Etiketë: band

Sonte në “Rockuzine” grupi “Këpurdhat” nga Tetova

Posted on by KultPlus

Grupi “Këpurdhat” nga Tetova do të bëjnë sonte promovimin e albumit të tyre më të ri, shkruan KultPlus.

“Rockuzine” është vendi i zgjedhur i grupit “Këpurdhat,” të cilët do ta bëjmë promovimin e albumit të dytë të titulluar “n’trip”.

“Këpurdhat” është formuar në Tetovë në vitin 2013 dhe deri më tani përveç dy albumeve ,kanë fituar edhe dy çmime të veçuara ndërkombëtare si bandi indie/rock më i mirë.

“Këpurdhat” kanë qenë pjesë e shumë festivaleve në rajon, duke përfshirë edhe
EXIT Festival, Pivolend, Beer&Wine, Anibar, Green Fest etj.

“Rockuzine”, në Prishtinë ka njoftuar për KultPlus, se “Këpurdhat”, është bendi i radhës, pas “Urband band” që do të perfomojë para audiencës së këtij restauranti. Performanca e tyre fillon nga ora 21:00. / KultPlus.com

Rock grupi “Gillespie” promovojnë albumin e ri

Posted on by KultPlus

Albumi i tretë me radhë i cili do të përmbajë tetë këngë të reja, e rikthen në skenën muzikore grupin vendas “Gillespie”, me një koncert.

“Diku dikur” është titulli i albumit të cilin anëtarët e këtij grupi do ta promovojnë përmes këtij koncerti, i cili do të mbahet në lagjen “Ulpiana” të Prishtinës.

Për realizimin e albumit “Diku..dikur” që e kthen këtë grup pas një kohe të gjatë në skenën muzikore, grupi ka bashkëpunuar me një varg artistësh të zhanrit rok-alternativ.

“Të dashtun. Jemi afër publikimit të albumit tonë më të fundit. Më 16 shtator, kemi me performu në beton – inspirimin tonë më të madh, edhe afër komunitetit. Po ju ftojmë krejtve me na u bashku në nji performancë të gjallë, në Fushën e Basketit, Rr. Anton Pashku në lagjën Ulpiana, ku kemi me i performu kangt e albumit të ri, por edhe të dy albumeve të kalume. Menxi po presim me ju kthy performancave, e edhe me ju pa krejt juve që keni qenë edhe jeni afër skenës tonë të vogël alternative në kryeqytet:, kanë shkruar anëtarët e grupit në event.

Albumi është incizuar në Studio C. Muzika, aranzhmani dhe tekstet janë të gjitha prodhim i Gillespie deri sa producent në album është Dritero Nikqii. Masterimi i albumit është bërë prej Michael Haves.

Koncerti i promovimit të albumit të grupit “Gillespie”, fillon nga ora 19:00, në fushën e basketbollit të lagjes Ulpiana në Prishtinë. / KultPlus.com