristian Demokrat (CDU).
Çmimi, i cili do të ketë një dizajn të veçantë, do i jepet Merkelit në muajin prill.
Mbi këtë nivel njohjeje është vetëm niveli i veçantë i ”Kryqit të Madh”, i cili i jepet çdo presidenti gjerman me marrjen e detyrës dhe gjithashtu krerëve të huaj të shteteve.
Merkel ishte kancelare nga viti 2005 deri në vitin 2021. Sipas presidencës, familja e saj dhe shumë miq politikë do të marrin pjesë në ceremoni. /atsh / KultPlus.com
epa09547194 German Chancellor Angela Merkel (L) receives the certificate of discharge by German President Frank-Walter Steinmeier (R), at the Bellevue Palace in Berlin, Germany, 26 October 2021. Following the 26 September 2021 elections, German Chancellor Angela Merkel and ministers of the government cabinet received their certificates of discharge but will continue to hold their offices on an acting basis until a new government is finally formed. EPA/CLEMENS BILAN
Ajo vjen në heshtje. Nuk ka buçima sirenash, drita makinash që ndizen e shuhen; apo turma ndihmësish që njoftojnë ardhjen e Angela Merkelit në kishëzën e thjeshtë, me tulla, të Potsdamit, menjëherë sapo del nga Berlini. Ecja e saj, disi e kërrusur, është e qëllimtë. Kamerat e i-Phon-ëve leshojnë dritë dhe, ndërsa kalon rradhët e besimtarëve – kjo grua, që i urren kamerat – buzëqesh butësisht. Këta janë njerëzit e saj. Megjithëse kisha ndodhet pranë kryeqytetit, ky është një grup tjetër, ndryshëm nga ai i njerëzve të sofistikuar të Berlinit, me të cilët Merkel kalon pjesën më të madhe të ditëve të punës. Babai i saj kishte qenë prift, në një kishëzë të thjeshtë, të ngjashme si kjo dhe, në këtë mbrëmje të lagësht vjeshte, kjo shtëpi e thjeshtë e adhurimit të Zotit ofron një strehëz të përkohëshme, mbrojtëse, ndaj turbullive të mandatit të saj të katërt dhe të fundit, si kancelare. Ditët kur mund të përvidhet në krahinën ku banon, në Brandenburg- bashkë me shëtitjet nëpër pyjet perreth- po bëhen gjithnjë e më të rralla. Ajo është shumë më e zënë, se zakonisht, me shpëtimin e botës.
Sonte, ndërkohë që Merkel mbërrin në Oberlinkirche, e rrethuar nga njerëz që njihen si të afërm të familjes, kancelarja gjashtëdhjetë e tre vjeçare, e Republikés Federale të Gjermanisë, ia lejon vehtes qe, për pak çaste, ta lerë mënjanë truprojën. Ajo mban uniformen e zakonshme: xhaketë me nuanca të ndryshme, të së njëjtës ngjyrë (sonte e ka të gjelbër, të errët) dhe pantallona të zeza. Me këpucë të sheshta, të zeza, të shtrënguara, ulet në një kulltuk të vendosur në kënd të drejtë, përpara altarit, me majat e gishtave të duarve që preknin lehtazi njëri- tjetrin. – veprim aq i njohur për gjermanët, sa që ka edhe një emoji për të. “Çdo mëngjes të fëmijërisë sime e çdo mbrëmje, më gjashtë, binin këmbanat e kishës. Më merr malli për këtë rit,” – u thotë të pranishmëve, që rrinë në heshtje dhe që e vlerësojnë këtë shkëndijë të rrallë vetjake, të udhëheqëses së tyre, e cila është një person jashtëzakonisht privat. Vetëm për një çast, buzëqeshja e kancelares – që nuk i ngjan asaj të një politikani – ia rrafshon brazdat e thella të tipareve. Vitet e fundit, bota e gruas së parë kancelare të Gjermanisë është tronditur nga trazirat shoqërore dhe politike. E goditur nga vala në rritje e populizmit botëror, Merkel është poshtëruar nga ekstremistët e krahut të djathtë, që tani, janë të pranishëm në Parlamentin Gjerman (Bundestag), për herë të parë, që prej Luftës së Dytë Botërore. Tronditja e një populisti amerikan, në Shtëpinë e Bardhë, që vlerësonte me ngazëllim Vladimir Putinin, kundërshtarin e Merkelit në Moskë, është ende e freskët.
“Ditën e parë të shkollës,” – vazhdon Merkel, duke na dhënë mundësinë të kqyrim vështirësitë e rritjes së një vajze prifti, në Gjermaninë Lindore, ateiste, – “studentëve iu kërkua të ngrihen në këmbë dhe të tregojnë për profesionin e prindëve të tyre.”
“Thuaj shofer”, e këshilluan Angelan shokët, meqenëse profesioni shofer ishte më i pëlqyer për proletarët, se sa veprimtaria e priftit – në gjermanisht të dyja fjalët tingëllojnë thuajse njëlloj.
“Prift,” u përgjigj ajo.
Merkel nuk ka nevojë t’u shpjegojë të pranishmëve sa i rrezikshëm ishte sinqeriteti në Gjermaninë Lindore. Edhe fëmijëve, madje, u duhej të përpiqeshin të mos shfaqeshin në atë shtet që mbikqyrte gjithçka. Depërtimi i Stasi-t në shoqëri ishte më i thellë dhe më i gjerë, se ai i paraardhësit, Gestapo-s. Ministria e Sigurisë Shtetërore kishte njëqind e shtatëdhjetë e tre mijë (173,000) punonjës, ku përfshiheshin informatorët; krahasuar me shtatë mijë (7,000) punonjës, që kishte Rajhu i Tretë. Për çdo gjashtëdhjetë e tre njerëz kishte një informator. “Natyrisht, kjo lloj fëmijërie ushtroi ndikim mbi jetën time,” thotë Merkel, duke na dhënë, ndoshta pa dashur, çelësin për të kuptuar se kush ishte kancelarja; se si, në mënyrë të habitshme, e kishte mbajtur pushtetin, përgjatë një dhjetëvjeçari e gjysmë dhe përse ajo mbetet një figurë e mistershme, edhe në vendin e saj dhe, natyrisht, në botë.
