Edicioni i 5-të i “Peja Jazz Festival” do të nis sot në kinemanë “Jusuf Gërvalla” në Pejë, duke shënuar fillimin e një programi të pasur muzikor që do të zgjasë deri më 3 nëntor. Ky festival do të mbledhë emra të shquar të muzikës xhaz nga e gjithë bota, duke ofruar një përvojë kulturore dhe artistike për qytetin e Pejës dhe për të gjithë adhuruesit e muzikës xhaz.
Nata e parë e festivalit do të hapet me një performancë nga artistja ndërkombëtare Laura Prince. E lindur nga prindër me prejardhje nga Togo dhe Franca, Laura është vokaliste dhe kompozitore me një stil autentik dhe prekës, që reflekton rrënjët e saj të thella kulturore. Përformanca e saj do të shoqërohet nga pianisti Julian Caetano, i cili njihet për interpretimin e tij të ndjeshëm në skenën e xhazit.
Muzika e Laurës prek tema universale si frikërat e fëmijërisë, zemërthyerjet, dhe lidhjet kulturore, duke krijuar një atmosferë intime dhe reflektuese për publikun. Julian, që në moshë të re ka kultivuar dashurinë për muzikën dhe xhazin, do të sjellë një performancë të sofistikuar dhe harmonike, e cila pasuron më tej përvojën e festivalit.
Peja Jazz Festival 2024 synon të jetë një platformë për promovimin e xhazit dhe bashkëpunimeve ndërkulturore, duke prezantuar artistë me zëra të veçantë dhe duke shpalosur emocione muzikore. Përgjatë katër netëve të ardhshme, audienca do të ketë mundësinë të shijojë një gamë të gjerë interpretimesh që do të përfshijnë tingujt e instrumenteve të veçanta dhe ritme nga kultura të ndryshme.
Edicioni i 5-të i Peja Jazz është duke u realizuar me mbështetjen e Anibar, Kinema Jusuf Gërvalla, Ambasada e Japonisë në Kosovë, Ipko Telecommunications, Ministria e Rinisë, Kulturës, dhe Sportit, Bashkimi Europian, Ambasada e Hungarisë në Kosovë, Ambasada e Francës në Kosovë dhe Instituti Francez, London Taxi, Baker Tilly, Agrocoop and Deep Yellow./KultPlus.com
Anibar dhe Institut français du Kosovo kanë kënaqësinë të njoftojnë për lansimin e projektit për të rinjtë kosovarë, projektin GENESIS.
I financuar nga Ministria Franceze për Evropën dhe Punët e Jashtme, GENESIS do të zbatohet bashkërisht nga Institut français du Kosovo dhe Anibar. Ky projekt ambicioz ka për synim të mbështesë deri në 65 të rinj kosovarë përmes trajnimeve intensive dhe të krijojë kushte për zhvillimin e sektorit të filmit të animuar në Kosovë.
Lansimi i projektit do të ndodhë më 25 tetor 2024, duke filluar nga ora 17:00, në kino Armata në Prishtinë. Ky event është i hapur për të gjithë të interesuarit dhe mirëpret të rinjtë, profesionistët e industrisë dhe dashamirësit e artit dhe animacionit.
● Programi i GENESIS do të zgjasë mbi tetë muaj, duke përfshirë: ● Trajnime në animacion 2D dhe 3D, ● Kurse në gjuhën frënge,
Trajnime të specializuara për fusha si shkrimi i skenarit, dizajni i zërit për animacion, postproduksioni, dhe të tjera.
Përveç kësaj, disa nga studentët e përzgjedhur do të kenë mundësinë për të bërë një ose dy udhëtime studimore në Francë, ku do të punojnë me profesionistë të njohur të industrisë. Ky bashkëpunim do t’u ofrojë atyre ekspertizë dhe njohuri nga të dy vendet, Franca dhe Kosova, për të nxitur zhvillimin e projekteve të tyre personale dhe për të kontribuar në fuqizimin e industrisë kreative në Kosovë.
Të rinjtë pjesëmarrës në këtë projekt, pas përfundimit të procesit të aplikimit dhe intervistave, tani janë gati të fillojnë me aktivitetet e projektit GENESIS. Projekti do të ndikojë pozitivisht në industrinë kreative dhe në sektorin e filmit në Kosovë, duke fuqizuar talentet e reja kosovare dhe duke i aftësuar ata me ndihmën e ekspertizës ndërkombëtare.
Për më shumë informata, kontaktoni në: [email protected]./KultPlus.com
Anibar dhe Institut français du Kosovo kanë hapur thirrje që të rinjtë Kosovar të marrin pjesë dhe të përfitojnë nga projekti GENESIS.
GENESISështë një projekt ambicioz që synon të mbështes deri në 65 të rinj kosovarë përmes trajnimeve dhe të krijoj kushte për zhvillimin e sektorit të filmit të animuar në Kosovë. Programi përfshin mbi tetë muaj, duke përfshirë trajnime në animacion 2D dhe 3D, trajnime në gjuhën frenge dhe trajnime të specializuara mbi tema të ndryshme si shkrimi i skenarit, dizajni i zërit për animacion, postproduksioni dhe shumë të tjera.
Në njoftim thuhet se disa nga studentët e përzgjedhur do të kenë mundësinë të bëjnë një ose dy udhëtime studimore në Francë me profesionistë të njohur të fushës.
Ata do të përfitojnë nga ekspertiza dhe njohuritë e profesionistëve të industrisë kreative nga Franca dhe Kosova. Të rinjët do të mbështeten nga projekti GENESIS për ti realizuar idet dhe storiet e tyre në projekte dhe ndërmarrje te sukseshme.
Kandidatët kanë afat deri më 15 shtator për të aplikuar në projektin GENESIS, i të cili do të fillojë në datën 1 tetor.
“Përgjithësisht përmesë inciativës do të ndikohen pozitivisht industria kreative dhe filmi në Kosovë. Specifikisht, do të ndikohen të rinjët Kosovar të cilët do të aftësohen me ndihmën e ekspertizës ndërkombëtare që do të marrin. Për të kontribuar kështu edhe në promovimin e kreativitetit dhe kulturës nga Kosova ndërkombëtarisht”, thuhet në njoftim.
Festivali Ndërkombëtar i Filmit të Animuar, Anibar 2024, përfundoi edicionin e tij të 15-të me një ceremoni madhështore përmbyllëse të mbajtur në Kino Liqeni në Parkun Karagaq, Pejë. Ngjarja festoi arritjet e festivalit dhe shpalli fituesit e konkurrimeve të këtij viti.
Ky event madhështor shënoi fundin e një jave intensive të festivalit ndërkombëtar, ku përveç filmave dhe garës së animacionit, u përfshin aktivitete të ndryshme si: punëtori, panele të diskutimit dhe pas-ndeja.
Zana Berisha, prezantuesja e mbrëmjes përmbyllëse, theksoi rëndësinë e këtij edicioni dhe emocionet e përjetuara gjatë festivalit. “Shpejt shkoj a?!”, nisi ajo me një entuziazëm të madh, duke i përshëndetur të gjithë të pranishmit dhe duke falënderuar për pjesëmarrjen dhe mbështetjen e tyre gjatë gjithë javës.
Ajo përmendi se si festivali ka sjellë së bashku dashamirës të filmit të animuar, të cilët kanë ndjekur prezentime, gara, punëtori dhe diskutime, duke kërcyer dhe festuar çdo natë. Zana përmblodhi përvojat dhe arritjet e festivalit duke theksuar se pjesëmarrësit kanë pasur mundësinë të mësojnë dhe të argëtohen, duke fituar njohuri të reja për botën e animacionit.
Ajo gjithashtu vlerësoi talentin e të rinjve që morën pjesë në punëtoritë e këtij viti, dhe prezantoi filmat e realizuar nga pjesëmarrësit. “Uau, çka s’pasket mësu moj…”, tha ajo në një moment me të qeshur, duke inkurajuar të gjithë të vazhdojnë me pasionin e tyre për animacionin.
Ceremonia përmbyllëse vazhdoi duke prezantuar filmat e gjeneratës së shtatë të Akademisë së Animacionit, të cilët kanë punuar për nëntë muaj nën tutorimin e Flaka Kokollit, Edvin Susurit dhe Ari Zharkut. Ajo e quajti këtë si një kënaqësi të madhe për të parë format që po merr animacioni përmes këtyre studentëve të talentuar.
Mbrëmja vazhdoi me ndarjen e çmimeve, ku 119 filma në 6 gara u vlerësuan nga 4 juri vlerësuese. Juria e Garës së të Rinjve ndau çmimin për filmin më të mirë për të rinjtë, ndërsa Gara e Filmave për të Drejtat e Njeriut rikujtoi se arti është rezistencë, kundërshtim, revoltë dhe thirrje për empati.
Mbështetja dhe mbledhja e animatorëve dhe dashamirësve të animacionit ka qenë një qëllim kryesor i Festivalit Anibar që nga fillimi i tij. Këtë vit, me ndihmën e Qendrës Kinematografike të Kosovës dhe Toon Boom, Anibar ndau 3 çmime për 3 animatorë të rinj, me shpresën se kjo do t’i ndihmojë në zhvillimin e ideve të tyre.
