Etiketë: Anibar

Festivali ‘Anibar’ ka hapur thirrjen për filma të animuar

Posted on by KultPlus

Festivali Ndërkombëtar i Animacionit Anibar ka kënaqësinë të i shpalos datat e edicionit të dhjetë. Në vitin 2019, për herë të parë festivali do të organizohet në muajin korrik me datat 15 deri 21 korrik 2019 në Pejë, Kosovë.

Anibar ka hapur thirrjen për filma të animuar në tetor, dhe thirrja vazhdon të jetë e hapur deri me 30 Prill 2019 për të gjithë të interesuarit për të qenë pjesë e këtij edicioni të festivalit. Këtë vit do të jetë edicioni i dhjetë i festivalit, ku edhe do të festohet puna e një dekade dhe të gjitha zhvillimit në fushën e animacionit, filmit të animuar, kinematografisë dhe kulturës në Kosovë. Kjo thirrje e festivalit bëhet në nivel ndërkombëtar për kategori të ndryshme, ku Anibar do të ndajë gjashtë çmime në vlerë prej 3000 euro për filmat fitues dhe nga një kurorë (trofeu i Anibar).

Lista e plotë e kategorive të filmave:

– Gara Ndërkombëtare

– Gara Ballkanike

– Gara e Studentëve

– Gara për filma të animuar të metrazhit të gjatë

– Gara për videoklipe të animuara muzikore

– Programi Kids and Teen

Autorët mund të aplikojnë apo të informohen përmes platformës Film Freeway në linkun e mëposhtëm: https://filmfreeway.com/AnibarAnimationFestival

Anibar fillon udhëtimin e crowdfunding për Kinema ‘Jusuf Gërvalla’

Posted on by Kult Plus

Peja e ka quajtur Kinemanë ‘Jusuf Gërvalla’ me shumë emra që nga ndërtimi i saj në vitin 1995: Filmi, Kino, Bioskop.

‘Jusuf Gërvalla’ ishte qendra e jetës kulturore në Pejë me shfaqje filmike, muzikore dhe shfaqje teatrale, po ashtu edhe si qendër sociale deri në braktisjen e saj të parakohshme, në vitin 1998. Në vitin 2001, me ndihmën e donacioneve të huaja kinemaja u riparua dhe u shtua në Listën e Trashëgimisë Kulturore Kombëtare si një monument historik.

Festivali Ndërkombëtar i Animacionit Anibar, i themeluar në vitin 2009, e bëri kinemanë shtëpi të tij në vitin 2015, pasi që veproi si festivali kyç i qytetit për gjysmë dekade. Komuna e Pejës e nderoi angazhimin e Anibar me dhënien në shfrytëzim të kinemasë për 15 vitet e ardhshme në dhjetor të 2016-tes. Në vitin 2017, Agjencia Kosovare e Privatizimit (AKP) e vendosi ndërtesën në procesin e likuidimit, i cili në shumicën e rasteve përfundon në privatizimin dhe shkatërrimin. Qyteti i Pejës u mobilizua në një fushate të mbrojtjes dhe mblodhi 6 000 nënshkrime dhe siguroi mbështetjen e 70 organizatave jo-qeveritare në të gjithë Kosovën për ruajtjen e saj. Anibar dhe komuniteti lokal organizuan aktivitete për të informuar mediat, për të bashkuar qytetarët e Pejës, dhe bëri koordinimin e organizatave të shoqërisë civile, të cilat pezulluan procesin e privatizimit përmes një vendimi të gjykatës.

Anibar ka punuar në rivitalizimin dhe ruajtjen e Kinemasë ‘Jusuf Gërvalla’ dhe rëndësisë së saj kulturore. Duke punuar me komunën dhe organizata të tjera për të siguruar që kinemaja të mbetet qendra kulturore e Pejës, duke organizuar ngjarje kulturore, koncerte dhe shfaqje të filmave.

Hapi i radhës në funksionalizimin e Kinemasë ‘Jusuf Gërvalla’ është t’i rikthehet funksionit kinematografik dhe të vazhdojë të jetë qendër kulturore. Anibar kupton rëndësinë e kinemasë për komunitetin si dhe rëndësinë e ruajtjes së memories kolektive dhe identitetit të kinemasë. Kjo është arsyeja pse Anibar është duke e filluar udhëtimin e tij për crowdfunding nëpërmes Kosova Ideas. Shuma e mbledhur nga fushata do të ndihmojë në renovimin e kinemasë, të cilat do të përfshijnë intervenime infrastrukturale bazike dhe krijimin e një hapësire me përdorim më të mirë dhe funksional. Kjo fushatë mund të sigurojë asistencën e nevojshme që duhet për ta bërë kinemanë një hapësirë të filmit, artit, kulturës dhe shoqërisë civile duke përmirësuar jetën shoqërore dhe kulturore të qytetarëve.

Për më shumë informacion mbi fushatën, qëllimin e saj dhe si të kontribuoni, shikoni linkun:

https://kosovaideas.com/campaign/detail/465

“Carlotta’s Face” triumfon në “Anibar”

Posted on by Kult Plus

Filmi i animuar, i cili eksploron një lloj të dëmtimit të trurit, që pamundëson njohjen e fytyrave njerëzore, triumfoi në edicionin e nëntë të “Anibarit”.

“Carlotta’s Face” i Valentin Riedl dhe Frederic Schuld nga Gjermania në vetëm pesë minuta sjell rrëfimin e një vajze me emrin Carlotta, e cila mendon se njerëzit përreth saj nuk kanë fytyra.

Ajo madje nuk e njeh as fytyrën e vet. Por vite më vonë bëhet e vetëdijshme për këtë defekt të rrallë e të pashërueshëm në trurin e saj. Përmes artit ajo arrin ta njohë veten në një formë tjetër, shkruan sot “Koha Ditore”.

“Carlotta’s Face” është fitues i garës ndërkombëtare në edicionin i cili përmes temës “50/50” këtë vit mëtoi të iniciojë diskutimin mbi barazinë gjinore, njëkohësisht duke u dhënë edhe hapësirë prezantimit dhe inkurajimit të vajzave dhe grave në botën e animacionit.

