Etiketë: banka

Banka Botërore mbështet turizmin e Shqipërisë me 80 milionë dollarë

Posted on by Kult Plus

80 milionë dollarë është  shuma që do të financojë Banka Botërore në Shqipëri për të mbështetur sektorin e turizmit. Marrëveshja e financimit të projektit “Mjedis i pastër dhe i qëndrueshëm për Detin Blu” është nënshkruar nga ministri i Financave Ervin Mete dhe zv.presidentja e Bankës Botërore Antonella Basani.

Në fokus  të këtij investimi do të jetë mbrojtja e mjedisit dhe reduktimi i ndotjes në mjedisin ujor detra e lumenj në zonën jug perëndimore, në funksion të zhvillimit të qëndrueshëm të turizmit. Një pjesë e rëndësishme e fondit do të përdoret për  mbrojtjen e lumit Vjosa nga ndotja.

Pjesa e dytë e projektit synon uljen e ndotjes në  Lumin Vjosa, kjo edhe në kuadër të mbështetjes dhe mbrojtjes së mëtejshme të tij, pas akordimit të statusit “Park Kombëtar”, si lumi i fundit i egër në Europë. Projekti do të synojë zgjerimin e infrastrukturës së pastrimit, përmirësimin e mëtejshëm të saj, si edhe parandalimin e ndotjes.

Projekti është i ndarë në tre komponentë,  dhe në tërësi ka të bëjë me promovimin e një qasjeje për mbrojtjen e mjedisit dhe burimeve ujore ndërsa zbatimi  parashikohet të zgjasë deri në mars të vitit 2029./abcnews.al/KultPlus.com

Mësimdhënësit po refuzojnë të vaksinohen, deri tash s’janë vaksinuar as gjysma e tyre

Posted on by Kult Plus

Vetëm 7 mijë e 200 mësimdhënës janë vaksinuar deri më tani, derisa numri i përgjithshëm i personelit arsimor në nivel vendi është 24 mijë e 370.

Numri i vogël i mësimdhënësve të imunizuar po vlerësohet si brengosës dhe rrezik për vijimin normal të vitit të ri shkollor. Derisa nga Ministria e Arsimit, Shkencës, Teknologjisë dhe Inovacionit thonë se nuk ka ligj që e bënë vaksinimin të detyruar, nga Sindikata e Bashkuar e Arsimit, Shkencës dhe Kulturës deklarojnë se nuk do të kundërshtojnë nëse bëhen obligative vaksinimi i mësimdhënësve.

Në një përgjigje me shkrim nga Ministria e Shëndetësisë, është bërë e ditur se deri më tani në Kosovë janë vaksinuar rreth 7 mijë e 200 mësimdhënës.

“Bazuar në të dhënat e deritanishme, në Kosovë janë vaksinuar kundër COVID-19 rreth 7200 mësimdhënës të niveleve të ndryshme”, thuhet në përgjigjen e MSH-së.

Numri i vogël i personelit arsimor të vaksinuar po shihet si shqetësues edhe për Sindikatën e Bashkuar të Arsimit, Shkencës dhe Kulturës. Ymer Ymeri, përfaqësues nga kjo sindikatë thotë për KosovaPress se nuk ka asnjë arsye që mësimdhënësit të refuzojnë vaksinimin.

Ai potencon se mos vaksinimi i mësimdhënësve mund të ndikojë që viti i ri shkollor të rrezikojë të nisë me prezencë fizike në objektet shkollore.

“Edhe për neve si SBASHK është brengosëse ky numër i vogël i vaksinimit të punëtorëve arsimorë, për shkak se siç e dimë është krijuar mundësia që të gjithë të vaksinohen dhe mos vaksinimi i punëtorëve arsimorë mund të shkaktojë mos fillimin e procesit mësimor në shkolla. Prandaj ju bëjmë apel edhe një herë mësimdhënësve, të gjithë punëtorëve arsimorë, në veçanti mësimdhënësve, të vaksinohen për shkak se ka kohë që të merret edhe doza e parë edhe doza e dytë para se të fillojë viti shkollor”, thotë Ymeri. /gazetaexpress/ KultPlus.com

Hakmarrja e ëmbël ndaj bankës që ia refuzoi kreditin: 18 vjet më vonë, ai blen tërë objektin e saj

Posted on by Kult Plus

Adam Deering, 39-vjeç, nga Wrmston të Greater Manchester, ka kryer një hakmarrje të ëmbël ndaj një banke në këtë qytet, pasi 18 vjet më parë, pikërisht kjo bankë ia refuzoi kredinë. Deering bleu tërë objektin e tyre në “shenjë hakmarrjeje”.

Arsyeja pse i është refuzuar kredia në vitin 2002 prej 10 mijë funtesh, ishte se Adam ishte shumë i ri. Atëherë ai punonte në katin përdhesë të një zyre të vogël, kurse në vitin 2014 krijoi kompaninë e vet të cilën e shiti për pesë milionë funte. E më vonë duke qenë i pasur arriti t’i hakmerret edhe bankës që e refuzoi.

“Si 21 vjeçar hoqa dorë nga puna si shitës sepse e dija se mund të fillojë një biznes të suksesshëm, por nuk kisha para – kështu mendova të kërkoj para hua. Ua prezantova planin e punës dhe u kërkuar 10 mijë funte, por menaxherja as që e konsideroi diçka serioze edhe pse kisha investuar shumë në këtë plan. Kur më tha se jam i ri dhe papërvojë dhe se nuk dëshiron të rrezikojë, mbeta shumë i pikëlluar. Pasi që nuk kisha para, katër muaj i kalova duke punuar në dysheme pasi nuk kisha as karrige. Ka pasur shumë momente kur mendoja se ky është fundi, por për asnjë moment nuk kam pranuar të dorëzohem”, shprehet Adam Deering.

Adam Deering si adoleshent ishte problematik. Ai kur ishte 14-vjeçar ishte përjashtuar nga shkolla për vandalizëm dhe shkatërrim të veturave.

Adam po ashtu ishte anëtar i forcave mbretërore ajrore, por edhe nga ky profesion hoqi dorë sepse konsumonte shumë alkool, kështu u rikthye në Urmston ku vazhdimisht ndërronte punët apo shkarkohej. /Express/ KultPlus.com