Duke e rikthyer bisedën tek e tashmja, prifti Matthias Fichtmuller e pyet kancelaren, nëse i lexon librat që janë shkruar për të. “Po, por nuk e njoh vehten aty,” qesh Merkel. Të tjerët qeshin bashkë me të. “Jam siguruar shumë që të ketë kufij, kështu që, disa pjesë të jetës sime nuk janë të hapura për publikun,” thotë ajo. Merkel e ka bërë të qartë se interesi i të tjerëve për të duhet të përqëndrohet vetëm tek roli i saj zyrtar. Një fshehtësi e tillë është tashmë një kod brenda njerëzve të rrethit të kancelares. Në gjashtëmbëdhjetë vjet të Merkelit si kancelare, nuk ka pasur asnjë rrjedhje informacioni, asnjë lloj kujtimi që të rrëfejë gjithçka të shkruar, qoftë edhe nga ish pjestarë të kabinetit, ose njerëz të besuar. Ndihmësit e saj, jashtëzakonisht besnikë, janë mbrojtës të thellë të gruas, së cilës, pjesa më e madhe e tyre, i kanë shërbyer për një dhjetëvjeçar e gjysmë. “Prap këtu ju?” u habit presidenti amerikan, Barack Obama, kur pa ekipin e Merkelit, gjatë një udhëtimi në Berlin, në vitin 2016. Ata ishin, thuajse, të pandryshuar, që prej kohës kur ajo kishte marrë detyrën, në vitin 2008.
Pas disa dhjetëvjeçarësh, gjermanët nuk ndjehen të lodhur nga shfaqja e saj, nga zëri, nga figura e saj e afërt – sepse Merkel nuk ka qëllim të bjerë në sy. Megjithëse dihet pak mbi jetën private të kancelares, pavarësisht nga kjo, ajo na paraqitet si njeri që bën një jetë jo shumë të ndryshme nga të tjerët. Gjermanët e rizgjodhen atë tri herë dhe, çdo herë, me përqindje të mirë. Një herë në kushedi sa kohë, ata mund ta kenë parë kancelaren e tyre të veshur me rroba të veçanta, festive, me rastin e Festivalit Wagner, në Bayreuth të Gjermanisë; por, po aq gjasa kanë ta shohin tek e bën vetë pazarin. Ajo përvetësoi mësimin e paraardhësve si Helmut Kohl – i cili e paraqiste familjen, gruan dhe fëmijët, si një familje gjermane e përsosur, derisa gruaja kreu vetëvrasje, kurse djemtë u larguan; – ose, si heroi i Luftës së Ftohtë, Willy Brandt, i cili, më vonë, u zbulua se kishte qenë një depresiv, i varur nga seksi.
Ndonjëherë, këmbëngulja e Merkelit për privatësi arrin deri në skajet e paranojës. Ajo nuk mban ditar, nuk përdor email; shkruan vetëm shkurt dhe kur është e domosdoshme. Zbulimi nga një bashkëpunëtor i një hollësie, në dukje të vogël, mbi jetën e saj private, mund të bëhet shkak për t’i dhënë fund marrëdhënies mes tyre. Një aleati politik të saj nuk iu rikthye asnjëherë besimi i Merkelit, pasi ai publikoi një email të përbërë nga katër fjalë, ku shkruhej: “Faleminderit për këshillën, A.M.”/ KultPlus.com
Ish-kancelarja gjermane Angela Merkel u nderua sot me “Çmimin e Paqes 2022”, “në njohje të përpjekjeve të saj për të mirëpritur refugjatët”, sipas UNESCO-s, transmeton KultPlus.
Merkel mori çmimin, sipas Twitter dhe faqes së internetit të Organizatës së OKB-së për Arsim, Shkencë dhe Kulturë, për vendimin e saj “guximtar” për të mirëpritur më shumë se 1.2 milion emigrantë në 2015, veçanërisht ata nga Siria, Iraku, Afganistani dhe Eritrea.
Nderimi, i cili zyrtarisht quhet “Çmimi i Paqes Félix Houphouët-Boigny-UNESCO”, mban emrin e ish-presidentit të Bregut të Fildishtë.
Ai u jepet çdo vit që nga viti 1989 individëve, organizatave ose institucioneve që kanë bërë një përpjekje të veçantë për të promovuar, hulumtuar ose siguruar paqen.
Pas 16 vitesh në detyrë, Merkel u largua nga posti i saj si kryetare e shtetit të Gjermanisë në vitin 2021. Kriza e refugjatëve dominoi mandatin e saj të tretë më shumë se çdo çështje tjetër, duke marrë mbështetje nga disa ndërsa ka tërhequr kritika nga të tjerët dhe efektet e saj mund të ndihen ende sot.
Një valë refugjatësh u afrua në kufijtë e Evropës në vitin 2015 si rezultat i luftërave në Lindjen e Mesme, kryesisht në Siri, Afganistan dhe Irak. / KultPlus.com
Gratë lidere kanë dëshmuar vetën e tyre në të gjitha sferat e jetës, përfshirë këtu edhe politikën, shkruan KultPlus
Më poshtë gjeni të listuara dhjetë thënie të fuqishme nga gra politikane.