Fituesit u shpallën në garat studentore dhe të pitch-it, ndërsa filmi i preferuar i audiencës u shpall “Our Uniform” nga Yegane Moghaddam. Zana përfundoi ceremoninë duke falënderuar të gjithë ata që bënë të mundur këtë edicion, duke përfshirë stafin, vullnetarët, mbështetësit, audiencën, mysafirët dhe ndjekësit e tjerë.
Lista e Fituesve:
STUDENT AND PITCH JURY
Student Competition
Student Special Mention: Adios
Ky film paraqet një ndryshim të papritur në marrëdhëniet mes babait dhe djalit me saktësi të përqendruar. Ndërsa distanca mes tyre është rritur ndër vite, tani i riu më në fund largohet nga vendi ku u rrit. Gjuetia e tyre e lamtumirës nuk shkon sipas planit. Historia paraqet një përshkrim të butë të ndryshimit të lidhjes dhe burrërisë.
Student Winner: BunnyHood
Montazhi, dizajni i zërit dhe estetika vizuale janë krijuar në një mënyrë freskuese punk. Perceptimi i personazhit kryesor për rrethinat e saj ndihet si një ëndërr e ethshme e pafund. Ajo jo vetëm që po humb kontrollin mbi trupin e saj, Bobby po humb edhe besimin te nëna e saj.
INTERNATIONAL AND BALKAN JURY
International Competition
International Winner: Zima by Tomek Popakul and Kasumi Ozeki
Të rinjtë kërkojnë lirinë ndërsa përjetojnë një konflikt pritshmërie nga gjeneratat e vjetra. Duke përdorur kafshët si metafora për mbajtjen e traditave mizore, ata gjithashtu dëshirojnë një jetë të ndryshme.
Balkan Competition
Balkan Winner: The Family Portrait by Lea Vidakovic
Një portret i një shoqërie në rënie, rënia e një perandorie të errët, zbrazëtia e klasës së lartë, mungesa e dashurisë, një familje e thyer, ndarje dhe mjerim, vendime që çojnë në katastrofa sociale vetëm për pushtet dhe para.
HUMAN RIGHTS AND ANIMATED MUSIC VIDEOS JURY
Animated Music Video Competition
Music Video Special Mention: Stop the Music by Weronika Anna Marianna
Special Mention shkon për një pjesë unike vizuale, që na lidhte rrahjet e zemrës me muzikën dhe na la me një shije të ëmbël kur muzika ndaloi.
Animated Music Video Winner: Illusion by Jin Woo
Një videoklip muzikor që prezanton kompozimin e tij magjepsës audiovizual si një tërësi. Në një univers të rrjedhshëm, asgjë nuk është e sigurt, gjithçka mund të jetë e vërtetë, por mund të jetë edhe një iluzion.
Human Rights Competition
Human Rights Special Mention: Kissing Day
Si të shprehësh dashurinë? Një prekje? Një puthje? Por çfarë nëse do të rrezikoje jetën kur puthesh? Një ekip guximtar ka krijuar një histori shqetësuese dhe informuese për aktivizmin LGBTQI+ në Rusi, që na la pa qetësi.
Human Rights Winner: Chicken by Anna Benner
Një film që nuk vetëm që shkatërron patriarkatin, por gjithashtu thërret për ta djegur atë. Nga katharsisi i zjarrit del një tregim i jashtëzakonshëm. Për qasjen unike vizuale që arrin të përshkruajë dhunën në një mënyrë delikate, çmimi për të drejtat e njeriut i shkon filmit “Chicken.”
AUDIENCE AWARD
Audience Award: Our Uniform by Yegane Moghaddam
YOUTH JURY
Best Film for Youth: Awaker by Filip Diviak
Një film që tregon se sa e rëndësishme është të kesh respekt dhe mirënjohje për rrethinën tënde, dhe për këtë arsye, edhe për natyrën.
Best Youth Film Special Mention: The Sprayer by Farnoosh Abedi
Ky film tregon sesi një individ, edhe në kushte të rënda, mund të ndjekë ëndrrat e tij dhe të sjellë ndryshime pozitive./ KultPlus.com
Sot fillon Festivali Ndërkombëtar i Filmit të Animuar `Anibar 2024`. ‘Anibar 2024’ vjen me një program të pasur që do të mbajë të mbërthyer të gjithë adhuruesit e animacionit dhe artit multimedial.
“Ky festival, që është bërë një nga ngjarjet më të pritura kulturore në Kosovë, do të mbahet nga data 15 deri më 21 korrik 2024 në Pejë. Me një përzierje të veçantë të filmave animuar, punëtorive kreative, diskutimeve panelore dhe aktiviteteve të shumta, Anibar synon të frymëzojë dhe të angazhojë publikun duke ofruar një platformë për artistët dhe krijuesit nga e gjithë bota?”, thuhet në komunikatën e Festivalit.
Festivali do të fillojë me një ceremoni madhështore hapëse në Kinemanë e Liqenit më 15 korrik, e ndjekur nga një festë e madhe me performancat e DJ SugarFree, SHEGA dhe ODA HALITI.
Gjatë javës, pjesëmarrësit do të kenë mundësinë të marrin pjesë në një sërë punëtorish dhe seancash interaktive, të udhëhequra nga artistë dhe profesionistë të njohur, duke përfshirë video-maping, krijimin e fanzineve komike, animacionin e prerjeve prej letre, dhe teknikat e avancuara të bërjes së kukullave dhe stop-motion.
“Programi gjithashtu përfshin konkurrenca për audiencën e re, programe të veçanta filmash, diskutime për të drejtat e njeriut dhe projekte bashkëpunimi ndërkombëtar. Për adhuruesit e realitetit virtual, do të ketë një program të veçantë në Galerinë e Arteve që do të zgjasë gjatë gjithë ditës. Mbrëmjet do të jenë të rezervuara për shfaqje ndërkombëtare dhe studentore, ndërsa pas mesnate, festivalistët do të kenë mundësinë të shijojnë pas-festët me muzikë të larmishme dhe performanca të drejtpërdrejta”, thuhet në komunikatën e Festivalit Ndërkombëtar të Filmit të Animuar ‘Anibar’.
Festivali Ndërkombëtar i Filmit të Animuar, “Anibar”, ka shpalosur programin e artistëve të cilët do të performojnë në mbrëmjet “After-Party”, në edicionin e 15-tëtë Festivalit.
Mbrëmjet ‘After-Party’ në Anibar 2024 janë si në vijim:
Pejë – 13/07/2024
Festivali Ndërkombëtar i Filmit të Animuar Anibar jo vetëm që do të sjellë filma të jashtëzakonshëm dhe diskutime frymëzuese gjatë ditës, por gjithashtu do të ofrojë mbrëmje të paharrueshme ‘after-party’ në Parkun Karragaç. Kjo është një mundësi ideale për pjesëmarrësit që të relaksohen dhe të argëtohen me muzikë nga emra të përzgjedhur të skenës muzikore.
Programi i mbrëmjeve ‘after-party’
Gjatë ditës, Anibar 2024 do të ofrojë panele diskutimi, punëtori dhe shfaqje filmash. Por kur dielli perëndon, festimet vazhdojnë me një line-up të shkëlqyer artistësh, të cilët do të performojnë për shtatë netët e festivalit.
E hënë, 15 korrik
Mbrëmjen e parë të festivalit do ta hapin DJ Sugarfree, Shega dhe DJ e njohur shqiptare, Oda Haliti. Me ritmet e tyre dinamike, kjo mbrëmje premton të jetë një fillim i fuqishëm për javën festive.
E martë, 16 korrik
The Milk Snatchers dhe Eramah do të performojnë të martën, duke sjellë një përzierje të zhanreve dhe stilistikave muzikore që do të kënaqin shijet e të gjithëve.
E mërkurë, 17 korrik
Paulete Lindacleva dhe Erleta do të vazhdojnë festën të mërkurën, duke ofruar performanca të veçanta që do të ngazëllejnë audiencën.
E enjte, 18 korrik
Goro do të mbajë në këmbë energjinë e festivalit të enjten, duke krijuar një atmosferë të veçantë dhe të ngrohtë në Parkun Karragaç.
E premte, 19 korrik
Taste 2 & Kachix dhe Yll Megi janë të ftuar të premten për të argëtuar publikun me muzikën e tyre unike, duke e bërë këtë natë një nga më të paharrueshmet e festivalit.
E shtunë, 20 korrik
E shtuna do të jetë një natë kulminante me legjendën e hip-hopit të qytetit të Pejës, reperin Singullar, i cili do të performojë bashkë me Toske. Kjo natë premton të sjellë energji të jashtëzakonshme dhe performanca të paharrueshme.
E diel, 21 korrik
Festivali mbyllet me një mbrëmje spektakolare ku do të performojë diva e muzikës shqiptare, Adelina Ismaili. Rikthimi i saj në skenë do të jetë një moment historik për festivalin. Pas Adelinës, mbrëmjen do ta përfundojë Tadi, duke siguruar që nata e fundit të jetë po aq magjike sa e gjithë java.
Anibar 2024 jo vetëm që do të ofrojë një platformë të pasur për artistët e animacionit, por gjithashtu do të krijojë një atmosferë festive dhe argëtuese për të gjithë pjesëmarrësit. Mbrëmjet ‘after-party’ në Parkun Karragaç janë një mundësi e shkëlqyer për të përjetuar muzikën më të mirë live dhe për të krijuar kujtime të paharrueshme.
