Presidenti i ShBA-së, Joe Biden ka thënë se vetëm “Zoti i Plotfuqishëm” mund ta bindë atë që t’i japë fund ofertës së tij për rizgjedhje, teksa ai u ul për një intervistë të rrallë në primetime në një përpjekje për të qetësuar shqetësimin e demokratëve për kandidaturën e tij.
Duke folur për ABC News të Premten, Biden refuzoi gjithashtu të bënte një test njohës dhe t’i bënte rezultatet publike në mënyrë që të siguronte votuesit se ai është i aftë për të shërbyer një mandat tjetër.
“Unë kam një test kognitiv çdo ditë. Çdo ditë e kam atë test – gjithçka që bëj është një test”, i tha ai George Stephanopoulos.
81-vjeçari e kundërshtoi edhe një herë idenë, e transmetuar nga disa zyrtarë dhe donatorë demokratë, se ai duhet të qëndrojë mënjanë për një alternativë më të re pas debatit të tij katastrofik me Donald Trump javën e kaluar.
Presidenti amerikan, Joe Biden, tentoi të qetësonte demokratët lidhur me paraqitjen e tij gjatë debatit me ish-presidentin, Donald Trump.
Hezitimi i tij gjatë debatit dhe komentet e zbehta në veçanti në fillim të tij, nxitën shqetësime edhe në mesin e anëtarëve të partisë së tij se 81-vjeçari nuk është i gatshëm të udhëheqë vendin edhe për katër vjet të tjera. Pas debatit u krijua një moment krizë në fushatën e Bidenit dhe në presidencën e tij, teksa anëtarët e Partisë Demokratike filluan të mendonin për të gjetur zëvendësuesin e mundshëm për të, përderisa donatorët dhe mbështetësit e tij po ashtu shprehën shqetësim lidhur me përballjen e tij karshi Trumpit.
Biden duket se pranoi kritikat gjatë një tubimi të premten në Karolinën e Veriut, duke thënë “unë nuk debatoj aq mirë siç debatoja dikur”.
Por, ai shtoi se “e di këtë punë. Dhe e di se si bëhen gjërat”.
Gjatë një fjalimi 18 minutës, Biden kritikoi Trumpin për “gënjeshtrat” e tij dhe për një fushatë që synon “hakmarrjen dhe ndëshkimin”.
“Zgjedhje në këto votime është e thjesht. Donald Trump do ta shkatërrojë demokracinë tonë, unë do ta mbroj”, tha ai.
Biden, duke aluduar në kandidaturën e tij, tha se “kur të rrëzojnë, t’i ngrihesh”.
Zonja e Parë, Jill Biden, gjatë një ngjarjeje të premten mbrëma në Qytetin e Nju Jorkut, tha se burri i saj i tha pas debatit: “Nuk di çfarë ndodhi. Nuk u ndjeva mirë”.
Edhe para debatit, mosha e Bidenit ka qenë shqetësim për votuesit dhe debati i së enjtes mbrëma duket se përforcoi këto shqetësime të votuesve disa muaj para mbajtjes së zgjedhjeve presidenciale.
Fushata e Bidenit po ashtu ka tentuar që të ulë shqetësimet, teksa ligjvënësit demokratë e kanë pranuar se presidenti pati paraqitje të dobët në debat, por tentuan të ndalnin diskutimet për zëvendësimin e tij si kandidat për president.
“Presidenti nuk pati një natë të mirë, por as Donald Trumpi me gënjeshtrat e tij të njëpasnjëshme dhe me vizionin e errët të tij për Amerikën”, tha guvernatori i Karolinës së Veriut, Roy Cooper për Associated Press.
“Nuk mund ta kthejmë Trumpin në Shtëpinë e Bardhë. Ai është kërcënim ekzistencial për kombin tonë”, tha ai.
Ish-presidenti amerikan, Barack Obama, mbështeti ish-nënpresidentin e tij, duke postuar në X – që më herët njihej si Twitter – se “paraqitje të këqija gjatë debateve ndodhin ”.
Duke aluduar në paraqitjen e tij të dobët në debatin e tij gjatë fushatës për rizgjedhje më 2012, Obama tha se “më besoni, e di. Por, këto zgjedhje ende janë një zgjedhje mes dikujt që ka luftuar për njerëzit e zakonshëm gjatë gjithë jetës së tij dhe dikujt që vetëm ia ndien për veten”.
Ndërkaq, lideri i demokratëve në Dhomën e Përfaqësuesve u përgjigj me “jo”, kur u pyet nëse Bideni duhet të tërhiqet nga gara.
Nënpresidentja amerikane, Kamala Harris, tentoi të bindte mbështetësit e Bidenit duke thënë se “kjo garë nuk do të vendoset nga një natë qershori”.
“Kjo garë do të vendoset nga ju. Na ne. Kush do të jetë në Shtëpinë e Bardhë vitin e ardhshëm do të përcaktohet nga ajo se çfarë ne së bashku do të bëjmë në 130 ditët e ardhshme”, tha ajo gjatë një tubimi në Las Vegas.
Drejtori për media i fushatës së Bidenit, Michael Tyler, tha se nuk ka pasur “asnjë” bisedë të brendshme që Biden të tërhiqet nga gara, por ai e pranoi se Bideni pati “një natë të keqe” gjatë debatit.
Sipas sondazhit të CNN dhe Ipsos, që u realizua pak pas debatit, shumica e shikuesve të debatit shprehën mendimin se Trumpi kishte paraqitje më të mirë sesa Bideni.
