Karim Benzema e ka fituar “Topin e Artë” për vitin 2022.
Sulmuesi i Real Madridit e fiton këtë çmim për herë të parë në karrierë, shkruan Gazeta Express.
Francezi ishte i jashtëzakonshëm edicionin e kaluar, duke qenë lojtari kryesor në triumfin e Real Madridit në Ligën e Kampionëve dhe në La Liga.
Pas këtij suksesi, ka reaguar edhe presidenti i Francës, Emmanuel Macron.
Ai tha se Benzema do të mbetet në historinë e futbollit.
“KB9! Dy shkronja dhe një numër që do të mbeten në historinë e futbollit. 24 vjet pas Zidane, Karim Benzema po rikthen një Top të Artë të ri në Francë. Urime për të!”, shkroi Macron. / KultPlus.com
