Këngëtarja shqiptare me famë botërore, Bebe Rexha po vazhdon të mahnis publikun me performancat e saj,që po i mban në shumë vende të botës, shkruan KultPlus.
Një atmosferë të mahnitshme, e ka krijuar në Sao Paulo. Atje ajo ka kënduar para mijëra fansave, të cilët e kanë përcjellur më shumë fërshëllima, duartrokitje e vallëzim.
Turneu i saj quhet “Witness tour”, ndërsa ky turne do ta dërgoi këngëtaren edhe në shumë vende të tjera të botës.
“Një tjetër shfaqje e pabesueshme. Të falënderoj shumë Sao Paulo!”, ka Bebe Rexha në llogarinë personale në Instagram.
KultPlus ju sjellë të plotë videon e koncertit të saj atje./KultPlus.com
Këngëtarja shqiptare Bebe Rexha ka hyrë për herë të parë ka hyrë në top-pesëshen e top-listës prestigjioze të Billboardit në Amerikë.
Kënga e saj “Meant to Be” me grupin Florida Georgia Line’s udhëheq top-listën e zhanrit Country për 15 javë. Bebe Rexha me këtë fakt bëhet këngëtarja e parë në histori që me një këngë të tillë ka udhëhequr kaq gjatë në këtë top-listë.
Suksesi më i madh para hyrjes në top-pesëshe, për Rexhën ishte me këngën “Me, Myself & I” me G-Eazyn më 2016.
Kënga më e dëgjuar mbetet “God’s Plan” e Draket./ KultPlus.com
Rita Ora dhe Bebe Rexha, dy këngëtare shqiptare, tashmë të njohura ndërkombëtarisht, mbrëmë kanë mahnitur me dukjen e tyre në tapetin e kuq të iHeartRadio Awards, shkruan KultPlus.
Këto dy këngëtare tashmë nuk mungojnë në ngjarjet prestigjioze që po mbahen kudo në botë. Ndërsa dukja e këngëtareve është vlerësuar pozitivisht nga e përditshmja britanike “Daily Mail”.
“Bebe Rexha ka mahnitur me dukjen e saj në qilim e kuq këtë të diele në iHeartRadio Music Awards, ku ajo është paraqitur në një fustan të gjatë që në mënyrë të përkryer tregon format e trupit të saj”, shkruhet në shkrimin e Daily Mail, dedikuar këngëtares shqiptare, Bebe Rexhës.
Rita Ora mbrëmë kishte zgjedhur pantallona e këmishë për këtë event. Një këngëtare glamuroze, e cilëson Daily Mail, këngëtaren shqiptare, Rita Orën.
Këngëtarja e hitit “Hot Right Now” dukej e përsosur mbrëmë pasi vetëm disa orë më parë ishte kthyer në SHBA nga Dubai, atje ku kishte dhënë një performancë të mahnitshme”, shkruhet në shkrimin tjetër të Daily Mail, dedikuar Rita Orës.
Po ashtu një moment i veçantë i natës së mbrëmshme është kur dy këngëtaret shqiptare, Rita Ora dhe Bebe Rexha , së bashku u ngjitën në skenën e iHeartRadio Awards për të ndarë një çmim./ KultPlus.com
Janë dy prej artisteve shqiptare që po korrin suksese në botë.
Rita Ora dhe Bebe Rexha tanimë nuk mungojnë në eventet më prestigjioze që mbahen në botë, shkruan lajmi.net.
Mbrëmë u mbajt ceremonia e ndarjes së çmimeve “iHeartRadio Awards”, ku ishin të pranishme edhe Bebe Rexha dhe Rita Ora.
Që të dyja dukeshin për mrekulli në paraqitjen e tyre, derisa Rita kishte zhgjedhur pantallona e këmishë për këtë event.
Momenti më i bukur ishte kur Rita dhe Bebe dalin në skenë për ta ndarë një çmim së bashku./ KultPlus.com
Tashmë jemi të gjithë dëshmitarë të tre vajzave shumë të talentuara që kanë bërë krenarë shqiptarët me sukseset e tyre.
Bëhet fjalë për Rita Orën, Dua Lipën e Bebe Rexhën – këngëtare të cilat kanë arritur të jenë të suksesshme në arenën ndërkombëtare.
Në top listën javore të imunes në Mbretërinë e Bashkuar, të tre këngëtaret në fjalë janë të renditura në një nga pozitat e top 13 më të mirave.
Në vendin e katërt gjendet shqiptarja Rita Ora së bashku me Liam Prayne për këngën e tyre “For You”, e cila është njëherësh edhe kolona zanore e filmit “Fifty Shades Freed”.