“Për mua, një demokraci më e mirë është një demokraci ku gratë jo vetëm kanë të drejtë të votojnë dhe të zgjedhin, por edhe të zgjidhen”
Michelle Bachelet, ish- kryetare e UN Women, ish Presidente dhe Ministre e Mbrojtjes e Kilit, për New York Times
“As zinxhirët e diktaturës as vargonjtë e shtypjes nuk mund të mbajnë poshtë për një kohë të gjatë, forcat e lirisë”
Angela Merkel, ish-Kancelare e Gjermanisë, gjatë një shkëmbimi dollish me Presidentin Obama
“Nëse e ke mendjen vetëm të të pëlqejnë, atëherë do të jesh e përgatitur të bësh kompromis me gjithçka dhe në çdo kohë, dhe nuk do të arrish asgjë”
Margaret Thatcher, e para Kryeministre femër e Britanisë, në një intervistë për Press Association
“Për të bërë paqe, duhet të jesh udhëheqës i pakompromis. Për të bërë paqe, duhet që edhe të mishërosh kompromisin”
Benazir Bhutto, e para grua e zgjedhur që udhëhoqi një komb mysliman si Kryeministre e Pakistanit, në librin “Reflektime të punës drejt paqes”
“Nuk është pushteti që korrupton, por frika. Frika e humbjes së pushtetit korrupton ata që e kanë dhe frika e kamzhikut të pushtetit korrupton ata që i nënshtrohen atij”
Aung San Suu Kyi, udhëheqe birmaniane pro demokracisë, në librin e saj “Liria nga frika”
“Cilindo titull apo post që jemi të privilegjuar të mbajmë, në fakt është ajo që bëjmë, ajo çka na bën këta që jemi… Secili prej nesh duhet të vendosë se çfarë lloj njerëzish duam të jemi – çfarë lloj trashëgimie duam të përcjellim”
Mbretëresha Rania Al Abdullah e Jordanisë në “Konferencën e Grave”
“Arsimi është transformues. Ai ndryshon jetë. Prandaj njerëzit punojnë kaq shumë për t’u arsimuar, dhe prandaj arsimi ka qenë gjithmonë çelësi i Endrrës Amerikane, forca që fshin ndarjet arbitrare të racës dhe klasës dhe kulturës dhe çliron potencialib që Zoti i ka dhënë çdo njeriu”
Condoleezza Rice, Ish-Sekretare Shteti në Ceremoninë e Diplomimit në Boston College
“Lumturia nuk është objektiv, ajo është një nënprodukt. Paradoksalisht, një mënyrë e sigurtë për të mos qenë të lumtur, është që të krijojmë një mënyrë jetese ku kënaqim plotësisht dhe ekskluzivisht vetëm veten tonë”
Eleanor Roosevelt, ish-Zonjë e Parë në librin e saj “Mëson duke jetuar”
“Një prej mësimeve me të cilët jam rritur është që gjithmonë të jesh e vërtetë me veten dhe të mos lejosh askënd që të të shpërqëndrojë nga objektivat e tua. Dhe kështu që, kur dëgjoj sulme negative apo të rreme, me të vërtetë që nuk investoj aspak energji në ta, sepse unë vetë e di se kush jam”
Michelle Obama, ish-Zonjë e Parë, në një intervistë për Marie Claire
“Përmasa e ëndrrave të tua duhet të kalojë gjithmonë kapacitetin tënd aktual për t’i arritur ato. Nëse ëndrrat nuk të trembin, atëherë nuk janë të mëdha sa duhet”
Ellen Johnson Sirleaf, ish-Presidente e Liberisë, në ceremoninë e diplomimit në Harvard. /KultPlus.com
Ish-kancelarja gjermane, Angela Merkel, ka refuzuar një ofertë pune nga Sekretari i Përgjithshëm i OKB-së, Antonio Guterres.
Mediat ndërkombëtare bëjnë me dije se 67 vjeçarja i ka dërguar një letër Sekretarit të Përgjithshëm të OKB-së Antonio Guterres javën e kaluar ku e ka falënderuar për pozicionin që i kishte ofruar dhe theksonte se nuk do ta pranonte atë.
Gjithashtu, raportohet se Guterres i kishte ofruar Merkelit postin e kreut të një organi këshillimor të nivelit të lartë të OKB-së që merret me të mirat publike globale dhe mjedisin. /KultPlus.com
Anas Montamani, një refugjat nga Siria, u bë i famshëm në vitin 2015, kur bëri një selfie me kancelaren e atëhershme Angela Merkel, në kulmin e krizës së refugjatëve. Por ku është ai sot? Dhe çfarë ka ndryshuar në jetën e tij që atëherë?
Montamani tani jeton në periferinë lindore të Berlinit dhe merr me qira apartamentin e tij. Gjashtë vjet më parë, kur mbërriti në Gjermani, jetonte në një konvikt refugjatësh.
Ai ka arritur shumë që atëherë, ku tregon edhe vetë se tani ka filluar studimet në Ekonomi.
“Unë studioj për Ekonomi dhe Komunikim. Jam ne semestrin e peste. Punoj në të njëjtën kohë dhe jetoj me të dashurën time. “Shpresoj të marr më vonë nënshtetësinë gjermane”, thotë ai në mënyrë karakteristike.
Selfia që bëri rastësisht me Angela Merkelin e bëri papritur të famshëm. Imazhi i tij është shfaqur në të gjitha mediat gjermane – dhe më gjerë. Një familje gjermane e kontaktoi menjëherë, duke i ofruar mikpritje.
