Në kuadër të aktiviteteve për nderim të 15-të vjetorit të Pavarësisë së Kosovës, Parku Kulturor “Ali Podrimja” në Gjakovë, në bashkëpunim dhe Qendrën Kinematografikë të Kosovës organizon “Javën e filmit të Kosovës”.
Në lokacionin e Shkollës së Muzikës “Prenk Jakova”, sonte, datë 20 shkurt, do të shfaqen dy filma, fitues të shumë çmimeve në festivale botërore: “Në Mes” i autorit Samir Karahoda dhe “Zana” nga Antoneta Kastrati.
Filmi “Në Mes” do të shfaet në ora 18:00, ndera “Zana” në 18:30. /KultPlus.com
Në kuadër të edicionit të 63-të të Festivalit Ndërkombëtar të Filmit në Selanik të Greqisë, është mbajtur Asambleja e Përgjithshme e Qendrave të Filmit të Evropës Juglindore, e cila organizohet në baza vjetore.
Asambleja ka mbledhur përfaqësues të kinematografisë nga vendet e Evropës Juglindore, duke përfshirë Shqipërinë, Qipron, Greqinë, Malin e Zi, Kosovën, Maqedoninë e Veriut, Romaninë dhe Bullgarinë.
“I gëzohemi kohezionit dhe bashkëpunimit të deritashëm, por duam që tash e tutje të reflektojmë në drejtim të zgjerimit të rrjetit dhe diversifikimit të mënyrave të mbështetjes për filmin”, tha ndër të tjera drejtuesi Çitaku, me rastin e pres konferences së përbashket ku u publikuan edhe projektet që fituan mbështetjen e rrjetit këtë vit.
Në mesin e projekteve filmike të cilat do të mbështeten financiarisht nga Rrjeti Kinematografik i Evropës Juglindore, është filmi kosovar “Kthimi në mal” nga regjisorja Antoneta Kastrati.
Ndër të tjera, Rrjeti synon krijimin e një hapësire e cila rritë bashkëpunimin dhe larmishmërinë në prodhimet kinematografike të vendeve të Evropës Juglindore. / KultPlus.com
Regjisoret Antoneta Kastrati, Blerta Basholli, Norika Sefa, More Raça, dhe aktori e producenti Eshref Durmishi janë ftuar të bëhen pjesë e Akademisë Evropiane të Filmit.
Kjo ftesë erdhi pas sukseseve të fundit që arritën këta kineast në arenën ndërkombëtare; Antoneta Kastrati me filmin e parë të saj artistik ‘Zana’ shfaqi premierë në Toronto dhe ishte propozimi i Kosovës për garën Oscars 2020, Blerta Basholli me filmin debutant të gjatë të saj ‘Zgjoi’ fitoi 3 çmimet krysore në Sundance Film Festival, Norika Sefa u shpërblye me çmimin special të jurisë nga Rotterdam Film Festival, filmi debutues i More Raçës shfaqi premirën në Festivalin e Sarajevës dhe Kajros, ndërsa Eshref Durmishi ishte aktor dhe producent në filmin e parë nga Kosova të nominuar për Oscars.
Akademia Evropiane e Filmit është themeluar në vitin 1989 me drejtorin e parë Ingmar Bergman bashkë me anëtarët tjerë themelues si Pedro Almodovar, Lindsay Anderson, Bernardo Bertolucci, Sir Ben Kingsley, Andrzej Wajda, Wim Wenders etj. Ceremonia e çmimeve evropiane të filmit mbahet çdo fundvit nëpër qytete të ndryshme evropiane.
Me Antoneta Kastratin, Blerta Bashollin, Norika Sefën, More Raçën dhe Eshref Durmishin bëhen 23 anëtarë aktiv kosovarë që janë pjesë e kësaj Akademie. / KultPlus.com
Filmi ‘Zana’, me regji të Antonta Kastratit, një film tashmë me një sukses të dëshmuar përtej kufijve kombëtar, renditet në mesin e 25 filmave më të mirë për vitin 2020 nga gazeta ’48 Hills’, shkruan KultPlus.
Sipas ’48 Hills’, në këtë listë bëjnë pjesë të gjithë filmat për të cilët ne kemi pasur nevojë më shumë se kurrë dhe të cilët janë vlerësuar nga kritikët e filmit.
