Etiketë: balenat

Balenat balerina, art në fund të oqeanit (FOTO)

Posted on by Kult Plus

Fotografi të mrekullueshme tregojnë “vallëzimin” e balenave gjigante blu, sikur të ishin balerina të vërteta.

Fotot janë realizuar në oqeanin Paqësor, pranë brigjeve të ishullit Tonga, nga fotografi australian David Edgar, transmeton KultPlus.

I dhënë pas zhytjeve në thellësi, Edgar iu afrua pa u trembur grupit të balenave dhe përjetësoi lëvizjet e tyre.

Fotografitë mahnitëse janë realizuar në vitin 2019, por janë publikuar për herë të parë tani, duke u vlerësuar gjerësisht në rrjetet sociale. / KultPlus.com

Thirrja e 350 shkencëtarëve: T’i shpëtojmë balenat nga zhdukja

Posted on by Kult Plus

350 shkencëtarë nga mbarë bota janë bërë bashkë me një thirrje të vetme, për t’i shpëtuar balenat.

Shkencëtarë nga më shumë se 40 vende të botës bëjnë thirrje të shpëtohen edhe kafshë tjera që janë në rrezik të zhduken.

“Nëse nuk veprojmë tani, brezat e ardhshëm s’do të arrijnë t’i shohin këto krijesa”, thuhet në thirrjen e tyre ku flitet për balenat, delfinët, derrat e ujit e kafshë të tjera.

Sipas këtyre shkencëtarëve, mungesa e tyre po vërehet dukshëm prandaj kjo shkakton rrezik që ato të zhduken, raporton La Repubblica, transmeton KultPlus.

Shkencëtari nga Universiteti Bristol në Mbretërinë e Bashkuar, Mark Simmonds, tha se ky është një momentum që duhet shfrytëzuar për t’u bërë thirrje njerëzve se balenat janë me të vërtetë në rrezik të zhduken përgjithmonë, prandaj, ato duhet shpëtuar. / KultPlus.com