Për më shumë informacione mbi festivalin dhe programin e mbrëmjeve ‘after-party’, vizitoni faqen zyrtare të Anibar:www.anibar.org. Na bashkohuni për një javë të mbushur me art, kulturë dhe argëtim pa fund!
Biletat mund t’i blini në Kabinën e Informacionit në qendër të qytetit të Pejës, ose edhe online përmes RAVE. / KultPlus.com
Festivalit Ndërkombëtar i Filmit të Animuar, “Anibar” ka njoftuar se pjesë e edicionit të 15-të të festivalit do të jetë animatori i famshëm amerikan, Mike Hollingsworth.
“Mike Hollingsworth do të ndajë me audiencën e Anibar rrugëtimin e tij të jashtëzakonshëm, nga krijimi i animacioneve të shkurtra për festivale, ashtu si Anibar, deri te ndihma për të krijuar serialin e parë të animuar të Netflix, “BoJack Horseman”. Gjatë prezantimit të tij, “From Animation Festivals to Hollywood AND THEN BACK TO FESTIVALS!”, Mike do të tregojë sesi aftësitë që ai mësoi duke krijuar animacione të pavarura e ndihmuan të ngrihej shpejt në industrinë e animacionit” thuhet në njoftim.
Mike Hollingsworth u bë animatori i parë i punësuar nga Netflix kur drejtoi episodin pilot të “BoJack Horseman” në vitin 2013. Ai mbikëqyri prodhimin e të gjitha gjashtë sezoneve si regjisor mbikëqyrës dhe më vonë si bashkë-producent ekzekutiv.
“BoJack Horseman” arriti një sukses të madh kritik, duke u renditur si seriali më i mirë origjinal i Netflix të të gjitha kohërave nga Thrillist dhe Uproxx, ndërsa IndieWire e quajti “BoJack Horseman” serialin më të mirë të animuar të të gjitha kohërave. BBC e deklaroi “BoJack Horseman” si “animacionin më të mirë të shekullit 21”.
Festivali Ndërkombëtar i Filmit të Animuar Anibar do të mbahet nga data 15 deri më 21 korrik në qytetin e Pejës, dhe pritet të sjellë një përvojë të veçantë për të gjithë dashamirësit e animacionit. / KultPlus.com
Festivali Ndërkombëtar i Filmit të Animuar, “Anibar” ka lansuar programin filmik për edicionin e 15-të.
“Jemi të emocionuar të shpallim përzgjedhjen zyrtare të Garës Ndërkombëtare, me 17 animacionet më të mira nga e gjithë bota, të ndara në katër programe që do të shfaqen në katër netët e festivalit”, kanë njoftuar organizatorët.
Në njoftimin e festivalit i cili ka qendër Pejën, bëhet me dije se sivjet në datat 15 deri më 21 korrik do të ndjehet një lloj revolte artistike ndaj patriarkatit nën moton “Smash the partiarchy”.
“Festivali ynë është një vend i shenjtë për imagjinatën radikale, ku sfidohet status quo-ja dhe mbështeten ide të reja progresive. Këtë botim, Anibar do të vazhdojë të mbrojë një shoqëri të ekuilibruar dhe të shëruar, duke krijuar hapësirë për diskutime mbi barazinë, autenticitetin dhe përmbushjen personale, lirinë dhe mirëqenien e çdo individi. Kështu, Anibar do të vazhdojë të përqafojë vizionin e tij për t’u përballur me mentalitetet dogmatike duke i hapur rrugë përfshirjes dhe diversitetit”, njoftojnë nga festivali.
Para nisjes së edicionit të sivjetmë, “Anibar” do të shëtis nëpër turin filmik në qytete të ndryshme. Stacionet e botës së animuar do të jenë Kosova, Shqipëria, Mali i Zi e Serbia./rtk/ KultPlus.com
Edicioni i 14-të i Festivalit të Filmit të Animuar Anibar vjen me një program të bujshëm, i cili përfshin aktivitete të shumta.
Dje më 22.07.2023 u mbajtën shumë aktivitete të ndryshme. Shfaqja e filmave filloi nga ora 10:00 në Kinema “Jusuf Gërvalla” me programin e Audiencës së Re ku u shfaqën filmat “Immobile Stars” and “Pebble Hill”.
Shfaqja e filmave vazhdoi në Kinema “Jusuf Gërvalla” me shfajqen e filmave të Garës Ballkanike ku më pas u shfaqën edhe filmat nga programi experimental, kuruar nga Panot Mahmutaj.
Momenti i shumëpritur ndodhi në hapësirën e kinemasë “Jusuf Gërvalla”. Eric “Butters” Stough regjisori dhe producenti i animacionit i South Park mbajti prezantimin e tij rreth përvojës së tij në realizimin e këtij seriali ikonik. Seriali i animuar ka përfunduar njëzet e pesë sezone, dhe për Eric Stough ky serial i ka sjellë pesë çmime Emmy. Salla e kinemasë ishte e mbushur me adhurues të këtij seriali, të cilët patë rastin edhe të bisedonin më gjerësisht me Stough.
Nga ora 20:30 në Kino Liqeni filloi shfaqja e filmave te videove animacioneve muzikore, ku u shfaqën gjithsej tridhjetë e dy video animacione muzikore, duke përfshirë dy animacione lokale, nga Kosova dhe Shqipëria.
Nata përfundoi me argëtim nën tingujt e muzikës nga Gypsy Groove dhe DJ Wise duke përmbyllur kështu natën e gjashtë të netëve muzikore të Anibar-it.
Edicioni i 14-të i Festivalit të Filmit të Animuar Anibar vjen me një program të bujshëm, i cili përfshin aktivitete të shumta.
Dje më 21.07.2023 u mbajtën shumë aktivitete të ndryshme. Shfaqja e filmave filloi nga ora 10:00 në Kinema “Jusuf Gërvalla” me programin e Audiencës së Re ku u shfaqën filmat “The perfect fit”, “Blue Teddy Bear”, “Better mommy”, “Slipping away” dhe “Paper Planes”.
Shfaqja e filmave vazhdoi në Kinema “Jusuf Gërvalla” me shfajqen e filmave të metrazhit të gjatë ku u shfaq filmi “My love affair with marriage”, ku më pas u mbajt edhe paneli “Dashuria hyjnore: Eksplorimi i lidhjes midis astrologjisë dhe marrëdhënieve ” me panelistë Blerina Kanxha, Hana Blakqori, Romina Ruda dhe Velsa Dragusha. Përgjatë këtij paneli u diskutua rreth ndërlidhjes midis shenjave të horoskopit dhe dashurisë. Një panel mjaft interesant që ngjalli shumë pyetje dhe intriga.
Nga ora 20:30 në Kino Liqeni filloi shfaqja e filmave të garës studentore, ku u shfaqën shtatë filma për të pranishmit, duke vazhduar pastaj me garën ndërkombëtare në Kino Kubat, me gjithsej pesë filma.
Nata përfundoi me argëtim nën tingujt e muzikës nga Edona Reshitaj dhe Matale duke përmbyllur kështu natën e pestë të netëve muzikore të Anibar-it./KultPlus.com
Edicioni i 14-të i Festivalit të Filmit të Animuar Anibar vjen me një program të bujshëm, i cili përfshin aktivitete të shumta.
Dje më 19.07.2023 u mbajtën shumë aktivitete të ndryshme. Shfaqja e filmave filloi nga ora 10:00 në Kinema “Jusuf Gërvalla” me programin e Audiencës së Re ku u shfaqën filmat “Canary”, Witchfairy”, “The Goose”, “The Christmas tree school” dhe “Swop – Dentist”.
Shfaqja e filmave vazhdoi në Kinema “Jusuf Gërvalla” me programin special “WTF” ku u shfaqën gjithsej dymbëdhjetë filma të cilë kanë trajtuar tema të ndryshme sociale në një formë eksperimentale. Dita vazhdoi edhe me prezantimin e animatorit MOTOMOCHI, “Eksplorimi i frikës, kuriozitettit dhe lidhjeve të përbashkëta në mediat artistike”. Me kalimin e viteve MOTOMICHI ka krijuar vepra arti në media të ndryshme duke përfshirë piktura, skulptura, dizajn grafik, instalime video dhe harta projektimi. Përmes këtij prezantimi ai diskutoi rreth dëshirës së tij për të krijuar lidhje emocionale me njerëzit, veçanërisht përmes ndjenjave të frikës dhe kuriozitetit.
Programi I VR (Virtual Reality) po vazhdon të shfaqet çdo ditë në hapësirën e Galerisë së Arteve nga ora 11:00 deri në 16:00. Të gjithë të pranishmit mund ti shohin filmat “Marco & Polo go round”, “Strands of Mind”, “Gloomy eyes” dhe “The Scream” përmes VR. Ky program është I kuruar nga Gala Frecon.
Pasditja filloi me vazhdimin e garës se filmit të metrazhit të gjatë ku u shfaq filmi “Four Souls of Coyote”, ku më pas u mbajt edhe paneli “50 hijet e dashurisë: Ndikimi i kinematografisë në perceptimin e dashurisë” me panelisë Erblin Nushi, Blerta Zeqiri, Flaka Kokolli dhe Marko Dješka. Përgjatë këtij paneli u diskutua rreth temës së dashurisë dhe si e portretizon kinematografia dashurinë, si ndikon ky portretizim ne në përforcimin e normave sociale dhe strukturave dominuese të pushtetit në marrëdhëniet romantike.