Sipas rregullave aktuale të Partisë Demokrate, do të ishte e vështirë, në mos e pamundur, që Biden të zëvendësohet si kandidat zyrtar i partisë pa dëshirën e tij ose pa vullnetin e zyrtarëve të partisë që të ndryshojnë rregulloret në konventën kombëtare që mbahet në gusht./REL/ KultPlus.com
Presidentja e Republikës së Kosovës, Vjosa Osmani ka pranuar një telegram urimi për 16 vjetorin e pavarësisë nga Presidenti i Shteteve të Bashkuara të Amerikës, Joseph R.Biden Jr.
Me këtë rast, Presidenti Biden ka konfirmuar se Kosova dhe Shtetet e Bashkuara ndajnë një miqësi dhe partneritet të qëndrueshëm të përforcuar nga vizioni i përbashkët për një rajon më paqësor, më të sigurt dhe më prosperues.
Në vijim, gjeni letrën e plotë të urimit, të dërguar nga Presidenti Biden:
Duke filluar nga e marta, Kanioni i Madh do të jetë në listën e monumenteve kombëtare të Shteteve të Bashkuara. Vendimi i Presidentit Biden ofron mbrojtje federale për një sipërfaqe prej rreth 405,000 hektarësh në shtetin e Arizonës, që njihet si fushëbetejë elektorale. Veprimi synon të çimentojë qëndrimin e presidentit për çështjet e mjedisit. Prej disa dekadash fiset indigjene dhe ambjentalistët kanë kërkuar mbrojtjen e zonës turistike.
“Ruajtja e këtyre tokave është e mirë, jo vetëm për Arizonën, por për planetin. Është mirë për ekonominë dhe shpirtin e vendit”, tha Presidenti Biden.
Fiset në Arizona i patën kërkuar presidentit që të ushtrojë autoritetin e tij në bazë të Ligjit të Antikiteteve të vitit 1906 për të krijuar një monument të ri kombëtar të quajtur “Baaj Nwaavjo I’tah Kukveni”.
“Baaj Nwaavjo” do të thotë “ku enden fiset”, sipas gjuhës së popullatës Havasupai, ndërsa “I’tah Kukveni” përkthehet në “gjurmët tona”, sipas gjuhës së folur nga fisi Hopi.
Presidenti e lidhi vendimin me përpjekjet e administratës së tij për të luftuar ndryshimet klimatike, ndërsa vuri në dukje temperaturat ekstreme të kësaj vere. Presidenti po zhvillon një turne për të nxitur planin e tij për ekonominë.
Ai tha se nxehtësia ekstreme ishte përgjegjëse për më shumë vdekje sesa fatkeqësitë e tjera natyrore si përmbytjet dhe uraganet, por shtoi, se asnjë nga këto nuk duhet të jetë e pashmangshme.
Presidenti Biden kritikoi gjithashtu mbështetësit e lëvizjes “Make America Great Again” të ish-presidentit Donald Trump për kundërvënien ndaj përpjekjeve për të promovuar energjinë e gjelbër dhe për të zgjeruar mbrojtjen federale për mjedisin.
Presidenti Biden tha se vendimi kërkon që qeveria federale të përmbushë detyrimet e saj në bazë të traktatit me fiset indigjene amerikane.
Ligjvënës republikanë dhe industria e minierave të uraniumit që operon në zonë e kishin kundërshtuar përcaktimin e zonës si monument kombëtar, duke argumentuar përfitimet ekonomike për rajonin dhe se industria minerale është çështje e sigurisë kombëtare.
Ligji i Antikiteteve i vitit 1906 i jep autoritet një presidenti që të mbrojë territore me vlerë historike apo shkencore duke i shpallur monumente kombëtare.
Kanioni i Madh “Grand Canyon” njihet si një nga shtatë mrekullitë natyrore të botës./VOA / KultPlus.com
Joe Biden ka konfirmuar synimin e tij për të kandiduar për një mandat të dytë në presidencën amerikane në vitin 2024, duke shtuar se ai nuk do të shpallë menjëherë kandidaturën e tij.
“Qëllimi im është… ka qenë që në fillim të jem kandidat”, tha 80-vjeçari gjatë një interviste për ABC News.
Gruaja e tij Jill Biden deklaroi për agjencinë e lajmeve Associated Press se gjithçka që mbetet është të vendoset vendi dhe data e shpalljes së kandidaturës së tij. I pyetur gjatë kësaj interviste, Joe Biden shmangu konfirmimin ose mohimin e gruas së tij. Megjithatë ai ka sqaruar se nuk po ngutet.
“Ka shumë gjëra të tjera që duhet t’i përfundojmë menjëherë përpara se të filloj fushatën,” tha ai, duke iu referuar reformave që po nxit qeveria e tij.
I pyetur nëse mosha ndikon në vendimin e tij për të kandiduar apo jo, ai u përgjigj: “Jo. Por është legjitime që njerëzit të ngrenë pyetje për moshën time. Është krejtësisht legjitime”.
“Ajo që mund të them është: “Kini kujdes se çfarë po bëj”, shtoi ai duke iu referuar veprimeve të tij gjatë dy viteve që ka qenë në pushtet.
Nëse Joe Biden rizgjidhet, ai do të jetë 86 vjeç kur të përfundojë mandatin e tij të dytë.
Në një deklaratë të përbashkët televizive, të shoqëruar nga Biden, Zelensky tha se bota demokratike duhet të fitojë këtë luftë historike.
