Këngëtarja shqiptare e njohur në botë, Bebe Rexha, pas vizitës së saj në Kosovë dhe në Dibër ka thënë se shqiptarët janë një popull i cili përballet me kufij shtetërorë të imponuar, të cilët i kanë ndarë njerëzit e të njëjtit komb dhe gjak në shtete të ndryshme.
Këngëtarja Rexha pas çasteve të paharrueshme në Festivalin “Sunny Hill” dhe pas vizitës së saj në familjen e gjerë në Dibër ka shprehur dashurinë e thellë për atdheun e saj duke thënë se kufijtë shtetërorë kanë pak rëndësi për të, pasi elementet siç janë gjuha, tradita, muzika e vallet shqipe nuk kufizohen me kufij.
“Shqiptarët janë përballur me kufij shtetërorë të imponuar, duke ndarë njerëz të të njëjtit komb dhe gjak në shtete të ndryshme. Megjithatë, kur mendoj për shqiptarët, kufijtë shtetërorë kanë pak rëndësi për mua.
Mendoj për gjuhën tonë të bukur, traditat tona, muzikën dhe vallet tona, dhe shumë elementë që nuk kufizohen me kufij.
Jam thellësisht e dashuruar me rrënjët e mia, krenare që jam shqiptare dhe krenare për çdo shqiptar që jeton ende në këto troje, si dhe për mijëra në komunitetin jashtë vendit që jetojnë në Amerikë, Evropë dhe në mbarë botën.
Ju dua të gjithëve”, ka shkruar këngëtarja Rexha në InstaStory./ KultPlus.com
Bebe Rexha është shfaqur në ngjarjen vjetore të “Billboard Women In Music 2024”.
Si një nga artistet me hite të mëdha, Rexha dukej e mrekullueshme me një fustan të zi duke mahnitur të pranishmit.
Përpos shkëlqimit të saj, artistja dha edhe puthje për kamerat duke treguar për të gjithë energjinë që ajo përfaqëson.
Eventi është mbajtur të mërkurën, në Teatrin ‘Youtube’ në Kaliforni dhe pritet të jetë në transmetim në Billboard duke filluar nga e enjtja. / KultPlus.com
FIFA ia ka besuar artistes shqiptare Bebe Rexha himnin për Kupën e Botës për Klube 2023 që po zhvillohet në Arabinë Saudite. Organizmi ndërkombëtar i futbollit ka bërë publike edhe këngën e interpretuar nga ylli i pop-it.
“It’s On” titullohet kënga dhe i bën jehonë futbollit. Bebe Rexha ka qenë katër herë e nominuar për çmimet “Grammy” dhe njihet për hitet e saj që kanë pushtuar klasifikimet botërore të muzikës, sjell talentin e saj në “It’s On”, duke kapur thelbin e turneut elitar botëror të futbollit të klubeve, që ofron një sfond perfekt për dramën dhe emocionin në fushë, shkruan FIFA.
Turneu filloi më 12 dhjetor, ku Fluminense, Manchester City, Urawa Reds, Al Ahly, Club Leon, Auckland City dhe Al Ittihad do të përballen kokë më kokë, dhe kulmon me finalen më 22 dhjetor.
Duke diskutuar mbi “It’s On”, Bebe Rexha u shpreh:
“Krijimi i një kënge për FIFA-n këtë vit ka qenë një mundësi e pabesueshme, njëherë në jetë dhe jam aq e emocionuar që fansat të dëgjojnë këtë këngë himnike ndërsa luhet gjatë FIFA Club World Cup.” / KultPlus.com
Këngëtarja me famë botërore, shqiptarja, Bebe Rexha, në ngjarjen “Billboard Music Awards” ka fituar çmimin kënga më e mirë e zhanrit “Dance/Electronic” me këngën “I’m Good (blue)” në bashkëpunim me yllin David Guetta, raporton DailyMail.
Rexha këtë vit është nominuar në tri kategori: “ Top-bashkëpunimi”, “Top-kënga Billboard Global” dhe “Top-kënga Dance/Electronic”.
Shqiptarja gjatë spektaklit bëri edhe një performancë për të cilën u vlerësua lartë nga kritikët dhe fansat e saj të cilët e komplimentuan nëpër rrjetet sociale.
