Etiketë: Antonio Guterres

Shefi i OKB-së i bën thirrje Rusisë që t’i japë fund luftës ‘të pafitueshme’

Posted on by Kult Plus

Sekretari i Përgjithshëm i OKB-së Antonio Guterres i kërkon Moskës t’i japë fund pushtimit të saj që ai e quan luftë të ‘pafituar’. Pas javësh bombardimesh, Volodymyr Zelenskyy tha se “nuk ka mbetur asgjë” nga Mariupol, transmeton KultPlus.

Një zyrtar i lartë i mbrojtjes amerikane thotë se fuqia luftarake e Rusisë në Ukrainë ka rënë nën 90% të nivelit të saj para pushtimit. Kjo tregon mundësinë e humbjeve të mëdha dhe rritjes së viktimave.

“Për herë të parë ato mund të jenë pak më poshtë se 90%,” u tha zyrtari gazetarëve në kushte anonimiteti dhe pa dhënë prova për të mbështetur pretendimin.

Më 2 mars, Rusia deklaroi se 498 personel ishin vrarë dhe 1597 ishin plagosur që nga fillimi i pushtimit të saj./ KultPlus.com

Berlin, Germany – November 04: Antonio Guterres, High Commissioner for Refugees of UNHCR, attends a press conference in german foreign office on November 04, 2015 in Berlin, Germany. (Photo by Michael Gottschalk/Photothek via Getty Images)

OKB: Bota përballet me katastrofë të përgjithshme për shkak të mbylljes së shkollave

Posted on by Kult Plus

Sekretari i përgjithshëm i Kombeve të Bashkuara, Antonio Guterres, paralajmëroi të martën se bota përballet me katastrofë të përgjithshme për shkak të mbylljes së shkollave shkaku i pandemisë, duke shtuar se kthimi i nxënësve në banka duhet të jetë prioritet kryesor.

Guterres tha se deri në mesin e korrikut, shkollat kanë qenë të mbyllura në rreth 160 shtete, duke prekur mbi një miliard nxënës, ndërsa rreth 40 milionë fëmijë nuk kanë mundur ta ndjekin klasën përgatitore, shkruan “The Guardian”, transmeton Gazeta Express.

Për më tepër, 250 milionë fëmijë nuk kanë qenë në shkolla as para pandemisë dhe vetëm një e katërta e nxënësve të shkollave të mesme në vendet në zhvillim kanë marrë shkathtësi themelore, tha ai përmes një video-konference.

“Tani ne përballemi me një katastrofë të përgjithshme që do të mund të çojë dëm potencial të pashembullt njerëzor, të minojë dekada të përparimit dhe t’i përkeqësojë pabarazitë e rrënjosura”, tha sekretari i OKB-së përderisa e hapi fushatën “Mbrojeni të ardhmen tonë”.

“Posa të vihet nën kontroll përhapja e Covid-19, kthimi i nxënësve në shkolla dhe në institucione të të nxënit në mënyrë sa më të sigurt që është e mundshme duhet të jetë një prioritet kryesor”, shtoi ai. / KultPlus.com

Guterres: Pandemia është kriza më sfiduese që nga Lufta e Dytë Botërore

Posted on by KultPlus

Sekretari i përgjithshëm i Kombeve të Bashkuara, Antonio Guterres, tha të martën se virusi Covid-19 është kriza më sfiduese më të cilën është përballur njerëzimi që nga Lufta e Dytë Botërore.

Shefi i OKB-së e publikoi një plan të ri për t’i luftuar efektet sociale dhe ekonomike të pandemisë së koronavirusit dhe bëri thirrje që bota të veprojë e bashkuar për ta lehtësuar goditjen ndaj popujve.

Ai tha se virusi paraqet stress për të gjithë në botë dhe ka efekte ekonomike që do të sjellin një recesion që ndoshta nuk mund të krahasohet me diçka tjetër në të kaluarën e vonshme, shkruan “Anadolu”, transmeton Gazeta Express.

“Kombinimi i këtyre dy fakteve dhe rreziku që virusi sjell për t’i shtuar trazirat, konfliktet dhe mungesën e stabilitetit na bëjnë të besojmë se kjo është vërtet kriza më sfiduese me të cilën jemi përballur që nga lufta e dytë botërore”, tha Guterres.

Ai gjithashtu bëri thirrje për një përgjigje më të fuqishme dhe më efektive kundër efektit shkatërrues të virusit, duke thënë se kjo është e mundur vetëm nëse të gjithë bëhen bashkë dhe i harrojnë lojërat politike dhe kuptojnë se në pyetje është i tërë njerëzimi.

Sipas Organizatës Ndërkombëtare të Punës, që funksionon në kuadër të Kombeve të Bashkuara, 5 deri në 25 milionë vende pune do të shuhen në mbarë botën si pasojë e krizës. / KultPlus.com