Anija kozmike Starliner e Boeing ka përfunduar udhëtimin e saj të kthimit në Tokë – por astronautët që supozohej të mbante mbeten pas në Stacionin Ndërkombëtar të Hapësirës.
Anija bosh udhëtoi në mënyrë autonome pasi u shkarkua nga laboratori orbital, shkruan BBC, transmeton Klankosova.tv.
Kapsula, e cila pësoi probleme teknike pasi u nis me Butch Wilmore të Nasa-s dhe Suni Williams në bord, u konsiderua shumë e rrezikshme për t’i çuar astronautët në shtëpi.
Në vend të kësaj, ata do të kthehen me një “SpaceX Crew Dragon”, por jo deri në shkurt – duke zgjatur një qëndrim tetë-ditor në ISS në tetë muaj.
Një anije e ndërtuar nga një kompani amerikane e fluturimeve hapësinore është bërë anija e parë kozmike në pronësi private që u ul në Hënë.
”Nova-C Odysseus” i Intuitive Machines u ul në rajonin e polit jugor të Hënës në orën 23:23 pasdite (23:23 GMT).
Ky moment shënoi gjithashtu uljen e parë të SHBA-së në Hënë që nga misioni përfundimtar i programit ”Apollo”, ”Apollo 17”, më shumë se 50 vjet më parë.
Lajmi u konfirmua nga shefi ekzekutiv i Intuitive Machine, Steve Altemus, i cili tha se ”jemi në sipërfaqe dhe po transmetojmë. Mirë se erdhe në Hënë!”.
Anija kozmike u nis javën e kaluar nga Florida mbi një raketë ”Falcon 9” të bërë nga kompania ”SpaceX” e Elon Musk.
”Odysseus” është një cilindër gjashtëkëndor rreth katër metra i gjatë dhe 1,57 metra i gjerë dhe peshon 675 kilogramë.
Anija u ul në Malapert A, një krater 186 milje (300 kilometra) nga poli jugor i Hënës.
Poli mendohet se përmban akull, i cili do të ishte një burim i vlefshëm për eksplorimin e ardhshëm njerëzor.
Në bord janë 12 ngarkesa, përfshirë një instrument të NASA-s të njohur si Scalpss (Stereo Cameras for Lunar Plume-Surface Studies).
Ai mban një grup prej 125 skulpturash të vogla, të quajtura Fazat e Hënës, të krijuara nga artisti amerikan, Jeff Koons.
Deri më tani, uljet e kontrolluara në Hënë janë kryer vetëm nga agjencitë qeveritare, duke përfshirë SHBA-në, Bashkimin Sovjetik, Kinën, Indinë dhe Japoninë.
Një mision i dytë Intuitive Machines është planifikuar të ngrihet muajin e ardhshëm, me synimin për të shpuar burime në polin jugor të Hënës./ atsh / KultPlus.com
Kompania e Elon Musk, SpaceX dështoi në testin e parë të lëshimit të prototipit të anijes kozmike Starship.
Një video e publikuar nga stacioni hapësinor në Teksas tregon momentit kur pjesa e sipërme e anijes shkëputet nga trupi e për pasojë shkakton një re tymi.
Ndërkohë që mjeti po mbushej me hidrogjen ndodhi dhe shkëputja e pjesëve.
Qëllimi parësor i kompanisë SpaceX nëpërmjet këtij projekti është transporti i njerëzve dhe mallrave të ndryshme në destinacione shumë të largëta rreth globit në një shpejtësi marramendëse.
Në një postim në Twitter, Musk shprehet se ky prototip dështoi ndaj do të kalojë në testimin e një prototipi tjetër.
Ndërkohë që testi kishte thjesht qëllim për të provuar qëndrueshmërinë e të gjithë sistemit. / KultPlus.com