Ajo është shfaqur në tapetin e kuq të ngjarjes e veshur me fustan të zi të kombinuar me një material vezullues ngjyrë argjendi të cilin e shoqëroi me doreza të gjata nga një material transparent me ngjyrë të zezë.
Më poshtë Bebe Rexha dhe Anna Sitar në tepihun e kuq.
Rexha në tepih të kuq ka pozuar edhe bashkë me yllin e TikTok-ut, Anna Sitar e cila kishte veshur një kostum të kuq njëpjesësh.
Ylli tjetër, Taylor Swift ishte fituesja më e madhe e natës pasi fitoi 10 mikrofona të artë, duke përfshirë edhe çmimin kryesor “Top Artist”.
Më poshtë postimi i Bebe Rexhës në “Instagram”. / KultPlus.com
Këngëtarja shqiptare me famë botërore, Bebe Rexha, do të jetë pjesë e mbrëmjes së madhe të ndarjes së çmimeve, Billboard Music Awards 2023.
Ajo është nominuar në këtë event në tri kategori: “Bashkëpunimi më i mirë”, “Top Billboard Global Song” dhe “Kënga më e mirë ritmike/elektronike” për hitin “I’m Good (Blue)” me David Guettan.
Krahas shpresës për të fituar njërën nga këto çmime, 34-vjeçarja do të jetë në ngjarjen e madhe edhe për të performuar.
Në një postim të bërë nga Billboard Music Awards në Instagram, këngëtarja shqiptare është paraqitur si pjesë e listës së artistëve që do të performojnë.
Ajo do të këndojë live këngën e saj më të fundit “One in a milion”, shoqëruar nga DJ David Guetta.
Billboard Music Awards 2023 do të mbahet të dielën e 19 nëntorit në ‘Arena Paradise’ në Nevada të Shteteve të Bashkuara të Amerikës.
Bebe Rexha këtë vit ka qenë e nominuar edhe për çmimet e rëndësishme: “Grammy” dhe MTV Video Music Awards. / KultPlus.com
Ylli shqiptar me famë botërore, Bebe Rexha është shfaqur në numrin e ri të revistës prestigjioze “Elle Brasil”.
Sigurisht nuk kanë munguar bisedat dhe për origjinën e saj. Ajo u ndal te prejardhja e saj shqiptare, duke treguar se si babai i emigroi nga Shqipëria për në Amerikë.
“Gjithmonë kam punuar shumë. Këtë e kam trashëguar nga babai im. Ai emigroi nga Shqipëria dhe iu desh të luftonte për t’u vendosur në Shtetet e Bashkuara. Kështu që mora vendosmërinë e tij dhe fillova të punoja, duke ndarë muzikën time në çdo mënyrë të mundshme.
Në moshën 16-vjeçare, tashmë kisha disa këngë të shkruara dhe ua dërgoja producentëve dhe artistëve në New York, ku jetoja. I publikova edhe në Myspace dhe puna filloi të shfaqej. Unë thjesht vazhdova të shkruaja dhe të lidhesha me njerëzit. Mendoj se kjo është mënyra më e mirë për të hyrë në industri”, ka treguar Bebe gjatë intervistës së saj. / KultPlus.com
Pasi tha se mund të mos marrë pjesë në MTV Video Music Awards 2023, ylli i popit, 34 vjeç, Bebe Rexha goditi tapetin e kuq të shfaqjes së çmimeve me një veshje të guximshme.
Për spektaklin, Rexha ka veshur një fustan të zi lëkure të kompletuar me rripa. Tashmë mbresëlënëse nga përpara, fustani në formë, i gjatë deri në dysheme ishte edhe më i mprehtë nga mbrapa.
Kur këngëtarja e “Meant to Be”, prezantuese në ceremoni, u kthye në tapetin rozë, ajo zbuloi dy prerje rrethore në të pasmet e saj.
“Unë dua të vesh fustanin tim dhe me të vërtetë dua të shkoj për të festuar nominimin tim dhe nominimet e miqve të mi, por ndihem sikur ankthi më merr më të mirën”, tha këngëtarja përpara ceremonisë. / KultPlus.com
Këngëtarja e njohur Bebe Rexha ka filluar turin e saj evropian “Best F*n Night Of My Life”, tur që ka nisë me Londrën e që ka performjuar në “O2 Shepherd’s Bush Empire”
Këngëtarja shquptare ka ngritë në këmbë audiencën londineze, e cila para tyre ka kënduar hitet më të mëdha përgjatë karrierës së saj, por me thejs të veçantë nga albumi i saj i fundit “Bebe”./ KultPlus.com
Personi që i hodhi një telefon këngëtares Bebe Rexha u arrestua gjatë koncertit në New York City të dielën.
