Etiketë: artistja shqiptare Dua Lipa

Shtyhen dy koncerte nga Dua Lipa për shkak të Covid-19

Posted on by Kult Plus

Këngëtarja kosovare me famë botërore, Dua Lipa, së fundmi ka njoftur se koncertet e saj në Montreal dhe Toronto janë shtyrë për data të tjera, përcjell KultPlus.

Nëpërmjet një postimi në rrjetin social Twitter, Lipa ka njoftuar fansat e saj se dy koncertet e saj do të shtyhen për datat 25 dhe 27 korrik.

Ndërsa, biletat e blera tashmë do të vlejnë përsëri për datat e reja. E kjo shtyrje ka ardhur si pasojë e pandemisë dhe masave ndaj covid-19.

“Dashuritë e mia, më falni për çdo shqetësim, por shfaqjet e mia në Montreal dhe Toronto do të ricaktohen për në 25 dhe 27 korrik. Të gjitha biletat do të nderohen për datat e reja. Më vjen keq që duhet të presim edhe pak për të kënduar dhe kërcyer me njëri-tjetrin live, por mezi pres t’ju shoh të gjithëve!”, ka shkruar Lipa. / KultPlus.com

Dua Lipa tregon se sa kushton një takim i shkurtër me të

Posted on by Kult Plus

Gazeta britanike “The Sun” ka publikuar një shkrim ku përmenden pagesat që kërkojnë disa prej të famshmëve, për një takim apo fotografi me ta, gjatë turneve të tyre.

Këngëtarja kosovare me famë botërore, Dua Lipa, renditet si e famshmja më e shtrenjtë në këtë aspekt, sipas “The Sun”.

Madje jo vetëm foto por nëse paguani ju mund të merrni një paketë të plotë dhuratash të personalizuara. Si p.sh. në rastin e këngëtares së njohur shqiptare Dua Lipa. Për ta takuar Dua Lipën në prapaskenë kushton as më pak e as më shumë se sa 1842 paund (2200 euro).

Fansat paguajnë për një biletë të cilësuar si “festë shtëpie” para shfaqjes së mbajtur në vendin e koncertit. Paketa përfshin një mësim kërcimi nga një koreograf profesionist, akses në një skuadër të grimit dhe një fotografi me vet yllin me prejardhje shqiptare.

Ndërkohë, bileta të tilla për të takuar të famshëm të tjerë nga afër kanë këto çmime:

Justin Bieber – 900 paund(1080 euro) Arnold Schëarzenegger – 745 paund (890 euro) Alicia Keys – 628 paund (750 euro) Steps – 375 paund (450 euro) Blu – 349 paund (420 euro) Ronan Keating – 240 paund (290 euro) Gary Neville – 150 paund (180 euro) Gemma Collins – 115 paund (140 euro) Paë Patrol – 68 paund (80 euro) Ricky Hatton – 60 paund (70 euro). / KultPlus.com

Një vit nga hiti që vulosi suksesin e Dua Lipës, fansat festojnë bashkë me të (VIDEO)

Posted on by KultPlus

Dje është bëtë plot një vit nga publikimi i këngës se suksesshme të Dua Lipës që e ngriti atë në maje të top-listave botërore, duke e bërë këngëtaren më të dëgjuar në Spotify, shkruan KultPlus.

Derisa Dua po merr pjesë në festivalin Roskilde, një numër tejet i madh fansash shihen derisa vallëzojnë së bashku me të duke ndjekur ritmin e këngës “New Rules”, këngës që ka vulosur suksesin e këngëtares nga Kosova.

Anë e mbanë botës kjo këngë ka mbledhur mjaft dëgjues, duke e bërë emrin e Dua Lipës, një nga më të kërkuarit në industrinë e muzikës. Fama e këngëtares, Dua Lipa dëshmohet edhe në rrjetet sociale, ku ajo ka mbledhur rreth vetes plot 14 milionë fansa.

Dua Lipa pritet që në muajin gusht, të performoj për herë të dytë në Prishtinë, në Festivalin Sunny Hill, që do t’i dhuroi Prishtinës gjallëri me zëra të këngëtarëve të njohur ndërkombëtar e veror. /KultPlus.com

ROSKILDE ON FUCKING FIRE!! NEW RULES HAPPY FIRST BIRTHDAY YOU POWERFUL BITCH!!!!!

A post shared by DUA LIPA (@dualipa) on

‘Buzzfeed’ fton amerikanët të zgjohen e të hyjnë në botën e Dua Lipës

Posted on by KultPlus

Mediumi amerikan Buzzfeed ia ka kushtuar një tekst këngëve dhe karrierës së këngëtares shqiptare, Dua Lipa, duke u bërë thirrje amerikanëve që ta dëgjojnë më shumë e t’i japin shans yllit të muzikës.

Buzzfeed shkruan se Dua Lipa gjatë karrierës së saj ka nxjerrë në treg shumë këngë që konsiderohen hite të jashtëzakonshme, si ‘Be The One’ e ‘Blow Your Mind’. Megjithatë, sipas tyre, amerikanët nuk kanë ditur të çmojnë talentin e yllit 22 vjeç, siç ka ndodhur në Britaninë e Madhe.

“Kur ‘Be The One’ e Dua Lipës kishte dështuar në Amerikë, nuk thamë asgjë pasi e dimë që amerikanët janë të prirur të mos i çmojnë gjërat e reja që dalin në treg”, shkruan faqja amerikane.

Sipas tyre, është koha që amerikanët ‘të zgjohen nga gjumi’ e të hyjnë në botën artistike të talentit të Dua Lipës, dhe këtë mund ta bëjnë përmes këngës së saj të re, ‘New Rules’, të cilën Buzzfeed e konsideron si ‘kënga e verës’, pasi që edhe renditet në pozitën e parë si kënga më e dëgjuar në Britani. Por, kjo nuk ndodh në Amerikë, pasi atje, kjo këngë e Lipës renditet vetëm e 81-ta. / KultPlus.com
Linku: https://www.buzzfeed.com/mjs538/dua-deserves-better?utm_term=.fyoJNxkGj#.ojD50KLXB