Etiketë: Autostrada Biennale Hangar

Të shtunën u hap ekspozita “Tregimi i Autostrada Hangar”

Posted on by Kult Plus

Të shtunën u hap ekspozita “Tregimi i Autostrada Hangar”, qëllimi i së cilës ishte që të ndahet me publikun, historia e rrugëtimit drejt krijimit të institucionit të artit bashkëkohor “Autostrada Hangar”.

Në hapjen solemne morrën pjesë me fjalimet e tyre: bashkëthemeluesja e Autostrada Biennale, Vatra Abrashi, ministri i Kulturës Çeku, kryetari i Prizrenit Totaj, përfaqësusja nga GIZ, Qerimi dhe shumë mysafirë, miq, partner dhe mbështetës të Autostrada Biennale.

Mbrëmja vazhdoi me performancën muzikore nga Jazz Trio franceze “Contraccordiano”, shoqëruar nga vokalisti Claude Vadas e cila u mbështetet nga Ambasada Franceze në Prishtinë. Nata u përmbyll me performancë muzikore të mrekullueshme nga DJ Adrian.

Duke e parë që ka interes shumë të madhë të audiencave lokale dhe ndërkombëtare për tu njoftuar me procesin e krijimit të hapësirës dhe programeve, Autostrada Biennale e ka parë si shumë të nevojshme organizimin e kësaj ekspozite e cila do të jetë e hapur për publiku çdo ditë nga dita e hënë deri të shtunën prej orës 10:00 deri në 17:00 në Autostrada Hangar (Parku i Inovacionit dhe Trajnimeve në Prizren). / KultPlus.com

Autostrada Biennale prezantohet në konferencën ndërkombëtare të artit bashkëkohor në Sardinia të Italisë

Posted on by Kult Plus

Autostrada Biennale prezantohet në konferencën ndërkombëtare të artit bashkëkohor “Cosa non fare, la febbre dell’arte!” në Sardinia të Italisë, përcjell KultPlus.

Autosrada Biennale u prezantua nga dy prej bashkëthemeluesve: Vatra Abrashi dhe Leutrim Fishekqiu, së bashku me prezencën e ambasadores së Republikës së Kosovës në Itali, Lendita Haxhitasim, kryetarit të Komunës së San Vero Milis, (Sardinia), Luigi Tedeschi, kritikut të artit dhe anëtarit të bordit këshillues të Autostradës Biennale, Yehuda Emmanuel Safran dhe artistit dhe anëtarit të bordit këshillues të Autosradës Biennale, Sislej Xhafa.

Me ftesë të kryetarit të komunës së San Vero Milis, Luigi Tedeschi dhe drejtorit artistik të konferencës Sislej Xhafa, ekipi i Autostrada Biennale ka prezantuar “Autostrada Hangar” si institucion unik dhe kreativ i artit bashkëkohor dhe edukimit në Kosovë, gjatë diskutimit në sesionin e titulluar “Kur shkretëtira bëhet qendër”.

Përgjatë tre ditëve të konferencës ku morrën pjesë profesionistë nga fushat e ndryshme, pati shumë diskutime të frytshme bazuar në tre temat kryeseore: “Unwanted grace”, “When desert becomes center”, “Creativity in daily resistance” që ndërlidhen me artin, arkitekturën, rezistencën, mjedisin dhe krijimtarinë në të gjitha fushat. / KultPlus.com

‘Autostrada Biennale Hangar’ prezanton dokumentarin e parë të programit të edukimit (VIDEO)

Posted on by Kult Plus

Autostrada Biennale si institucioni i vetëm i artit bashkëkohor në Prizren funksionon me dy shpejtësi, njëra është ekspozita fizike që ndodh çdo dy vite në hapësira publike, e tjetra është hapësira e re për Edukim, Prodhim dhe Ekspozitë tek ish-baza ushtarake, tani ITP (Parku i Inovacionit dhe Trajnimit) në Prizren.

Autostrada Biennale Hangar, me sipërfaqe rreth 550 m2, është krijuar për të plotësuar nevojën urgjente për edukim joformal duke zhvilluar programe për krijim të shkathtësive, me qëllim për t’i fuqizuar të rinjtë e Kosovës.

Përmes një procesi të edukimit, trajnimit dhe prodhimit të hapur drejt ekspozimit, qëllimi ynë është të zhvillojmë modele të reja të prodhimit kulturor, që do të inkurajojnë brezin e ri të bëhet pjesë e procesit të krijimit dhe instalimit të veprave artistike, si dhe të të menduarit kritik përmes artit.

Në fazën e parë të programit të edukimit pjesemarës ishin 60 të rinjë entuziastë dhe kureshtar nga të cilët mbi 90% gra nga vendet e ndryshme të Kosovës.

Përmes angazhimit të ekspertëve nga fushat e ndryshme, janë mbajtur punëtori të vazhdueshme për krijimin e shkathtësive në: formësim, dizajnim dhe prodhim të drurit, metalit dhe tekstilit; komunikim dhe multimedia; punëtori për robotikë, kodim dhe elektronikë; dhe punëtori për 3D modelim dhe 3D printim.

Gjatë punëtorive të rinjtë kanë pasur mundësi të shkathtësohen dhe të fitojnë përvojë në profesionet e së ardhmes që ndërlidhen me artin, teknologjinë dhe inovacionin.

Krijimi i këtij programi të edukimit dhe kësaj hapësire me të gjitha pajisjet e nevojshme, ka mundësuar prodhimin e veprave të artit në edicionin e tretë të Autostrada Biennale, ku një pjesë e madhe e këtyre veprave janë bashkëkrijuar me artistët, kuratorët, ekipin e biennales, të rinjtë dhe komunitetin e gjërë.

Ky projekt është mbështetur nga Ambasada Amerikane në Prishtinë dhe bashkë financuar nga Komuna e Prizrenit, Projekti për Ndërtimin e Besimit (financuar nga UNMIK), Gjirafa50 dhe Kreativ Qeramika. / KultPlus.com

https://www.facebook.com/media/set/?vanity=autostradabiennale&set=a.3934769149963804