Filmi trajton një temë shumë të ndjeshme, ku personazhi kryesor i luajtur nga Adriana Matoshi, e përhumbur nga e kaluara e saj e shtypur prej kohësh dhe e trysnuar nga familja për të kërkuar trajtim nga shëruesit mistikë për infertilitetin e saj, një grua kosovare që përpiqet të pajtojë pritjet e mëmësisë me një trashëgimi të brutalitetit të kohës së luftës./ KultPlus.com
Filmi ‘Zana’, me regji të Antonta Kastratit, një film tashmë me një sukses të dëshmuar përtej kufijve kombëtar, për herë të parë ka zënë vend në platformën online në Amazon Prime video dhe Vimeo, shkruan KultPlus.
Poashtu, është bërë e ditur se së shpejti do të jetë edhe në ITUNES e poashtu edhe në platforma tjera.
Filmi trajton një temë shumë të ndjeshme, ku personazhi kryesor i luajtur nga Adriana Matoshi, e përhumbur nga e kaluara e saj e shtypur prej kohësh dhe e trysnuar nga familja për të kërkuar trajtim nga shëruesit mistikë për infertilitetin e saj, një grua kosovare që përpiqet të pajtojë pritjet e mëmësisë me një trashëgimi të brutalitetit të kohës së luftës.
Bashkangjitur gjeni linkun e Amazon Prime dhe Vimeo. / KultPlus.com
Filmi i dëshmuar edhe në arenën ndërkombëtare, “Zana” ka fituar çmimin e publikut në festivalin “goEast Film”, shkruan KultPlus.
Filmi i metrazhit të gjatë nga regjisorja Antoneta Kastrati ka arritur të zë këtë çmim në edicionin e 20-të të organizimit të këtij festivali në Gjermani. Tanimë, ky film ka fituar një shumë prej 1,500 euro, financuar nga publiku dhe nga “kulturMut”, platformë e financimit të fondeve të Fondacionit Aventis dhe Frankfurt RheinMain Kulturfonds.
Filmi trajton një temë shumë të ndjeshme, ku personazhi kryesor i luajtur nga Adriana Matoshi, e përhumbur nga e kaluara e saj e shtypur prej kohësh dhe e trysnuar nga familja për të kërkuar trajtim nga shëruesit mistikë për infertilitetin e saj, një grua kosovare që përpiqet të pajtojë pritjet e mëmësisë me një trashëgimi të brutalitetit të kohës së luftës. / KultPlus.com
Filmi ‘Zana’ i cili tashmë suksesin në arenën ndërkombëtarë veçse e ka dëshmuar, tashmë do të ketë edhe premierën në Festivalin e Filmit “goEast Film”, shkruan KultPlus.
Festivali prestigjioz pritet të mbahet online duke filluar nga 16 nëntori i këtij viti.
Për të gjithë ata që jetojnë në Gjermani, biletat mund t’i sigurojnë në linkun e bashkangjitur më poshtë.
Filmi trajton një temë shumë të ndjeshme, ku personazhi kryesor i luajtur nga Adriana Matoshi, e përhumbur nga e kaluara e saj e shtypur prej kohësh dhe e trysnuar nga familja për të kërkuar trajtim nga shëruesit mistikë për infertilitetin e saj, një grua kosovare që përpiqet të pajtojë pritjet e mëmësisë me një trashëgimi të brutalitetit të kohës së luftës. / KultPlus.com
Filmi i gjatë artistik me regji të Antoneta Kastratit, i cili tashmë ka dëshmuar një sukses të madh në arenën ndërkombëtare, është bërë pjesë e Haifa International Film Festival, festival ky që mbahet në Izrael, shkruan KultPlus.
Filmi trajton një temë shumë të ndjeshme, ku personazhi kryesor i luajtur nga Adriana Matoshi, e përhumbur nga e kaluara e saj e shtypur prej kohësh dhe e trysnuar nga familja për të kërkuar trajtim nga shëruesit mistikë për infertilitetin e saj, një grua kosovare që përpiqet të pajtojë pritjet e mëmësisë me një trashëgimi të brutalitetit të kohës së luftës.