“Një film që prezanton një mesazh poetik, të fuqishëm dhe universal rreth mosgjykimit të njerëzve për dallimet e tyre. Filmi ka zë të fuqishëm personal me një stil minimal që rrit ndjenjën e tjetërsimit të protagonistes, duke inkurajuar mirëkuptim për ata rreth saj”, shkruhet në vlerësimin që i ka bërë juria këtij filmi fitues, e përbërë nga Anita Killi, Holger Lang, Kendra Haaland, Lana Tankosa Nikoliq dhe Joanna Rytel. E njëjta juri në këtë kategori ka ndarë edhe mirënjohjen e veçantë për filmin “Intimity”, të Elodie Dermange nga Zvicra.

Në njëfarë forme, në kërkim të vetes, është edhe personazhi i filmit fitues të garës ballkanike.

“Untravel” i Ana Nedelkoviqit dhe Nikola Majdak Jr nga Serbia sjell rrëfimin e një vajze e cila jeton në një shtet gri, të izoluar e të rrethuar nga një mur i madh. Ajo kurrë nuk ka udhëtuar më parë, por gjithë jetën e saj ëndërron të ikë përgjithmonë në një vend të quajtur “Jashtë vendit”.

Krahas “Untravel” në këtë garë juria ka ndarë edhe çmimin special, të cilin e ka marrë “The Monk”, nën regji të Zharko Ivanov nga Maqedonia.

Të dielën mbrëma në ceremoninë e ndarjes së çmimeve, e mbajtur në kinemanë “Jusuf Gërvalla”, u nda edhe çmimi për filmin më të mirë në kategorinë e filmave të metrazhit të gjatë, që në edicionin e sivjetmë janë përfshirë për herë të parë. Juria ia ndau çmimin filmit “Chris the Swiss” nën regji të Anja Komfel, i cili sjell rrëfimin vërtet të saj. Ngjarja zë vend në Kroacinë e vitit 1992, ku në mes të luftës trupi i një gazetari të ri u gjet i veshur me uniformën e grupit të mercenarëve ndërkombëtarë. 19 vjet më vonë, Kamfel gjen historinë e tij, të cilën e shtjellon në filmin e saj.

Një tjetër çmim i rëndësishëm i festivalit është ai i publikut, i cili këtë vit iu nda filmit “Irony” nën regji të Radheya Jegathevas. Ndërsa në kategorinë e studentëve juria e përbërë nga Donart Selimi, Filiz Telaku, Lorik Berisha, Yll Bylukbashi dhe Kaltrina Berisha ia ndau çmimin kryesor filmit “Flower Found” nën regji të Jorn Leeuwerink. Ndërsa dy mirënjohjet speciale iu ndanë filmave “Finkel” të Sanni Lahtinen dhe “Engine of Progress” të Sasha Svriskyt.

Prej datës 13 deri më 19 të muajit gusht, aq sa zgjati ky festival, “Anibari” pos animacioneve solli edhe aktivitete të ndryshme që u lidhën me temën e sivjetme të kësaj ngjarjeje./ KultPlus.com

Elina Duni, zëri që mori me vete publikun e Anibarit (FOTO)

Posted on by Kult Plus

Gili Hoxhaj
Fotografe: Elmedina Arapi

Që nga dita kur Anibari filloi rrugëtimin e tij në qytetin perëndimor të Kosovës, rrugët drejt kinemave janë më të shkelura se rëndom, ndërsa presin mysafirë të tjerë, përveç atyre të Pejës.

Një urë me çadra shumëngjyrëshe qëndron mbi Lumin “Bistrica” e i jep një ndjesi ndryshe rrugëve drejt pikave ku po zhvillohet edicioni i nëntë i festivalit të animacionit – Anibar. Brenda hapësirave të mbyllura dhe të hapura, ekranet e tyre ndizen për mbi 200 filma sa janë përzgjedhur të shfaqen në këtë festival, i cili këtë vit trajton temën e pabarazisë gjinore. Një gjallëri më ndryshe i kanë sjellë Pejës edhe mbrëmjet muzikore që janë zhvendosur në Parkun “Karagaq”. Rruga pak më e pjerrët deri atje, e freskia e Bjeshkëve pranë, ecjen e bën më të ngadaltë, derisa rrugës sheh grumbuj të rinjsh dhe jo vetëm. Ishte emri i Elina Dunit, ai që bënte të lexoje emocionin e publikut, derisa ajo ende nuk kishte prekur skenën.

Shumë pak pranë mesnatës, publiku vjen e zë gjithë hapësirën në fushën e gjelbër, pranë parkut “Karagaq” . Ngjyrat e ndezura që vijnë nga skena e bëjnë të dukshme praninë e publikut, i cili me duartrokitje të fuqishme e pret Elina Dunin, e cila para tyre dëshmoi fuqinë e saj artistike e vokale, që nga kënga e parë e deri në të fundit. Elina Duni mbrëmë eci fuqishëm nën tingujt e kitaristit Rob Luft, që vlerësohet si një prej yjeve në ngritje të skenës bashkëkohore të Jazzit Londinez, vendlindjen e të cilit Elina Duni e bëri shumë të pranishme në komunikimin e publikut, në anën tjetër edhe Italinë që përfaqesonte vendlindjen e bateristit italian Enzo Zirilli, që qëndronte më prapa Dunit e Luft.

Duni që dëgjohet jo dhe pak brenda dhe jashtë Kosovës, është bërë shumë e pranishme për stilin unik e gërshetimin e tradicionales e jazzit. Në programin e saj të mbrëmshëm dominuan këngët folklorike shqiptare të kombinuara me jazz, duke e kthyer nostalgjinë e shumëkujt në këto këngë që pak kush di t’u japë shpirt si Elina Duni.Me këngë të mërgimit e të dashurisë, ajo ngjalli emocionin e publikut në cdo zgjatje të zërit në fund të këngës, që përveçse depërtonte rrjedhshëm tek publiku, mes frymës vërehej emocioni që ngjallnin tekstet që kalojnë mbi realitetin shqiptarë.

Ritmi i këngëve që vjen si një përzierje e mahnitshme, me zërin e Dunit që e përcjellë interpretimin me saktësi, e plotëson me vallëzimin e saj plot stil brenda një hapësire të kufizuar të skenës. Në një skenë të dominuar nga instrumentet, Elina Dunit i mjaftonte zëri e prania për ta ndjerë shumë pranë publikun, të cilit i kërkoi që ta përcillte cdo kund.