Nga synimi tek suksesi
Ai kujton vazhdimisht: “Selfie me kancelaren do të thotë shumë për mua. Është shumë më tepër se një fotografi. Është një simbol i humanizmit të zonjës Merkel. Ai më ndihmoi, më shpëtoi jetën. Unë do t’i jem mirënjohës asaj për pjesën tjetër të jetës sime. Selfie ishte prova se Angela Merkel ka një zemër të madhe, ajo na mirëpriti në vend dhe na dha mundësinë të qëndrojmë dhe të integrohemi këtu”.
Montamani vazhdoi të punonte dhe nuk u frikësua, gjithnjë ishte në kërkim që të siguronte jetësën në Gjermani.
“Do të më mungoj shumë. Nëse do ta takoja përsëri, do të doja ta falënderoja për gjithçka që bëri për mua. Falë saj, sot jam duke ecur shumë më mirë në jetën time. Unë dua t’i tregoj asaj respektin tim sepse ajo më shpëtoi jetën. Dhe ndoshta do t’i kërkoj përsëri të bëjë një selfie përsëri”, deklaroi ai.
Angela Merkel ka përfunduar mandatin e saj shumëvjeçar në Gjermani dhe është larguar nga posti i kancelares, vitin që lamë pas. /KultPlus.com
Kancelarja në largim e Gjermanisë, Angela Merkel, përdori video-mesazhin e saj të fundit javor për popullin duke i kërkuar vendit të saj të merrte vaksinën kundër COVID-19, përcjellë KultPlus.
“Vaksinohuni, pavarësisht nëse është një vaksinim i parë apo një përforcues”, tha Merkel sipas Associated Press. “Çdo vaksinim ndihmon”, shtoi tutje.
Pothuajse 69 për qind e gjermanëve janë plotësisht të vaksinuar – por 75 për qind është objektivi i qeverisë federale, e cila ka fajësuar një rritje të kohëve të fundit tek ata që ende nuk e kanë marrë atë, sipas raportit.
“Me vaksinat efektive dhe të sigurta, ne kemi çelësin për këtë në duart tona”, përfundoi kancelarja.
Autoritetet shëndetësore gjermane raportuan të shtunën për një rritje masive të rasteve, duke u “frikësuar” edhe më shumë nga varianti i ri Omicron. /KultPlus.com
Në 16 vitet e pushtetit, Angela Merkel nuk emëroi asnjë nga të afërmit e saj në një pozicion shtetëror.
Gjermania i tha lamtumirë udhëheqëses të saj, fizikanes dhe kimistes kuantike, e cili nuk u tundua nga moda apo dritat dhe nuk bleu prona të paluajtshme, makina, jahte dhe avionë privatë.
Ata dolën në ballkonet e tyre dhe duartrokitën për 6 minuta, një ovacion në këmbë në të gjithë vendin.
Ajo largohet dhe të dashurit e saj nuk pretenduan përfitime.
Për gjashtëmbëdhjetë vjet, ajo kurrë nuk ndryshoi stilin e veshjet e saj.
Në një konferencë tjetër për shtyp, gazetarët e pyetën: “A keni një shërbyese shtëpie që pastron shtëpinë tuaj, përgatit ushqim, etj.”
Përgjigja e saj ishte: “Jo, nuk kam shërbëtorë dhe nuk kam nevojë për ta. Burri im dhe unë i bëjmë punët e shtëpisë çdo ditë.”
Merkel jeton në një apartament normal si çdo qytetar tjetër.
Ajo jetonte në këtë apartament para se të zgjidhej Kancelare e Gjermanisë. Ajo nuk e la këtë apartament për të zotëruar një vilë të sajën me pishina e kopshte.
Angela Merkel, kancelarja e ekonomisë më të madhe të Evropës, do të mbetet gjithmonë një shembull i shkëlqyer i lidershipit, e udhëhequr nga vlerat, parimet vetëmohuese, faktet dhe ndjeshmëria./voal /KultPlus.com
Pas 16 vjetësh në krye të qeverisë gjermane, Angela Merkel, ndahet me një ceremoni të madhe ushtarake.
Në këto 16 vjet të drejtimit të qeverisë Merkel kishte kaluar shumë kriza, prandaj edhe ajo quhej “kancelarja e krizave”. “Ishin 16 vjet plot ngjarje dhe sfida, që kanë kërkuar shumë prej meje, por edhe më kanë plotësuar”, tha Merkel.
Porosia e Merkelit në fjalën e lamtumirës Mbas 16 vjetësh në krye të qeverisë gjermane, Angela Merkel, ndahet me një ceremoni të madhe ushtarake. Në këto 16 vjet të drejtimit të qeverisë Merkel kishte kaluar shumë kriza, prandaj edhe ajo quhej “kancelarja e krizave”. “Ishin 16 vjet plot ngjarje dhe sfida, që kanë kërkuar shumë prej meje, por edhe më kanë plotësuar”, tha Merkel.
Angela Merkel, gjatë ceremonisë së ndarjes nga detyra, të enjten, më 2 dhejtor 2021, në Berlin.
Në fjalën e lamtumirës ajo përmendi tre krizat kryesore: atë të sistemit bankar, në vitin 2008, krizën e migracionit në vitin 2016 dhe atë të pandemisë së virusit corona. Ajo kujtoi parimin e qeverisjes së saj për “barazimin e interesave”, duke dëgjuar gjithmonë edhe palën tjetër. “Ju inkurajoj që ta shihni botën edhe me sytë e tjetrit dhe të merrnin perspektivën e tjetrit, edhe nëse ajo është jokomode”, porositi politikania demokristiane.