Këngëtarja dhe kantautorja, 33 vjeçe, po performonte në një koncert të dielën në The Rooftop në Pier 17 në turneun e saj Best F’n Night Of My Life kur ajo u godit në fytyrë nga një telefon.
Siç shihet në një video në Twitter, artistja e “Back to You” u pa duke kënduar dhe duke u drejtuar drejt pjesës së përparme të skenës ku një telefon u pa duke u futur nga turma dhe duke e goditur atë drejtpërdrejt në fytyrë, shkruan dailymail.
Pas një momenti tronditjeje, këngëtarja e nominuar për Grammy ra në gjunjë me kokën ulur, ndërsa anëtarë të shumtë të ekuipazhit në krahë nxituan për ta ndihmuar.
Në një video të re, burri gjendet nga sigurimi të cilët e nxjerrin nga turma.
Ndërkohë, fansat bërtisnin ‘një**vrimë’ dhe ‘kjo është sulm’ teksa ai u largua.
Një postim në Twitter nga llogaria Pop Base thoshte: ‘Nëna e Bebe Rexhës zbulon se asaj iu desh të bënte tri qepje pasi dikush nga audienca i hodhi një telefon në kokë gjatë koncertit të saj.’
Një numër i fansave të Rexhës shkuan në Twitter për të shprehur sulmin e pakuptimtë ndaj yllit të popit.
“Bebe është fjalë për fjalë një nga njerëzit më të ëmbël dhe më pa problem në industrinë e muzikës, ajo nuk e meriton këtë… disa prej jush me të vërtetë duhet ta lënë të qetë omg”, shkroi një fans. / KultPlus.com
Këngëtarja Bebe Rexha pasi ka bërë simbolin e shqiponjës me duar, është goditur në fytyrë nga një telefon teksa ishte duke performuar në skenë në një koncert në New York City të dielën, pasi dikush nga eventi hodhi telefonin drejt saj.
Këngëtarja dhe kantautorja 33-vjeçare po performonte në koncerin e së dielës në The Rooftop në Pier 17 në turneun e saj Best F’n Night Of My Life.
Siç shihet në një video në Twitter, artistja e “Back to You” u pa duke kënduar dhe duke u drejtuar drejt pjesës së përparme të skenës e në të njëjtën kohë duke e bërë simbolin e shqiponjës me duar, kur dikush nga publiku e gjuan me telefon duke e goditur atë drejtpërdrejt në fytyrë.
Pas një momenti tronditjeje, këngëtarja e nominuar për Grammy ra në gjunjë me kokën ulur, ndërsa anëtarë të shumtë të ekuipazhit në krahë nxituan për ta ndihmuar.
Videoja u shpërnda nga një numër i madh i të pranishmëve në koncert.
Një postim në Twitter nga llogaria Pop Base thoshte: ‘Nëna e Bebe Rexhës zbulon se asaj iu desh të bënte tri qepje pasi dikush nga audienca i hodhi një telefon në kokë gjatë koncertit të saj.’
Një numër i fansave të Rexhës shkuan në Twitter për të shprehur sulmin e pakuptimtë ndaj yllit të popit. / KultPlus.com
Këngëtarja shqiptare me famë ndërkombëtare, Bebe Rexha, ka dhënë së fundmi një intervistë për revistën e famshme amerikane, Rolling Stone. Ajo ka folur për karrierën dhe jetën private.
Sakaq, revista ka shkruar edhe për prejardhjen e artistes, duke treguar historinë e zhvendosjes së familjes nga Maqedonia e Veriut në Shtetet e Bashkuara të Amerikës.
“Të dy prindërit e saj janë shqiptarë, me babanë e saj që emigroi në ShBA nga Maqedonia e Veriut në moshën 21-vjeçare në fund të viteve tetëdhjetë, para Luftërave Jugosllave. Nëna e saj ka lindur në SHBA, por edhe gjyshërit e Rexhës nga nëna kanë emigruar nga Evropa në kërkim të ‘një jete më të mirë‘”, shkruan Rolling Stone.