Ndërkohë, vendi i gjashtë është i rezervuar për shqiptaren tjetër të suksesm, Dua Lipën, e cila mban këtë pozitë me projektin e saj më të fundit muzikor “IDGAF (I don’t give a fuck)”.
Ndërsa e trembëdhjeta renditet këngëtarja Bebe Rexha për këngën e saj “Meant to be”, të cilën e këndon në bashkëpunim me Florida Georgian.
Ka qenë pikërisht kjo e fundit, e cila ka ndarë me fansat në rrjetin social Instagram, listën me këngët zyrtare javore më të kërkuara në imunes.
Në mbishkrimin e fotografisë, ajo ka shkruar se ndjehet më se e lumtur që tre vajza shqiptare janë pjesë e kësaj liste, duke kujtuar historinë e babait të saj, se si kishte arritur në Amerikë.
“#13 në iTunes, në Mbretërinë e Bashkuar ! Gjithashtu tre vajzat shqiptare në krye të top 20! Kjo është e pabesueshme! Unë e di se të gjithë prindërit tanë kanë punuar kaq shumë për të na mundësuar një jetë më të mirë për ne. Babai im erdhi në Amerikë në vitet ’80 dhe ka bërë kaq shumë për mua. Jam shumë krenare që jam shqiptare dhe madje edhe më krenare për femrat që po fitojnë me mua tani! Kjo është për babanë tim” (sic.), janë fjalët e këngëtares Bebe Rexha, emri i vërtetë i së cilës është Bleta./ KultPlus.com
Këngëtarja shqiptare me famë botërore, Bebe Rexha ka treguar se këtë sezon do të jetë mentore e konkurrentëve që do të marrin pjesë në “American Idol”, shkruan KultPlus.
Lidhur me këtë këngëtarja Bebe Rexha përmes një postimi ka treguar historinë e saj para dhjetë viteve në këtë audicion, ku së bashku me nënën e saj kishte pritur për dhjetë orë në radhë. Me këtë histori Bebe Rexha ka një mesazh inspirues, që gjithmonë duhet ndjekur ëndrrën tënde, pavarësisht dështimeve që mund t’i sjellë fillimi.
“10 vite më parë nëna ime dhe unë kemi pritur për dhjetë orë në radhë për audicionet e American Idol. Unë nuk arrita ta kaloj as raundin e parë, por nuk hoqa kurrë dora nga ëndrra ime. Është çmenduri se si jeta vjen në një rreth të plotë. Jam e ngazëllyer të njoftoj se unë do të jem mentore e konkurrentëve në American Idol,” ka shkruar këngëtarja në rrjetin e saj “Instagram”./KultPlus.com
Performanca e këngëtares Kesha ka bërë një jehonë mjaft të madhe për interpretimin e këngës “Praying” në Grammy Awards 2018 , ndërsa pjesë e këtij interpretimi ka qenë edhe këngëtarja shqiptare Beba Rexha me Cyndi Lauper, Julia Michaels, Andra Day, Camila Cabelle, përcjellë KultPlus.
Interpretimi i kësaj këngë u cilësua si mjaft emocionues për këtë ngjarje. Pas performancës së saj, Kesha ka cituar disa pjesë të tekstit të këngës së saj, ndërsa në këtë postim ka shprehur edhe një mesazh mirënjohjeje.
“” Pas gjithçkaje që keni bërë unë mund t’ju falënderoj për atë se sa e fortë jam bërë “, ka shkruar ajo në Twitter. “Faleminderit @RecordingAcad, dhe grave që ishin me mua në skenë sonte po ashtu faleminderit të gjithë atyre që më kanë mbështetur gjatë gjithë këtij udhëtimi”, ka shkruar këngëtarja në postimin e saj./KultPlus.com
https://www.youtube.com/watch?v=vlOT2N3O6ZI
Mbrëmë u mbajt edicioni i 60-të i ceremonisë së ndarjes së çmimeve Grammy 2018-të.
Kjo mbrëmje e cila është e njohur për glamurin që sjellë në tapetin e kuq, nuk mbeti pa u përcjellë edhe nga emrat shqiptarë që po mahnitin botën me zërat e tyre, shkruan KultPlus.
Rita Ora dhe Bebe Rexha, ishin të pranishme në këtë ceremoni e cila u ndoq nga shumë njerëz. Ndërsa nën zoom-in e medieve ishin shqiptaret të cilat nuk shpëtuan pa u komentuar për veshjet e tyre.
Rita Ora, me një fustan të zi, këmbë të hapur e flokë të lëshuara, ishte ajo që u vlerësua ndër tri këngëtaret e veshura më së bukuri në ceremoninë Grammys. Ndërsa Bebe Rexha, kishte një fustan ngjyrë krem e gjoks të hapur. Edhe Bebe, ishte e mrekullueshme në këtë event.