Angela Merkel, e ardhur në pushtet në vitin 2005, ishte e vetmja kancelare e Gjermanisë, që nuk humbi zgjedhjet, por u largua vetë. /DW/KultPlus.com
Artisti kosovar Alkent Pozhegu së fundmi ka shpalosur artin e tij krejtësisht të veçantë në një mënyrë për të falënderuar kancelaren gjermane, Angela Merkel e cila vazhdon të mbetet një shembull për të gjitha gratë e botës e sidomos për mbështetjen që ajo i ka dhënë vendit të saj për plot 16 vjet, përcjell KultPlus.
Një mozaik nga fara të llojllojshme, ka gjetur formën e figurës së Merkel pikërisht në ditën kur Gjermania ka votuar për një kancelar të ri. Pozhegu kësaj radhe, me mënyrën e tij unike falënderon Merkel për kontributin e saj të dhënë për Kosovën.
Sheshi i Gjakovës sot ka ndjerë drithërat e ndryshme si: misri i kuq, i portkollat, orizi i bardhë dhe farat e lulediellit, me ç’rast duket qartë se arti gjithmonë nderon një person, pa marrë parasysh pozitën e tij.
Nëpërmjet artit, artisti Pozhegu ka arritur të identifikohet lehtë nga mediat e ndryshme të huaja e në veçanti nga ato gjermane të cilat kanë kushtuar artikuj të ndryshme për artin e tij.
Pozhegu, mozaikun e kancelares gjermane e ka vendosur në një shesh të Gjakovës duke e shkruar edhe fjalën ‘DANKE’ në gjuhën gjermane.
“Unë besoj që për botën është shumë, sepse një femër ka arritur të jetë më e fuqishme në botë që ka fituar katër mandate dhe ka arritur t’i jap shembull të gjitha femrave në botë. Kurse ne në Kosovë duhet të jemi falënderues gjatë tërë jetës sepse gjatë tërë kohës nuk ka munguar mbështetja e fuqishme që e kemi pasur nga Angela Merkel”, tha Pozhegu.
“Materialet për mozaikun janë, misër i kuq, i portokallt, oriz dhe fara luledielli, përmasat janë përafërsisht 3 me 4, kurse sasia e kokrrave janë shpenzuar afër 1 kilogram prej secilit përbërës”, tregon tutje ai.
Përndryshe, kujtojmë se Alkent Pozhegu mban dy rekorde ‘Guinness’ për mozaikët e tij gjigantë të bërë me fara. / KultPlus.com
Angela Merkel, u shfaq e emocionuar pas largimit të saj nga politika, ndërsa CDU humbi zgjedhjet në Gjermani, transmeton KultPlus.
As maska anti-COVID, nuk mund t’i fshihte lotët që po rridhnin në faqet e saja, një shenjë lamtumire nga politika, nga e cila do të tërhiqet në dhjetor të këtij viti.
Ish-kancelarja, ka qëndruar në krye të partisë konservative për 16 vjet, por duket se gjermanët zgjodhën kundërshtarët më të fuqishëm të saj, social-demokrat.
Në zgjedhjet që u zhvilluan ditën e djeshme, fituese ka dalë partia Social-demokrate, e cila tashmë pritet të udhëheq vendin në vitet e ardhshme. / KultPlus.com
Germany’s Social Democrats narrowly won Sunday’s national election, projected results showed, and claimed a ‘clear mandate’ to lead a government for the first time since 2005 and to end 16 years of conservative-led rule under Angela Merkel https://t.co/QSYMsTvflZpic.twitter.com/lkEGX3Bici
Pas 16 vjetëve në krye të Gjermanisë, Kancelarja Angela Merkel edhe pak ditë pritet që të largohet nga pushteti. Një kompani lokale e ëmbëlsirave po shpreson që ta ëmbëlsojë largimin e saj me një specialitet të veçantë për përkrahësit e saj.
“Është dhuratë për përkrahësit ose kundërshtarët e Angela Merkelit, e cila do të tërhiqet dhe e cila e ka përfunduar shërbimin e saj. Ne shpresojmë që ndokush do ta vendos këtë kujtim ndokund në shtëpi”, tha Thomas Zuber, menaxher i kompanisë “Odenwaelder Marzipan” në Bavari.
“I kemi përgatitur që të qëndrojnë dy vjet, prandaj njerëzit mund t’ia zgjasin kohën Merkelit edhe për dy vjet” shtoi Zuber duke qeshur, transmeton KultPlus.
Foto: Reuters
Kompania ka funksionuar që katër dekada dhe përderisa biznesi familjar ka makineri për prodhim masiv të ëmbëlsirave, udhëheqësit e saj e kanë ruajtur traditën edhe për përgatitjen e disa specialiteteve me dorë.
Ideja për prodhimin e ëmbëlsirës në formën e fytyrës së Merkelit erdhi disa muaj më parë dhe tashmë stafi me 8 persona po punon për kompletimin e linjës së ëmbëlsirave, shkruan Reuters. / KultPlus.com
Në dhjetor të vitit të kaluar Angela Merkel u shpall gruaja më e fuqishme në botë nga revista prestigjioze ‘Forbes’, shkruan KultPlus.
Merkel u vlerësua për qëndrueshmërinë e saj, për qëndrimin përballë Presidentit amerikan Donald Trump dhe për politikën e saj ndaj refugjatëve.
Merkel është kancelarë e Gjermanisë që nga viti 2005, ndërsa shpesh është përshëndetur si udhëheqëse de fakto e Bashkimit Evropian e madje edhe udhëheqëse e ‘botës së lirë ’.