Ndërsa Bebe ka thënë ndër të tjera:“Ata janë më paranojakë. Më të stresuar. Ndjehem sikur i kam marrë disa nga ato cilësi nga familja ime, por duhet të mësosh se si të tërhiqesh. Askush nuk flet kurrë për traumën e brezave.”
Më tej, Rexha e kanalizoi kulturën e saj në një mënyrë tjetër në “Unë jam”. Ky vendim e bëri atë të mendojë për rrënjët e saj dhe disa nga mizogjinia e rrënjosur që ajo sheh në kulturën shqiptare.
“Mos më keqkuptoni, unë e dua kulturën time dhe e urrej ta them këtë, por ndonjëherë më duket sikur gratë trajtohen si qytetare të dorës së dytë,” thotë ajo. “Burrat hanë të parët. Burrat flasin. Gjithçka ka të bëjë me burrat dhe më pas hyjnë gratë”./abcnews.al / KultPlus.com
Së fundmi, artistja shqiptare me renome botërore, Bebe Rexha, do të publikojë në fund të këtij muaji albumin e tretë në karrierën e saj.
Bëhet fjalë për albumin me titull “Bebe”, të cilën ajo ka planifikuar që ta nxjerrë në shitje që nga data 28 prill.
Rexha ka publikuar tashmë disa nga këngët e albumit si: “Heart Wants What It Wants”, “I’m Good (Blue)” dhe “Call On Me”.
Me këtë të fundit, ajo është bërë trend edhe në rrjetin social TikTok, ku shumë prej përdoruesve po publikojnë video të ndryshme interesante nën ritmet e kësaj kënge.
Edhe vet këngëtarja shqiptare vendosi që së fundmi të publikojë një video të tillë, ku shfaqej mjaft provokuese e veshur me njëfustan me ngjyra pranverore.
E teksa i bën një video-xhirim linjave të saj të kolme të trupit, 33-vjeçarja shkruan në mbishkrimin e videos: “Po e dua këtë album. Ka vetëm hite. Më 28 prill, ‘Deluxe’ do të jetë edhe më zjarr”.
“Bebe” do të jetë albumi i tretë në karrierën e Bebe Rexhës, pas dy albumeve shumë të suksesshme të publikuara më parë, “Expectations” në vitin 2018 dhe “Better Mistakes” në vitin 2021./ albinfo.ch / KultPlus.com
Bebe Rexha do të performojë në “Nickelodeon Kids’ Choice Awards 2023”, që do të transmetohet drejtpërdrejt të shtunën, më 4 mars, në orën 19.00 nga Teatri Microsoft në Los Anxhelos.
Rexha do të performojë hitin e saj global “I’m Good (Blue)”, një bashkëpunim me David Guetta që arriti në vendin e katërt në Billboard Hot 100 muajin e kaluar. Ai gjithashtu mori një nominim për Grammy për regjistrimin më të mirë të kërcimit/elektronik.
Javën e kaluar, Rexha publikoi një këngë të re, “Heart Wants What It Wants”, nga albumi i saj i tretë në studio në Warner Records. Ajo gjithashtu sapo njoftoi turneun e saj më të mirë F*N Night Of My Life që fillon më 31 maj.
Kids’ Choice Awards kanë një histori të performancave nga artistë të mëdhenj pop. Kid Cudi dhe Jack Harlow performuan në shfaqjen e vitit të kaluar. Justin Bieber performoi në shfaqjen e vitit 2020, të cilit iu bashkua Quavo për “Intentions”. Shumë krijues të tanishëm të hiteve u rritën duke parë Kids’ Choice Awards dhe kanë dashuri për shfaqjen, shkruan Billboard, transmeton KultPlus.
“Gjithmonë më ka pëlqyer Nickelodeon Kids’ Choice Awards!”, tha Rexha në një deklaratë. “Mezi pres të performoj dhe të shoh se kush do të jetë viktima e radhës që do të zhytet në xhelatinën e gjelbër, që është karakteristikë e këtij shou”, u shpreh Rexha.