Nga ora 20:30 në Kino Liqeni filloi shfaqja e filmave të garës studentore, ku u shfaqën gjashtë filma për të pranishmit, duke vazhduar pastaj me garën ndërkombëtare në Kino Kubat, me gjithsej katër filma.
Nata përfundoi me argëtim nën tingujt e muzikës nga Conquering Lions dhe Florent V duke përmbyllur kështu natën tretë të netëve muzikore të Anibar-it. / KultPlus.com
Mbi 130 shfaqje filmash, 4 panele diskutimi, 5 punëtori të animacionit të udhëhequra nga ekspertë, 5 prezantime të shfaqjeve ikonike si South Park, programe të shumta speciale dhe netë muzikore, do të zhvillohen gjatë gjithë edicionit një javor të Festivalit Ndërkombëtar të Animacionit – Anibar.
Të pranishëm në hapje të festivalit ishin zëvendëskryeministrja, Donika Gërvalla, kryetari i komunës së Pejës, Gazmend Muhaxheri, zëvendësministrja e MKRS-së, Daulina Osmani, zëvendësministrja e MPJD-së, Liza Gashi, deputetja, Adriana Matoshi, ambasadori i Francës, Olivier Guérot, ambasadori i Japonisë, Keisuke Yamanaka, përfaqësues tjerë të institucioneve dhe shoqërisë civile, artistë e artdashës.
Ky edicion i festivalit të filmit të animuar Anibar do të zgjas plot 7 ditë, duke përfunduar më 23 korrik. Edicioni i 14-të është një ftesë për të gjithë me qëllim të zhvillimit të industrisë së animacionit dhe hapave drejt së ardhmes së tij. Si çdo vit tjetër edhe këtë vit qëllimi kryesor i Anibar është shpërndarja e dashurisë, pranimi i të gjithëve, duke u ofruar të gjithë pjesëmarrësve një hapësirë të sigurt për t’u shprehur pa u ndjerë të gjykuar, të diskriminuar ose të lënë jashtë. Ky edicion ka të bëjë me dashurinë dhe të gjitha format e saj të ndryshme dhe ju ftojmë të gjithëve që t’i bashkoheni kësaj kauze të mirë dhe të përhapni dashurinë përreth. / KultPlus.com
Sot festivali ndërkombëtarë i filmit të animuar Anibar, hapi zyrtarisht edicionin e tij të 14-të. Ceremonia e hapjes u mbajt në Kino “Liqeni” ku të pranishëm ishin shumë dashamirës të filmit të animuar, personalitete të njohura vendore si dhe ndërkombëtare.
Festivali Ndërkombëtarë i Filmit të Animuar vjen me një program mjaft të pasur prej 160 filmash të përzgjedhur nga 1509 aplikime nga e gjithë bota. Filmat ndahen në nëntë kategori, shtatë prej të cilave janë garuese: Gara Ndërkombëtare, Gara Studentore, Gara Ballkanike, Gara e Videomuzikës së Animuar, Gara e Filmit të Metrazhit të Gjatë, Kategoria e të Drejtave të Njeriut, Filmat e Audiencës së të rinjëve dhe dy kategori tjera jokonkurruese: Panorama Jashtë Garës dhe programi Eksperimental.
Përveç shfaqjes së filmave të animuar, si çdo edicion tjetër edhe këtë vit do të ketë programe tjera, ku përfshihen tre prezantime, pesë punëtori, katër panele dhe dy programe speciale. Si në vitet e mëparshme, të ftuar special do të bashkohen për të ofruar njohurinë e tyre rreth industrisë së animacionit.
Edhe këtë edicion do të ketë një program të veçantë të kuruar të realitetit virtual VR ku do të shfaqen gjithsej katër filma nga vende të ndryshme të botës. Ky program do të ofrojë mundësinë për të parë filma në një mënyrë jo tradicionale duke stimuluar se si industritë kreative mund të shprehin histori. Të gjithë këta filma do të shfaqen në Galerinë e Arteve të Pejës.
Anibar këtë vit sjell edhe programin muzikor, ku do të performonjë shumë artistë si: Lon Mirdita, Erleta Kadrija, Bedi Pejani, Adrian Berisha, RON, Rebiswan, Genc Elezaj, Conquering Lion, Florent V, Papaya Tropical, Yll Megi, Edona Reshitaj, Matale, La Fazani dhe OLT.
Ky edicion i festivalit të filmit të animuar Anibar do të zgjas plot 7 ditë, duke përfunduar më 23 korrik.
Edicioni i 14-të është një ftesë për të gjithë me qëllim të zhvillimit të industrisë së animacionit dhe hapave drejt së ardhmes së tij.
Qëllimi kryesor i Anibarit është shpërndarja e dashurisë, pranimi i të gjithëve, duke u ofruar të gjithë pjesëmarrësve një hapësirë të sigurt për t’u shprehur pa u ndjerë të gjykuar, të diskriminuar ose të lënë jashtë. Ky edicion ka të bëjë me dashurinë dhe të gjitha format e saj të ndryshme./KultPlus.com
Festivali ndërkombëtar i filmit të animuar Anibar ka shpalosur programin e prezantimeve të edicionit të 14-të.
Këtë vit pjesë e programit janë tre super prezantime nga disa prej animatorëve dhe artistëve më të njohur botëror, ku do të trajtohen tema të ndryshime rreth animacionit.
Prezantimet:
Eksplorimi i frikës, kuriozitetit dhe lidhjeve të përbashkëta në mediat artistike nga MOTOMICHI
South Park nga Eric Stough
Ne jemi të gjithë kolazhe – Duke shqyer historinë e animacionit të kolazhit nga Chris Robinson
Këto prezantime organizohet me mbështetjen e Ambasadës së Kanadës për Kroaci dhe Kosovë dhe Ambasadës së Amerikës në Kosovë. / KultPlus.com
17 profesionistë të industrisë së animacionit nga Kanada, Amerika, Franca, Çekia, Kroacia, Danimarka, Ukraina, Bulgaria, Suedia, Maqedonia e Veriut, Estonia, dhe Kosova do të zgjedhin fituesit në 7 kategoritë garuese të festivalit, është bërë e ditur nga organizatorët e Anibar, shkruan KultPlus.
Më poshtë po ju sjellim emrat e anëtarëve të jurisë nëpër kategori të ndryshme:
Gara ndërkombëtare dhe e filmit të metrazhit të gjatë
Juria: Claus Toksvig Kjaer, Alice Saey, Chris Robinson, Anastasiya Verlinska, Hsiang Chin Moe
Gara e studentëve dhe ballkanike
Juria: Vessela Dantcheva, Marek Náprstek, Igor Hofbauer
Gara e video-animacionit muzikor dhe filmave me temë të drejtat e njeriut
Juria: Marko Dješka, Annika Bergström, Zharko Ivanov
Eric “Butters” Stough, drejtori i animacionit të një nga serialeve të animuara më të njohura në botë, “South Park”, po vjen në Anibar.
“South Park” ka marrë vlerësime pozitive nga kritikët dhe është përfshirë në listat e botimeve të ndryshme të shfaqjeve më të mëdha televizive. “South Park” ka fituar çmime të shumta, duke përfshirë pesë çmime Primetime Emmy dhe një çmim Peabody. Në vitin 1999 u realizua edhe filmi “South Park: Bigger, Longer & Uncut”, i cili pati shumë sukses, duke fituar një nominim për çmimin Oscar. Në vitin 2013, TV Guide e renditi “South Park” si serialin e dhjetë më të mirë televiziv të të gjitha kohërave.
Eric Stough do t’i bashkëngjitet edicionit të 14-të të festivalit të filmit të animuar Anibar, me një prezantim fantastik rreth fakteve më interesante dhe punës së tij në “South Park”. Ky prezantim është i hapur për të gjithë, pra mos e humbisni mundësinë për të mësuar gjithçka rreth “South Park” dhe për të takuar një nga animatorët më të suksesshëm në botë, Eric Stough.
Ky event ju pret në qytetin e Pejës nga 17 deri më 23 korrik.
Eric Stough Biografia
Eric Stough është regjisor dhe producent i animacionit për shfaqjen e animuar hit të Comedy Central “South Park”. Seriali i animuar ka përfunduar njëzet e pesë sezone, dhe për Eric Stough seriali i ka sjellur pesë çmime Emmy të fituara si dhe çmimin e lakmuar Peabody. Ai përfundoi kolegjin në Universitetin e Kolorados me krijuesit Trey Parker dhe Matt Stone. Stough filloi karrierën e tij duke punuar për Denver’s Celluloid Studios duke punuar si asistent regjisor në reklama kombëtare.
Ai ishte regjisori i animacionit për “South Park: Bigger, Longer & Uncut” dhe ka punuar me Trey Parker dhe Matt Stone në “Orgazmo, Team America: World Police” dhe hitin e Broadway-t “The Book of Mormon”. Ai prodhoi dhe drejtoi animacion për të dy lojërat e konsolës së South Park, “The Stick of Truth” (publikuar nga Ubisoft në 2014) dhe “The Fractured But Whole” (publikuar nga Ubisoft në 2017). Për momentin, ai po punon në sezonin e 26-të të South Park, duke përfshirë dy edicione speciale për Paramount+, restorantin e ri të Matt dhe Trey, Casa Bonita, si dhe një lojë të re konsole. / KultPlus.com
Festivali Ndërkombëtar i Animacionit – Anibar ka prezantuar programin filmik për edicionin e 14-të të festivalit, i cili do të mbahet në muajin korrik në qytetin e Pejës, shkruan KulPlus.