Sot, në 67 vjetorin e lindjes së Merkel, KultPlus ju sjell njërën nga thëniet më të njohura të saj që flet për punën e ndershme dhe efektin e saj në jetë.
-Secili duhet ta dijë se duhet të punojë, pasuria e pandershme nuk sjell fat në jetë. / KultPlus.com
Në dhjetor të vitit të kaluar Angela Merkel u shpall gruaja më e fuqishme në botë nga revista prestigjioze ‘Forbes’, shkruan KultPlus.
Merkel u vlerësua për qëndrueshmërinë e saj, për qëndrimin përballë Presidentit amerikan Donald Trump dhe për politikën e saj ndaj refugjatëve.
Merkel është kancelarë e Gjermanisë që nga viti 2005, ndërsa shpesh është përshëndetur si udhëheqëse de fakto e Bashkimit Evropian e madje edhe udhëheqëse e ‘botës së lirë ’.
Sot, në 67 vjetorin e lindjes së Merkel, KultPlus ju sjell disa fakte pak të njohura rreth saj.
-Angela Merkel është gruaja me mandatin më të gjatë në Evropë. Ajo ka udhëhequr Gjermaninë që nga viti 2005.
-Angela është një bukëpjekëse dhe një kuzhinere eksperte.
-Gjyshi i saj ishte polak. Ludwig Kazmierczak lindi në Poznan, Poloni në 1896. Babai i saj gjermanizoi emrin e familjes në vitet 1930.
-Nofka e Angela’s është ”Mutti”, ose ”Mami”. Përkundër faktit se ajo nuk ka fëmijë, gjermanët i kanë vënë asaj këtë pseudonim.
-Ajo ka shumë frikë nga qentë. Angela u frikësua nga qentë pasi u kafshua nga një në vitet 1990. Vladimir Putin e dintë këtë kur lejoi qentë e tij në një takim me Merkel, disa vjet më parë.
-Ajo flet rrjedhshëm rusisht.
-Ajo është gruaja e vetme që zë pozicionin në seksionin e kimisë teorike të Akademisë së Shkencave të Gjermanisë Lindore.
-Angela mbajti mbiemrin e burrit të saj të parë. Burri i saj i parë ishte një fizikant, me të cilin Angela ishte e martuar për 5 vite. Më pas ajo u martua me Joachim Sauer që nga viti 1998.
–Ajo është një impresioniste e shkëlqyer. Angela Merkel pëlqen të bëjë përshtypje tek liderët e tjerë botërorë, përfshirë Vladimir Putin, Papa Benedikti XVI, ish presidentin francez Nicolas Sarcozy etj./ KultPlus.com
Presidentja e Kosovës, Vjosa Osmani përmes një postimi në rrjetin social Twitter, ka falënderuar presidentin amerikan Joe Bide dhe kancelaren Angela Merkel për mesazhin e tyre të përbashkët përkrahës që Ballkani Perëndimor të integrohet në Bashkimin Evropian.
Osmani ka shkruar që me përkrahjen e ShBA-së dhe Gjermanisë mund të kundërshtohen fuqishëm ata që provojnë ta destabilizojnë rajonin.
“Faleminderit presidentit të ShBA-së, Joe Biden dhe kancelares Merkel për dërgimin e mesazhit të qartë të mbështetjes për integrimin e Ballkanit Perëndimor në BE në deklaratën e tyre të përbashkët. Me përkrahjen tuaj, ne do t’i kundërshtojmë fuqishmë ata që përpiqen ta destabilizojnë rajonin tonë.”, ka shkruar ajo.
Thank you to @POTUS & Chancellor #Merkel for sending a clear message of support for EU integration of the WB, in their joint declaration.
With your support, we will strongly counter those who try to destabilise our region.
We are stronger when we stand together. 🇽🇰 🇺🇸 🇩🇪 🇪🇺
Shtetet e Bashkuara dhe Gjermania do të qëndrojnë së bashku kundër agresionit rus, tha presidenti amerikan, Joe Biden, përderisa e priti në takimin lamtumirës në Uashington kancelaren gjermane, Angela Merkel.
Shefi i Shtëpisë së Bardhë tha se e ka ngritur shqetësimin e tij para zonjës Merkel rreth gazsjellësit që e lidh Gjermaninë me Rusinë, por se ata u pajtuan që Moska nuk mund të lejohet që ta përdorë energjinë si armë. / KultPlus.com
Kryeministri britanik, Boris Johnson, u është bashkuar më shumë se 20 liderëve të botës në thirrjen për një marrëveshje të re për të ndihmuar botën që të përgatitet për pandemitë e ardhshme.
Në një artikull për gazetat në botë, liderët përfshirë presidentin francez, Emmanuel Macron, dhe kancelarja gjermane, Angela Merkel, kanë thënë se COVID-19 ka qenë sfida më e madhe e botës që nga Lufta e Dytë Botërore.
Një tjetër pandemi apo krizë shëndetësore s’është çështje “nëse do të ndodhë, por kur”, kanë thënë ata.
Dhe pandemia ka treguar se “askush s’është i sigurt përderisa të gjithë të jenë të sigurt”.
Duke shkruar për “Telegraph” në Britani dhe mediume si “Le Monde” në Francë a “El Pais” në Spanjë, 24 liderë botërorë kanë argumentuar që një traktat i ngjashëm sikur ai pas Luftës së Dytë Botërore është i nevojshëm për bashkëpunim më të mirë.
