Bella Hadid është shpallur si personi më me stil në planet për vitin 2023 nga revista britanike “GQ”, transmeton KultPlus.
“Supermodelja 26-vjeçare u “lavdërua për aftësinë e saj për të bërë veshje për meshkuj, veshje për femra, veshje inteligjente dhe madje edhe veshje nga stilet më të ndryshme”, tha revista e stilit dhe modës për meshkuj.
Revista GQ vlerësoi mënyrën se si Hadid vishet për meshkuj më mirë se shumica e meshkujve.
“Hadid vishet për meshkuj më mirë se shumica e meshkujve – dhe ajo ende mund të veshë gjithçka dhe çdo gjë tjetër”, thuhet gjithashtu.
Hadid ka modeluar për marka të modës së lartë, duke përfshirë Bulgari, Dior dhe Versace. /KultPlus.com
Bella Hadid është shprehur se ka humbur shumë oferta pune dhe është larguar nga miqtë për shkak të qëndrimit të saj anti izraelit.
Modelja 25 vjeçare është vajza e supermodeles nga Holanda, Yolanda Hadid, dhe biznesmenit palestinez të pasurive të paluajtshme Mohamed Hadid.
Ajo e ka kritikuar Izraelin në të kaluarën për shkak të konfliktit me Palestinën. Në një interviste që ka dhënë së fundmi, modelja e famshme, e cila ka punuar për markat më të mëdha në botë, ka shpjeguar se si ajo humbi shumë oferta pune për shkak të qëndrimit të saj politik.
“Ka pasur kaq shumë marka që kanë pushuar së punuari me mua. Edhe shumë miq më kanë kthyer shpinën. Kisha miq që më braktisën plotësisht, si edhe miqtë me të cilët kisha darkuar të premten në mbrëmje, për shtatë vjet, tani thjesht nuk më lejojnë të hyj në shtëpinë e tyre.”
Bella ka lindur në Uashington, DC, ku kaloi katër vitet e para të jetës së saj duke u rritur pranë të afërmve nga ana e saj palestineze. Por pasi prindërit e saj u ndanë kur Bella ishte katër vjeç, ajo, motra dhe vëllai i saj Gigi dhe Anwar, u zhvendosën në Santa Barbara, Kaliforni, me nënën e tyre.
Bella ka rrëfyer se ishte e vetmja vajzë arabe në klasën e saj, dhe kjo bëri që të përballej me komente raciste./abcnews.al / KultPlus.com
Të gjithë sytë në provat për shfaqjen e Marc Jacobs ishin te motrat Bella dhe Gigi Hadid, derisa ato u dokën sikurse asnjëherë më parë me kokat gjysmë të rruara. /KultPlus.com
Në numrin e janarit, në shitje tani, Julia Llewellyn Smith ka një audiencë me Rina Lipën, aktoren përrallore magjepsëse në rritje dhe sensacion në Insta, transmeton KultPlus.
E stilizuar në Richard Quinn dhe Vivienne Westwood, ajo është padiskutim një figurë madhështore dhe madje ngjanë shumë edhe me motrën e saj Dua Lipën.
Në intervistë për gazetën Tatler, duke kujtuar fëmijërinë e saj, duke jetuar në Prishtinë, kryeqytetin e vendlindjes së prindërve, Rina thotë se argëtimi i saj i preferuar ishte të lundronte nëpër garderobën e motrës së madhe Dua.
“Unë kisha një admirim të madh për të. Përpiqesha gjithmonë të vishesha si ajo, t’i vidhja rrobat. Kur i vishja, do ndjehesha më e vjetër. Është ende kështu, kaloj nëpër dollapin e saj dhe i them: “Mmm, nuk e ke veshur për një kohë.” Ajo menjëherë më thotë “O Zot, ktheje atë!”
Gazetarja Llewellyn Smith bën krahasime midis familjes Lipa dhe Kardashians ose – ndoshta më saktë, Hadids, jo më ndryshe pasi Dua është në lidhje me Bella dhe vëllain e Gigi, Anwar, që dy vite.
Rina shpjegon sinqerisht: “Ne jemi të gjithë krijues. Ne shoqërohemi me Hadidët dhe ata janë vërtet të bukur.’
Gjatë intervistës, tutje Rina shpjegon se Dua i ka treguar planet e saj për t’u kthyer në Londër dhe për t’u bërë yll i popit që në moshën 15-vjeçare.
“Ishte e re, por ishte e pjekur, ishte gati”, thotë ajo. “Prindërit e mi nuk e lanë të ikte lehtë – gjithçka u bë në një mënyrë shumë të kontrolluar. Ajo duhej të kthehej në momente të caktuara dhe tëjetonte me një mik të familjes. Por ishte e vështirë. Më ka marrë malli për të. Ajo punoi shumë, shumë fort. Unë me të vërtetë e kam kërkuar atë për këtë dhe e bëj edhe sot e kësaj dite”.
