Seriali me temë kafshësh i Banksyt duket se ka marrë fund, me artistin e rrugës që shfaqte foto të veprës së tij të artit në faqen personale të internetit.

Nga e hëna e 5 gushtit, artisti, identiteti i të cilit nuk dihet, por spekulohet gjerësisht, filloi të ngarkonte në Instagramin e tij foto të veprave artistike që përshkruanin lloje të ndryshme kafshësh.

E para ishte e një dhie dhe një kamere CCTV e drejtuar drejt saj, e cila ndodhej në një ndërtesë pranë urës ”Kew”, në Londrën jugperëndimore.

Kjo u pasua nga dy silueta elefantësh me trungjet e tyre të shtrira drejt njëri-tjetrit të vendosura në një pronë pranë Chelsea.

Të nesërmen ai vazhdoi me tre majmunë që dukeshin sikur po lëkunden në një urë në lindje të Londrës.

Të enjten, më 8 gusht, pjesa e katërt e koleksionit të Banksy, një ujk ulëritës në një pjatë satelitore të vendosur në një çati në Peckham, u hoq më pak se një orë pasi artisti i rrugës e zbuloi atë në internet.

Një dëshmitar i heqjes së tij tha se ishte marrë nga tre burra dhe tha se ishte një “turp i madh”.

Pas kësaj Banksy zbuloi një vepër arti të pelikanëve në ”Bonners Fish Bar” në Walthamstow, e cila u vlerësua nga deputetja lokale e laburistëve, Stella Creasy.

Koleksioni vazhdoi më 10 gusht me një siluetë të një maceje të shtrirë në një grumbullim reklamash.

Pjesa më vonë u çmontua nga tre burra të cilët thanë se ishin “të punësuar” nga një “kompani kontraktuese” për të hequr tabelat për arsye sigurie.

Një ditë më pas Banksy konfirmoi se një vepër arti me peshq që notonin në një vendroje policie të qytetit të Londrës ishte e tij.

Të hënën, më 12 gusht, u zbulua një vepër e një rinoceronti mbi një ”Nissan Micra”.

Vepra e artit u shkatërrua më vonë dhe një video e siguruar nga BBC News tregon një burrë duke ecur drejt veprës së artit dhe duke e spërkatur atë.

Vepra artistike më e fundit e Banksy, e zbuluar të martën, ndodhet në një grilë në hyrje të kopshtit zoologjik të Londrës dhe tregon një gorillë./KultPlus.con

Artisti britanik i rrugës, Banksy, ka konfirmuar për The Art Newspaper se ka krijuar shtatë murale në vende të ndryshme në Ukrainë, përfshirë kryeqytetin Kiev, periferinë e Irpinit dhe qytetin Borodjanka, që njëherësh janë ndër vendet më të goditura nga bombardimet ruse.

Artisti ka hyrë në Ukrainë mes luftës së vazhdueshme të Rusisë atje.

Banksy ka publikuar në llogarinë e tij në Instagram një prej muraleve të tij me mbishkrimin “Borodyanka, Ukraine”.

Murali, që tregon një burrë duke larë shpinën në një vaskë, është në katin përdhes të asaj që ka mbetur nga një bllok ndërtesash banimi, të goditur nga sulmet ruse në mars, në Horenka – pjesa veriperëndimore e Kievit.

Teksa po shkojnë kah një dimër i ftohtë, banorët thonë se e vlerësojnë një banjë të ngrohtë në një mural të pikturuar nga artisti i grafiteve, Banksy.

“Për mua do të thotë t’i lash të gjitha papastërtitë. Fëlliqësia e Federatës Ruse…”, tha Tetiana Reznychenko, 43 vjeçe, për Reuters ndërsa bora binte rreth saj.

“Dhe ky vizatim më bën të ndihem sikur jam pastruar nga papastërtitë që na kanë rënë”.

Reznychenko tha se i kishte dhënë ekipit të Banksyt një filxhan kafe në banesën e saj, pasi ishte ftohtë kur artisti erdhi për të pikturuar muralin. Tetiana Reznychenko ka një stufë në banesë, por nuk ka rrymë, ngrohje apo ujë të rrjedhshëm./ KultPlus.com

Një “thesar” i veprave të artistit Bansky do të shfaqen për herë të parë në publik.

Punimet, të cilat përfshijnë kartolina ditëlindjesh u krijuan nga artisti për të dashurën e tij të atëhershme midis vitit 1994-1998.

Ish e dashura e artistit që kërkoi të mbetej anonim, i ofroi veprat për ekspozitën “Arti i Bansky-t”.

Ekspozita e cila do të hapet në Salford’s MediaCityUK do të bashkojë afër 145 vepra të artistit, duke përfshirë “Girl with Balloon 2002”, “Flower Thrower 2003”, “Rude Copper 2002”.

Organizatorët i cilësuan si një thesar kartolinat e shkruara me dorë të artistit, të cilat tani do të jenë të hapura për publikun në Salford.