Nënshkruesit, ku përfshihet edhe shefi i Organizatës Botërore të Shëndetësisë, Tedros Adhanom Ghebreyesus, thonë se në atë kohë, pas dy luftërave shkatërruese, liderët botërorë ishin bërë bashkë për të tejkaluar krizën, ndërsa tash shtetet duhet të bëhen bashkë për të luftuar izolimin dhe nacionalizmin si dhe për të adresuar sfidat që mund të tejkalohen vetëm me bashkim dhe bashkëpunim. / KultPlus.com
Kancelarja gjermane, Angela Merkel thotë se ekziston rreziku i infektimeve të reja, të ndryshme të koronavirusit që do të jenë rezistuese ndaj vaksinave.
Merkel njoftoi se duhet të vendoset një shtetrrethim në të gjitha pjesët e Gjermanisë me një numër të lartë të rasteve të reja të koronavirusit,
“Ne kemi hyrë në fazën më të rrezikshme të pandemisë. Në javët e ardhshme, do të sqarohet nëse mund ta mbajmë pandeminë nën kontroll”, tha Merkel, raporton reuters.
Shefi i stafit të kancelares, Helga Braun, konfirmoi për mediat gjermane se vendi po hyn në fazën më të rrezikshme të pandemisë./ KultPlus.com
Fjalë të tilla, si ato që deklaroi sot në Bundestag, kancelares gjermane Angela Merkel nuk ia kishte dëgjuar njeri në 16 vitet e fundit, që ndodhet në rolin e lideres së fuqisë ekonomike më të madhe në Europë.
“Dua ta them qartësisht. Bëhet fjalë për një gabim timin, është vetëm i imi. Mbaj përgjegjësi unë për gjithçka”
Këto fjalë të padëgjuara Merkel i tha në kuadër të dështimit të bujshëm të lockdownit total që ajo kishte shpallur disa ditë më parë, pas një marrëveshje të gjatë me rajonet gjermane.
Kancelarja vijoi duke thënë se “i kërkon falje qytetarëve, pushimi i Pashkëve ka qenë një gabim, kishte arsye të mira për ta vendosur, por nuk realizohej në kohë”,
Sipas burimeve, harku kohor u vlerësua i pamjaftueshëm për të bllokuar ekonominë gjermane, edhe pse vetëm për dy ditë me shume se ato të parashikuar tradicionalisht, dhe presionet ishin të tilla që edhe kancelarja u detyrua të tërhiqet. Nga 1 prilli deri në 5 prill, gjithsesi, nuk do të lejohen fluturimet nga Gjermania në një vend tjetër.
Ndërkohë, qeveria e Merkel është gjithmonë e më shumë në shënjestrën e kritikave, jo vetëm për ritmet e ulta të fushatës së vaksinimit, në një vend gjithmonë e më shumë të lodhur nga mbyllja që zgjat prej muajsh i gjithë aktiviteteve si bare, restorante, teatro dhe aktivitete të tjera.
Disa eksponentë të opozitës i kanë kërkuar madje kancelares të paraqitet në Parlament për t’u matur me votën e besimit, por Merkel ka refuzuar në mënyrë të prerë, të paktën për momentin./ KultPlus.com
Një video është bërë ‘hit’ në internet ku pretagoniste kryesore është Angela Merkel.
Gjatë një seance parlamentare, Merkel ka harruar maskën në foltoren e Kuvendit dhe pasi e ka kuptuar është ngritur nga karrigia me nxitim për ta marrë.
Ngjarja ka ndodhur disa ditë më parë kur Merkel foli para Bundestagut, duke bërë autokritikë mbi kohën e reagimit ndaj përhapjes së COVID-19 në Gjermani.
“Ne nuk e bllokuam jetën publike mjaft herët, ndërsa kishte shenja të një vale të dytë dhe paralajmërime nga shkencëtarë të ndryshëm”,- tha Kancelarja në 11 Shkurt.
Pasi mori maskën, kancelarja u rikthye sërish në vendin e saj, por videoja është bërë virale. / KultPlus.com
Kancelarja gjermane Angela Merkel në një intervistë për televizionin ARD ka mbrojtur strategjinë e saj të vaksinimit. Ajo me këtë rast tregon se deri kur të gjithë gjermanët do të mund të vaksinohen – dhe çfarë ndodh nëse dikush nuk dëshiron ta bëjë këtë.
Kjo intervistë vjen më shumë se dy vite nga intervista e fundit televizive që ka dhënë kancelarja, në vitin 2018.
Merkel fillimisht hodhi poshtë fjalën “privilegje” për njerëzit e vaksinuar, duke deklaruar se ato nuk ishin privilegje por shprehje e “jetës normale”, e cila do të kthehet një ditë. Megjithatë, ajo ka pranuar se njerëzit që nuk duan të vaksinohen mund të mos jenë në gjendje t`i bëjnë disa gjëra pastaj. Konkretisht ajo ka thënë:
“Unë mendoj se pasi që më vonë u bëjmë një ofertë shumë njerëzve që të vaksinohen dhe një numër njerëzish thonë se nuk ekziston detyrimi për t`u vaksinuar, prandaj nuk duan të vaksinohen. Atëherë mbase duhet të bëjmë dallimin dhe të themi se nëse nuk e dëshiron vaksinimin, as ti nuk mund të bësh gjëra të caktuara”.
Ky deklarim i kancelares ka ngjallur debat në Gjermani.
Vendimi për të këmbëngulur në përmbushjen e kritereve të nevojshme për miratimin e vaksinave nuk ishte “gabim”, ka thënë Merkel të martën në mbrëmje në televizionin ARD. Lidhur me vaksinën ruse Sputnik V, ajo është shprehur se çdo vaksinë është “mirëpritur ngrohtësisht” në Bashkimin Evropian (BE), me kusht që të miratohet nga Agjencia e Barnave e BE-së.