“Është vizita më e rëndësishme në të gjithë historinë e marrëdhënieve SHBA-Ukrainë,” tha Zelensky, duke shtuar se nënvizon rezultatet që kemi arritur tashmë. “Sot negociatat tona ishin shumë të frytshme,” tha Zelensky.
Ai tha se rezultatet e kësaj vizite me siguri do të shihen dhe do të ketë një ndryshim në fushën e betejës.
Vendimi i SHBA-së për t’i dhënë tanke Abrams Ukrainës në fillim të janarit ka kontribuar tashmë në forcimin e mbrojtjes së Ukrainës, theksoi Zelensky, duke shtuar se ai dhe Biden folën gjithashtu për dërgimin e amrëve me rreze të gjatë.
“Unë e di se do të miratohet një paketë shumë e rëndësishme mbështetjeje për Ukrainën duke shërbyer një sinjal i qartë se agresioni i Rusisë nuk ka asnjë shans,” tha Zelensky.
“Ukraina ju është mirënjohëse, President”, th ai duke iu drejtuar Biden.
Gjatë vizitës së tij, Joe Biden tregoi arsyetimin e tij për të vizituar kryeqytetin ukrainas ndërsa lufta hyn në vitin e dytë.
“Mendova se ishte kritike që të mos kishte asnjë dyshim, asnjë lloj dyshimi, për mbështetjen e SHBA për Ukrainën në luftë,” tha presidenti amerikan.
Biden theksoi se kishte mbështetje të gjerë dypartiake në Uashington për kauzën ukrainase, edhe pse disa republikanë refuzojnë të ofrojnë ndihmë të mëtejshme.
“Për të gjitha mosmarrëveshjet që kemi në Kongresin tonë për disa çështje, ka një marrëveshje të rëndësishme për mbështetjen për Ukrainën,” tha ai.
“Nuk ka të bëjë vetëm me lirinë në Ukrainë. Ka të bëjë me lirinë e demokracisë në përgjithësi,” tha ai.
Sipas gazetarëve që udhëtonin me të brenda Ukrainës, Biden mbërriti në Kiev në orën 08:00 me orën lokale.
“Është mirë të jem sërish në Kiev,” tha Biden kur mbërriti. Ai u përshëndet nga ambasadorja e SHBA-së në Ukrainë Bridget Brink.
Autokolona e Biden mbërriti në Pallatin Mariinsky vetëm pas orës 8:30 të mëngjesit. Ai u prit nga Zelensky dhe gruaja e tij, Olena Zelenska.
“Faleminderit që erdhët,” tha Zelensky, duke i shtrënguar dorën Biden. “Më e rëndësishmja, si janë fëmijët? E pyeti Biden, ndërsa shtoi: “Jam i lumtur që po të shoh ty”.
I pyetur për rëndësinë e të qenit në Kiev, Biden vuri në dukje se ishte vizita e tij e tetë në qytet.
“Çdo herë më e rëndësishme,” tha Biden.
Ai shtoi se qëllimi i vizitës së tij ishte t’i përcillte Zelenskit se SHBA është do të vazhdojë të mbështsë gjithmonë Ukrainën.
“Ne nuk do të largohemi,” tha Biden. /abcnews.al / KultPlus.com
A video of Joe Biden’s visit to Ukraine.
1/4 – The moment when Biden arrived and was welcomed by Zelenskyi and his wife. Shortly after he met with Ukrainian officials. pic.twitter.com/3iIxmiD32T
Ëndrra e Martin Luther King nuk është realizuar ende dhe për këtë arsye është e nevojshme të vazhdojmë të zgjedhim dhe të luftojmë për demokracinë në këtë “pikë kthese” për SHBA-në dhe botën, deklaroi presidenti amerikan, Joe Biden, gjatë ceremonisë së homazheve në nderim të liderit të të drejtave civile, me rastin e 94-vjetorit të lindjes së tij.
Ai u kujtoi të pranishmëve se Luther King ka qenë gjithmonë heroi i tij, së bashku me John Kenedy.
“Jam këtu me ju në një moment kyç për SHBA-në dhe botën. Ajo që do të ndodhë në vitet e ardhshme do të përcaktojë se si do të jetë bota në tre dekada”, tha Biden duke iu rikthyer një prej pikave të forta të demokratëve gjatë zgjedhjeve afatmesme, përkatësisht mbrojtjes së demokracisë.
“Kjo është një kohë zgjedhjesh, dhe është e nevojshme të zgjidhet demokracia mbi autokracinë. Ne duhet të luftojmë për shpirtin e vendit, dhe kundër atyre që promovojnë racizmin, ekstremizmin dhe kryengritjen”, theksoi ai, duke e përshkruar Martin Luther King si një luftëtar jo të dhunshëm, i cili luftoi për drejtësi.
Për Biden, udhëtimi në Atalanta ofron një mundësi për të forcuar dhe thelluar lidhjen e ngushtë midis komunitetit afrikano-amerikan dhe demokratëve, edhe në funksion të zgjedhjeve të vitit 2024, si një kandidat i ri. / atsh / KultPlus.com
US President Joe Biden attends a worship service at Ebenezer Baptist Church in Atlanta, Georgia, on January 15, 2023, the eve of the national holiday honoring civil rights leader Martin Luther King, Jr. – King was co-pastor of the church from 1960 until his assassination in 1968. (Photo by Brendan SMIALOWSKI / AFP)
Këto pamje nuk janë në Polin e Veriut, por në Shtetet e Bashkuara të Amerikës. “Cikloni bombë” i të ftohtit po ngrin gjithçka prej ditësh dhe është shndërruar në vdekjeprurës.