Programi filmik i këtij edicioni përmban diversitet tematikash të ndarë në nëntë kategori, ku shtat prej tyre janë në kategorinë garuese nderësa dy prej tyre janë jashtë garës.
“Për këtë edicion numri total i filmave të cilët kanë aplikuar ka qenë 1509 dhe pas një procesi të kujdesshëm vlerësimi janë përzgjedhur 138 filma prej të cilëve 125 do të jenë me karakter garues ku tre prej tyre janë prodhim i animatorëve kosovar, ndërsa 13 prej tyre do te jenë në kategori jo garuese”, thuhet në komunikatë.
Filmat përfshijnë një spektër të gjërë temash, stilesh dhe teknikash të animacionit, dhe do të jenë të shpërndara në 9 kategori të listuara si në vijim:
Shtatë kategoritë me karakter garues janë:
1. Gara Ndërkombëtare me 18 filma
2. Gara e Studentëve me 24 filma
3. Gara Ballkanike me 7 filma
4. Gara e Video-Animacionit Muzikor me 30 filma
5. Kategoria e të Drejtave të Njeriut me 11 filma
6. Programi i audiencës së re me 31 filma
Ndërkaq Gara e Filmit të Metrazhit të Gjatë do të shpallet së shpejti!
Dy kategoritë jashtë garës
7. Panorama Jashtë Garës me 4 filma
8. Programi Eksperimental me 9 filma
Festivali Ndërkombëtar i Animacionit – Anibar, këtë vit do të mbahet në qytetin e Pejës në datat 17 deri 23 korrik./KultPlus.com
Edicioni i 14-të të Festivalit i Animacionit Anibar, i cili këtë vit do të mbahet në qytetin e Pejës, në fokus do të ketë temën e dashurisë “LOVE | DASHNI”, shkruan KultPlus.
Përmes këtij edicioni të Anibarit synohet që të rikujtohet që dashuria nuk njeh kufij dhe si e tillë nuk mund të definohet.
Përmes një komunikate oraganizatorët e festivalit kanë bërë të ditur se këtë vit përmes këtij edicioni do të tentojnë të gërmojnë dimensionet e shumta të dashurisë, duke hedhur dritë në kompleksitetin e saj dhe duke zbuluar manifestimet e saj të ndryshme.
“Por mos kini frikë, kjo nuk është një mbretëri klishesh apo ëmëlsie sakarine. Ne gërmojmë në dimensionet e shumta të dashurisë, duke hedhur dritë në kompleksitetin e saj dhe duke zbuluar manifestimet e saj të ndryshme.
Përgjatë shtatë ditëve të festivalit, programi ynë artistik do t’ju zhysë në një kaleidoskop të çudirave të animuara, dhe përmes kësaj teme ne do të eksplorojmë fuçinë transformuese të lidhjeve njerëzore.
Bashkohuni me ne, ndërsa përqafojmë natyrën e shumëanshme të dashurisë, një forcë që tejkalon gjuhën dhe flet me thelbin e njerëzimit tonë. Le të festojmë format e panumërta që dashuria ndikon në jetët tona, ndez shpirtrat tanë, dhe na frymëzon për të qenë më të mirë, si individ dhe si shoqëri”, thuhet në një kounikatë të lëshuar për media.
Edicioni 1 14-të të Festivalit I Animacionit Anibar këtë vit do të zhvillohet në datat 17 korrik deri 23 korrik 2023, në qytetin e Pejës /KultPlus.com
Anibar po sjell konferencën ”Apo/Ose: Rrjetet e Kulturës“ e cila do të mbahet më 3 dhe 4 Nëntor në hapësirat e Kinema “Jusuf Gërvalla”.
E organizuar në kuadër të projektit të financuar nga BE-ja “Hapësirat Kulturore të Kosovës”, kjo konferencë synon të elaborojë modelet pjesëmarrëse të qeverisjes së burimeve publike kulturore dhe infrastrukturës duke u fokusuar në platformat bashkëpunuese të skenës së pavarur kulturore dhe rrjetet si partnerë të partneritetit publik qytetar. Kjo është edhe konferenca përmbyllëse e projektit ku do të prezantohen të arriturat dhe gjetjet e projektit.
Pjesë e konferencës do të jenë edhe këto panele:
Paneli 1: Puna e një Rrjeti Kulturor Moderatore: Milica Pekic Panelistët: Polona Torkar (Asociacija); Tihana Pupovac (Kooperativa); Tijana Spasova (Jadro); Nita Zeqiri (Rrjeti Kombëtar i Kosovës)
Paneli 2: Kultura dhe Rrjetet e tjera: Një bashkëpunim që duhet eksploruar? Moderator: Davor Mišković (Drugo More) Panelistët: Bruno António (DYPALL), Vjollca Cavolli (STIKK), Fairooz Tamimi (TEH), Domagoj Savor (Clubture)
Paneli 3: Hapësirat Kulturore: Një model për përdorimin (dhe abuzimin) e tyre demokratik Moderator: Matija Mrakovçiq (Kulturpunkt.hr) Panelistët: Janja Sesar (Pogon), Artan Sadiku (Jadro), Natassa Dourida (Komunitizëm), Mihai Adrian Vilcea (FITT)
Paneli 4: Shpërndarja përmes institucionit Moderator: Ares Shporta (Lumbardhi) Panelistët: Hajrullah Çeku (MKRS), Ann-Carin Platon (BE), Emina Visnic (Komuna e Zagrebit), Dea Vidovic (Kultura Nova)
Konferenca është mundësuar me mbështetjen financiare të Bashkimit Europian, në kuadër të projektit Partneriteti Publiko-Civil për Reformën në Qeverisjen Kulturore në Kosovë implementuar nga Anibar, Lumbardhi, 7 Arte, dhe Pogon. Përmbajtja e kësaj konference është përgjegjësia e Anibar dhe jodomosdoshmërisht reflektojnë pikëpamjet e Bashkimit Europian. / KultPlus.com
Dje është mbajtur ceremonia e mbylljes së edicionit të 13-të të festivalit Ndërkombëtar të Animacionit Anibar. Ceremonia filloi nga ora 20:00 ku publikun zuri vend në hapësirën e Kino Liqeni.
Juria u mblodh edhe njëherë të shpall fituesit e 7- të kategorive garuese.
Më poshtë mund të gjeni emrat e fituesve të këtij edicioni.
Gara ballkanike
Fituesi i garës ballkanike “My Father’s Damn Camera!”. Ky film është realizuar nga Milos Tomic.
Një djalë i pamatur në një mënyrë pothuajse të dëshpëruar dhe për këtë arsye problematike kërkon vazhdimisht vëmendjen e babait të tij – fotograf. Duke u përballur me kaosin artistik të të atit dhe magjepsjen e tij obsesive me jetën fotografike, në rrugën e tij të rritjes, këto elemente përfundimisht bëhen thelbësore për forcimin e lidhjes së tyre baba-bir. Në një tregim që ndërthur animacionin e vizatuar me dorë dhe stop motion në teknikën e kolazhit, autori e çon audiencën e tij në një xhiro nëpër arkivin e fotografit slloven Dragiša Modrinjak, dhe në të njëjtën kohë tërheq nga përvoja personale si regjisor dhe baba.
Juria vendosi për këtë film sepse: “Ne do të donim t’i jepnim çmimin e filmit më të mirë ballkanik një filmi që na çoi në një udhëtim të egër zbulimesh dhe lidhjesh personale familjare. Ky film vizualisht i gjallë ju hipnotizon deri në fund me përdorimin e tij të pasur të teknikave të mediave mikse.”
Juria ndau Mirënjohje të veçantë filmit “Shpija” me regji të Flaka Kokollit.
“Ne do të donim të përmendnim veçanërisht një film që trajton përdorimin e fortë të metaforës vizuale për të përshkruar konceptin e shtëpisë në kuptimin e tij më të gjerë. Stili i tij fluid i animacionit paraqet temat e rrënjëve dhe identitetit kulturor në një mënyrë të ndjeshme dhe tërheqëse”.
Gara studentore
Fituesi i garës së studentëve u shpall filmi “Goodbye Jérôme!”. Ky film u drejtua nga Gabrielle SELNET, Adam SILLARD dhe Chloé FARR.
Sapo ka mbërritur në parajsë, Xheroni niset për të gjetur gruan e tij Merilin. Gjatë kërkimit të tij, ai zhytet në një botë surreale dhe shumëngjyrëshe në të cilën askush nuk duket se mund ta ndihmojë.
Juria vendosi për këtë film sepse: “Na mahniti me përzierjen lozonjare të humorit surreal dhe stilit vizual. Ai shfaqi një drejtim të fortë të animacionit, zërit dhe historisë, një arritje shumë kompetente nga ekipi që ju fton të jeni pjesë e udhëtimit të Jerome përsëri dhe përsëri”.
Juria ndau Mirënjohje të veçantë për “Dhomën e sipërme” të regjisorit Alexander Gratze.
