Etiketë: Balerini

Baleti Kombëtar i Kosovës do të promovojë monografi për balerinin Ahmet Brahimaj

Posted on by Kult Plus

Baleti Kombëtar i Kosovës, do të promovojë këto ditë monografinë për balerinin dhe ish-Drejtorin e Baletit Kombëtar të Kosovës, Ahmet Brahimaj, përcjell KultPlus.

“Fisniku i baletit” është monografia e cila është përgatitur me shumë përkushtim që të sjell para publikut gjithë rrugëtimin e Brahimajt i cili më datë 7 maj të vitit 2020, në moshën 66 vjeçare u largua nga jeta dhe me këtë rast u konsiderua që Kosova humbi “babain e baletit”.

Promovimi i monografisë bëhet më datë 8 Maj, në ora 20:00, në Bibliotekën Kombëtare të Kosovës. / KultPlus.com

Vdes balerini Gani Shala

Posted on by Kult Plus

Ka ndërruar jetë balerini Gani Shala.

Shala ishte pjesë e Ansamblit të Trupës së Baletit Kombëtar të Kosovës. Ai i takon gjeneratës së parë të balerinëve kosovarë të cilët i vunë themelet e baletit në Kosovë.

Gani Shala ka lindur në Loxhë të Pejës më 1950. U shkollua në vendlindje dhe në Shkollën e Baletit në Shkup. I takon gjeneratës së parë të balerinëve me të cilët edhe është formuar Trupa e atëhershme e Baletit të Kosovës, më 1972.

Lajmi u bë i ditur në faqen zyrtare të Baletit Kombëtat të Kosovës, ku njëherit shprehën edhe ngushëllimë për familjarët, miqtë dhe bashkëpunëtorët e të ndjerit. / KultPlus.com

Balerini Kadiu apel qytetarëve shqiptarë kundër përhapjes së koronavirusit

Posted on by Kult Plus

Balerini i famshëm shqiptar, Kledi Kadiu, i cili punon dhe jeton në Itali i është bashkuar fushatës sensibilizuese kundër përhapjes së koronavirusit.

Ministria e Shtetit për Diasporën ka shpërndarë videon e ndërgjegjësimit nga balerini i mirënjohur shqiptar Kledi Kadiu për bashkëkombasit e tij në Shqipëri.

Kadiu është shprehur se “gjithçka do të shkoj mirë edhe në Shqipëri”.

“Unë rri në shtëpi. Rigorozitet dhe optimizëm si në Itali dhe në Shqipëri”, thekson Kadiu.

“Vetëm kështu do ta mundim, të gjithë bashkë”, shprehet balerini shqiptar.

“Atdhetarë këtej dhe andej Adriatikut, për shkak të përhapjes së koronavirusit po përjetojmë çaste të vështira, të papara në kohë paqeje. Gjithkush prej nesh duhet të bëjë atë që na kërkohet. Duke ndryshuar pak stilin e jetës. Unë rri në shtëpi. Ju ftoj ta bëni dhe ju duke ruajtur veten dhe të dashurit tonë që nga kjo situatë të dalim sa më shpejtë. Ju përshëndes nga Italia Kledi”, thotë balerini i famshëm, Kledi Kadiu. /KultPlus.com