Etiketë: artist Rita Ora

Rita Ora në kastin e ‘Beauty and the Beast’: Asnjëherë në ëndrrat e mia më të çmendura nuk mund ta imagjinoja këtë

Posted on by Kult Plus

Këngëtarja kosovare me famë botërore, Rita Ora duket se ka nisur vitin 2022 mjaft mbarë, duke u bërë pjesë e një kaste të mrekullueshme aktorësh, shkruan KultPlus.

Ora nëpërmjet një postimi në rrjetet sociale ka bërë të ditur se ajo do t’i bashkohet serialit “Beauty and the Beast”.

“Nuk mund ta mbaj më sekretin! Jam shumë e emocionuar që do t’i bashkohem kastit të serialit prequel të Bukuroshja dhe Bisha! Si fëmijë, mbaj mend që e shikoja “Beauty and the Beast” me familjen time pa pushim dhe menjëherë u dashurova me muzikën dhe personazhet. Asnjëherë në ëndrrat e mia më të çmendura nuk mund ta imagjinoja t’i bashkohesha kësaj bote përrallore”, ka shkruar ajo.

Ajo tutje ka falenderuar edhe të gjithë ata që ndihmuan në realizimin e gjithë kësaj.

“Për të gjithë ata që ndihmuan në realizimin e kësaj, u jam përgjithmonë mirënjohëse. Faleminderit Disney+, skuadrës time të CAA – Dan, Joella dhe Tracy – Shari, dhe familjes time menaxhuese. Kohët e fundit thjesht ndjej sikur të gjitha ëndrrat e mia po bëhen realitet! Jeta po ndihet si një film i Disney-t”, ka thënë Ora. / KultPlus.com

Me një urim të bukur, Rita Ora uron nënën e saj për ditëlindje

Posted on by Kult Plus

Sot feston datëlindjen Vera Ora, shkruan KultPlus.

Në ditëlindjen e saj, vajza e njohur me famë botërore, Rita Ora i ka uruar nënës së saj ditëlindjen me disa foto ku ato shihen së bashku në vende të ndryshme.

Më poshtë KultPlus ua sjell mbishkrimin e saj të plotë:

“Gëzuar ditëlindjen nënës më të mrekullueshme! Je e bukur, ndihmuese, mbështetëse dhe e sjellshme, dhe megjithëse sot është ditëlindja jote, unë të festoj gjithmonë”, ka shkruar Ora. / KultPlus.com

Dua Lipa, Rita Ora dhe Bebe Rexha vijnë si piktura të mahnitshme në ekspozitën e Dëfrim Jupës

Posted on by KultPlus

Mbrëmë është mbajtur ekspozita personale e piktorit, Defrim Jupa.

Kjo ekspozitë e mbajtur në Monet Art & Gallery, ka sjellë punimet e fundit nga piktori i jashtëzakonshëm kosovar.
Ai me anë të artit abstrakt të pikturimit solli anën e bukur të femrës.

Ndër pikturat e realizuara në mënyrë fantastike janë edhe ato të “çikave tona”, Rita Orës, Bebe Rexhës dhe Dua Lipës.

Tri yjet shqiptare tashmë kanë pikturimin e tyre të jashtëzakonshëm në ngjyra të gjalla.

Vet piktori thotë se kjo ishte një prej ngjarjeve më të rëndësishme të jetës së tij.

“Eventi i djeshëm ka qenë një prej ngjarjeve më të rëndësishme të jetës time, pasi që ka qenë edhe ekspozita ime e parë që për mua është ndjenjë e veçantë për faktin që shënon një fillim të realizimit të ëndrrave të mia”.

“Pjesëmarrja ka qenë e mahnitshme dhe atmosfera ishte shumë e mirë”, u shpreh piktori për Telegrafin.

Prezent në këtë ekspozitë ishin artistë të njohur si Blerta Syla, Veli Blakçori, Merita Maloku, e personalitete të ndryshme nga skena politike.

Kjo është hera e parë që artistë shqiptarë sjellin të rikrijuar në pikturë me ngjyra të gjalla yjet botërore shqiptare si Rita Ora, Dua Lipa dhe Bebe Rexha. /KultPlus.com



Rita Ora në ‘takimin e parë’ nis prezantimin e saj me “Unë jam kosovare” (VIDEO)

Posted on by KultPlus

Këngëtarja kosovare me famë botërore, Rita Ora, sivjet do të jetë nikoqire e ceremonisë MTV EMA, që do të mbahet në Londër më 12 nëntor.

MTV EMA lajmin e bëri publik sot, ndërsa ka postuar edhe një video për përcjellësit në rrjetet sociale që të njihen nga afër me prezantuesen e ceremonisë së sivjetme, përmes një “takimi të shpejtë”.

“Unë jam kosovare. Nëse askush nuk e di se ku është, është në Evropën Lindore. Jam rritur në Londër”, nis ajo prezantimin në “takimin e shpejtë”.

Ajo ka folur edhe për tatuazhet e saj. Ka njoftuar se ka 26 dhe se e preferuara e saj është në dorën e djathtë, një lule të cilën e ka bërë qe dy vjet.

Rita ka treguar se urren njerëzit kur dalin në takim dhe përdorin telefona mobil.

Në këtë “takim të shpejtë”, Rita është veshur në ngjyrë të zezë, por nga e merr inspirimin ajo?

“E kam nga prindërit e mi”, ishte përgjigja e Orës.

Në takim të parë, Rita ka treguar se do të preferonte të pinte verë. / KultPlus.com