Ekspozita hapet nga 21 tetor 2022 deri më 8 janar 2023./ KultPlus.com

Një vepër e artistit britanik të artit të rrrugës Banksy, që vë në qendër të vëmendjes punonjësit e shëndetësisë, u shit në ankand me një çmim rekord prej gati 20 milionë eurosh, që do t’i dhurohen shërbimit shëndetësor britanik (NHS), i testuar rëndë nga pandemia e koronavirusit të ri.

Fillimisht, e vlerësuar në mes të 2,5 dhe 3,5 milionë stërlina, kjo vepër bardhezi me titull “Game Changer”, u shit më në fund në shtëpinë e ankandeve “Christie’s” më shumë se katër herë më shtrenjtë, për 16,75 milionë stërlina (19,45 milionë euro).

Kjo vlerë e tejkalon me shumë rekordin e mëparshëm të Banksy-t, i mbajtur nga “Parlamenti i Majmunëve”, që u shit në vitin 2019, gjatë një periudhe debati të nxehtë për Brexit-in, për 9,9 milionë stërlina (11,5 milionë euro).

E shitur në ditën kur BM përkujton përvjetorin e bllokimit të saj të parë (nga tre deri më sot), “Game Changer” paraqet një djalë të vogël, i cili, pasi hedh lodrat Batman dhe Superman në plehra, luan me një kukull infermiere të veshur me maskë dhe pelerinë.

Banksy e dhuroi fillimisht këtë punë në spitalin Southampton, në maj të vitit 2020, gjatë valës së parë të pandemisë COVID-19.

Një riprodhim i saj do të vendoset së shpejti atje./atsh/ KultPlus.com

HypeBeast) – Vepra artistike e titulluar “Morons”, një vepër që satirizon shitjen rekord të veprës “Sunflowers” të vitit 1987 realizuar nga Van Gogh dhe në të është e shkruar: “Unë nuk mund të besoj se ju ‘moronët’ në të vërtetë e keni blerë këtë ndyrësirë”, është vlerësuar fillimisht me 95 mijë dollarë dhe ishte blerë nga Galeria Taglialatella e New Yorkut, por kjo vlerë tani është rritur.

Para se ta digjnin veprën artistike, tifozët e kripto valutës e digjitalizuan veprën duke përdorur teknologjinë e bllokimit në “SuperFarm” dhe duke e ruajtur atë në formën e saj digjitale.

“Ne kemi zgjedhur në mënyrë specifike një vepër të Banksyit pasi që ai më parë ka copëtuar një nga veprat e tij artistike në një ankand”, ka thënë njëri nga anëtarët.

“Ne e shohim këtë djegie të veprës si një shprehje të vetë artit. Ne jemi duke gjeneruar një formë të re të veprave artistike përmes krijimit unike të kësaj ‘NFT-je’, që është një përfaqësim i drejtpërdrejtë i fizikes”.

“Morons NDT” do të dalë në ankand në “OpenSea” dhe të gjitha të ardhurat do të shkojnë për bamirësi. / KultPlus.com

Një vepër arti që përmban shenjat dalluese të artistit Banksy është shfaqur në anë të Reading Prison gjatë natës.

Fotoja tregon një të burgosur, ndoshta i ngjan të burgosurit të famshëm Oscar Wilde, duke ikur në një litar të bërë nga çarçafë të lidhur me një makinë shkrimi.

Aktivistët kanë luftuar për të parë ish-burgun të kthyer në një qendër arti në vend që të shitet për strehim.

“Artisti gueril” nuk e ka pohuar se është autori, por një ekspert tha se “duket se ishte një Banksy i ri”.

Burgu strehoi në Oscar Ëilde midis 1895 dhe 1897 dhe u përjetësua nga poema e tij Ballad of Reading Gaol gjatë qëndrimit të tij, e cila reflektonte në brutalitetin e sistemit penal Victorian.

Oscar Wilde u dënua pasi u zbulua lidhja e tij romantike me Lord Alfred Douglas./ KultPlus.com

Banksy ka dhuruar një seri pikturash në një ankand të radhës bamirësie që do të mbledhë para për një spital në Betlehem, Palestinë.

Piktura trepjesëshe, e titulluar “Mediterranean sea view 2017”, vlerësohet se do të shitet midis 800,000 deri 1.2 milion funte, raporton “DazedDigital”, transmeton KultPlus.

E punuar në vitin 2017, vepra me pamje nga deti Mesdhe 2017 paraqet jelekët dhe gomat e shpëtimit në një peizazh të stilit të shekullit XIX duke krijuar skena të errëta, ironike që komentojnë krizën e refugjatëve.

Vepra e artit u krijua fillimisht për hotelin “Walled Off” të Banksyt në Bregun Perëndimor – i njohur si hoteli me “pamjen më të keqe në botë” – ku ka qenë e shfaqur për tri vitet e fundit, së bashku me disa prej veprave të tjera artistike politike të Banksyt, të shoqëruara me muzikën e “Massive Attack”.

