Etiketë: bileta online

8 site të trashëgimisë kulturore me bileta online

Posted on by Kult Plus

Vizitorët e objekteve kulturore, vendas e të huaj, kanë edhe një alternativë tjetër, për blerjen e biletave. Për 8 site kulturore, biletat mund të blihen edhe online, madje çmimi i biletave online është më i lirë se në sportelet fizike.

Ministrja e Kulturës, Elva Margariti në një postim në rrjetet sociale, kujton se duke blerë biletat online, vizitorët do të mund të shmangin radhët e gjata, duke kursyer kohë dhe para.

Biletat janë të vlefshme online për Parkun Kombëtar të Butrintit, Muzeun Historik Kombëtar, Muzeun Kombëtar “Gjergj Kastrioti” Krujë, Muzeun Kombëtar ikonografik “Onufri”, Kalanë e Gjirokastrës, Kalanë e Shkodrës, Muzeun Kombëtar të Fotografisë “Marubi” dhe Parkun Arkeologjik Apoloni.

Biletat online mund të blihen ne myticket.al / atsh / KultPlus.com

Shërbim i ri i biletave online për muzetë dhe sitet e trashëgimisë kulturore

Posted on by KultPlus

Vizitorët që zgjedhin Shqipërinë si destinacion turistik tashmë do të kenë mundësinë të vizitojnë dhjetë muze dhe site të trashëgimisë tonë kulturore duke rezervuar biletat online.

Shërbimi i ri i biletarisë on line u prezantua sot nga ministrja e Kulturës, Elva Margariti së bashku me kreun e Bordit të Fondit Shqiptaro-Amerikan Të Zhvillimit Michael Granoff.

“Një mundësi e re, një shërbim më shumë për të gjithë vizitorët, që kanë zgjedhur Shqipërinë si destinacionin e radhës. Vizitat në dhjetë muze dhe site të trashëgimisë sonë kulturore janë vetëm një klik larg”, tha ministrja e Kulturës Elva Margariti.

“Së bashku me partnerin tonë, Fondin Shqiptaro-Amerikan të Zhvillimit prezantuam shërbimin e biletarisë on line. Kënaqësi të kryenim sot aktin simbolik të prerjes së një bilete on line me kreun e Bordit të AADF, Michael Granoff, një mbështetës i vizionit tonë për të ecur përpara. Me prekje të vogla, drejt projekteve më të mëdha”, u shpreh ministrja Margariti.  /atsh / KultPlus.com