“Jeni këngëtarë shumë të mirë, do të ju marrë me vete”, ishte reagimi i Elina Dunit teksa dëgjonte zërat e publikut të Anibarit, derisa i bashkoheshin zërit të saj.

Krahas këngëve të reportuarit të këngëtares Duni, ajo gjithashtu solli edhe këngë të reja që i përkasin repertorit te ri me kitaristin Rob Luft dhe që nuk janë vetem në shqip, këto këngë zunë vend në minutat e parë të saj në skenë ku filloi me “Vaj si kenka”, për të vazhduar me “Mallëngjimi”, “Gentle Rain”, “Couleur Café”, “N’atë Zaman”.

Elina mbrëmë i dëshmoi publikut të Anibarit, që nuk është vetëm një interpretuese e mahnitshme por dhe një krijuese e rrallë, që di të krijojë prej momentit, që e njeh publikun, që di të lexoj reagimin e tij, e ta dërgojë në një dimension tjetër praninë e tij. Për Elina Dunin kjo është hera e dytë që paraqitet para publikut të Pejës, ndërsa tha se të tre u ndjenë jashtëzakonisht mirë që interpretuan para një publiku kaq të ri dhe entuziastë.

“Përgëzoj organizatoret e Anibar të cilet sjellin një frymë artistike, humane nëpërmjet filmave dhe koncerteve. Sonte ndjesia ishte shumë e mirë. elektrike, rock.Të tre u ndjemë shumë të lumtur të luanim përpara një publiku kaq të ri, entuziast, dhe kaq të ngrohtë”, tregoi Elina Duni për KultPlus.

Këngë nga albumi i saj “Muza e zezë” e “Vishnje” erdhën si gërshetim muzikor mes dashurisë njerëzore e asaj ndaj vendit, “Delja rude”, “Bukuroshja e lalës”, “O ti n’at koder e unë këtë kodër”, me një interpretim që veçse bëhej edhe më i fuqishëm, bën që publiku të hidhej në kërkim të edhe një interpretimi tjetër, ndërsa Duni mes zërave të bashkuar e kërkues, u dakordua se do të qëndrojnë në skenë edhe për dy këngë të tjera. Pas lëvizjeve të gjalla, e interpretimit plot shpirt, ajo iku e përkulur duke iu falënderuar publikut të Anibarit që e përcolli me duartrokitje të forta deri në hapin e fundit të largimit nga skena.

Anibar do të vazhdoj rrugëtimin e tij deri në datën e 19 gushtit. / KultPlus.com

Sonte fillon rrugëtimin edicioni i nëntë i Anibar

Posted on by Kult Plus

Nga sot Peja do të jetë nikoqire edhe e edicionit të nëntë të Festivalit të Animacionit- Anibar që pritet të jetë i spikatur sa i përket aktiviteteve, ndërsa në fokus të tij këtë vit është tema e pabarazisë gjinore si një thirrje në kërkim të ngritjes së numrit të grave në animacion, shkruan KultPlus.

50/50 është slogani që do të shoqërojë Anibarin në pothuajse secilin aktivitet të tij, ku do të përfshihen edhe panele diskutimi të fokusuara në këtë temë.

Këtë vit janë përzgjedhur rreth 215 filma që do të shfaqen në ekranet e Kinemasë “Jusuf Gërvalla”, në Teatrin “Istref Begolli”, Kinemanë “Liqeni”, dhe në Kinemanë Kubat.

Thomas Johnson Volda, Ivana Bosnjak Volda, Lisa LaBracio, Tiziano Berber, Karine Miralles, Andrea Oberosler dhe Letizia Depedri janë disa nga emrat që do ligjërojnë në Anibar. Ky festival i cili do të mbahet nga sonte deri më 19 gusht në qytetin e Pejës dos sjellë edhe regjisorjen Amy Ëinfrey dhe animatorin Peter Merryman i cili është pjesë e serialit të Netflix – “BoJack Horseman”. E pranishme do të jetë edhe regjisorja Luce Grosejan nga Franca, e cila do të flas mbi temën “Vizioni i femrës për seksin në animacion”.

Pjesa argëtuese e festivalit është e vendosur në Parkun “Karagaq”, ku pritet të vijnë emra të muzikës si Dren Abazi e Elina Duni, Offchestra, Blla Blla Blla…, Ambasadi, Gamblemania, Monochrome, Geri, Ujë pa Gaz, Tomoyoshi, Gemza, Blerta Kosova, Nani, Florent V, Sapton. AMBASADI do të jetë bendi i parë që do ta hap mbrëmjen argëtuese, me Bledar Borakun në kitarë, Dritëro Nikqin në kitarë/sint, Liburn Jupolli në sint dhe Nesim Maxhuni në bateri. Nata do të vazhdoj me DJ Nanin i cili do të na mirëpres me tingujt e muzikës së tij.

Anibar do të ti bashkohet lëvizjes së Women in Animation duke nënshkruar zotimin për reprezentim të grave në animacion për të arritur 50/50 deri në vitin 2025.

Ky mesazh inkurajimi do të kurohet nga një ekip kreativ që do të prodhojë art në hapësira publike, do të ndërtoj kinema të hapura, shfaqje filmash, organizim të koncerteve dhe instalim të kinemave të hapura në parqe dhe në qendra të qyteteve. / KultPlus.com

“Gratë e harruara në animacion” vijnë në Anibar përmes prezantimit të Nancy Denny-Phelps

Posted on by KultPlus

“Gratë e Harruara në Animacion” në kuadër të festivalit Anibar është prezantim i shkurtër i 10 grave që morën pjesë në historinë dhe zhvillimin e artit të animacionit duke u koncentruar në karrierën e animatores britanike Joy Batchelor, bashkë-themeluese e studios së famshme britanike të animacionit Halas & Batchelor.

Biseda do të shoqërohet me klipe dhe fotografi të shumta filmash, njofton Anibar.

Nancy Denney-Phelps është një gazetare që shkruan rreth animacioneve dhe festivaleve evropiane, si dhe një producente muzike për animacion. Së bashku me burrin e saj kompozitor / muzikant Nik Phelps, ajo bashkë-themeloi “Sprocket Ensemble” të dedikuar për prezantimin e shfaqjeve të drejtpërdrejta të muzikës origjinale me shfaqje të animacioneve bashkëkohore nga e gjithë bota.