Shfaqja do të drejtohet nga personaliteti i mediave sociale Charli D’Amelio dhe komentatori i futbollit dhe ish-marrësi i gjerë Nate Burleson. Nickelodeon Kids’ Choice Awards 2023 do të transmetohet njëkohësisht në Nickelodeon, TeenNick, Nicktoons, kanalin Nick Jr., TVLand, CMT dhe MTV2 dhe transmetim të drejtpërdrejtë në Nick.com dhe aplikacionin Nick.
Shfaqja do të shfaqë gjithashtu paraqitje nga yjet e sitcom-it të Nick That Girl Lay (ylli i That Girl Lay Lay) dhe Young Dylan (ylli i Young Dylan të Tyler Perry), i cili do të performojë këngën e tij të re “I Just Wanna”. / KultPlus.com
Këngëtarja shqiptare me famë botërore, Bebe Rexha ka sjell sot, pikërisht në ditën e shpalljes së pavarësisë së Kosovës, këngën e re të titulluar “Heart wants What It Wants”.
Kënga vjen e shoqëruar me një videoklip mjaft interesant, ndërsa Bebe duket atraktive si gjithmonë.
Kujtojmë që kënga e fundit e Bebes në bashkëpunim me David Guetta “I’m Good” ka qenë për kohë në krye të listës së këngëve më të dëgjuara. / KultPlus.com
Këngëtarja shqiptare me famë botërore, Bebe Rexha ka bërë të ditur se do të publikojë projektin e radhës muzikor.
Kënga do të publikohet, më 17-shkurt, ditën e pavarësisë së Kosovës.
Përmes një postimi në rrjetin social Instagram, ajo ka bërë të ditur se kënga do të titullohet “Heart Wants What It Wants”.
Kujtojmë që kënga e fundit e Bebes në bashkëpunim me David Guetta “I’m Good” ka qenë për kohë në krye të listës së këngëve më të dëgjuara. / KultPlus.com
Bebe Rexha u shfaq shumë e entuziazmuar në tapetin e kuq të Grammy 2023 teksa u shpreh që ndihet e lumtur që ishte e nominuar në këtë garë të madhe.
“Është kaq e çmendur, kaq e papritur. Ne e shkruam këngën vetëm për argëtim, dhe më pas ja ku jemi në Grammy, të nominuar – fjalë për fjalë pikërisht ashtu!” ka thënë këngëtarja për PEOPLE.
Edhe pse të gjithë fansat po prisnin që Bebe Rexha të ishte fituese e çmimit të vetëm për të cilin kishte arritur të nominohej këtë vit, kjo gjë nuk ndodhi.
Artistja shqiptare me famë ndërkombëtare, Bebe Rexha, ishte nominuar në kategorinë “Kënga më e mirë ritmike/elektronike” për bashkëpunimin e saj shumë të suksesshëm “I’m Good (Blue)” me DJ David Guettan, por këtë çmim e fitoi Beyonce, ashtu siç fitoi edhe shumë të tjerë në këtë garë, e ku jo rastësisht theu të gjitha rekordet e bëri histori në Grammy.
Këtë vendim të Grammyt, fansat e kanë quajtur diskriminim për Bebe Rexhen sepse sipas tyre, kënga “I’m Good (Blue)” ishte njëra ndër pretendentet më të forta për ta fituar këtë çmim sivjet.
Kënga e Bebe Rexhës ka mbi 110 milionë klikime në YouTube, ndryshe nga sa ka “Break My Soul” e Beyoncet (vetëm 36 milionë).
Megjithatë, Rexha është shprehur se po vjen një këngë e re nga ajo, e frymëzuar nga vitet ’70.
“Kam muzikë të re që po e nxjerr në javën e dytë të shkurtit, kështu që jam shumë e emocionuar”, tha Rexha. / KultPlus.com
Ka filluar zyrtarisht edicioni i 65-të i ndarjes së çmimeve të muzikës, “Grammy Awards”.
E pranishme në këtë mbrëmje është edhe artistja shqiptare me famë botërore, Bebe Rexha.
Ajo ka parakaluar në tapetin e kuq të ngjarjes që po mbahet në “Crypto.com Arena” të Los Angelesit, me një paraqitje plot glamur.
Bebe Rexha në ‘Grammy Awards 2019’ (Foto: Matt Winkelmeyer/Getty Images for The Recording Academy)
E veshur me një fustan të gjatë rozë të materialit saten dhe me prerje te pjesa e dekoltesë, Rexha ka lënë gjurmë me paraqitjen e saj elegante në ‘Grammy Awards 2023’.