‘Suksesi i filmit është kënaqësi, është shpërblim për punën dhe kontributin e krejt personelit që ka punu drejt realizmit të filmit’, ka potencuar Sevdije Kastrati për KultPlus.
Më poshtë gjeni linkun me informata më të detajuara rreth festivalit. / KultPlus.com
Filmi i cili trajton jetesën e së tashmes, ndikuar nga e kaluara, respektivisht ndikimin e luftës kolektive te individi, “Zana” do ta ketë premierën në festivalin Mostra de Valencia në Spanjë, shkruan KultPlus.
Këtë e bëri të ditur regjisorja e filmit, Antoneta Kastrati përmes një statusi në Facebook:
“Shumë e lumtur që Zana do ta ketë premierën në Spanjë në festivalin “Mostra de Valencia”, ka shkruar regjisorja.
Për filmin, është shkruar edhe një artikull nga organizatorët e Festivalit:
“Nga Kosova vjen “Zana”, shfaqja debutuese e Antoneta Kastrati. Një perspektivë e re për konfliktin në Ballkan. Filmi herë pas here përdor elemente fantazie për të reflektuar në tmerrin e luftës. Me protagonistin e luajtur nga Adriana Matoshi, ky debutim i jashtëzakonshëm nga kineasti kosovar me seli në SHBA u zgjodh të përfaqësonte vendin e tij në Oskarë dhe fitoi Grandmimin Grand Juria në Los Angeles”, shkruan artikulli i Mostra de Valencia. / KultPlus.com
Filmi i gjatë artistik me regji të Antoneta Kastratit është pjesë e programit ‘In Focus’ në Festivalin e Sarajevës. ‘In Focus’ është program dedikuar filmave rajonal të jashtëzakonshëm të cilët tashmë kanë bërë sukses të konsiderueshëm në festivalet prestigjioze të filmit në botë, përcjellë KultPlus.
Filmi ‘Zana’ është një dramë tronditëse dhe emocionuese që përcjellë një grua të re kosovare që përpiqet të bëhet nënë përderisa ballafaqohet me tmerret nga e kaluara e saj e errët e kohës së luftës.
‘Zana’ është filmi i tretë nga Kosova që bëhet pjesë e Festivalit të Sarajevës pas njoftimit të mëhershëm për pjesëmarrja në konkurrencë kryesore të filmit ‘Galaktika e Andromedës’ dhe ‘Exil’-it.
Filmi ‘Zana’ me producent Casey Cooper Jonson kishte premierën botërore në Festivalin e madh të Torontos në shtatorin e kaluar dhe përfaqësoi Evropën në Festivalin ndërkombëtar në Sydney të Austrialisë, është bashkëprodhim në mes Kosovës, Shqipërisë dhe SHBA-ve, dhe financuar nga Qendra Kinematografike Kosovës dhe Qendra Kombëtare e Kinematografisë në Shqipëri. / KultPlus.com
Tabloidi amerikan “The Holywood Reporter”, ka sjell së fundmi një listë me parashikimet për nominimet në ndarjen prestigjioze të filmit “Oscars 2020”.
Parashikimet të cilat azhurnohen rregullisht,
pasqyrojnë përshtypjet e fundit të Scott Feinberg informacione në dispozicion
të publikut konsiderata historike, çmime pararendëse (disa grupe çmimesh kanë
pasur lidhje historike me Akademinë më shumë se të tjerët) dhe konsultimet e
brendshëm të industrisë (përfshirë anëtarët e tjerë të shtypit, çmime për
strategë, kineastë dhe zgjedhës të çmimeve).
Këtë herë tabloidi ka publikuar parashikimet për
nominimet në kategorinë “Filmi më i mirë në gjuhë të huaj”.
Lista përfshinë 11 filmat e mundshëm për t’u nominuar për këtë çmim, në mesin e të cilëve kolumnisti ka renditur edhe filmin kosovar “Zana” të regjisores Antoneta Kastrati. Filmi ‘Zana’ i cili ka filluar shfaqjen nëpër kinematë të ndryshme është tregimi i Lumes, një grua shqiptare që jeton me burrin e saj Ilirin dhe vjehrrën e saj Remzijen në një fshat kosovar. / aktuale.mk / KultPlus.com
Filmi ‘’Zana’’, me regji të Antoneta Kastratit, trajton një temë delikatë përmes personazhit të një gruaje e cila ka humbur një pjesë të madhe të vetes gjatë luftës në Kosovë, për të mos thënë krejtësisht vetveten.