Shkrimet e Nancy janë shfaqur në botime të tilla si CARTOON dhe ANIMATOON, si dhe në blogun e saj të rregullt për AËN (Animation World Network). Ajo është gjithashtu një korrespondente e rregullt për ASIFA / San Francisco dhe një anëtare e Bordit Ndërkombëtar të Drejtorëve të ASIFA.

Nancy ka shërbyer në juritë e shumta të Festivalit Ndërkombëtar të Animimit dhe ka mësuar menaxhimin e kohës për animatorët në Universitetin e Shkencave dhe Arteve të Luzernit, Shkollën e Artit dhe Dizajnit. Interesimi i saj i fuqishëm në historinë e animacioneve e ka çuar atë të paraqesë programe në historinë e animacionit të gjurmuar përmes muzikës në shumë festivale dhe konferenca të animacionit në mbarë botën. Ajo gjithashtu punon si këshilltare e disa festivaleve të animacionit.

Këtë prezantim mund ta shikoni me 18 gusht duke filluar nga ora 12:00 në kino Jusuf Gervalla./KultPlus.com

Edicioni i nëntë i Anibar vjen me një program të spikatur në kërkim të barazisë gjinore

Posted on by Kult Plus

Gili Hoxhaj

Së shpejti, Peja do të jetë nikoqire edhe e këtij edicioni të Festivalit të Animacionit- Anibar që pritet të jetë i spikatur sa i përket aktiviteteve, ndërsa në fokus të tij këtë vit është tema e pabarazisë gjinore si një thirrje në kërkim të ngritjes së numrit të grave në animacion. 50/50 është slogani që do të shoqërojë Anibarin në pothuajse secilin aktivitet të tij, ku do të përfshihen edhe panele diskutimi të fokusuara në këtë temë.

Vullnet Sanaja nga Anibar tha se këtë vit është një numër i madh i filmave që do të shfaqen në katër kinema. Filmat do te shfaqen në ekranet e kinemave Jusuf Gërvalla, Teatrin Istref Begolli, Kinema Liqeni, dhe Kinema Kubat.

“Këtë vit kemi një numër të madh të filmave që do të shfaqen në katër kinema, dy prej tyre të mbyllura dhe dy të hapura, këta filma janë përzgjedhur prej 1059 filmave që kanë aplikuar për të qenë pjesë e programit të këtij viti. Prej tyre janë përzgjedhur rreth 215 filma që do të shfaqen në kinema”, u shpreh Sanaja. Ai tutje tha se do të kemi një numër edhe të animatorëve nga Kosova që do të prezantohen këtë vit për herë të parë dhe do të mësojnë nga studentë të animacionit dhe profesionistë.

Popullariteti i animacionit vazhdon të rritet si në Kosovë dhe në të gjithë botën. Mirëpo, pjesëmarrja e grave në studime për animacion, animatore por edhe shikuese është rritur, por gjithashtu ka ekspozuar shumë pabarazi. Sipas organizatës Woman in Animation, “Gratë përbëjnë 60% të studentëve të animacionit, por vetëm 20% e animatoreve janë gra.” Kjo ka bërë që gratë të jenë të nënpërfaqësuara në industrinë e animacionit veçanërisht si skenariste, regjisore dhe producente.

Prandaj, Anibar përmes edicionit të nëntë të festivalit do të bëjë një ndryshim duke inspiruar gratë dhe burrat në botën e animacionit për ti adresuar çështjet gjinore. Një proces më gjithëpërfshirës, kreativ dhe teknik, do të përmirësojë punën e burrave dhe të grave duke krijuar mundësi për ta shpërndarë filmin e animuar në të gjithë botën.

Zana Cimili- kordinatore e këtij festivali u shpreh sot ne një konceferncë për media se Anibar ka vendosur ta nxjerrë në pah pabarazinë gjinore në industrinë e filmit, gjegjqësisht të animacionit dhe krejt kjo vjen për t’i inkurajuar ato që të merren me këtë industri.

“Pabarazia gjinore është shumë e shprehur në botë pasi që industria e filmit është shumë më e shprehur në botë se sa tek ne. Ideja është që nëse po fillojmë me industrinë e animacionit, të fillojmë sic duhet, t’i inkurajojmë gratë që të merren me animacion dhe të mos dekurajohen nga burrat të cilët e mbizotërojnë këtë fushë të filmit”, u shpreh Camili , duke shtuar se festivalet më të mëdha në botë kanë trajtuar tema të ngjashme të pabarazisë.

Këtë vit Anibar do të përfshijë edhe një program të ri pasi që do të hapë edhe akademitë e filmit në Pejë e Prishtinë, ku një pjesë e madhe e pjesëmarrësve do të jenë vajza, në mënyrë që ato të vazhdojnë këtë rrugëtim. Akademia e Animacionit Anibar ka për qëllim ofrimin e një programi të edukimit për ndërtimin e gjeneratës së re të animatorëve nga Kosova, duke i ekspozuar të rinjtë ndaj filmit të animuar si një formë e artit.

Thomas Johnson Volda, Ivana Bosnjak Volda, Lisa LaBracio, Tiziano Berber, Karine Miralles, Andrea Oberosler dhe Letizia Depedri janë disa nga emrat që do ligjërojnë në Anibar. Ky festival i cili do të mbahet më 13 deri 19 gusht në qytetin e Pejës dos sjellë edhe regjisorjen Amy Winfrey dhe animatorin Peter Merryman i cili është pjesë e serialit të Netflix – “BoJack Horseman”. E pranishme do të jetë edhe regjisorja Luce Grosejan nga Franca, e cila do të flas mbi temën “Vizioni i femrës për seksin në animacion”.

Pjesa argëtuese e festivalit është e vendosur në Parkun “Karagaq”, ku pritet të vijnë emra të muzikës si DrenAbazi e Elina Duni, për të krijuar mbrëmje të paharruara në Pejë.

Anibar do të ti bashkohet lëvizjes së Women in Animation duke nënshkruar zotimin për reprezentim të grave në animacion për të arritur 50/50 deri në vitin 2025.