“Dëshirojmë të përmendim një film që na ngrohu zemrat me përshkrimin e tij empatik të lidhjes së dy botëve. Një qasje simpatike artistike, nga e cila mund të rishikoni kujtimet tuaja familjare dhe të mendoni për shkëmbimin e brezave”
Gara e Filmit të Metrazhit të Gjatë
Fitues i Garës së Filmit të metrazhit të Gjatë është “Bye-Bye Elida”. Ky film u drejtua nga Titouan Bordeau.
Bye-Bye Elida zhvillohet në fusha të gjera. Zbulojmë disa grupe personazhesh që kryejnë aktivitetet e tyre përkatëse. Disa përpiqen të ushqehen për të mbijetuar, të tjerë ndërtojnë, udhëtojnë ose kryejnë rituale të pashpjegueshme. Kalimi i kohës na tregon se veprimet e disave, sado pozitive apo mizore, kanë ndikim në jetën e të tjerëve.
Ata vendosën për këtë film sepse: “Krijesat e çuditshme dhe peizazhet surreale në të cilat banojnë marrin jetë në këtë film përmes ritualeve idiosinkratike dhe një stili grafik të interpretuar minimalist. Pemët që rënkojnë dhe çamçakëz flluskash të kristalizuara janë elementë të një dizajni unik të tingullit që plotëson performancat humoristike dhe absurde që u japin jetë këtyre personazheve.
Juria i jep BYE-BYE ELIDA çmimin e madh për filmin e animuar.
Juria ndau Mirënjohje të veçantë për “BOB SPIT” të drejtuar nga Cesar Cabral.
“Shkrimi i shkëlqyeshëm i skenarit, personazhet unikë, krijimi i shkathët i kostumeve dhe vërtetësia e studiuar mirë në kulturën punk të viteve 1970 e ngritën këtë film në shumë nivele. Shëmtia ishte krijuar bukur dhe kërcimet e shkathëta midis dokumentarit dhe artit komik brazilian që i referohet kombinohen për të krijuar një vepër arti autonome.”
Gara Ndërkombëtare
Fituesi i Garës Ndërkombëtare u shpall “Letter to a Pig” nga Tal KANTOR.
Një kujtim traumatik i një të mbijetuari të Holokaustit dërgon një nxënëse të re në një udhëtim të brendshëm, duke kërkuar për rrugën e saj ndërsa kufiri midis natyrës së kafshëve dhe njeriut mjegullohet.
Juria vendosi për këtë film sepse: “Ky është një film që merr një perspektivë jokonvencionale, personale për një traumë të përbashkët historike që ka kaluar shumë linja brezash. Regjisori përdor me mjeshtëri një përzierje imagjinative të teknikave të animacionit për të rinovuar diskutimet tona për Holokaustin, edhe pse fëmijët tanë përballen me trazira bashkëkohore.”
Juria i ndan një mirënjohje të veçantë edhe filmit “SIERRA”.
“Ne na pëlqyen tingujt e mprehtë dhe stilin e thjeshtuar grafik të kësaj narrative lozonjare dhe të këndshme pasi shërben për një performancë çuditërisht emocionale me lidhje kaotike dhe të paparashikueshme. Komploti i jashtëm budalla flet në mënyrë të fshehtë për pritshmëritë midis prindërve dhe fëmijëve të tyre dhe për atë që duam nga vetja”. Juria i jep me kënaqësi Sierra çmimin për mirënjohje të veçantë për filmin e shkurtër dhe të animuar.
Gara e video-muzikës së animuar
Fituesi për Videon Muzikore më të Mirë të Animuar iu nda filmit “Cimpoiasca”! Drejtuar nga Barbora Halířová, Cimpoiasca është një video muzikore që përdor motive folklorike për të treguar historinë e miqësisë së pastër të një gruaje. Me ndihmën e schnapps dhe kërcimeve të egra, këto gra arrijnë të kapërcejnë një makth të vogël. Filmi përdor simbolikën për të interpretuar ritmin e muzikës folklorike në një qasje kaq tërheqëse. Mënyra se si ky kërcim vizual përshkruan ndjenjën e bashkimit na mori për dore për t’u bashkuar në një rrugë drejt një bote më të gëzueshme. Pra, le të kërcejmë me fituesin, që është Cimpoiasca.
Juria gjithashtu i jep një mirënjohje të veçantë “Los colores del niño dios”, drejtuar nga Santiago Pérez Rodríguez. Një udhëtim i animuar punk përmes skedarëve Excel të foshnjës Jezus, i ngarkuar për të sjellë dhuratat e Krishtlindjeve në Kolumbi. Dhjetori është një festë frenetike kushtuar hiper stimulimit të shqisave. Gëzimi dhe energjia e animacionit shkon në mënyrë të përkryer me muzikën. Ai përcjell me gjallëri anën konsumatore të një feste të rëndësishme duke iu referuar imazheve ikonike të kohës sonë. Për shkak të mënyrës shumë të mprehtë, plot ngjyra dhe punk të realizimit të filmit, ne i japim mirënjohje të veçantë Los colores del niño dios.
Një tjetër mirënjohje e veçantë shkoi tek “SURL – Beside”, me regji nga Yoon-kyeong YANG, kjo video shprehte dashurinë për personin tjetër si karrige dhe e vizualizonte atë teksa karrigia po udhëtonte. Kombinimi i përsosur i imazheve elegante dhe qasjes vizuale na çon në një botë ëndërrimtare që përshkruan dëshirën e dashurisë. Filmi përdor një gjuhë metaforike që përzien bukur abstraktin dhe narrativën me sukses duke përdorur një larmi të gjerë stilesh. Në secilin shikim videoja muzikore zbulohet para nesh, shtresa pas shtrese.
Gara e të drejtave të njeriut
Fituesi i Garës për të Drejtat e Njeriut është “Night” me regji të Ahmad Saleh. Pluhuri i luftës i mban sytë pa gjumë. Nata sjell paqe dhe gjumë për të gjithë njerëzit në qytetin e shkatërruar. Qëndrojnë vetëm sytë e nënës së fëmijës së humbur. Nata duhet ta mashtrojë për të fjetur për të shpëtuar shpirtin e saj. Është jashtëzakonisht e vështirë të përshkruash subjekte kaq të vështira në një mënyrë poetike. Ne u prekëm veçanërisht nga arritjet e këtij filmi. Duhet një rrugë shumë e ndryshme për të portretizuar tragjedinë dhe tmerret e luftës. Ai përdor natën si një pikë të fortë narrative për të na lënë të ndiejmë atmosferën makthi që rrethon humbjen e jetës.
“Lada, motra e Ivanit” mori mirënjohje të veçantë në kategorinë për të Drejtat e Njeriut. Një film me regji të Olesya Shchukina. Është një animacion dokumentar i bazuar në historinë reale të Ladës, një gruaje transgjinore nga Rusia. Ajo i tregon asaj dhe vëllait të saj sekretin e Ivan. Filmi ka një gjuhë vizuale dhe tregim të fortë dhe të gëzueshëm. Ajo vërteton me shumë sukses se mund të trajtoni një temë të fortë në një mënyrë shumë të ngrohtë. Ne ishim të intriguar nga ky film nga cilësitë e tij si dhe mendojmë se është e rëndësishme të kemi filma që përshkruajnë diversitetin, veçanërisht në kontekstin e Rusisë sot ku të drejtat e LGBTQ+ janë nën kërcënim çdo ditë.
Gara e Audiencës së të Rinjëve
Fituesi i filmit më të mirë në garën për audiencën e të rinjëve është “Old Gramophone’s Ghostly Tones” me regji të Zuzana Čupová, Martina Tomková dhe Kryštof Ulbert. Ky është një film për dy hajdutë që në fakt nuk duan të vjedhin, gjithçka që dëshirojnë është kërcimi! Megjithatë, shefi i tyre i keq nuk e aprovon këtë dhe ata duhet të hyjnë në një pallat të braktisur.
Mirënjohja e parë e veçantë në këtë kategori shkoi për “The Big Tantrum”, nga regjisorët Celia Tisserant, Arnaud Demuynck. Në këtë film personazhi kryesor Robert nuk ka pasur një ditë të mirë. Ai kthehet nga shkolla me humor të keq dhe babai i tij e dërgon në dhomën e tij. Mirënjohja e dytë e veçantë shkon për “Theo the WaterTower”, nga regjisori Jaimeen Desai. “Çdo mëngjes, Theo kulla e ujit qan dhe prish qetësinë e fshatit. Roberti dhe qeni i tij përpiqen ta gëzojnë duke kënduar këngë. Por Theo nuk është në humor për të kënduar dhe përpiqet të arratiset, gjë që e çon atë jashtë fshatit dhe në qytet.” Ndërsa, mirënjohja e veçantë e tretë e kësaj kategorie shkon për filmin “My child” me regji të Hyunjoo KIM. “Megjithëse nëna bën çmos për të rritur fëmijën e saj, fëmija i saj që nuk rritet kurrë aq sa për të mbijetuar do të mbetet vetëm.” / KultPlus.com
Edicioni i 13-të i Festivalit të Filmit të Animuar Anibar vjen me një program të bujshëm, i cili përfshin aktivitete të shumta.