Rina është padyshim një yll në rritje për t’u ndjekur: ajo do të shfaqet në një film thriller horror të ardhshëm të drejtuar nga regjisori italian Gianluigi Carella. /KultPlus.com
Bella Hadid mori gjithë vëmendjen në tapetin e kuq, me një nga pamjet më mahnitëse high-fashion të Festivalit të 74 të Filmit në Kanë, deri më tani.
Modelja kishte veshur një fustan avangardë nga koleksioni Schiaparelli Haute Couture Vjeshtë-Dimër 2021/22, i krijuar nga Daniel Roseberry, në premierën e Tre Piani (Tre Kate). Fustani i zi, kishte një dekolte të prerë nën gjoksin e Hadidit, të cilin e kishte mbuluar me një gjerdan ari në formën e mushkërive, të zbukuruar me gurë të çmuar. Kjo varëse është cilësuar nga Schiaparelli si ‘Golden trompe l’œil’.
“Trompe l’œil” përshkruan iluzionin artistik të mashtrimit të syrit, për të perceptuar një detaj të pikturuar ose të sheshtë si një objekt tre-dimensional.
Hadid ka dhënë gjithashtu pamje të mrekullueshme edhe gjatë javës së kaluar të festivalit të filmit. Ajo kishte veshur një fustan të bardhë Jean Paul Gaultier, me një bisht madhështor prej tantelle, në mbrëmjen e hapjes së Kanë./ KultPlus.com
Nuk është hera e parë që dizajneret shqiptare kanë marrë vëmendjen e revistës prestigjioze “Vogue”. Këtë herë ka qenë stilistja shqiptare, Nensi Dojaka që ka zënë faqet e kësaj reviste, pas dizejnimit të veshjes së Bella Hadid në VMA (MTV Video Music Awards), shkruan KultPlus.
Në artikullin e revistës së modës “Vogue” shkruhet se Bella Hadid dukej sikur kishte dalë nga një sfilatë mode e fund vitit të 90-ës. Sipas tyre kontrasti që krijohej nga kjo veshje nuk ndryshonte nga kontrasti i pantallonave të brendshme për femra që Tom Ford tregoi për Gucci në Pranverën e vitit 1998.
Modelen Bella Hadid, me brendin e stilistes shqiptare e njoftoj stilisti Carlos Nazario, duke e bërë kështu personin e parë që vishet nga stilistja Dojaka në tapetin e kuq, shkruan Vogue.
Dojaka që nuk e ka zakon që të shikoj shfaqje çmimesh këtë herë kishte qëndruar deri vonë në Londër për të parë Hadid në ngjarje. Për Vogue ajo ka deklaruar se ishte e ngazëllyer për këtë ngjarje.
Nensi Dojaka u vendos në Londër në moshën 16 vjeçare. Gjatë kohës së studimeve në London College of Fashion, ajo hodhi në treg markën e saj të veshjeve që tashmë cilësohet si një nga më luksozet në fushën e modës./ KultPlus.com
Bella Hadid paraqiti një çmim në MTV VMA të vitit 2020 dhe vendosi të shkonte me diçka krejtësisht transparente.
Supermodelja u paraqit me një bluzë të krijuar nga Nensi Dujaka, estetikën e së cilës Forbes e quan si ‘dekonstruktive dhe avant-garde”, përcjellë KultPlus.
Një e sapodiplomuar e Central Saint Martins, kjo stiliste shqiptare themeloi markën e saj ndërsa përfundoi BA në Kolegjin e Modës në Londër vetëm tre vjet më parë.
Dhe kur bëhet fjalë për krijimin, ekziston një familjaritet qetësues me elementin e dekonstruksionit (sjell ndërmend kujtimet e Helmut të viteve ’90, Demeulemeester deri në fillimet e hershme me disa detaje McQueen) por gjithashtu duket shumë moderne pasi ajo merr frymëzime nga e sotmja. /KultPlus.com
Është një nga modelet më atraktive në botën e showbizzit dhe këtë e tregon më së miri fakti se shpesh herë kemi parë që imazhi i saj të jetë në ballinën e disa prej magazinave më prestigjioze në botë.
Ka pasur shumë raste kur Bella Hadid është bërë pjesë e diskutimeve të gjata në mediet rozë sa i përket faktit nëse ka kryer ose jo operacione plastike, diskutime këto që disa herë janë pasqyruar edhe me foto që tregojnë disa ndryshime të vogla në tiparet fizike dhe sidomos për hundën e modeles.
Por faktin se është një vajzë shumë simpatike dhe e ëmbël nuk mund ta kundërshtoj askush sepse këto imazhe që do të shikoni më poshtë flasin qartë.
Në foto shihet Bella Hadid në moshën 5-vjeçare dhe mund të themi me plot gojë se modelja bukurinë e paska të trashëguar ndër vite, shkruan syri.
Me ose pa operacione, bukuria e Bellas ngelet një fakt kokëfortë! Imazhi i saj në kopertinat e disa nga magazinave më prestigjioze i mbyll hapësirat e diskutimeve të kota për shumë skeptikë./KultPlus.com