Të paktën 28 persona kanë humbur jetën në Nju Jork, pjesa më e madhe në qytetin Buffalo, për shkak të temperaturave me dhjetra gradë celcius nën zero.
Një zyrtar shtetëror amerikan thotë se njerëzit mbetën të bllokuar në automjetet e tyre për më shumë se dy ditë, gjatë stuhisë dimërore më të tmerrshme të jetës së tyre.
Sinoptikanët paralajmërojnë për sasi të mëdha dëbore që priten gjatë orëve në vijim. Stuhia, që shtrihet nga Kanadaja deri në Meksikë, ka vrarë mbi 60 persona në total./ KultPlus.com
Presidenti i SHBA Joe Biden nënshkroi ligjin që miraton martesat e së njëjtës gjini, në një ceremoni në Shtëpinë e Bardhë.
Në ceremoni ndodhej edhe kryetarja e Dhomës së Përfaqësuesve, Nancy Pelosi, udhëheqësi i shumicës në Senat, Charles E. Schumer dhe çifti që ngriti padinë dhe që u bë shkas që një gjykatë në Masaçusets të legalizojë martesat e së njëjtës gjini në atë shtet.
Biden, në një fjalim, theksoi rëndësinë e veprimit të Kongresit për të shfuqizuar zyrtarisht Aktin e Mbrojtjes së Martesave dhe kodifikimin e njohjes federale të martesave të së njëjtës gjini.
Mbështetësit thanë se ligji do të ndihmonte pjesërisht nëse Gjykata e Lartë rrëzonte një vendim të vitit 2015 që legalizonte martesat e së njëjtës gjini në mbarë vendin.
“Dashuria është dashuri”, theksoi Biden.
Projektligji, i cili u miratua në të dy dhomat e Kongresit me mbështetje dypartiake, është një nga pjesët e fundit të legjislacionit kryesor që demokratët do të miratojnë përpara se t’ia dorëzojnë kontrollin e dhomës republikanëve në Kongresin e ardhshëm./ atsh/ KultPlus.com
Presidenti amerikan Joe Biden e përshkroi zgjedhjen e kryeministrit të ri të Britanisë “revolucion”. Rishi Sunak është personi i parë me ngjyrë që merr në dorë frenat e vendit.
“Është e mahnitshme, është një moment historik, një revolucion dhe kjo është ajo që ka rëndësi”, theksoi presidenti amerikan.
Rishi Sunak, 42 vjeç, një ish-bankier do të jetë personi më i ri që do të bëhet kryeministër në historinë moderne të Mbretërisë së Bashkuar, por edhe i pari me origjinë indiane, pasi gjyshërit e tij jetonin në Punjab, një rajon në Indisë veriore, përpara pavarësisë së vendit nga Mbretëria e Bashkuar në 1947.
Biden do të flasë me të gjatë ditëve të ardhshme, sipas një njoftimi të Shtëpisë së Bardhë.
Ish-ministri i Financave i Britanisë fitoi garën konservatore për Doëning Street, pas tërheqjes së ish-kryeministrit Boris Johnson Penny Mordant. /abcnews.al / KultPlus.com
Elton John performoi në Shtëpinë e Bardhë për herë të parë që nga viti 1998 dhe u nderua me një çmim nga presidenti amerikan, Joe Biden për kontributin e tij në muzikë.
Ylli veteran mahniti më shumë se 2,000 të ftuar, duke përfshirë mësues, infermierë dhe avokatë të LGBTQ, me performancën e tij, e cila u organizua për të nderuar “krijuesit e historisë së përditshme”.
Në fund të shfaqjes, Biden befasoi Elton me “Medaljen Kombëtare të Shkencave Humane”, transmeton rtv21.tv.
Këngëtari 75-vjeçar është aktualisht në një turne lamtumire pas një karriere më shumë se 50 vjeçare./ KultPlus.com
Presidenti i ShBA-së, Joe Biden dhe Zonja e Parë, Jill Biden, kanë shprehur ngushëllime për vdekjen e Mbretëreshës Elizabeth II, duke thënë se Madhëria e saj ishte më shumë sesa një monarkë dhe se përcaktoi një epokë.
“Në një botë me ndryshime të vazhdueshme, ajo ishte një prani e qëndrueshme dhe një burim ngushëllimi dhe krenarie për brezat e britanikëve, duke përfshirë shumë që nuk e kanë njohur kurrë vendin e tyre pa të”, thuhet në njoftim.
“Një admirim i vazhdueshëm për Mbretëreshën Elizabeth II bashkoi njerëzit në të gjithë CommonWealth. Shtatë dekadat e mbretërimit të saj historik dëshmuan një epokë përparimi të paparë njerëzor dhe marshimin përpara të dinjitetit njerëzor”.
“Ajo ishte monarkja e parë britanike me të cilën njerëzit në mbarë botën mund të ndjenin një lidhje personale dhe të menjëhershme – pavarësisht nëse e dëgjuan në radio si një princeshë e re duke folur me fëmijët e Mbretërisë së Bashkuar, ose u mblodhën rreth televizorëve të tyre për kurorëzimin e saj. Dhe ajo nga ana e saj ia kushtoi gjithë jetën shërbimit të tyre”.
Rusia ka vendosur sanksione ndaj bashkëshortes dhe vajzës së presidentit amerikan Joe Biden. Sipas agjencisë ruse të lajmeve RIA Novosti, Jill Biden dhe Ashley Biden janë mes 25 shtetasve amerikanë në një listë të zgjeruar të sanksioneve të Rusisë, shkruan The Guardian.
