Arbnora Fejza thyen sërish rekordin Guinnes me flamurin e Kosovës

Posted on 18 Shkurt, 202118 Shkurt, 2021 by Kult Plus

Arbnora Fejza nëpërmjet rrjeteve sociale ka kumtuar lajmin e thyerjes së rekordit Guinnes, të cilën e ka realizuar nëpërmjet mozaikut origami të flamurit të Kosovës, shkruan KultPlus.

“Me shumë emocione dhe krenari, dua t’ju njoftoj që Guinness World Records sapo ka aprovuar rekordin tonë për Mozaikun më të Madh Origami – Flamurin e Republikës së Kosovës”, ka shkruar Fejza.

Tutje ajo ka thënë se ky mozaik ishte bërë gati për 17 Shkurt, Pavarësinë e vendit tonë.

“1 vit përgatitje, 4 muaj për të krijuar mbi 120,000 fletpalosje origami, 13 orë punë intenzive me gjithë ekipin për të krijuar Mozaikun më të Madh Origami më Flamurin e Republikës së Kosovës dhe për të vendosur një rekord të ri botëror”, ka thënë tutje shënuesja e rekordit Guinnes

Arbnora Fejza ka arritur që edhe dy herë tjera të thyej këtë rekord botëror dhe të na bëj krenar. / KultPlus.com

Kosovarja synon edhe një rekord në Guinness

Posted on 4 Shtator, 20194 Shtator, 2019 by KultPlus

Arbnora Fejza nga Skenderaj është vajza e cila synon edhe një rekord të ri Guinness.

Ajo së fundi ka filluar të punoj një projket të ri, një vazo gjigante me 69 mij copa letër, 110 lule dhe me flamujt e shteteve që e kanë njohur Kosovën si shtet të pavarur.

Përmes kësaj vazo ajo pretendon rekord të ri Guinness.

Këtij punimi Arbnora i ka dhënë një kuptim sipas të cilës, të gjitha copat e letrave paraqesin popullin shqiptar të përvuajtur dhe të bashkuar, ndërsa lulet në këtë punim paraqesin dëshmorët e kombit, përcjell albinfo.ch. / KultPlus.com

Arbënora Fejza, shqiptarja që synon ta thyejë rekordin Guinees me lule

Posted on 1 Shtator, 20182 Shtator, 2018 by Kult Plus

Arbënora Fejza Idrizi nga Skenderaj, po synon ta thyejë një rekord të Guinness-it me një punim të veçantë.

Ajo po planifikon që të realizojë një lule të punuar sipas artit japonez, me një lloj letre të veçantë e cila thyhet 23 herë. Rekordi aktual i kësaj luleje është 5 metra, kurse synimi i Arbënores është që ta bëjë 9 metra.
Arbënora ka treguar se i kanë kryer provat gjenerale dhe do t’ua dërgojnë videot stafit të Guinness-it. Ajo ka thënë se ka marrë përkrahje të vazhdueshme nga Komuna e Skenderajt dhe se pret që do të marrë përgjigje pozitive nga stafi i Guinness-it.

Në anën tjetër Ramiz Shala, drejtor i Kulturës, Rinisë dhe Sportit në Komunën e Skenderajt, ka thënë se kjo komunë dhe kryetari Bekim Jashari e kanë mirëpritur kërkesën e Arbënores dhe se ndihen krenarë me një sukses të tillë. Gjatë këtij punimi, Arbënores i ka ndihmuar edhe profesori Agim Agushi, dy herë rekordmen i Librit të Guinness-it, raporton RTV21.tv

Ai ka treguar se ndihet i privilegjuar që po e ndihmon Arbënoren në një projekt të tillë dhe ka thënë se pret që ky punim të pranohet nga zyrtarët e Guinness-it dhe Skenderajt t’i shtohet një rekordmene e këtij libri./ KultPlus.com