Ndërkaq Dua Lipa, e cila ishte e pranishme në pre-Grammy, mbrëmë në ceremoninë e ndarjes së çmimeve nuk ishte e pranishme.
Por kjo ngjarje nuk ka shpëtuar vetëm me dy shqiptare. Është edhe këngëtarja Bleona Qereti, e cila ka qenë e pranishme në këtë ceremoni. Bleona kishte një fustan të zi, shumë interesant ndërsa flokët i kishte të kapura./ KultPlus.com
Rita Ora, Dua Lipa dhe Bebe Rexha, shndritën mbrëmë në mbrëmjen pre-Grammy 2018-të, shkruan KultPlus.
Të tri këngëtaret shqiptare më veshjet e tyre të mrekullueshme, ishin nën fokusin e medieve të mëdha botërore. Ato bashkë me shumë artistë të tjerë botërorë parakaluan në tapetin e kuq, të kësaj mbrëmja që mbahet para ndarjes së çmimeve Grammy./ KultPlus.com
Këngëtaret shqiptare me famë botërore, Rita Ora e Bebe Rexha janë takuar të martën mbrëma në New York. Dy këngëtaret kanë publikuar fotografinë e njëjtë nga takimi dhe e kanë quajtur njëra tjetrën shoqe të ngushta.
Në fotografinë e publikuar në Instagram dy yjet shihen duke u puthur, shkruan koha.net
Muaj më parë Rita në një intervistë kishte paralajmëruar bashkëpunim me Rexhën në një këngë të re./KultPlus.com
Këngëtarja shqiptare me famë botërore, Bebe Rexha i është bashkuar fushatës së femrave, e cila po përkrahet edhe prej meshkujve, kundër abuzimeve seksuale ndaj grave.
Këtë e ka bërë Rexha duke publikuar një mesazh në llogaritë personale të rrjeteve sociale.
“Nëse do të më thërrisni bushtër, më thirrni bushtër e keqe”, ka shkruar ndër të tjerash Rexha në Instagram./ KultPlus.com
Këngëtarja me prejardhje shqiptare, Bebe Rexha dhe dyshja e fuqishme e muzikës country Floida Georgia Line, kanë vazhduar dominimin në top-listën e Billboardit për këtë stil muzikor.
“Meant to Be” po vazhdon të mbetet në pozitën për shkak të përzierjes që ka mes popit dhe muzikës country. Kjo i ka ndihmuar këngës që të transmetohet në radiot pop dhe country nëpër Amerikë, transmeton Koha.net.
Ylli shqiptar përveç pozitës së parë, ka hyrë në histori si këngëtarja e parë që debuton në pozitën e parë të Billboardit për muzikën country.
“Sapo mora vesh që jam zyrtarisht femra e parë në historinë e muzikës Country që renditet e para në tabelat e ‘Billboard Country’, ka shkruar ajo në Instagram
Në top 100 këngët më të mira “Meant” ka arritur pozitën 40. Në këtë pozitë Bebe Rexha ka qëndruar pesë herë./ KultPlus.com
Këngëtarja e njohur shqiptare Beba Rexha ka marë pjesë në koncertin e komunitetit shqiptar që është mbajtur në New York, pikërisht për festën e 28 nëntorit, shkruan KultPlus.
Në këtë koncert kanë marë pjesë artistë të shumë shqiptarë, por befasia e këtij koncerti ishte vetë Bebe Rexha, e cila i është bashkangjitur komunitetit.
Poashtu ajo ka uruar shqiptarët për festën e 28 Nëntorit. Urimin e saj mund ta përcillni në këtë video./KultPlus.com
Të gjithë kemi qenë edhe jemi krenarë për të gjithë ata shqiptarë të cilët bëhen të njohur jashtë kufijve të vendit tonë. Rita Ora është një ndër këngëtaret shqiptare të cilat tashmë gëzojnë famë botërore, ajo gjithmonë shprehet se ndihet krenare që është shqiptare, madje edhe këngën e saj “Shine Ya Light” e ka realizuar në vendlindjen e saj.
Por jo vetëm ajo shprehet me plot krenari qe është shqiptare pasi nuk duhet të harrojmë se edhe Dua Lipa, Bebe Rexha e shumë talente të tjerë. Suksesi i tyre është shumë i madh dhe tani është hera e dytë që “MTV EMA” prezantohet nga një shqiptare, vitin e kaluar ishte Bebe Rexha ndërsa këtë vit Rita Ora.
Së fundmi në një intervistë të dhënë për MTV, Rita është ndjerë shumë e emocionuar pasi lexuan një koment në twitter ku një shqiptar iu kujton se herën e kaluar prezantuese ishte Bebe ndersa kete here Rita, shqipet ia dolen ndersa me pas ajo merr nje video-mesazh nga Bebe Rexha, e cila i jep disa këshilla edhe puthje nga një shqiptare tek tjetra.