Hapi u ndërmor “si një përgjigje ndaj sanksioneve të SHBA-së kundër figurave politike dhe publike ruse”, tha Ministria e Jashtme e Rusisë në një deklaratë. Në prill, SHBA vendosi sanksione që synonin dy vajzat e presidentit rus Vladimir Putin – Maria Vorontsova dhe Katerina Tikhonova.
Dy vajzat e rritura të ish-gruas së Putinit, Lyudmila Shkrebneva, u sanksionuan së bashku me gruan dhe vajzën e ministrit të Jashtëm, Sergei Lavrov, dhe anëtarët e këshillit të sigurisë të Rusisë, duke përfshirë ish-presidentin dhe kryeministrin Dmitry Medvedev.
Rikujtojmë se Rusia u ka ndaluar hyrjen në vend 963 amerikanëve, në të cilën ishin të përfshirë presidenti Biden, Sekretari i Shtetit Antony Blinken dhe shefi i CIA-s, William Burns. Gjithashtu gjatë këtij muaji, Rusia shpalli “non grata” edhe 61 zyrtarë të tjerë amerikanë dhe drejtues kryesorë të mbrojtjes dhe mediave, duke i ndaluar hyrjen në vend.
Lista përfshinte krerët e firmave kryesore, platformave mediatike, agjencive të vlerësimit dhe kompanive të ndërtimit të avionëve dhe anijeve, si dhe zyrtarë individualë të Departamentit të Shtetit të SHBA-së./abcnews.al/KultPlus.com
Presidentja e Kosovës, Vjosa Osmani-Sadriu do ta pres sot në takim një delegacion nga Shtëpia e Bardhë.
ZPRK-ja përmes një komunikate për media tha se ky takim do të mbahet në orën 15:00.
Sipas burimeve të Gazetës Express, zyrtarët amerikanë që do të jenë pjesë e delegacionit të Shtëpisë së Bardhë e që do të priten nga Presidentja Osmani janë:
Elizabeth Sherwood-Randall- asistente e Presidentit të SHBA’së për Siguri Kombëtare
Curtis Reid- Drejtor i Lartë për Çështje Multilaterale në kuadër të Këshillit të Sigurisë Kombëtare
Hillary Hurd– Këshilltare e Lartë në Këshillin për Siguri Kombëtare
Holly Holzer- Koordinatore e Departamentit të Shtetit për Përpjekjet e Zhvendosjes nga Afganistani (CARE)
Ky delegacion do të jetë i shoqëruar edhe nga Ambasadori i SHBA-së në Kosovë, Jeffrey Hovenier si dhe Këshilltarja për Ekonomi Politike në Ambasadën e SHBA-së në Kosovë, Amy Carnie./KultPlus.com
Presidenti i Shteteve të Bashkuara të Amerikës, Joe Biden ka reaguar pas sulmit të Rusisë në Ukrainë, përcjell KultPlus.
“Vetëm Rusia është përgjegjëse për vdekjen dhe shkatërrimin që do të sjellë ky sulm, dhe Shtetet e Bashkuara dhe aleatët dhe partnerët e saj do të përgjigjen në mënyrë të bashkuar dhe vendimtare.
Bota do të kërkojë llogari nga Rusia.”- ka thënë Biden./ KultPlus.com
Në fjalimin e tij të parë në Kombet e Bashkuara, presidenti amerikan, Joe Biden, u zotua për bashkëpunim me aleatët gjatë, siç tha, “një dekade vendimtare për botën tonë”.
Garancitë e tij vijnë në kohën e tensioneve për tërheqjen e Shteteve të Bashkuara nga Afganistani dhe të një grindjeje të madhe diplomatike rreth një marrëveshjeje të re të sigurisë midis SHBA-së, Britanisë dhe Australisë.
“Unë besoj se ne duhet të punojmë së bashku si kurrë më parë”, tha Biden para Asamblesë së Përgjithshme të OKB-së.
Asambleja e 76-të po zhvillon punimet në Nju Jork, në sfondin e krizës klimatike dhe të pandemisë së koronavirusit.
Të dyja çështjet i kanë thelluar ndarjet midis aleatëve, por Biden bëri thirrje për bashkëpunim, duke thënë se “suksesi ynë është i lidhur edhe me suksesin e të tjerëve”.
Duke folur për tensionet e vazhdueshme midis SHBA-së dhe Kinës, Biden tha se vendi i tij “nuk po përpiqet për një Luftë të re të Ftohtë ose një botë të ndarë”.
Por, ai u zotua se SHBA-ja do ta mbrojë “me forcë” veten dhe aleatët e saj.
Biden gjithashtu e mbrojti vendimin për tërheqjen e trupave të huaja nga Afganistani, duke thënë se “fuqia ushtarake duhet të jetë zgjidhja jonë e fundit”./KultPlus.com
Presidenti i Shteteve të Bashkuara, Joe Biden, përkujtoi masakrën e vitit 1921 kundër komunitetit afrikano-amerikan në Tulsa të Oklahomës, duke thënë se SHBA-ja duhet të mësojë nga një prej episodeve më të këqija të trazirave racore.
Për të shënuar 100-vjetorin e ngjarjes, Biden vizitoi qytetin e Tulsës, ku edhe zbuloi iniciativa të reja, që, sipas tij, do të adresojnë pabarazitë racore në pasuri, pronësi shtëpish dhe pronësi biznesesh.