Bebe Rexha përndryshe është sivjet shqiptarja e vetme e nominuar për një çmim në ‘Grammy Awards’.
Bebe Rexha në ‘Grammy Awards 2019’ (Foto: Matt Winkelmeyer/Getty Images for The Recording Academy)
Ajo lufton për të marrë çmimin “Kënga më e mirë ritmike/elektronike” për bashkëpunimin e saj shumë të suksesshëm me David Guettan, “I’m Good (Blue)”./Telegrafi/ /KultPlus.com
Bebe Rexha në ‘Grammy Awards 2019’ (Foto: Matt Winkelmeyer/Getty Images for The Recording Academy)
Bebe Rexha në ‘Grammy Awards 2019’ (Foto: Matt Winkelmeyer/Getty Images for The Recording Academy)
Bebe Rexha në ‘Grammy Awards 2019’ (Foto: Jon Kopaloff/WireImage)
Bebe Rexha në ‘Grammy Awards 2019’ (Foto: Lester Cohen/Getty Images for The Recording Academy)
Bebe Rexha në ‘Grammy Awards 2019’ (Foto: Lester Cohen/Getty Images for The Recording Academy)
Bebe Rexha në ‘Grammy Awards 2019’ (Foto: Jon Kopaloff/WireImage)
Bebe Rexha në ‘Grammy Awards 2019’ (Foto: Jon Kopaloff/WireImage)
Bebe Rexha mori pjesë në BMG Pre-Grammy Party 2023, e cila u mbajt në Candela La Brea në Los Angeles të mërkurën, transmeton KultPlus.
Performuesja 33-vjeçare u pa për herë të parë teksa pozoi për një set fotografish në tapetin e kuq të eventit, gjatë të cilit iu bashkua edhe miku i saj i mirë Adam Lambert.
Rexha po shkëlqente veshur një fustan të zi që i tregonte një pjesë të vogël të pjesës së sipërme të gjoksit, shkruan DailyMail.
Paraqitja e Rexhës në këtë event ndodhi vetëm pak javë pasi bashkëpunimi i saj me David Guetta, i titulluar I’m Good (Blue), arriti në vendin e parë në tabelën e Billboard Pop Airplay.
Kënga, ka gjetur inspirim të madh në këngën e vitit 1998 të Eiffel 65, Blue (Da Ba Dee), u publikua fillimisht gushtin e kaluar.
Këngëtarja dhe producenti kishin bashkëpunuar në disa këngë në të kaluarën, ku disa prej tyre u bënë hite më vete, e duke mos dështuar as bashkëpunimi i fundit.
Dyshja kishin punuar më parë në I’m Good (Blue), të cilin e kishin lënë në raft për disa vite përpara se Guetta ta luante këngën për herë të parë publikisht në 2017.
Rexha dhe Guetta më vonë prekën këngën, e cila u publikua zyrtarisht më 26 gusht.
Këngëtarja u shpreh se, pasi kuptoi se kënga ishte bërë e njohur në TikTok, ajo kontaktoi Guetta-n për të punuar në një publikim zyrtar.
“Po menjëherë e ftova Davidin [duke thënë], “David, njerëzit e duan vërtet këtë këtë këngë! Thjesht duhet ta lansojmë atë!” Në këtë pikë, është virale në TikTok dhe njerëzit po e kërkojnë atë. Le t’u japim njerëzve atë që duan. Është thjesht një diçka e mrekullueshme e argëtuese”, tha ajo.
Krijuesja e hitit vazhdoi të tregojë pse mendonte se kënga ishte bërë e njohur me dëgjuesit.
“Unë mendoj se njerëzit duan të ndiejnë atë nostalgji të viteve 2000, veçanërisht pas tre viteve të një pandemie dhe të ngujuarit në shtëpitë e tyre,” tha ajo.
Bebe Rexha dhe David Guetta janë të nominuar për çmimet Grammy Awards. /KultPlus.com
Bebe Rexha është një prej artisteve shqiptare më të suksesshme në mbarë globin. Kënga e saj “I’m Good (Blue)” në bashkëpunim me David Guettan ishte një prej projekteve muzikore më të suksesshme në arenën ndërkombëtare vitin e kaluar.
