Në fillim të këtij muaji, Balenciaga hoqi fushatën e saj reklamuese të festave, pas kritikave të mëdha që mori për shfaqjen e fëmijëve që mbanin çanta në formë arushi prej pelushi (me detaje të ngjashme të S&M, sadizëm dhe mazokizëm që lidhen me praktikën e dhunës gjatë seksit).
Reagimi ndaj imazheve ka qenë i shpejtë, me hashtag #cancelBalenciaga që u bë trend në Twitter dhe TikTok dhe shumë që akuzojnë markën dhe drejtoreshën e saj krijuese, Demna.
Në një deklaratë të postuar në Instagram Stories, Balenciaga kërkoi falje për reklamat që shfaqnin fëmijë të vegjël që mbanin çantat, të cilat shumë i quajtën “të neveritshme” dhe që “seksualizojnë fëmijët”, duke thënë: “Ne sinqerisht kërkojmë falje për çdo ofendim që mund të ketë shkaktuar fushata. Çantat tona nuk duhet të ishin paraqitur me fëmijë në këtë fushatë. Ne e kemi hequr menjëherë fushatën nga të gjitha platformat.”
Dy orë më vonë, Balenciaga kërkoi sërish falje, pasi u vu në dukje se në një tavolinë ishin shfaqur dokumente gjyqësore në lidhje me një rast të diskutueshëm të lidhur me pornografinë e fëmijëve.
“Ne kërkojmë ndjesë për shfaqjen e dokumenteve shqetësuese në fushatën tonë. Ne e marrim këtë çështje shumë seriozisht dhe po marrim masa ligjore kundër palëve përgjegjëse për krijimin e setit dhe përfshirjen e artikujve të pamiratuar për setin fotografik të fushatës Pranverë 2023.” Shumë njerëz e konsideruan qasjen e Balenciaga-s ndaj marketingut si “të neveritshme”. / KultPlus.com