Ky mesazh inkurajimi do të kurohet nga një ekip kreativ që do të prodhojë art në hapësira publike, do të ndërtoj kinema të hapura, shfaqje filmash, organizim të koncerteve dhe instalim të kinemave të hapura në parqe dhe në qendra të qyteteve. / KultPlus.com

Regjisorët e “BoJack Horseman” do të prezantojnë në Anibar

Posted on by KultPlus

Në edicionin e nëntë të Anibar që mbahet prej 13 – 19 gusht në qytetin e Pejës do ligjërojnë regjisorja Amy Winfrey dhe animatori Peter Merryman i serialit të Netflix – “BoJack Horseman”.

Ata gjatë prezantimit, do të shpjegojnë procesin e krijimit të një episodi, prej vizualizimeve të para të skriptës, krijimit të storyboardit, dizajnit dhe animacionit final.

Amy Winfrey ka qenë e angazhuar si regjisore e “BoJack Horseman” në realizimin e 5 sezoneve të këtij seriali.

Fillimin e saj në industrinë e filmit të animuar Winfrey e kishte në realizimin e sezonit të parë të South Park dhe më pas South Park: Bigger, Longer and Uncut!

Amy Winfrey, diplomoi nga UCLA me Master në animacion. Aktualisht është e angazhuar në serialin Tuca and Bertie, ndërsa është regjisore e serialit të animuar, Making Friends të Nickelodeon.

Së bashku me Winfrey më 18 – 19 gusht do prezantojë edhe regjisori Peter Merryman i përfshirë si animator poashtu në projektin e serialit BoJack Horseman.

Merryman është përgjegjës kryesor për krijimin e 8 sezonave të serialit të famshëm amerikan të Comedy Central “South Park”.

Winfrey dhe Merryman përpos prezantimit, gjatë dy ditëve do të mbajnë masterklasë në storyboarding në Kinemanë Jusuf Gërvalla. Gjatë masterklasës do të demonstrohet procesi i detajuar nga krijimi i një storyboard-i, pjesa e animacionit dhe poashtu teknika unike e serialit të Netflix BoJack Horseman.

Programi i prezantimeve dhe masterklasave: Netflix’s Bojack Horseman: Amy Winfrey dhe Peter Marryman 18 Gusht në ora 16:00 në Kinema Jusuf Gërvalla në Pejë

Storyboard Master Class: Amy Winfrey dhe Peter Marryman

19 Gusht në ora 14:00 në Kinema Jusuf Gërvalla në Pejë

Prezantimi i Amy dhe Peter në Festivalin e Filmit të Animuar Anibar u mbështet nga Ambasada Amerikane në Prishtinë./KultPlus.com

Anibar publikon programin e filmave të edicionit të 9-të

Posted on by Kult Plus

Anibar – Festivali ndërkombëtar i filmit të animuar prezanton programin e edicionit të nëntë.

Prej 1095 filmave që kanë aplikuar këtë vit 220 filma do të shfaqen në Kinema Jusuf Gërvalla, Teatrin Istref Begolli, Kinema Liqeni, dhe Kinema Kubat.

152 filma janë në garë për konkurruar për filmin më të mirë ndërkombëtar, filmin më të mirë të punuar nga studentët, filmin më të mirë të prodhuar në Ballkan, filmin më të mirë të metrazhit të gjatë dhe videot muzikore të animuara. Jashtë garës filmat do të shfaqen në dy kategori Panorama dhe Programi për fëmijë e adoleshentë.

Për të naviguar në programin interaktiv të filmave klikoni në këtë vegëz Programi Interaktiv, ndërsa për të shkarkuar listën e plotë të filmave me detaje të shfaqjeve klikoni këtu: Programi 2018.

Krahas programeve garuese, festivali Anibar shfaq edhe programe speciale të kuruara për të komplementuar temën. Shpalosja e programeve speciale dhe tematikave të tyre do të bëhet së shpejti.

Data e Festivalit Ndërkombëtar të Animacionit Anibar të edicionit të tetë janë 13-19 gusht 2018./ KultPlus.com

‘Anibar’ në turne

Posted on by KultPlus

Festivali Ndërkombëtar i Animacionit ‘Anibar’ ka filluar sërish tourin e tij rreth Kosovës.

‘Anibar’ prej datës 19 Korrik ka filluar turin e saj në Kosovë, i cili synon informimin e publikut të gjerë lidhur me temën, programin dhe filmat të cilët këtë vit do të shfaqen në festival. ‘Anibar on tour’, ka përzgjedhur kryeqytetin, Prishtinën për të filluar programin e tij, për të vazhduar më pas në Gjakovë, Prizren e deri në Tiranë.

Gjatë ‘Anibar on tour’, Para dhe pas shfaqjes së filmave të pranishmit kanë mundësinë të marrin direkt informata prej stafit dhe vullnetarëve të ‘Anibar’, sikurse fletushkat me informata për programin, transportin dhe akomodimin nga qyteti i tyre përkatës për në Pejë gjatë datave të festivalit.

Gjithashtu entuziastët e filmit të animuar do të kenë mundësinë e informimit për punëtoritë, prezantimet, masterklaset dhe takimet me animatorët gjatë festivalit.

Tema e edicionit të nëntë të festivalit, është ‘5050’, e cila synon inkurajimin e grave të angazhohen në fushën e industrisë së filmit të animuar. Këtë edicion Anibar ka vendosur të nxjerrë në pah problemin botëror të pabarazisë gjinore në fushën e animacioneve.

Pjesëmarrja e grave në animacion është rritur, por gjithashtu ka ekspozuar shumë pabarazi. Sipas organizatës “Ëoman in Animation, “Gratë përbëjnë 60% të studentëve të animacionit, por vetëm 20% e animatoreve janë gra.”

Kjo ka bërë që gratë të jenë të nënpërfaqësuara në industrinë e animacionit veçanërisht si skenariste, regjisore dhe producente.

Prandaj, Anibar përmes edicionit të nëntë të festivalit do të bëjë një ndryshim duke inspiruar gratë dhe burrat në botën e animacionit për ti adresuar çështjet gjinore tani.

Festivali Ndërkombëtarë i Animacionit Anibar, edicionin e tij të 9-të e fillon më datën 13 Gusht dhe zgjatë plotë 7 ditë, afro 300 filma, 11 programe speciale, 6 punëtori, coffee and talks, prezantime, dhe afterparty çdo natë.