Kënga po vazhdon të jetë një prej këngëve më të dëgjuara edhe këtë vit, pasi aktualisht është kënga e katërt në Top 100 të ‘Billboard’ në Shtetet e Bashkuara të Amerikës.
33-vjeçarja ka arritur të thyejë një tjetër rekord në karrierën e saj, duke arritur për herë të parë mbi 50 milionë dëgjues brenda një muaji në platformën më të madhe të muzikës në botë, Spotify.
“Bebe Rexha arrin 50 milionë dëgjues mujorë në Spotify për herë të parë në karrierën e saj”, ka njoftuar faqja e fansave të këngëtares.
Me këtë shifër ajo arrin të hyjë në listën e shumë pak artisteve femra në histori që e arrijnë këtë sukses.
Aktualisht ajo është artistja e 31-të më e dëgjuar në botë, në platformën e muzikës Spotify. / KultPlus.com
Artistja shqiptare Dua Lipa, më 4 janar zuri vendin e parë në platformën ‘iTunes’ në Amerikë, për herë të parë. Sukseset e saja të vazhdueshme nuk munguan. Ajo shënoi edhe një sukses të jashtëzakonshëm në platformën ‘Spotify’ përgjatë vitit 2022, duke tejkaluar Rihanën, e duke u bërë artistja e katërt më e dëgjuara. E pandalshme si gjithmonë, ajo u shfaq edhe në kopertinën e revistës ‘Wall Street Journal’.
Asnjëherë nuk e mohoi identitetin e saj, dhe këtë e shprehi edhe publikisht më 26 janar të vitit 2022, duke thënë se ajo i di jetët e humbura në Kosovë. E inkurajuar nga një mësuese në Kosovë, Dua Lipa arriti majat e suksesit. Më 8 shkurt fitoi çmimin si artistja më e mirë pop/rb, duke lënë pas këngëtarët e njohur si Adele dhe Ed Sheeran. Ndërsa, më 9 shkurt filloi turneun e saj në 28 vende të ndryshme, një turne që nxori në pah anët e saj më të bukura.
Po ashtu, ajo u bë edhe artistja e parë që ka gjashtë këngë me mbi 1 miliard transmetime, teksa pati edhe një rol të rëndësishëm në filmin ‘Argylle’ për të shënuar kështu ndoshta dhe një karrierë në aktrim, pasi që ka marr edhe një rol tjetër në filmin ‘Barbie’. Më 11 mars, publikoi këngën e shumëpritur në bashkëpunim me Megan Thee Stallion, “Sweetest Pie”, që mori vëmendjen e të gjithë artdashësve.
Ndërkohë, më 22 mars ajo mori pjesë në festivalin e njohur ‘Lollapalooza’ në mesin e artistëve si: J.Cole, Metallica e Green Day. U shpërblye gjithashtu me dy çmime në “iHeart Radio Music Awards 2022”. Ndërkaq, përkrah Megan Stallion, bëri paraqitjen e saj në rolin e prezantueses në çmimet Grammy. Por, çmime të rëndësishme mori edhe në “Billboard Music Awards 2022”, aty ku dhe u nominua fillimisht për nëntë çmime.
Më 27 maj, publikoi këngën “Potion” në bashkëpunim me Calvin Harris dhe Young Thug, që patjetër që shënoi sukses më vete. Ndërsa, kur ndalemi tek moda, atëherë Lipa dhe sukseset e saj njashtu janë të njëjta, me ç’rast ajo kryesoi samitin e “Vogue Magazine”, si dhe u shfaq në sfilatën “Balenciaga Couture”.
Më 5 gusht 2022, u nderua me titullin ‘Ambasadore Nderi e Republikës së Kosovës’ nga presidentja Vjosa Osmani. Ndërsa, në anën tjetër, pranoi Pullën Postare me figurën e saj, ku u shpreh se ajo do të vazhdojë të bëj akoma më shumë, asisoj që Kosova të ngritët sa më shumë të jetë e mundshme.
Por magjia që ajo sjell në Kosovë, natyrisht që vjen nëpërmjet festivalit “Sunny Hill” që shënoi sukses tejet të lartë në këtë vit. Performanca e saj, qe një nga më të paharrueshmet ndonjëherë.