Pasojat e luftës së fundit në Kosovë, vërehen edhe sot e kësaj dite, vikimat e saj, disa të fshehura e për të mos u shpalosur kurrë e disa prej tyre të shpalosura për të mos u trajtuar kurrë në mënyrën e duhur, shkruan KultPlus.
Lufta ka përfunduar, një përfundim sipërfaqësor që
luftën e vërtetë vetëm e ka filluar dhe e ka lënë në mesin më të keq të mundshëm.
‘’Zana’’, trajton fatin e disa personazheve që edhe pse të lidhur ngusht me njëri tjetrin, funksionojnë ndaras në dhimbjen e përbashkët.
Një burrë, fëmija i të cilit është mbytur në luftë, personazhi i të cilit ka ngecur në mes dhimbjes për fëminë e humbur, nënës si autoritet dhe gruas që e dashuron aq shumë. Në anën tjetër një grua e cila ka harruar të jetë njeri ose të paktën të funksionoj si e tillë. Dhe vjehrra e saj, e cila sikur të mos ishte në dijeni për përjetimet e nuses së djalit të saj, merr të gjitha vendimet për fatet e jetën e këtyre dy të fundit.
Kur dhimbja, trauma, mendësia patriarkate, vuajtjet e sakrificat bien të tëra mbi kokën e dikujt që ka përjetuar humbjen më të madhe që një njeri mund të përjetojë, atë të fëmijës, dhe edhe pse në film personazh kryesor, fati i saj brenda familjes trajtohet si dytësor.
Një film plot emocion, që pa doreza tregon mendësinë patriarkate që akoma mbizotëron në vendin tonë. Ku fati i gruas është në dorën e të gjithëve, përvecse në duart e saj, ku vlera e saj si njeri matet me faktin e të qenurit apo të mos qenurit nënë.
Antoneta Kastrati, në raport me personazhin kryesor, të
realizuar aq mirë nga Adriana Matoshi, për KultPlus potencoi se Adriana ka një
fytyrë paqësore të butë, por që aty fshehet një agresivitet që nuk vihet shumë
re.
‘’E kam hetuar në fillim, kur Adriana e ka lexuar
skenarin, se kjo është e duhura për këtë personazh, deklaroi më pas Kastrati.
Kastrati gjatë konferencës për media, u shfaq e kënaqur për punën e realizuar nga aktorët dhe i gjithe stafi. ‘’Kam dashur të tregoj atë pjesën e pasluftës që nuk shihet. Në kulturën tonë, e humb vlerën si grua, nëse nuk bën fëmijië, ka shumë presion për të qenë nënë’’, pohoi ajo.
Adriana Matoshi, që në këtë rol erdhi më ndryshe nga ajo që jemi mësuar ta shohim, një grua me një hije melankolike mbi fytyrën e saj, gjatë gjithë kohës.
Ajo tregoi për vështirësitë e realizimit të rolit të saj, mirëpo pohoi të jetë ndarë e kënaqur me realizimin e tij. ‘’Është njëri prej roleve më të vështira që kam realizuar deri tani, mirëpo, edhe më i dashuri. Parase të fillojmë me xhirime, unë bashkë më Antonetën kemi shkuar të varrezat dhe ajo ma ka treguar të gjithë ngjarjen e familjes së saj.’’, deklaroi ajo.
Sevdije Kastrati, producentja e filmit, u shpreh se, në momentin që e kishte lexuar skenarin, e kishte parë edhe filmin.
‘’Ky film ka një rëndësi të madhe, është I inspirruar nga një ngjarje e vërtetë, prej jetës tonë private. Ajo cka trajtohet në film është shumë me rëndësi, sepse fakti që ke humbur, është në dorën e gruas se a dëshiron të ketë fëmijë prapë apo jo’’, vazhdoi më pas ajo.