Në vijim gjeni oraret e prezantimeve dhe shfaqjes së filmave në disa qytete:

19/07 – Prishtinë, Miqt Pub – 20:30
22/07 – Gjakovē, Parkukultur – 21:00
24/07 – Prishtina në Kino Armata – 20:00
28/07 – Tirana ne Reja – 20:15 dhe në Qendrën kulturore Tulla – 21:30
1/08 – Prizren në Lumbardh- 20:30

Anibar në edicioni e 9-të kërkon përfshirjen e grave në animacion

Posted on by Kult Plus

Në edicionin e 9-të Anibar ka vendosur të nxjerrë në pah pabarazinë gjinore duke kërkuar reprezentim të grave në animacion, shkruan KultPlus.

Popullariteti i animacionit vazhdon të rritet si në Kosovë dhe në të gjithë botën. Mirëpo, pjesëmarrja e grave në studime për animacion, animatore por edhe shikuese është rritur, por gjithashtu ka ekspozuar shumë pabarazi.

Sipas organizatës Woman in Animation, “Gratë përbëjnë 60% të studentëve të animacionit, por vetëm 20% e animatoreve janë gra.” Kjo ka bërë që gratë të jenë të nënpërfaqësuara në industrinë e animacionit veçanërisht si skenariste, regjisore dhe producente.

Prandaj, Anibar përmes edicionit të nëntë të festivalit do të bëjë një ndryshim duke inspiruar gratë dhe burrat në botën e animacionit për ti adresuar çështjet gjinore. Një proces më gjithëpërfshirës, kreativ dhe teknik, do të përmirësojë punën e burrave dhe të grave duke krijuar mundësi për ta shpërndarë filmin e animuar në të gjithë botën.

Duke theksuar pabarazinë gjinore në festivalin e këtij viti, Anibar do të jetë në gjendje të arrijë një audiencë më të gjerë përmes vizitorëve të saj vendas dhe ndërkombëtarë, si dhe anëtarëve të shumtë të medias që do të mbulojnë dhe ndjekin festivalin.

Anibar planifikon të përfshijë komunitetin në këtë proces duke inkurajuar njerëzit jashtë Anibar për të marrë rolin e tyre udhëheqës në promovimin e barazisë gjinore dhe fuqizimin e grave.

Anibar do të ti bashkohet lëvizjes së Women in Animation duke nënshkruar zotimin për reprezentim të grave në animacion për të arritur 50/50 deri në vitin 2025.

Ky mesazh inkurajimi do të kurohet nga një ekip kreativ që do të prodhojë art në hapësira publike, do të ndërtoj kinema të hapura, shfaqje filmash, organizim të koncerteve dhe instalim të kinemave të hapura në parqe dhe në qendra të qyteteve. /KultPlus.com

Hacking Urban Space: Projekt bashkëpunimi mes DokuFes, Anibar dhe Termokiss

Posted on by Kult Plus

DokuFest, Anibar dhe Termokiss i kanë bashkuar forcat që përmes projektit HACKING URBAN SPACE të sjellin një seri të jashtëzakonshme të filmave që përqendrohen kryesisht në sfidat e efikasitetit në strategjitë urbane, rritjen e popullsisë, transportin e ngulfatur, mjedisin dhe problemet e tjera të veçanta me të cilat ballafaqohen 3 qytetet më të mëdha të Kosovës: Prishtina, Prizreni dhe Peja.

Ky program u dedikohet studentëve të Universiteteve dhe nxënësve të Shkollave të Mesme të Larta të këtyre qyteteve të cilët në fund të çdo cikli do të kenë mundësinë të debatojnë për këto sfida me vendimmarrësit e qeverive përkatëse lokale si dhe planet e tyre në përfshirjen e komuniteteve lokale dhe aktivistëve për një menaxhim më të mirë të hapësirave publike.

Cikli i parë i filmave fillon me 5 mars me shfaqjen e filmit CITIZEN JANE, një aktiviste që luftoj për t’i mbrojtur komunitetet urbane përballë projekteve destruktive zhvillimore në Nju Jork. Në përfundim të këtij cikli do të shfaqet filmi SKOPJE 2014 që është një vështrim vizual i ndërhyrjes së egër për të ndryshuar karakterin urban të qytetit nga ai modernist soc-realist në pothuajse ekskluzivisht stil të ri barok dhe neoklasik.

Programi i filmave do të përfshijë projektet filmike që do të nxisin debatin për ruajtjen e trashëgimisë kulturore në kohërat e urbanizimit të shpejtë përmes filmit ECUMENOPOLIS: CITY WITHOUT LIMITS, për të vazhduar me diskutimin për modernizimin e qyteteve përmes vendosjes së njerëzve në qendër të planifikimit zhvillimor të cilës do ti paraprijë shfaqja e filmit HUMAN SCALE.

2 ciklet e fundit do të sjellin filmat dokumentarë BIKES vs. CARS për të promovuar çiklizmin si mjet transporti ditor dhe për të diskutuar qeveritë lokale nuk kanë bërë aq shumë në krijimin e infrastrukturës urbane që i jep përparësi çiklizmit kundrejt makinës. Seria e diskutimeve dhe shfaqjeve do të përmbyllet me shfaqjen e filmit BOGOTA CHANGE, që do të sjellë rrëfimin për kryetarin e Bogotës i cili përmes metodave të pazakonta të qeverisjes i mësoi qytetarët të jetojnë së bashku dhe të marrin përgjegjësi.

Filmat do të shfaqen në kinematë “DokuKino” në Prizren, “Jusuf Gërvalla” në Pejë përderisa lokacioni në Prishtinë do të kumtohet së shpejti.

Ky projekt implementohet nga DokuFest në partneritet me Anibar dhe Termokis dhe është përkrahur nga Zyra Zvicerane për Bashkëpunim në Kosovë./ KultPlus.com

Filma të animuar nga Kosova dhe Vishegradi në Kinemanë Jusuf Gërvalla

Posted on by KultPlus

Si pjesë e projektit të Anibar “Kultivimi i kulturës së filmit të animuar ndërmjet Ballkanit Perëndimor dhe Grupit të Vishegradit” i cili u zbatua para dhe gjatë Festivalit Ndërkombëtar të Animacionit Anibar me mbështetjen financiare të Fondit Ndërkombëtar të Vishegradit, do të vazhdojë gjatë muajve në vazhdim me shfaqjen e një programi të përbashkët të filmave të animuar në të gjitha vendet partnere: Kosovë, Hungari, Sllovaki, dhe Poloni.

