Etiketë: balena

Lundronte e pajisur me një kamerë, gjendet e ngordhur në Norvegji ‘balena spiune’ ruse

Posted on by Kult Plus

Një “balenë spiune” nga Rusia është gjetur e vdekur në brigjet norvegjeze.

Trupi i saj, me nofkën Hvaldimir, u gjet në qytetin jugperëndimor të Risavikës dhe u dërgua në portin më të afërt për ekzaminim.

Balena u pa për herë të parë në ujërat norvegjeze pesë vjet më parë me një kamerë GoPro të bashkangjitur në një parzmore që shkruante “Pajisjet e Shën Petersburgut”.

Kjo ndezi thashethemet se gjitari mund të jetë një balenë spiune, diçka që ekspertët thonë se ka ndodhur në të kaluarën. Moska nuk iu përgjigj kurrë akuzave.

Trupi i pajetë i Hvaldimir u zbulua në fundjavë nga Marine Mind, një organizatë që ka ndjekur lëvizjet e tij prej vitesh.

Themeluesi i Marine Mind, Sebastian Strand i tha agjencisë së lajmeve AFP se shkaku i vdekjes ishte i panjohur dhe se trupi i balenës nuk kishte lëndime të dukshme.

Pikaset në brigjet e Suedisë balena e dyshuar spiune ruse

Posted on by Kult Plus

Një ish-balenë spiune e dyshuar ruse, është parë në brigjet e Suedisë, thotë një organizatë e dedikuar për të gjurmuar balenën belua, raporton BBC, transmeton Klan Kosova.

E quajtur nga vendasit si Hvaldimir, balena u pa për herë të parë në brigjet e Norvegjisë në vitin 2019 e veshur me parzmore ruse.

Pasi ka kaluar vite duke udhëtuar ngadalë drejt jugut nga veriu i largët i Norvegjisë, balena ka përshpejtuar lëvizjet e saj jashtë ujërave norvegjeze muajt e fundit.

OneWhale tha se arsyeja e nxitimit së saj të papritur ishte e paqartë.

Balena e zbutur beluga iu afrua për herë të parë varkave norvegjeze pranë ishullit Ingoya katër vjet më parë. Ishulli është 415 kilometra nga Murmansk, ku është vendosur Flota Veriore e Rusisë.

Ajo u zbulua i veshur me një parzmore të pajisur me një kamerë GoPro dhe kapëse që mbanin mbishkrimin “Pajisjet e Shën Petersburgut”./KultPlus.com

Balena me të voglin e saj i mahnisin surfistët

Posted on by Kult Plus

Një balenë e vogël e përcjellë me kujdes nga nëna e saj, iu afrua me metra afër disa surfistëve dhe notuesve në një plazh në veri të qytetit Sydney të Australisë të dielën pasdite.

Është gjë e pazakontë që të shihet një këlysh balene në këtë muaj në Sidney. Zakonisht balenat e Australisë migrojnë drejtë veriut nga Antarktiku, përgjatë brigjeve të ujërave tropik në veri të Queensland nga muaji prill deri në korrik, shkruan The Guardian.

Balenat lindin në ujëra më të ngrohta dhe shpesh nënat dhe këlyshët shihen duke shkuar për në jug gjatë pjesës së dytë të pranverës australiane, transmeton KOHA.

Një surfues tha se kurrë nuk kishte parë një balenë, e posaçërisht jo një këlysh, që të vijen aq afër bregdetit.

“Së pari u afrua e vogla, e pastaj nëna erdh së shpejti kur pa se njerëzit ishin afër”, tha ai.

“Shpesh shohim balena shumë më larg, por këtë herë na erdhi mu aty ku po notonim dhe surfonim”, shtoi ai.

Fotografitë tregojnë surferët larg vetëm rreth 10 metra nga nëna balenë dhe këlyshi. /KultPlus.com