Dita e 5-të e Besëtytnisë
Dita filloi në ora 10:00 në Galerinë e Arteve me një eksperiencë ndryshe me programin e RV i cili përbëhet nga shtatë filma të animuar. Duke përdorur teknologjitë e disponueshme për lehtësimin e këtij programi, përdoruesit patën mundësi të përjetojnë realitetet të paimagjinueshme ku rrëfenja po tregohen në mënyra jo konvencionale. Në ora 10:30 në Exit Bar, çdo ditë mbahet takimi me filmbërës ku pirja e kafes dhe diskutimi i temave të preferuar është kthyer në një ritual gjatë Festivalit. Në këto takime bisedohet për filmat, teknikat, detajet, lëvizjet dhe çdo gjë që i karakterizon filmat e animuar. Në Teatrin Istref Begolli, nga ora 12:00 filloi programi i rregullt i shfaqjes së filmave të garës së kategorisë së fëmijëve 4+ të cilët janë: Kiwi & Strit – Things Have Legs, Edmond and Lucy – Shooting Stars, No-No Goes to Space, My Name is Fear, dhe Mezosoique Alternative. Ndërsa, në po të njëjtën orë në Kinemanë Jusuf Gërvalla u shfaqën filmat nga kategoria e garës së filmit të metrazhit të gjatë 4 ku të pranishmit panë filmin Chicken of the Mound. Programi për të vegjlit tanë vazhdoi përsëri në ora 14:00 në Teatrin Istref Begolli me programin për të fëmijë 9+ ku u kënaqën duke parë filmat: Bellysaurus, The Fox, the Turtle, the Spider and the Cake, Lost Brain, This Hut is too Small, Letters From the Edge of the Forrest, dhe The Turnip. Gara e filmit të metrazhit të gjatë 5 me shfaqjen e filmit Bye-Bye Elida u mbajt në Kinemanë Jusuf Gërvalla në ora 14:00. Programi special Bashkëkohësit Queer u mbajt në Kinemanë Jusuf Gërvalla nga ora 16:00 ku pati shumë të interesuar për të ndjekur këta filma të veçantë: Entropia, Hi, It’s Your Mother, Guy, The Saint of Dry Creek, i Like Girls, Purpleboy, The Night Cleaner, CUT, Manivald, Modern Queer Heroes/Little Elephnt/ Queerer than Thou?. Gjatë mbrëmjes, në Kino Liqeni u shfaqën filmat e garës së studentëve 4 në të cilët interesimi ishte shumë i madh për artistët e ardhshëm të animacionit. Aty të pranishmit panë: Night of the Living Dread, Green, Let Sleeping Dogs Lie, Pests, The uncertain snow, Resting Fog, dhe The Seine’s tears. Asgjë nuk i mund shfaqjet e filmave që ndodhin në Kino Kubat në një ambient mahnitës. Në ora 22:00 mbrëmë u prezantuan filmat e garës ndërkombëtare 4: Granny’s Sexual Life, Shpija, Good old vinil, The Garbage Man, dhe The Umbrella. Bestytndejat ishin të zjarrta, të përcjella me muzikë metal dhe rock nga grupet e jashtëzkonshme të shtëpisë diskografike Defy Them ku interpretuan: Brey Lenses, Elektorati Intelektual, Telikput, Vëllezërit Mllefi dhe grupi Shlem.
Dita e 6-të e Besëtytnisë
Dita e gjashtë e Festivalit filloi në ora 10:00 në Galerinë e Arteve me një eksperiencë ndryshe me programin e RV i cili përbëhet nga shtatë filma të animuar. Duke përdorur teknologjitë e disponueshme për lehtësimin e këtij programi, përdoruesit patën mundësi të përjetojnë realitetet të paimagjinueshme ku rrëfenja po tregohen në mënyra jo konvencionale. Filmat të cilët shikuesit paten mundësi ti ndjekin janë: Passenger, Wolves in the walls, Battle Scar: punk was invented by girls, Limbotopia, Replacements, Paper Birds, dhe Goliath: Playing with Reality. Në ora 10:30 në Exit Bar, çdo ditë gjatë Festivalit mbahet takimi me filmbërës ku pirja e kafes dhe diskutimi i temave të preferuar është kthyer tashmë në një ritual gjatë Festivalit. Në këto takime bisedohet për filmat, teknikat, detajet, lëvizjet dhe çdo gjë që i karakterizon filmat e animnuar. Në Teatrin Istref Begolli, nga ora 12:00 filloi programi i rregullt i shfaqjes së filmave të garës së kategorisë së fëmijëve 9+ të cilët patën mundësi të shohin: The Secret of Mr.Nostoc, The Winged, Angry bag, dhe Mom is always right. Programi vazhdoi me shfaqjen e filmave në ora 12:00 në Jusuf Gërvalla me Programin Panorama Jashtë Garës 1 me pesë filma: A Goat’s Spell, The melancholy of the Phoenix, A Guitar in the Bucket, Passenger, dhe Bird in the Peninsula. Panorama jashtë Garës 2 solli një program të bujshëm me gjithsej tetë filma të veçantë në ora 14:00 në Kinemanë Jusuf Gërvalla. Filmat të cilët u shfaqën janë: Not For Me, Miracasas, The Debutante, Don’t die on me, DING (Thing), C, Hi! How are you?, Til We Meet Again. Ndërsa, programi për fëmijë 9+ u mbajt në ora 14:00 në Teatrin Istref Begolli ku u shfaqën këta filma: Spring Always Comes Back, In Sight, My Grandma Matilde, Cap is one’s own business, dhe The Girl Behind the Mirror. Programi i veçantë: Eksperimental filloi në ora 16:00 në Kinemanë Jusuf Gërvalla. Në këtë program kuratori kërkoi që publiku të gjej veten në vijën e hollë mes gjithçkaje dhe asgjëje, dhe inkurajoi të pranishmit të shtronin pyetje dhe jo të gjeni zgjidhje. U shfaqën: Supertelevision, Script.exe, Anxious Body, Password to the *****, i sit and look out, Money, Quantum Shadow, Worms Ate my Flesh, ZOOPARK, PRESS(ED). Paneli “Besëtytnijat si rrëfenja” solli të interesuar të shumtë në ora 17:00 në Galerinë e Arteve. Gjithçka filloi me simbolet, që përbëjnë fjalët, gjuhët, që përbëjnë histori, përralla, mite, bestytni dhe që deri më sot komunikohen nga njerëzit përmes mediave klasike dhe bashkëkohore, librave, filmave etj. Këtu u diskutua për përdorimin e tyre në jetën e përditshme, nga aspekti i perspektivës njerëzore, traditës, mistikës dhe pse vazhdojnë t’i përdorim edhe sot me tërë këtë zhvillim teknologjik e mediatik. Nga ora 20:30 filluan shfaqjet e filmave të garës së video-animacioneve muzikore 1 në Kino Liqeni dhe video animacioneve muzikore 2 të cilat u shfaqën për publikun e shumtë në ora 22:00 në Kino Kubat. Në këto kategori u shfaqën 27 filma të ndryshëm ku publiku përveç realizimit të bukur nga aspekti i animacionit pati mundësinë të dëgjoj edhe muzikë. Bestytndejat e këtij edicioni u përmbyllën me grupet Gipsy Groove dhe Lilac të cilët filluan performancat e tyre muzikore nga ora 23:00 në Kino Liqeni ku audienca nuk mundi t’iu rezistojë tingujve të veçantë dhe plot gëzim të këtyre artistëve. / KultPlus.com
Anibar prezanton bashkëpunimin e tij të parë me Linoleum Contemporary Animation and Media Art Festival.
Në edicionin tonë të 13-të të festivalit, ne do të shfaqim një program 40 minutësh në mbështetje të artistëve tanë ukrainas. Arti nuk ka kufi dhe si i tillë nuk duhet të heshtë.
Gjatë këtyre kohëve të vështira, ne qëndrojmë përkrah partnerëve, artistëve dhe miqve tanë nga Ukraina duke u ofruar atyre hapësirë për të shfaqur punën e tyre në këtë edicion të festivalit.
Programi i veçantë: ANIMACIONI UKRAINAS – ‘PARA LUFTËS’
THE SURROGATE nga Stas Santimov
6 min 3 sek
Kurator: Anastasiya Verlinska
2020
Përshkrimi: Një burrë shkatërron folenë e një krijese të panjohur rrëqethëse. Por nuk është krijesa më e tmerrshme që do të takojë sonte.
THE RESPONSIBLE HERO nga Roman Lysenko
4 min 53 sek
2021
Përshkrimi: Një tragjikomedi për një përpjekje shpëtimi dhe pasojat e saj, e bazuar dhe frymëzuar kryesisht nga filmat e lezetshëm por simpatik të Supermanit të viteve 70-80. Është një histori e thjeshtë dhe e drejtpërdrejtë me një atmosferë gazmore dhe paksa nostalgjike e kontrastuar me një kthesë të zymtë dhe të papritur.
DEEP WATER nga Anna Dudko
6 min
2020
Përshkrimi: Një sirenë e vetmuar topolake është e prirur të shikojë njerëzit përmes tubacioneve të ujit duke përdorur magjinë. Një ditë ajo bie në dashuri me një burrë dhe e verbuar nga pasioni, hyn në banesën e tij për të kënaqur dëshirat e saj të zjarrta.
PAPER OR PLASTIC nga Nata Metlukh
7 min 39 sek
2019
Përshkrimi: Një emigrant vjen në një vend të botës së parë për të pikturuar një mural në kullën më të lartë. Ai përpiqet të përshtatet me realitetin e ri, por ksenofobia dhe rregullat e çuditshme e detyrojnë atë të kthehet prapa.