”Ky nuk ishte rebelim, ishte masakër”, tha Biden para një audience në lagjen Grinvud, ndërsa dhunën racore e përshkroi si “njërën ndër më të këqijat në historinë tonë – por jo të vetmen”.
Biden është presidenti i parë amerikan që përkujtoi masakrën e një shekulli më parë.
Në vitin 1921, më 31 maj dhe 1 qershor, Tulsa u përfshi nga trazirat racore dhe vrasjet.
E gjitha filloi kur një i ri afrikano-amerikan, me emrin Dick Rowland, u akuzua për sulm ndaj një gruaje të bardhë – një pretendim që nuk u dëshmua kurrë – dhe pas thashethemeve se një turmë e njerëzve të bardhë planifikonte ekzekutimin e tij.
Një turmë e afrikano-amerikanëve – shumë prej tyre të armatosur – në përpjekje për të parandaluar ekzekutimin, u përball me një turmë të njerëzve të bardhë – disa gjithashtu të armatosur – në gjykatën ku po mbahej Rowland, duke çuar në një konfrontim vdekjeprurës, që la të vdekur dhjetë të bardhë dhe dy afrikano-amerikanë.
Pastaj, protestuesit e bardhë vranë afrikano-amerikanë, plaçkitën shtëpi dhe u vunë flakën blloqeve të lagjes Grinvud të Tulsas.
Në vitin 2001, një komision shtetëror i Oklahomës regjistroi zyrtarisht 36 të vdekur: 26 afrikano-amerikanë dhe dhjetë të bardhë.
Por, disa historianë thonë se numri i të vdekurve arrin deri në 300 njerëz – shumica e tyre afrikano-amerikanë.
Gati 10,000 njerëz mbetën të pastrehë dhe biznese të panumërta u shkatërruan, duke i dhënë fund një qendre ekonomike dhe kulturore afrikano-amerikane.
Të mbijetuarve nuk iu dha asnjë kompensim dhe kompanitë e sigurimeve mohuan shumicën e pretendimeve të afrikano-amerikanëve.
Ngjarjet kryesisht munguan në librat e historisë deri në vitet e fundit.
“Për shumë gjatë, historia e asaj që ndodhi këtu u tregua në heshtje”, tha Biden.
“Disa padrejtësi janë aq të tmerrshme, aq të llahtarshme, aq të rënda, saqë nuk mund të varrosen, pa marrë parasysh se sa përpiqen njerëzit. Vetëm me të vërtetën mund të vijë shërimi”, tha Biden.
Biden, i cili pati mbështetjen e afrikano-amerikanëve në zgjedhjet presidenciale të vitit 2020, u zotua se do të adresojë çështje të tilla si dhuna e policisë, racizmi dhe pabarazitë.
Biden njoftoi gjithashtu se zëvendëspresidentja Kamala Harris do të udhëheqë përpjekjet për reformën e votimit, në përgjigje të atyre që demokratët i cilësojnë si përpjekje të republikanëve për të miratuar ligje që kufizojnë mundësinë e votimit.
Republikanët i mohojnë pretendimet e demokratëve, duke thënë se ligjet në disa shtete si Xhorxhia, në të vërtetë e zgjerojnë mundësinë e votimit dhe janë më përfshirëse se në një numër shtetesh të udhëhequra nga demokratët.
Biden gjithashtu shpalli disa iniciativa të reja, që administrata e tij shpreson se do të ndihmojnë për të ngushtuar hendekun e pasurisë midis afro-amerikanëve dhe të bardhëve, si dhe do të nxisin investimet në komunitetet afrikano-amerikane, duke zgjeruar qasjen e tyre në pronësinë e shtëpive dhe pronësinë e bizneseve të vogla. / Gazeta Express / KultPlus.com
Presidenti i SHBA-së, Joe Biden, u ka bërë thirrje gjithë fëmijëve nga mosha 12-vjeçare e më lartë që të marrin vaksinën Pfizer kundër COVID-19, pas lajmit se këshilltarët federalë të shëndetësisë kanë dhënë leje për vaksinimin e fëmijëve të asaj moshe, raporton agjencia AP.
Më herët këtë javë, Agjencia e Ushqimit dhe e Barnave në SHBA ka hapur rrugën për të zgjeruar përdorimin e vaksinës së Pfizerit, duke cituar dëshmi se vaksina ka funksionuar mirë te ata të moshës 12 deri 15 vjet dhe ata 16 e më tepër.
Por, shumica në SHBA kanë pritur rekomandimin e Qendrës për Kontroll dhe Parandalim të Sëmundjeve.
Të mërkurën, komiteti i pavarur këshillues ka votuar për të rekomanduar përdorimin e kësaj vaksine te fëmijët nga mosha 12 vjet e më lartë.
CDC-ja pritet të pranojë rekomandimin e komitetit këshillues.
“Ne do të kemi për herë të parë një vaksinë të sigurt dhe efikase kundër COVID-19 për adoleshentët mbi 12 vjet. Ky është një hap tjetër i madh në luftën tonë kundër pandemisë”, ka thënë Biden.
Biden ka thënë se administrata e tij është e gatshme për të shtrirë vaksinimin në atë grupmoshë.
“Ky grup i popullsisë do të ketë vaksinimin të shpejtë dhe efikase”, ka thënë Biden, duke shtuar se nga disa e enjte (sot) më tepër se 15 mijë farmaci do të jenë të gatshme dhe në dispozicion për të vaksinuar të gjithë amerikanët të moshës nga 12 vjet e sipër.
