Gjatë mëngjesit të sotëm në fshatin Revuç të Podujevës është thyer pllaka me logon e UÇK-së, e cila ishte e vendosur në afërsi të shpatës së Skënderbeut, shkruan KultPlus.
Kjo është bërë e ditur nga vetë skulptori i kësaj shpate, Bedri Kadriu i cili nëpërmjet një reagimi në Facebook ka shkruar se thyerja e kësaj pllake ka ndodhur në orët e hershme të mëngjesit.
Tutje ai ka shtuar se rasti është paraqitur në polici dhe se presin që të vihen para drejtësisë personat përgjegjës për këtë akt të turpshëm.
Më poshtë mund të lexoni reagimin e tij të plotë:
Reagim:
Sot në orët e para të mëngjesit ka ndodh një akt i turpshëm ku persona apo person i pandërgjegjshëm ka thyer pllakën me llogon e UÇK-së e cila ka qenë e vendosur tek shpata e Skendërbeut në fshatin Revuç të Podujevës.
Rasti është paraqit edhe në polici dhe shpresojmë që autorët të zbulohen sa më parë dhe të dalin para drejtësisë për këtë akt të turpshëm./ KultPlus.com
