artist i merituar

Teatri “Aleksandër Moisiu” i Durrësit, kujtoi sot aktorin Fadil Hasa, në 84-vjetorin e lindjes.

Fadil Hasa lindi në Krujë, me 8 prill 1940 dhe kreu gjimnazin “29 Nëntori” në Shkodër, ku u aktivizua në aktrim e për t’u bërë më pas i njohur si aktor me të dhëna të shprehura ndaj teatrit të varietesë, qysh me grupin e Estradës Amatore të Portit të Durrësit (1963-1970).

Falë aftësive të tij, në vitin 1970 u thirr si aktor profesionist në Estradën e Durrësit, ku punoi deri sa doli në pension, në 1993.

Gjatë karrierës së tij ka luajtur mjaft role në komedi me një akt, skeçe, parodi e pantomime, dialogje dhe forma të tjera të shkurtra të estradës.
Personazhet e shumta që Hasa ka sjellë kane marrë shumë vlerësime nga publiku.

Fadili ka shënuar emrin e tij edhe në kinematografi. Disa nga rolet e Hases janë filmat “Kronikë provinciale”, “Mao Ce Dun” & “Zëvendësi i grave”.

Fadil Hasa është nderuar 4 herë si “Aktori më i mirë i humorit”, gjithashtu me disa çmime kombëtare për kontributin e tij në fushën e aktrimit. Mbante titullin “Artist i merituar”. Fadil Hasa do të mbahet mend gjatë në kujtesën e publikut dhe artdashësve. U nda nga jeta me 16 korrik të vitit 2018. / atsh / KultPlus.com

Qendra Kombëtare e Kinematografisë (QKK) njoftoi ndarjen nga jeta të operatorit të mirënjohur të kinemasë shqiptare, Artistit të Merituar Pëllumb Kallfa.

QKK i shprehu ngushëllime të përzemërta familjes, miqve dhe kolegëve të të ndjerit duke thënë se, “ruan mirënjohje të thellë për punën artistike dhe kontributin e tij në kinematografinë e Shqipërisë”.

Pëllumb Kallfa ishte operator i filmave kronikalë, dokumentarë dhe artistikë, me titullin Artist i Merituar. Lindi në Tiranë më 1945. Ishte djali i fotografit të njohur dhe një nga kronistët e parë të kinematografisë shqiptare, Mehmet Kallfa. Mbaroi studimet e larta në Universitetin e Tiranës. Në kinematografi filloi si asistent dhe më vonë u mor me xhirimin e kinoditarëve dhe filmave kronikalë. Filmin e parë dokumentar e realizoi më 1971.

Gjithsej xhiroi rreth 25 filma kronikalë dhe dokumentarë. Kamera e tij u dallua sidomos me filmat: “Basketbollistja nr. 10”, “Shqipëria turistike 1972”, “Pranë hapave të para”, “Duke përdorur rrezatimet bërthamore” në 1974, etj. Filmi i tij i parë me elemente të interpretimit ishte A.B.C…..Zzh me regjisore Xh. Keko, 1971. Bashkë me regjisorin Dhimitër Anagnosti xhiruan filmin “Cuca e maleve”, 1974.

Gjithsej xhiroi 22 filma artistikë, kryesisht me regjisorë të njohur. Për punën e tij u nderua me titullin e nderit “Artist i Merituar”.

Filma të tjera përfshijnë: “Lulëkuqet mbi mure”, “Gjeneral gramafoni”, “Dollia e dasmës sime”, “Një vonesë e vogël”, “Vendimi”, “Përrallë nga e kaluara”, “Pranvera s’erdhi vetëm”, “Vitet e pritjes” e të tjerë./atsh/KultPlus.com

Etiketë: artist i merituar

Përkujtohet “Artisti i Merituar”, aktori Fadil Hasa

Ndahet nga jeta mjeshtri i kamerës Pëllumb Kallfa, “Artist i Merituar”