Biden ka thënë se vaksinat do të jenë në dispozicion edhe nëpër zyra të pediatrëve dhe të mjekëve familjarë. / KultPlus.com
Përmes një postimi në rrjetin social Facebook, Presidentja e Kosovës Vjosa Osmani-Sadriu ka falënderuar Presidentin Biden për letrën e tij të përzemërt në emër të popullit amerikan, ku Biden ka potencuar se SHBA-të do të punojnë në realizimin e shpërndarjes së vaksinave ndaj Covid-19 në Kosovë, shkruan KultPlus.
Osmani gjithashtu ka theksuar pjesën ku Biden në letrën e tij shkruan se ShBA-të, mbështesin vazhdimin e dialogut me Serbinë.
KultPlus ju sjell postimin e plotë të saj:
Falënderoj Presidentin e Shteteve të Bashkuara të Amerikës, Joe Biden, për letrën e tij të përzemërt në emër të popullit amerikan.
Presidenti Biden thekson partneritetin e gjatë mes dy vendeve tona të rrënjosur në vlerat e përbashkëta, duke përmendur edhe raportin personal të familjes Biden me Kosovën. Ai poashtu ka theksuar se do të punojë me ne në prioritetet që kanë të bëjnë me forcimin e sundimit të ligjit, luftën kundër korrupsionit, mbrojtjen e të drejtave të pakicave dhe bashkësive fetare, rimëkëmbjen nga pasojat e pandemisë Covid-19, zhvillimin ekonomik si dhe sigurimin e të ardhmes së qëndrueshme energjetike.
Në veçanti, e falënderoj Presidentin Biden që i është përgjigjur letrës sime të datës 19 mars lidhur me ndihmën në drejtim të sigurimit të vaksinave, si prioritet numër një i institucioneve tona. Presidenti Biden ka potencuar se me shtimin e sasisë së vaksinave, SHBA-të do të punojnë për shpërndarjen e tyre dhe se ekipi i tij do të jetë ne kontakt me ekipin tim për realizimin e këtij synimi.
Në letrën e Presidentit Biden theksohet, gjithashtu se ShBA-të, mbështet vazhdimin e dialogut me Serbinë. “ShBA-të do të vazhdojnë t`i mbështesin përpjekjet për sigurimin e paqes së qëndrueshme dhe dialogut produktiv ndërmjet Kosovës dhe Serbisë dhe përfundimisht marrëveshjes gjithëpërfshirëse për normalizim, e cila besojmë se do të duhej të përqendrohej në njohjen reciproke”, thuhet në letrën e Biden. / KultPlus.com
Presidenti Joe Biden është i habitur nga kundërshtimi i vazhdueshëm i disa amerikanëve për t’u vaksinuar kundër koronavirusit, veçanërisht mes republikanëve që kundërshtuan zgjedhjen e tij si president.
“Sinqerisht mendova se, pasi të kishim vaksina të mjaftueshme për të gjithë, gjendja do të fillonte të qetësohej, “tha presidenti Biden për kanalin ABC News të martën. “Dhe në fakt është qetësuar mjaft”.
Presidenti Biden i tha gazetarit të ABCNews George Stephanopulos se nuk po arrin të kuptojë këtë situatë.
“Atëherë përse nuk tregohesh patriot? Të mbrosh njerëzit e tjerë ”, tha presidenti Biden.
Joe Biden, i cili u vaksinua para inaugurimit të tij dy muaj më parë, tha se u tregoi amerikanëve me shembullin e vet se vaksina është e sigurt dhe ishte gjithashtu personalisht lehtësuese “sepse tani mund t’i përqafoj nipërit e mi”, tha presidenti. “Ata vijnë më vizitojnë, mund t’i shoh dhe jam në gjendje të rri me ta”.
Rreth 13% e amerikanëve të rritur, më shumë se 35 milionë amerikanë janë vaksinuar plotësisht. Ish-presidenti Donald Trump dhe gruaja e tij Melania u vaksinuan të dy para se ai të largohej nga detyra.
Të martën, Trump i tha kanalit Fox News, “Unë e rekomandoj vaksinën, dhe do t’ua rekomandoja atë shumë njerëzve që nuk duan ta marrin, dhe shumë prej tyre votuan për mua, sinqerisht”. \ VOA / KultPlus.com
Presidenti amerikan Joe Biden ka përmbysur një vendim të ish-presidentit Donald Trump, për të bllokuar aplikuesit e lejeve të qëndrimit (green card), që të hyjnë në Shtetet e Bashkuara.
Trumpi pati bërë këtë ndalesë vitin e kaluar, duke thënë se është e nevojshme që të mbrohen punëtorët amerikanë në kohën e papunësisë së lartë, të nxitur nga koronavirusi.
Kjo ndalesë ishte planifikuar të zgjaste deri në fund të vitit 2020, mirëpo Trumpi e zgjati atë deri në fund të marsit, në ditët e fundit sa ishte në pushtet.
Shumica e vizave të imigrantëve janë bllokuar me këtë urdhër, bazuar në deklaratat e avokatëve për imigrim.
Imigrantët nuk kanë mundur të marrin familjarët e tyre, përveç nëse ata kanë qenë shtetas amerikanë, që kanë aplikuar për viza për bashkëshortët apo fëmijët nën moshën 21-vjeçare.
Imigrantët me viza puna po ashtu nuk kanë mundur të shkojnë në SHBA gjatë kësaj kohe, përveç nëse kanë pasur aftësi në fushën e kujdesit shëndetësor dhe profesione të tilla të ngjashme.
