Në Gjirokastër u zhvillua edicioni i pestë i Panairit Kombëtar të Artizanatit.
Panairi Kombëtar i Artizanatit u zhvillua në Pazarin e Vjetër dhe pati mbështetjen e Ministrisë së Ekonomisë, Kulturës e Inovacionit, QKVT dhe bashkisë Gjirokastër.
Ministri i Ekonomisë, Kulturës dhe Inovacionit, Blendi Gonxhja, tha se ky panair priti rreth 70 artizanë nga e gjithë Shqipëria, ku u promovuan zanatet e gdhendjes së drurit dhe gurit, arti i qëndistarisë, bizhuteritë artizanale e një pjesë e mirë e gatimeve tradicionale të zonës së Gjirokastrës.
Ky ishte një aktivitet ku u ndërthur folklori dhe artizanati, prej gurrës së traditës sonë më të mirë popullore.
Panairi u shoqërua me muzikë folklorike nga grupi i Libohovës dhe orkestrina me violinistin Xhorxh Gramozi, të cilët shtuan akoma më shumë gjallërinë në këtë festë.
Panairi u organizua nga Qendra Kulturore e Veprimtarive Tradicionale dhe TID Gjirokastër./atsh/ KultPlus.com
![](https://www.kultplus.com/wp-content/uploads/2024/07/451139010_1004057748386436_2759077724207357970_n-525x420-1.jpg)
![](https://www.kultplus.com/wp-content/uploads/2024/07/451231602_1004022471723297_6552280298264384655_n-525x420-1.jpg)
![](https://www.kultplus.com/wp-content/uploads/2024/07/451477085_1004022908389920_7572738761432851612_n-632x420-1.jpg)
![](https://www.kultplus.com/wp-content/uploads/2024/07/451549523_1004022981723246_7319580605020588343_n-632x420-1.jpg)
![](https://www.kultplus.com/wp-content/uploads/2024/07/451561012_1004022611723283_8724676949707273830_n-525x420-1.jpg)
![](https://www.kultplus.com/wp-content/uploads/2024/07/451011319_1004022871723257_87323393465745769_n-632x420-1.jpg)
![](https://www.kultplus.com/wp-content/uploads/2024/07/451338017_1004057791719765_8651388991149241092_n-1.jpg)