Por rikthehemi edhe tek skenat ndërkombëtare, duke mos lënë anash suksesin e saj në Argjentinë, aty ku mblodhi mbi 100 mijë njerëz. Më 30 shtator 2022, ajo u bë gruaja e parë që arrin 10 miliardë në platformën ‘Spotify’, duke arritur një rekord historik. Ndërsa, një bashkëpunim tjetër në fushën e muzikës, i solli asaj momente unike, me ç’rast edhe u shpërblye për bashkëpunimin më të mirë me Elton John, në “American Music Awards”, ndërsa ajo përkrah tij, fiton edhe çmimin “Hitmaker of The Year”.
Më 27 nëntor, merr nënshtetësinë shqiptare në Shqipëri dhe për këtë ajo shprehet të jetë tej mase krenare. Gjithashtu, koncerti që mbajti në Tiranë, për ditën e Pavarësisë, qe shfaqja solo më e madhe ndonjëherë në jetën e saj.
Së fundmi, ajo shpërblehet me çmimin “Koleksioni i Vitit” për koleksionin e saj që mban emrin shqip “Flutur”.
Rita Ora
Artistja tjetër shqiptare, u rikthye sivjet fuqishëm në jurinë e “The Voice of Australia”, aty ky dhe njihet për mjeshtërinë e saj të vokalit. Ndërsa, stili i saj qe gjithmonë i atillë që të tërheq pas vete, dhe për këtë kanë shkruar shumë magazina e medie ndërkombëtare. Shfaqet në kopertinën e “Vogue Arabia”, “Harper’s Bazaar Australia”, duke dëshmuar se mbetet top edhe në fushën e modës.
Në anën tjetër, Orën e shohim edhe pjesë të serialit të animuar “Kung fu Panda” si dhe “Tin Soldier”, duke goditur edhe me artin e saj të degës së aktrimit. Më 23 qershor publikon këngën e re, “Barricades”, këngë kjo që shënon sukses tejet të madh në fushën e muzikës. Ndërsa, në dy platforma, ajo arrin shifrën e 10 miliardë dëgjuesve, duke shënuar kështu një sukses madhështor për të.
Më 5 shtator, ajo dekorohet me titullin “Naim Frashëri”, pikërisht në Shqipëri, vendi i cili e priti me duar hapur artisten shqiptare. Mijëra njerëz të pranishëm kanë qenë në koncertin e shumëpërfolur të Orës në Tiranë, aty ku ajo elektrizoi skenën në mënyrë të hatashme më 6 shtator.
Më 9 tetor, ajo hap Kupën e Botës Rugby me një performancë të mrekullueshme. Ndërsa, së bashku me Bebe Rexhën e Ava Max, shfaqet magjepsëse në “MTV EMA Awards”. Në mes të skenës së MTV Ema, Ora i drejtohet Bebe Rexhës, duke i thënë: Motra ime shqiptare.
Nuk kanë munguar as edhe komplimentet për dukjet e saj, e sidomos për ato që i vesh në kopertina të njohura, siç është për shembull “L’Officiel Italia” apo “British Vogue”. Më 25 nëntor, ajo shfaqet edhe në pullat postare të Kosovës, me veshje kombëtare shqiptare. Për këtë, ajo është shprehur tejet mirënjohëse.
Së fundmi, ajo bëhet ndër artistet më të dëgjuara në botë, duke arrirë mbi 6.1 miliardë dëgjime në paltformën ‘Spotify’.
Bebe Rexha
Bebe Rexha është po ashtu artisja shqiptare e cila këtë vit shënoi gjithashtu sukses të lartë. Së pari fillon me prezantimin e saj të mrekullueshëm në “MTV VMA 2022”, e pastaj publikon edhe këngën ripërpunim të “I’m good Blue” në bashkëpunim me David Guetta, që ka arrirë sukses të lartë, duke zënë vende të para gjithandej nëpër platforma të ndryshme.
Performoi në skenën e “MTV EMAs 2022”, aty ku dhe u duk e mrekullueshme dhe e veçantë në stilin e saj, të modës dhe të këndimit.
Pikërisht në “MTV Ema” ajo fitoi çmimin për bashkëpunimin më të mirë, për këngën tashmë tejet të njohur, ‘I’m good Blue’, këngë kjo që u publikua edhe me videoklip më 21 shtator.
Së fundmi, ajo u shpërblye me trofeun e vendit të parë nga “Official Charts”. / KultPlus.com