Filmi ‘Zana’ do të filloj të shfaqet nga data 20 shtator në
Cineplexx.
Mbështetësit kryesorë
financiarë të filmit janë Qendra Kinematografike e Kosovës, Qendra Kombëtare e
Kinematografisë (Shqipëri), Panavision New Fimmaker Grant, SFFILM Rainin Grant,
Light Iron dhe komuna e Pejës.
Producent i filmit ZANA është Casey Cooper Johnson dhe bashkëproducentē Sevdije Kastrati me Crossing Bridges Films (Kosovë), Dritan Huqi me On Film Production (Shqipëri), dhe Miguel Govea dhe Brett Walker nga Alief. Në rrolet kryesore luajnë Adriana Matoshi, Astrit Kabashi, Fatmire Sahiti, Mensur Safqiu, Vedat Bajrami, Irena Cahani, Shengyl Ismajli, Çun Lajçi, Ilire Vinca etj./KultPlus.com
Më regji të Antoneta Kastratit, filmi i metrazhit të gjatë i subvencionuar nga Qendra Kinematografike e Kosovës “ZANA”, ka përfunduar xhirimet e sezonit dimëror, shkruan KultPlus
Astrit Kabashi, Adriana Matoshi, Mensur Safqiu, Fatmire Sahiti, Shengyl Ismaili, Vedat Bajrami, Bislim Muçaj, Ilire Vinca, Çun Lajçi, Molikë Maxhuni, Besnik Krapi, Remzije Shala dhe Rozafa Çelaj janë aktorët që do të jetësojnë këtë projekt filmi i cili flet për përvojën e vet regjisores Antoneta Kastrati në luftën e Kosovës, si dhe kërkimet e saj në botën e shëruesve me magji.
LUME është një grua shqiptare e cila jeton me burrin e saj, ILIRIN, dhe vjehrrën, REMZIJE, në një fshat në Kosovë.
Ajo e ka humbur fëmijën e saj të vetëm para 10 viteve në luftë dhe tani ajo është e përndjekur nga ankthet e natës dhe nuk mund të mbetet shtatzënë. Të dëshpëruar për një fëmijë, familja heq dorë nga medikamentet moderne dhe kërkon një shërues tradicional që mund ta kurojë atë.
Lumja viziton një shëruese magjik të fshatit dhe kjo veç sa e përkeqëson situatën e saj, pas rekomandimit për të sakrifikuar një kafshë, traumat e kaluara i thellohen edhe më shumë. Familja pas kësaj futet në borxhe të mëdha për ta dërguar Lumen tek shëruesi magjik më i njohur në Kosovë. Ai kryen një ekzorcizëm të hollësishëm dhe i paralajmëron ata se një shërues magjik i dyshimtë e ka mallkuar Lumen me magji të zezë.
Shpejt Lume mbet shtatzënë, me shpresën që ajo do të bëhet nënë përsëri. Por përgjatë shtatzënisë, tortura e të së kaluarës dhe sekreti i errët i kthehet që ta mundojë atë dhe foshnjën e saj të palindur.
Zana ishte një nga nëntë projektet që mori pjesë në programin MIDPOINT Feature Launch për 2017, dhe fitoi çmimin MIDPOINT Development Award and the Connecting Cottbus Award. / KultPlus.com
Është film me metrazh të gjatë, dhe në thelb të rrëfimit ka luftën e fundit në Kosovë, shkruan KultPlus.
Ky projekt filmik i Shtëpisë filmike “Crossing Bridges Films, me skenar dhe regji të Antoneta Kastratit dhe producent Casey Cooper Johnosn, që tashmë ka thirrur edhe audicion për aktorët, ka gjetë mbështetje edhe në Shqipëri.
Vetë Antoneta Kastrati ka njoftuar se projekti i saj tashmë është mbëshetur nga Qendra Kombëtare e Kinematografisë në Shqipëri.
“Me kenaqesi ju njoftojme se Qendra Kombëtare e Kinematografisë ka mbeshtetur projektin filmik “Zana” me Co-producent DriTan HuqiFalenderojme QKK-ne dhe Bordin Drejtues te miratimit te Projekteve per mbeshtetjen dhe besimin”, ka shkruar Kastrati./KultPlus.com