Sipas vendimit të ri, të 24 shkurtit, Bideni ka pezulluar këto vendime, duke thënë se mbyllja e dyerve për imigrantët e ligjshëm “nuk është në interes të Shteteve të Bashkuara”.
Ai ka kundërshtuar pretendimet e Trumpit se imigrantët mund të dëmtojnë tregun e punës, duke thënë se urdhrat u kanë pamundësuar familjeve që të bashkohen, si dhe kanë dëmtuar bizneset amerikane.
Bideni, demokrat, është zotuar për të kthyer mbrapsht një mori politikash të Trumpit për imigrim.
Ai më parë ka hedhur poshtë vendimin e Trumpit për t’iu ndaluar hyrjen banorëve të shteteve me shumicë myslimane. \ REL / KultPlus.com
Presidenti i SHBA-së, Joe Biden, do të nderojë 500 mijë jetë të humbura nga COVID-19 me një moment heshtjeje dhe ceremoni ndriçimi qirinjsh në Shtëpinë e Bardhë.
SHBA-të pritet ta kalojnë këtë moment të zymtë gjatë ditës së sotme, pak më shumë se një vit që pas vdekjes së parë në vend.
Shtëpia e Bardhë ka thënë se Bideni do të marrë pjesë bashkë me zonjën e Parë, Jill Biden, zëvendës-presidentin Kamala Harris dhe burrin e saj, Doug Emhoff, në momentin e heshtjes dhe ceremonisë së ndriçimit.
Shetetet e Bashkuara të Amerikës kanë pasur më shumë se 28.1 milionë raste positive me COVID-19 që nga fillimi i pandemisë. / KultPlus.com
Presidenti i zgjedhur i SHBA-së, Joe Biden, planifikon ta publikojë një projektligj për imigracion në ditën e tij të parë në administratë, duke shpresuar që të ofrojë një rrugë tetëvjeçare drejt shtetësisë amerikane për rreth 11 milionë qytetarë që jetojnë në SHBA pa status ligjor, shkruan agjencia AP.
Është një ndryshim i madh nga administrata e Donald Trump, që kishte politika të ashpëra ndaj imigracionit.
Ky legjislacion e vë Bidenin në rrugën e duhur për të mbajtur premtimin e dhënë ndaj votuesve latinë dhe komuniteteve tjera imigrantë gjatë fushatës parazgjedhore. Po ashtu do të jetë një dallim i madh i politikave, pasi nën presidentin Donald Trump pati politika kufizuese dhe po ashtu dëbime masive.
Ky projektligj ofron rrugën më të shpejt drejt shtetësisë për ata që jetojnë pa status ligjor, por pritet ta ketë të vështirë kalimin në Kongres, pasi nuk pritet të ketë përkrahjen e republikanëve.
Projektligji pritet të prezantohet nesër, kur Biden të marrë drejtimin.
Nën legjislacionin, ata që jetojnë në SHBA nga 1 janari i vitit 2021, pa status ligjor do të kenë një rrugë pesëvjeçare drejt një statusi të përkohshëm ligjor, apo kratonit të gjelbër, nëse kalojnë gjitha kontrollet e nevojshme, paguajnë taksat dhe plotësojnë kushtet tjera bazë. Nga atje, janë edhe tri vjet drejt natyralizimit, nëse ata vendosin të ndjekin rrugën drejt marrjes së shtetësisë.
Pikërisht të hënënë, presidenti i Meksikës, Andres Manuel Lopez Obrador, i ka bërë thirrje SHBA-së të bëjë reforma të mëdha në politikat e imigracionit, pasi mijëra migrantë janë bllokuar nga policia në Guatemala.
Lopez Obrador ka thënë se shpreson që presidenti i zgjedhur i SHBA-së, Joe Biden, të pajtohet të punojë me Meksikën dhe shtetet tjera në këtë çështje.
Rreth 7000 migrantë, kryesisht nga Hondurasi, janë futur në Guatemala. Ata shpersojnë të udhëtojnë për në Meksikë e nga atje të arrijnë në SHBA. / KultPlus.com
Poetja 22-vjeçare Amanda Gorman, është zgjedhur të lexojë në inaugurimin e presidentit të zgjedhur Joe Biden, e cila ka histori të shkrimit në raste zyrtare. Leximi i saj të mërkurën e ardhshme, do ta vazhdojë traditën e presidentëve demokratë, për të cilët prezentë ishin poetë të njohur.
Poezia “On the pulse of morning” e shkruar në vitin 1993 në inaugurimin e presidentit Bill Clinton, shiti më shumë se 1 milion kopje kur u publikua në formën e librit.
Gorman do të jetë poetja më e re që ka marrë pjesë në inaugurime, ndërkaq ajo disa herë ka marrë edhe çmime si poetja më e mirë në Los Angeles, shkruan AP, transmeton KultPlus.
Gorman tha se ishte kontaktuar muajin e kaluar nga zyra e Bidenit. Ajo është takuar me figura publike të shumta, përfshirë Hillary Clinton dhe Michelle Obama, por asnjëherë me Bidenin. Poetja ka shtuar se zyrtarët nga zyra e tij i kishin thënë se zonja e parë në ardhje, Jill Biden, e ka rekomanduar atë.
Ajo e ka quajtur poemën e saj “The hill we climb”, ndërsa ka refuzuar të bëj publike ndonjë pjesë të saj.
Gorman tha se në poezi nuk do t’i referohet direkt ngjarjes që ndodhi në Capitol nga mbështetësit e Donald Trumpit, por se do të prekë nëpër të. / KultPlus.com