Ky program është kuruar me qëllim të prezantimit të filmave të animuar të prodhuar nga të gjitha vendet partnere, dhe do të shfaqet në secilin nga këto vende. Kjo ngjarje do të organizohet për të forcuar dhe për të zgjeruar bashkëpunimin midis vendeve partnere në fushën e animacionit, dhe me qëllim të promovimit të filmave dhe filmbërësve të rijnë nga këto vende.

Muajin e kaluar ky program i filmave është shfaqur në Budapest në Universitetin Metropolitan të Budapestit dhe në Bratislava në kinemanë Foajé, këtë muaj programi do të shfaqet në Kosovë me datën 28 Dhjetor 2017, në ora 18:00 në kinemanë Jusuf Gërvalla në Pejë, për të vazhduar në muajin tjetër në Poloni./KultPlus.com

Filma të animuar nga Kosova dhe shtetet e Vishegradit në Hungari, Sllovaki, Poloni dhe Kosovë

Posted on by KultPlus

Si pjesë e projektit të Anibar “Kultivimi i kulturës së animacioneve midis Ballkanit Perëndimor dhe Grupit të Vishegradit” i cili u zbatua para dhe gjatë Festivalit Ndërkombëtar të Animacionit Anibar me mbështetjen financiare të Fondit Ndërkombëtar të Vishegradit, do të vazhdojë gjatë muajve në vazhdim me shfaqjen e një programi të përbashkët të filmave të animuar në të gjitha vendet partnere: Kosovë, Hungari, Sllovaki, dhe Poloni.

Ky program është kuruar me qëllim të prezantimit të filmave të animuar të prodhuar nga të gjitha vendet partnere, dhe do të shfaqet në secilin nga këto vende. Kjo ngjarje do të organizohet për të forcuar dhe për të zgjeruar bashkëpunimin midis vendeve partnere në fushën e animacionit, dhe me qëllim të promovimit të filmave dhe filmbërësve të rinjë nga këto vende.

Në muajin nëntor shfaqja e filmave do të fillojë në Hungari duke vazhduar në Slovaki, në muajin dhjetor programi shfaqet në Kosovë, dhe në muajin janar programi shfaqet në Poloni. Shfaqja e parë mbahet me 14 nëntor në Budapest në Universitetin Metropolitan të Budapestit në ora 16:00./KultPlus.com

‘Anibar’ me program të fuqishëm vazhdoi edhe ditën e katërt të tij

Posted on by KultPlus

Në Festivalin Ndërkombëtar të Animacionit ‘Anibar’, i cili aktivitetet e tij është duke i shtrirë në disa lokacione të ndryshme, dita aty fillon me katër workshopa ku punimet kanë filluar t’i marrin format e tyre përfundimtare, përcjellë KultPlus.

E mbas workshopave në orën 12:00 Tomas Volda në korridorin e kino “Jusuf Gërvalla” bëri një performacë artistike me një kukull e cila vizatonte njerëzit të cilët kalonin aty.

Në të njëjtën kohë në Kino u shfaq programi special: New Talents Visegrad kurse në teatrin ‘Istref Begolli’ u mbajt programi Kids3.

Në galerinë e arteve në Pejë, Maros Brojo mbajti ligjërata për jurinë e studentëve me temë vlerësimin e filmave të animuar.

Coffee and Talks këtë herë mirëpriti Lora D’Addazio drejtoreshë e “Juliette” film i cili u shfaq në Kino Liqenin në orën 20:30 një ditë përpara.

Më pas dita vazhdoi me “Grandel, Grandel, Grandel” nga Malcolm Turner një film i metrazhit të gjatë i cili u shfaq në orën 14:00 në kino ‘Jusuf Gervalla’. Ndërkohë në Galerinë e Arteve vazhduan leksionet për historinë e animacionit të Evropës Lindore nga Olga dhe Michal Bobroëski. Në orën 16:00 në Teatrin ‘Istref Begolli’ vazhdoi programi Teen2 kurse në Kino ‘Jusuf Gervalla’ u shfaq një program special: Best of fest Anca.

Ndërsa në orën 18:00 u mbajt Paneli i dytë i këtij edicioni me temën: Reclaim the City!, në Galerinë e arteve në Pejë, me Panelistët: Njomza Dragusha (Termokiss), Lulzim Hoti (7Arte), Malbora Krajku (Lumbardhi). Në orën 20:30 Student Program 2 u shfaq te Kino Liqenin kurse te Kino Kubat në ora 22:00 u mbajt International Program 3. Në Anibar Parties performuan Treesome dhe Dj Learta Lila.

Gjithashtu ditën e katërt ministrja e kulturës Vlora Dumoshi, së bashku me kryetarin e komunës së Pejës Gzmend Muhaxheri vizituan ekspozitën e Georges Schwizgebel në Galerinë e arteve të Pejës. / KultPlus.com

Ministrja Vlora Dumoshi mori pjesë në Festivalin Ndërkombëtar të Animacionit ‘Anibar’

Posted on by KultPlus

Ministrja e Kulturës, Rinisë dhe Sportit, Vlora Dumoshi, vizitoi ekspozitën e Festivalit Ndërkombëtar të Animacionit “Anibar” në Galerinë e Arteve në Pejë, me ç’rast ajo u prit nga drejtori i Festivalit, Vullnet Sanaja dhe nga kryetari i Komunës së Pejës, Gazmend Muhaxheri.

Po ashtu, ministrja e Kulturës, Rinisë dhe Sportit Vlora Dumoshi vizitoi edhe Kinemanë “Jusuf Gërvalla” dhe nga organizatorët e Festivalit u njoftua në lidhje me punën e tyre rreth Festivalit.

Ministrja Dumoshi u shpreh e kënaqur me entuziazmin e të rinjve kreativ, dhe u shpreh se MKRS-ja është e përkushtuar që të ndihmojë jetën kulturore të Kosovës duke krijuar kushte më të mira dhe duke e subvencionuar atë.