Bebe dhe Rita së shpejti do te bashkëpunojnë së bashku, por shikoni videon më poshtë të siguruar nga intv.al, ku Rita shprehet shumë e emocionuar edhe thotë se iu bë mishi “kokrra..kokrra”.Të gjithë do emocionoheni sapo të shihni këtë moment.
Këngëtarja shqiptare Bebe Rexha po vazhdon të korrë suksese me këngët e saj.
Përmes një postimi në Facebook ajo ka bërë të ditur se është në Top 10 në iTunes me dy këngë të saj, transmeton Koha.net.
“Meant to Be” në bashkëpunim me Florida Georgia Line mban vendin e pestë, përderisa me këngën më të re “Home”, në bashkëpunim me Machine Gun Kelly dhe X Ambassadors, mban të nëntin./ KultPlus.com
Bebe Rexha pritet që të jetë një nga performueset në ceremoninë e ndarjes së çmimeve American Music Awards.
Ajo pritet të performojë projektin e saj me Florida Georgia Line të titulluar “Meant to Be” dhe i cili u lansua kohë më parë.
Bukuroshja shqiptare ka konfirmuar se do të performojë këtë të diel bashkë me këtë grup dhe se versionin e performancës do ta lansojë për shkarkim për të gjithë adhuruesit e saj.
Ndryshe, Bebe Rexha konsiderohet një prej yjeve më të mëdha të muzikës botërore./ KultPlus.com
Dy këngëtaret shqiptare me famë botërore, Rita Ora dhe Bebe Rexha kanë bashkuar forcat për herë të parë për të sjellë një këngë të përbashkët.
Në këngën e re të Rita Orës do të marrin pjesë përpos Bebe Rexhës edhe Charli XCX dhe Zara Larsson.
Rita e konfirmoi lajmin në fundjavë duke thënë se kënga “Girls” do të lansohet në janar të vitit të ardhshëm, transmeton Koha.net.
Ora sivjet u kthye fuqishëm në tregun botëror me tri këngë “Your Song”, “Lonely Together” dhe “Anywhere”, ndërsa Rexha solli disa këngë, në mesin e të cilave edhe hitet “I Got You”, “The Way I Are” dhe “Meant To Be”./ KultPlus.com
Bebe Rexha është një ndër këngëtaret më të suksesshme shqiptare në rrafshin ndërkombëtar.
Ditë më parë publikoi këngën më të re të titulluar “Meant To Be”, i cili deri më tani është shikuar mbi 9.2 milionë herë në YouTube.
Kjo, por edhe sukseset tjera kanë bërë që këngëtarja të merr edhe ftesa speciale që të performojë në koncerteve të bendeve të ndryshme.
Ajo së fundi është paraqitur në një koncert të bendit të njohur amerikan Linkin Park, të cilët i ka falënderuar për këtë nder.
“Shumë e emocionuar. Faleminderit Linkin Park dhe Steve Aoki që më ftuan t’i bashkohem në këtë moment të veçantë. Gjithmonë do ta vlerësojë dhe do ta dua Chesterin”, ka shkruar në llogarinë personale në Instagram, Rexha.
Theksojmë se koncerti u mbajt në nder të këngëtarit dhe tekstshkruesit të bendit, Chester Bennington, i cili ka ndërruar jetë 20 korrik 2017.
Ndryshe, Rexha, në bashkëpunim me Machine GunKelly dhe X Ambassadors, do të këndojnë kolonën zanore “Home” të filmit më të ri “Bright”.
Ajo ka takuar sërish në palestër yllin e kinematografisë botërore, Sylvester Stallonen. / KultPlus.com
Gazeta zvicerane renditjen e dhjetë shqiptarëve që kanë bërë gjëra të mëdha e publikon me rastin e shpëtimit të një çifti zviceran nga një aksident, ku këtë çift e kishin shpëtuar punëtoret shqiptarë të shpëtimit.
“Pasi punëtorët shqiptarë të shpëtimit, kohët e fundit shpëtuan një çift zviceran nga fatkeqësia, prezantojmë sot dhjetë shqiptarë, të cilët duhet ti njihni, ka shkruar gazeta zivcerane Blick, përcjellë KultPlus.
1> Gjergj Kastriot Skenderbeu
2.John dhe James Belushi
3.Rita Ora
4.Action Bronson
5.Era Istrefi
6.Bebe Rexha
7.Tony Dovolani
8.Eliza Dushku
9.Patrick Nuo
10. Futbollistët shqiptarë që luajnë në Zvicër