“Ne nuk mund të kemi plan të ngurtë vaksinimi” është shprehur Merkel, duke mbrojtur veprimin e Qeverisë Federale dhe të landeve. Plani duhet të përshtatet në mënyrë dinamike.
“Ne po luftojmë për besimin në këto vaksina”, ka theksuar Kancelarja. Pas samitit lidhur me vaksinimin të hënën në mbrëmje, kishte pasur kritika drejt saj, veçanërisht nga opozita. Të Gjelbrit, e Majta dhe FDP e konsiderojnë takimin si të dështuar.
Lidhur me bisedimet e ardhshme në nivelin federatë – republika federale (lande) të paraparë për 10 shkurt dhe relaksimin e mundshëm të masave, Merkel tha se perspektiva e hapjes nuk bazohet në një datë, por në vlera. Bëhet fjalë për numrin e infeksioneve, ngarkesën e njësive të kujdesit intensiv dhe përqindjen e mutacioneve.
“Për fat të mirë, vlerat po bien” është shprehur Merkel. Tani ka 50 qarqe ose qytete që kanë incidencën shtatë-ditore prej më pak se 50./alb/KultPlus.com
Kancelarja gjermane Angela Merkel ka njoftuar mbylljen e dyqaneve, shkollave dhe qendrave të kujdesit ditor para Krishtlindjeve për të ndaluar rritjen e rasteve të koronavirusit.
Këto rregulla të reja do të hyjnë në fuqi nga e mërkura dhe do të kenë efekt deri më 10 janar.
Në një konferencë shtypi pas një takimi të udhëheqësve federalë dhe shtetërorë, ajo tha se vendi kishte nevojë urgjente për të adresuar rritjen eksponenciale të infeksioneve COVID-19.
Vendimi pritet të shkaktojë debate të mëdha për shitësit me pakicë, sistemin arsimor dhe publikun përpara festave të Krishtlindjeve.
Ku konsistojnë kufizimet e reja?
Të gjitha dyqanet dhe shërbimet jo-thelbësore do të mbyllen deri më 10 janar, duke përfshirë parukierët të cilët mbetën të hapur nën bllokimin aktual “lite”.
Shkollat mbyllen dhe mësimi vazhdon në shtëpi në internet si dhe të zgjasin pushimet e Krishtlindjeve deri më 10 janar.
Qendrat e kujdesit ditor gjithashtu do të mbyllen, por prindërit do të jenë në gjendje të bëjnë pushime me pagesë në mënyrë që të kujdesen për fëmijët e tyre.
Punëdhënësit inkurajohen të lejojnë punonjësit të punojnë nga shtëpia.
Njerëzit nuk do të lejohen të pinë alkool në publik.
Ngjarjet fetare në kisha, sinagoga dhe xhami mund të ndodhin nëse ndjekin rregullat e higjienës, por kënga komunale nuk lejohet.
Shtetet ende planifikojnë të lehtësojnë kufizimet më të rrepta të kontaktit për 24-26 Dhjetor në mënyrë që anëtarët e ngushtë të familjes të mund të kalojnë Krishtlindjet së bashku – një familje mund, gjatë kësaj kohe, të ftojë deri në katër të rritur nga familjet e tjera, por vetëm nga familja e afërt, plus çdo numër të fëmijë nën pesëmbëdhjetë vjeç.
Njerëzit mund të mos blejnë fishekzjarre për prag të Vitit të Ri.
Kancelarja gjithashtu rekomandoi që familjet që po planifikojnë të takohen duhet të izolojnë para një jave për të qenë të sigurt./ KultPlus.com
Kancelarja gjermane, Angela Merkel, është shfaqur e prekur gjatë një fjalimi të mbajtur në Bundestag teksa ka bërë një bilanc të infektimeve dhe të vdekjeve.
Sipas Merkel, 509 viktima në ditë nga CoVid-19, janë një shifër e papranueshme.
Merkel tha se numri i infektimeve po “vazhdon të jetë ende i lartë” dhe se duhet zvogëluar sa më shumë të jetë e mundur” “Nëse shkenca na lutet që t’i reduktojmë kontaktet, duhet ta respektojmë”. Megjithatë, kancelarja gjermane njohu edhe progreset që janë bërë dhe tani “po shikohet drita në fund të tunelit”.
Revista amerikane, Forbes, ka bërë të ditur emrat e grave më të fuqishme në botë për vitin 2020, teksa ka theksuar se ndikimi ekonomik dhe shoqëror i pandemisë së koronavirusit ka prekur në mënyrë joproporcionale gratë.
Në krye të listës këtë vit është kancelarja gjermane, Angela Merkel, e pasuar nga presidentja e Bankës Qendrore Evropiane, Christine Lagarde.
Përveç tyre, në pesë pozitat e para renditen edhe nën-presidentja e zgjedhur amerikane, Kamala Harris, presidentja e Komisionit Evropian, Ursula von der Leyen dhe filantropja amerikane, Melinda Gates.
“Lideret e listës së 100 grave më të pushtetshme në botë e revistës Forbes, luajnë rol tejet të rëndësishëm në të përcaktuarit e asaj se si do të duket bota pas pandemisë. Fuqia e tyre kalon përtej fushave ekonomike dhe politike, për të transformuar industrinë dhe për të zgjidhur çështjet më urgjente shoqërore. Fuqia e tyre për të na çuar përpara, nuk ka qenë kurrë më e nevojshme”, është thënë në deklaratën e revistës që ka renditur emrat.
Nga pozita e pestë dhe në dhjetë, Forbes ka përmendur këta emra, Mary Barra, Nancy Pelosi Ana Patricia Bioton, Abigail Johnson dhe Gail Bourdreaux. / KultPlus.com