Ndërsa drejtori i Festivalit, Vullnet Sanaja e falënderoi ministren për vizitën dhe për gatishmërinë për të bashkëpunuar edhe në të ardhmen. / KultPlus.com

Dita e tretë e ‘Anibar’ e mbushur me aktivitetet të ndryshme

Posted on by KultPlus

Dita e tretë e Festivalit Ndërkombëtar të Filmit të Animuar ‘Anibar’, i cili këtë vit po zhvillon edicionin e tij të tetë, ka vazhduar dje e mbushur me plot aktivitet, shkruan KultPlus.

Kjo ditë filloj përsëri me Workshope të cilat filluan në orën 10:00 e për të vazhduar deri në orën 16:00.

Në orën 12:00 në kino ‘Jusuf Gërvalla’ u shfaq filmi i metrazhit të gjatë ‘Sheep and Wolves’ ku flitet për një vend të largët magjik, në një fshat të vogël piktoresk të pozicionuar në mes fushave të gjelbëruara dhe kodrave të larta ku jetonte një kope e shkujdesme e deleve. Por jeta e tyre e qetë dhe pa stres ndërpritet kur një tufë ujqish zhvendosen afër një përroske të afërt. Në të njëjtën kohë në Teatrin ‘Istref Begolli’ u mbajt Kids Program 2.

Në orën 13:00 në Exit Bar u mbajt Meet the Filmmakers: Vladimir Kanic director of “Only Lover leave to Die” (Screening: Balkan Competition, Tuesday the 15th, 20:30, Lake Cinema)

Në orën 14:00 në teatrin ‘Istref Begolli’ u mbajt programi Junior Oscar me mbështetjen e IPKO Foundation, program i cili shënon të gjashtin vit, e Anibari e koordinon për të dytin vit me radhë. Ky program ka për qëllim t’i zhvillojë shkathtësitë kreative, inovative të punës grupore të nxënësve të shkollave fillore të Kosovës, të cilët gjatë vitit bëjnë filma të shkurtër dhe i dërgojnë në ‘Anibar’ ku juria i përzgjedh filmat fitues.

Ndërkohë në kinon ‘Jusuf Gervalla’ u mbajt programi special: Frame Order Retrospective.

Galerina e Arteve mirëpriti ligjëratën e parë në lidhje me historinë e animacionit të Europës Lindore. Ligjërata: Tëins that construct production and create perception: propaganda and censorship. Case study: comparative overview of animated propaganda film from USSR and USA of Cold War era (films of Ivan Ivanov-Vano, John Sutherland and others).

Në orën 16:00 në kinemanë ‘Jusuf Gërvalla’ u shfaq filmi i metrazhit të gjatë: The Red Turtle, në të bëhej fjalë për një burrë i cili ka ngecur në një ishull të braktisur dhe takohet me një breshkë të kuqe, e cila i ndryshon jetën.

Në orën 18:00 vazhdoi të mbahet paneli i dytë për ketë edicion me temën: Commons in times of adversity at Peja Gallery me panelists: Modest Gashi (Peja Municipality), Flaka Xërxa (architect, Universitety of Prishtina), Rozafa Basha (architect, Universitety of Prishtina) Moderator: Hajrulla Çeku (EC Ma Ndryshe).

20:30 është ora kur u shfaqet programi Student Cometition në kino Liqeni. Ndërsa në kino Kubat u shfaq International Program 2 në ora 22:00.

E mbyllja e ditës së tretë ishte me tingujt e bukur të muzikës së Eugent Bushpepes dhe DJ Alban Muja. / KultPlus.com

Filma, ekspozitë e performanca në ditën e dytë të festivalit ‘Anibar’

Posted on by KultPlus

Festivali ndërkombëtar i filmit të animuar “Anibar” i cili të hënën ka hapur dyert për adhuruesit e animacionit, duke shfaqur filma në katër kinema, po vazhdon rrugëtimin e tij me aktivitetet e ndryshme që janë planifikuar për këtë edicion, përcjellë KultPlus.

Në ditën e dytë, ‘Anibari’ filloi aktivitetet e tij me hapjen e pesë workshopeve në lokacione të ndryshme prej orës 10:00. Aty rreth 50 të rinj të interesuar për animacion do të mësojnë rreth punimit të një filmi të animuar me teknika të ndryshme si: cut out animation, stop motion, GIF, puppet animation.

Në orën 12:00 ndërkohë që në teatrin Istref Begolli u mbajt programi Kids 1, në Kino Jusuf Gervalla u shfaq programi i parë special “Australian Showcase”.

Pak më vonë, në Exit Bar filloi programi “Coffee and Talks” ku folësit e parë ishin Joost Liewman, Tunde Vollenbroak në rolin e komikeve që bëjnë komedi dhe Vladimit Kanic drejtori i “Only Love leave to Die”.

Ndërsa në teatrin “Jusuf Gërvalla” në orën 14:00 u shfaq filmi i parë i metrazhit te gjatë për këtë vit, “My life as a Zucchini”, film ky që ishe i nominuar edhe për Oscar, dhe në të njëjtën kohë në teatrin “Istref Begolli” u shfaqen filmat e programit “Teen”.

Best of Annecy është program ku festivali i filmit të animuar Annecy shfaqi 10 filmat më të mirë të përzgjedhur nga stafi i tyre, ky program filloi në orën 16:00 në kino “Jusuf Gërvalla”
Pasditja udhëtoi për në galerinë e qytetit të Pejës ku u hap retrospektiva e animatorit më të shquar zviceran Georges Schwitzgebel, kjo ekspozitë do të jetë e hapur deri më datë 20 gusht.

Në orën 20:00 u mbajt një performancë në Bankosin e Vjetër ku ishte performanca e parë me temën për rikthimin e qytetit, ku nëpër xhamat e objektit pati performanca të ndryshme me tema të cilat tregonin se si mund të përdoret në disa mënyra objekti i Bankosit.

Kino Liqeni u hap për publikun në ora 20:30 ku në ditën e parë të saj u shfaqen filmat e programit “Internacional Competition”.

Kurse pak përpara Anibar Parties kino Kubat shfaqi programin “Ballkan Competiton” e cila filloi në orën 22:00.

Në natën e dytë të Anibar Parties të ftuar për të kënduar ishin “Don’t listen to your neighbors” dhe DJ Electra Leger. / KultPlus.com