Të gjitha të ardhurat nga pikturat e vajit, kur të dalin në ankand në “Sotheby’s” më 28 korrik, do të shkojnë drejt ndërtimit të një njësie të re, një ndërtese të re dhe për blerjen e pajisjeve për rehabilitimin e fëmijëve për BASR (Bethlehem Arab Society for Rehabilitation).

Në muajt e fundit, Banksy ka dhuruar gjithashtu një pikturë në një spital në Southampton, duke i bërë homazhe personelit mjekësor në mes pandemisë me koronavirusin. / KultPlus.com

Artisti i njohur i grafiteve, Banksy, në veprën e tij të fundit ka trajtuar temën e koronavirusit.

Ai është parë të ketë bërë grafitë në metronë e Londrës me mesazhe rreth përdorimit të maskës në këtë kohë pandemie, transmeton KOHA.

Artisti enigmatik ka postuar një video në llogarinë e tij në Instagram ku shihet duke pikturuar “minjtë e tij të famshëm” duke teshtitë me tërë fuqinë brenda trenit.

Në llogarinë e tij në Instagram ai ka shkruar, “If you don’t mask you don’t get (Nëse nuk maskoheni nuk e kuptoni)”.

Ai gjithashtu e bën të qartë se beson se secili që nuk bart maskë po rrezikon të shpërndajë koronavirusin, në një video të shkurtë që përfundon me mesazhin, “I get locked down – but I get up again (mbyllem – por ngitem sërish)”. /KultPlus.com

Pas trazirave të fundit në SHBA, Banksy është shfaqur me një mural të ri.

“Njerëzit me ngjyrë po dështojnë”, ka shkruar artisti i njohur anonim, duke aluduar tek vrasja e afro-amerikanit George Floyd.

Banksy ka shfaqur mbështetjen e tij kundër vrasjeve raciste në SHBA, me thirrjen “Jetët e zezakëve vlejnë”.

Murali shfaq skenën e një vigjilje, ku një qiri djeg flamurin amerikan.

Më pas, artisti që mbetet gjithnjë anonim, ka publikuar muralin e realizuar edhe në rrjetin social Instagram, duke shkruar; “Fillimisht mendova që duhet ta mbyll gojën dhe t’ia lë zezakëve të merren me këtë çështje. Por pse ta bëjë këtë? Nuk është problemi i tyre, është problemi im”.

Më pas, duke kritikuar “sistemin e të bardhëve”, ai ka thënë se “ky është një problem i të bardhëve,dhe ata duhet ta zgjidhin këtë”. /Koha.net /KultPlus.com

Këto ditë, pasi që shumë qytete janë në karantinë, vështirë se mund ta gjesh dikë në rrugë – këtu përfshihen edhe artistët e rrugës.

Si të gjithë të tjerët, edhe Banksy po punon nga shtëpia. Vepra e tij e fundit supozohet të jetë bërë në banjën e tij. Në llogarinë e tij në Instagram të mërkurën, ai postoi pesë fotografi të një instalacioni që përshkruan minjtë duke luajtur me pasqyrën e banjës, shkelin në paste të dhëmbëve, urinojnë dhe hargjojnë letrën e tualetit. Në pasqyrë duket edhe miu tjetër që numëron ditët duke vizatuar me buzëkuq.

Në përshkrimin e tij në këtë rrjet social thuhet se “Gruaja ime e urren faktin kur punoj nga shtëpia”.

Sipas “Sotheby”, artisti shpesh përfshin minjtë në punën e tij sepse, ashtu si natyra e artit në rrugë, kafshët janë “të zymtë, të dekurajuar dhe tinëzarë”. “Lidhja mes miut dhe artit sugjeron që të dyja janë forca të papërballueshme që janë të pamundura për t’u vulosur megjithatë ekzistojnë përpjekje për t’i zhdukur ato”, thuhet në përshkrim nga kjo faqe. / KultPlus.com

Vepra pjesërisht e shkatërruar e artistit britanik të rrugës, Bansky, po shfaqet për të parën herë në Gjermani, në një muze në Baden Baden.

Janë me dhjetëra e dhjetëra fansat kuriozë që i janë drejtuar muzeut Frieder Burda, ku edhe vepra “Dashuria në koshin e plehrave”, po ekspozohet.

“Kjo vepër e Banskit ka bërë histori pasi iu nënshtrua një metamorfoze vitin e shkuar, gjatë një ankandi. Pasi u shit, kanavaca ndryshoi. Ndaj edhe e gjithë bota flet për këtë vepër arti”, tha drejtori i muzeut, Henning Schapper.

Sipas drejtuesve të muzeut, prerësja që pjesërisht e shkatërroi veprën në ankandin e vitit të shkuar është bllokuar, me qëllim që të evitohet mundësia që një vizitor, të shtypë një buton, dhe shkatërrimi të vijojë.

Pak çaste pasi piktura me emrin Vajza me tollumbace u shit për 1.2 milionë euro, një rekord ky për artistin, ajo thuajse u shkatërrua nga një prerëse që ishte fshehur në kornizë. Blerësi sidoqoftë nuk pati kundërshtime dhe disa ekspertë thonë se ndoshta vepra tani është më e vyer se më parë. /KultPlus.com