DEEP LOVE nga Mykyta Lyskov
14 min
2019
Përshkrimi: Dashuria e thellë ka ndodhur më në fund në Ukrainë
NGA UKRAINA NË KOSOVË
Gjatë këtij edicioni të Festivalit, të ftuarit tanë shijuan edhe performancën nga artistja ukrainase Nor Famous Nor Rich (NFNR) në mbështetjen tonë kolektive për Ukrainën.
Përveç kësaj, ne kemi nisur një iniciativë mbështetëse emergjente për komunitetin kulturor të Linoleumit. Qëllimi kryesor i iniciativave është t’u ofrojë atyre mbështetje të menjëhershme financiare për Festivalin e tyre.
LINOLEUM është qendra më e madhe e animacionit të shkurtër të pavarur në Ukrainë. I nisur në vitin 2014 në Kiev çdo vit, festivali shfaq rreth 250 filma nga e gjithë bota, ofron seminare dhe leksione të mbajtura nga lojtarët më të mirë të fushës dhe një program të veçantë për fëmijë. LINOLEUM synon të mbështesë artistët e animacionit dhe të promovojë animacionin ukrainas në mbarë botën, si dhe të inkurajojë dhe festojë kreativitetin midis animatorëve dhe artistëve të mediatik.
Për shkak të agresionit të Rusisë ndaj Ukrainës, LINOLEUM nuk ka mundur të mbledhë fondet e nevojshme për të organizuar edicionin e tyre të 9-të të festivalit në Kiev këtë vjeshtë. Me qëllim që LINOLEUM të mbahet edhe një herë, ata kanë nevojë për mbështetjen tonë financiare.
Ne i lutemi të gjithëve që e lexojnë këtë artikull të dhurojnë dhe të ndihmojnë miqtë tanë ukrainas të realizojnë festivalin e tyre.
Nëse dëshironi të kontribuoni në këtë përpjekje, mund të kontaktoni dhe të dhuroni më poshtë, duke ndjekur udhëzimet:
Edicioni i 13-të i Festivalit të Filmit të Animuar Anibar vjen me një program të bujshëm, i cili përfshin aktivitete të shumta.
Dita e 4-të e Festivalit filloi në Galerinë e Artit me një eksperiencë të jashtëzakonshme të VR. Nga ora 10:00 u shfaq programi me një koleksion të filmave me tema të ndryshme për t’iu përshtatur çdo preference. Programi Imersiv i RV është i pari që u mbajt në rajonin e Pejës ku përdoruesit patën mundëësi të perjetojnë realitete të paimagjinueshme. Programi u përbë nga shtatë filma të animuar: Passenger, Wolves in the walls, Battle Scar: punk was invented by girls, Limbotopia, Replacements, dhe Paper Birds, Goliath: Playing with Reality.
Si çdo ditë tjetër edhe në ditën e katërt nga ora 10:30 në Exit Bar u takuam për të diskutuar filma, teknika, detaje dhe gjithçka rreth filmave të animuar, me animatorë të njohur, të cilët janë mysafir të Fesivalit. Takimet e tilla me regjisorë janë një mundësi e shkëlqyer për adhuruesit e filmit që të njihen me krijuesit e filmave që do të shfaqen në edicionin e 13-të të Anibar.
Programi i rregullt për fëmijë 4+ filloi në ora 12:00. Më të dashurit tanë patën mundësi që fundjavën ta kalojnë në Teatrin Istref Begolli ku shikuan fimat: LIGHT’IN, Topapa, Franzy’s Soup-Kitchen, THE SINGING SHADOWS, Cave Ablaze, KYOSEL. Ndërsa në ora 14:00 në programin për fëmijë 9+ u shfaqën: Theo the Water Tower, Grizzy and the Lemmings World Tour, (Season 3) – Bookfair, Grizzy and the Lemmings World Tour, (Season 3) – Yummy Pirates, dhe Giuseppe.
Programi për të rritur filloi në ora 12:00 në Kino Jusuf Gërvalla, me shfaqjen e garës së filmit të metrazhit të gjatë 3 me shfaqjen e filmit OINK.
Shfaqja e filmave vazhdoi në ora 14:00, me kategorinë e garës së të drejtave të njeriut 2 ku një numër i madh i filmave që trajtojnë të drejtat e njeriut u shfaqën në Kino Jusuf Gërvalla, të cilët janë: Freedom Swimmer, Red Gold, What really happened during the Attica Prison Rebellion, Cherry Bone (English Voice Over), The Enigma of Faina, Lada, Ivan’s Sister.
Animacion për Reklamim: Artizanati, Karriera dhe Kapitalizmi është prezantimi që u mbajt në ora 16:00 nga Dez Stavracos në Kinemanë Jusuf Gërvalla. Në prezantim animatori Stavracos ndau përvojën e tij nga fusha e marketingut, si krahasohet me animacionin dhe betejës për një jetë të qëndrueshme financiarisht gjersa bëjmë art.
Gjatës ditës u mbajt edhe paneli Të drejtat e Pronësisë Intelektuale & Animacioni në Galerinë e Arteve e cila filloi në ora 17:00. Në këtë punëtori folësit theksuan pronësinë intelektuale dhe rëndësinë e saj në industrinë audiovizive, me fokus të veçantë në animacion. Temat të cilët u ndanë me publikun e shumtë kishin të bëjnë rreth monetizimit të krijimtarisë përmes pronësisë intelektuale, dizajneve të animacionit dhe zotërimit të animacionit në industrinë e zhvillimit të lojërave.
Shfaqjet e filmave në mbrëmje janë çdo herë të veçanta. Gara ndërkombëtare 3 e cila përbëhet prej filmave: Cockroaches, Steakhouse, Bestia, Lizuna Fair, My tiger u shfaqën në Kino Liqeni nga ora 20:30 në një ambient shumë të dashur me artdashës të shumtë.
Shfaqjet e filmave u mbyllën me kategorinë e garës së studentëve 3 në Kino Kubat me fillim në ora 22:00 në të cilën të pranishmit patën mundësi të shohin këta filma: Slouch, Goodbye Jeromel, RIM, Homebird, Morning Grass, dhe A Film About Pudding.
Bestytndeja filluan në ora 23:00 mes tingujve të muzikës së artistit të ri Jolle, reperit të jashtëzakonshëm BimBimma dhe mixsimeve të Dj Pamon në Kino Liqeni ku mes shiut dhe muzikës të gjithë kërcyen në një atmosferë epike e të paharruar.
Edicioni i 13-të i Festivalit të Filmit të Animuar Anibar vjen me një program të bujshëm, i cili përfshin aktivitete të shumta.
Gjatë ditës së tretë të Festivalit u zhvillua punëtoria një-ditore “Scratchatopia” me animatorin e mirënjohur Steven Woloshen. Punëtoria u fokusua mbi krijimin e filmave të animuar dhe eksperimental në Kinemanë Jusuf Gërvalla dhe ishte e hapur për të gjitha grupmoshat.
Aktivitetet filluan në ora 11:00 me masterklasën: “Të menduarit abstrakt në bërjen e filmave të animuar” me Julia Farkas. Qëllimi i kësaj masterklase ishte t’i udhëzoj pjesëmarrësit se si të dëgjojnë intuitat e tyre dhe si të zhvillojnë stilin e tyre artistik.
Programi i rregullt i shfaqjes së filmave filloi në ora 12:00 me filmat e garës së metrazhit të gjatë 2, ku u shfaq filmi Bob Spit. Ndërsa, shfaqja e filmave të garës së kategorisë së të drejtave të njeriut 1 filluan nga ora 14:00 në Kinemanë Jusuf Gërvalla. Adhuruesit e filmave patën mundësinë të ndjekin: Cockroach, La prima cosa, Night, Seven Gram, dhe IT RAINS.
Gjatë tërë Festivalit ne kemi zgjedhur edhe një seri panelesh të ndryshme. Në ora 17:00 u mbajt prezantimi i Manifesta 14 Prishtinë në Galerinë e Arteve. Aty u prezantuan aktivitetet e tyre, duke u fokusuar në përkushtimin e Bienales Evropiane Nomadike për të mbështetur rikthimin e hapësirave publike në kryeqytetin e Kosovës si dhe fokusin e saj në nxitjen e dialogut ndërkulturor.
Në Kino Liqeni nga ora 20:00 audienca pati mundësinë të shoh krijimet e studentëve të rinj në garën e studentëve, me gjithsej 9 filma të jashtëzakonshëm artistik të cilët janë: Sweet Nothing, Eyes and Horns, In case the body exults, White, Black and True Love, To kill the Birds & the Bees, Silvering, Sauna, Mom, what’s up with the dog? dhe Persona.
Mbrëmja vazhdoi me shfaqjen e filmave të garës ndërkombëtare 2 ku në Kino Kubat të pranishmit ndoqën filmat: Sierra, Regular, Pig, Oneluv, Luce and the Rock, dhe The Record.
Bestytndeja ishte e veçantë mbrëmë me performancën e grupit Blla Blla Blla dhe tingujt e muzikës elektronike me artisten nga Ukraina, NFNR e cila të gjitha të ardhurat do ti dërgoj në Ukrainë në mbështetje të vendit të saj.
Edicioni i 13-të i festivalit me një program të larmishëm me shumë aktivitete të ndryshme do të vazhdoj çdo ditë deri më 19 korrik në qytetin e Pejës. /KultPlus.com
